မ︀တ︀်တ︀ႄး 13:23 - Khamti Shan

²³ ꩭွေၸ︀ꩫ︀်းဢ︀ꩫ︀်ႈတ︀ူက︀်ꩫ︀ိꩫ︀်ႈင︀ႂ်ႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီးပ︀ွင︀်ꩡ︀ႂ်ႈꩬ︀ီ ꩡ︀ွမ︀်းꩭီတ︀်ꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ၵ︀ဝ်ယ︀ႃႇꩡ︀ွမ︀်းၵ︀ၢဝ်ႈၵ︀ၢမ︀်းꩫ︀ီႈ ꩬ︀ီ လ︀ွင︀်ႈꩫ︀ီႈဢ︀ၢꩫ︀်တ︀ၢꩫ︀်ꩭီတ︀်ပ︀ီꩫ︀်ႈမ︀ႃးက︀ꩫ︀်ႈဢ︀ူ။ ꩫ︀င︀်ꩭွေၸ︀ꩫ︀်းဢ︀ꩫ︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ မ︀ၢင︀်ႈက︀ူဝ်ႇယ︀ႃႇ လ︀ွင︀်ႈꩫ︀ီႈပ︀ၢက︀်ꩡ︀ူး၊ မ︀ၢင︀်ႈက︀ူဝ်ႇယ︀ႃႇ ꩭူက︀်ꩬ︀ိပ︀်ꩡ︀ူးင︀ႆ︀း မ︀ၢင︀်ႈက︀ူဝ်ႇယ︀ႃႇ ꩬ︀ၢမ︀်ꩬ︀ိပ︀်ꩡ︀ူးꩭီတ︀်ပ︀ီꩫ︀်ႈမ︀ႃးက︀ꩫ︀်ႈဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 13:23 ပူးပေါင်းရင်းမြစ်များ

မ︀တ︀်တ︀ႄး 12:33

တ︀ူꩫ︀်ႛꩫ︀ီႈက︀ီး မ︀က︀်ꩫ︀ီႈဢ︀ူ။ တ︀ူꩫ︀်ႛမ︀ဝ်ꩫ︀ီႈက︀ီး မ︀က︀်က︀ေႃႇꩵ︀ႈꩫ︀ီႈ။ မ︀က︀်မ︀ႆ︀ႛꩫ︀ူႈꩬ︀ီ တ︀ူꩫ︀်ႛꩫ︀ီႈမ︀ဝ်ꩫ︀ီႈꩫ︀ꩫ︀ႆ︀ႇတ︀ွင︀်းဢ︀ူ။

မ︀တ︀်တ︀ႄး 13:8

ꩫ︀ႆ︀ႇꩫ︀က︀ေႃႇ ꩭွေၸ︀ꩫ︀်းက︀မ︀်ႈၸ︀ွင︀်းယ︀ႃႇ ꩫ︀ိꩫ︀်ႈဢ︀ꩫ︀်ႈꩫ︀ီႈမ︀ႆ︀ႛ တ︀ူက︀်က︀ႃဢ︀ူ။ ꩭွေၸ︀ꩫ︀်းဢ︀မ︀ႂ်းၵ︀ဝ် တ︀ႅက︀်တ︀ူꩫ︀်ႛꩬ︀ီယ︀ႂ်မ︀ႃးက︀ီး က︀မ︀်ႈၸ︀ွင︀်းယ︀ႃႇ မ︀က︀်ပ︀ၢက︀်ꩡ︀ူး၊ က︀မ︀်ႈၸ︀ွင︀်းယ︀ႃႇ ꩭူက︀်ꩬ︀ိပ︀်ꩡ︀ူး၊ က︀မ︀်ႈၸ︀ွင︀်းယ︀ႃႇ ꩬ︀ၢမ︀်ꩬ︀ိပ︀်ꩡ︀ူးပ︀ီꩫ︀်ႈက︀ꩫ︀်ႈဢ︀ူ။

မ︀တ︀်တ︀ႄး 3:10

င︀ဝ်ႛတ︀ူꩫ︀်ႛမ︀ႆ︀ႛ ၵ︀ၢꩫ︀်ꩡ︀ၢမ︀်ထုက︀်ꩰဝႆ︀ႇယ︀ဝ်ႇ။ တ︀ူꩫ︀်ႛမ︀ႆ︀ႇဢ︀ꩫ︀်ႈက︀ႃႈꩡ︀ိုဝ်ႈမ︀က︀်ဢ︀ꩫ︀်ႈꩫ︀ီႈမ︀ဝ်ပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉင︀ဝ်ႛမ︀ႆ︀ႛ ပ︀မ︀်ႛမ︀ူတ︀်ꩰꩬ︀ီ တ︀ီꩬ︀ုမ︀်ၸ︀ႆ︀းၵ︀ွတ︀်ꩫ︀မ︀်။

မ︀တ︀်တ︀ႄး 3:8

ꩬ︀ူꩬ︀ၢင︀်ဝွေတ︀ေႇတ︀ေႇဢ︀ူꩫ︀က︀ီး ဢ︀ဝ်ႈတ︀ၢင︀်းက︀ႅင︀်းꩬ︀ူပ︀ျႃးက︀ꩫ︀်ႈတ︀ႃႉ။

မ︀ႃက︀ု 10:15

က︀ဝ်ႈတ︀ေႇတ︀ေႇဝႃႈက︀ွတ︀်။ ၸ︀ႂ်ꩫ︀က︀ေႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩭၢပ︀်ႉꩫ︀က︀ꩫ︀်ႈ မ︀ဝ်ꩭၢပ︀်ႉက︀ီး မ︀ိူင︀်းꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ” ꩫ︀ဝꩫ︀်ႇ။

မ︀ႃက︀ု 4:20

ꩫ︀ႆ︀ႇꩫ︀က︀ေႃႇ က︀ူꩫ︀်းက︀မ︀်ႈၸ︀ွင︀်းယ︀ႃႇ ꩭွေၸ︀ꩫ︀်းဢ︀ꩫ︀်ႈတ︀ူက︀်ꩫ︀ိꩫ︀်ႈဢ︀ꩫ︀်ႈင︀ႂ်ႈꩫ︀ီႈꩫ︀က︀ꩫ︀်ႈꩫ︀မ︀်။ ၵ︀ဝ်ယ︀ႃႇ ၵ︀ၢမ︀်းၸ︀ြႃးꩫ︀ႆ︀ႛꩥ︀ိꩫ︀်းက︀ီး ꩭၢပ︀်ႉဢ︀ဝ်ႈꩬ︀ီ က︀ူꩫ︀်းက︀မ︀်ႈၸ︀ွင︀်းယ︀ႃႇ မ︀က︀်ဢ︀ꩫ︀်ႈꩭီတ︀်လ︀ွင︀်ႈꩫ︀ီႈ ꩬ︀ၢမ︀်ꩬ︀ိပ︀်ꩡ︀ူးပ︀ီꩫ︀်ႈဢ︀ူ။ က︀မ︀်ႈၸ︀ွင︀်းယ︀ႃႇ ꩭူက︀်ꩬ︀ိပ︀်ꩡ︀ူး၊ က︀မ︀်ႈၸ︀ွင︀်းယ︀ႃႇ ပ︀ၢက︀်ꩡ︀ူး ပ︀ီꩫ︀်ႈက︀ꩫ︀်ႈဢ︀ူ” ꩫ︀ဝꩫ︀်ႇ။

လ︀ုက︀ႃ 13:9

မ︀ုက︀်ႉပ︀ီႈꩫ︀ႃႛ မ︀က︀်ပ︀ီꩫ︀်ႈꩵ︀ထၢင︀်ႇ။ မ︀ဝ်ပ︀ီꩫ︀်ႈက︀ီးꩬ︀ိုင︀် ꩭမ︀်ႛၵ︀ွတ︀်တ︀ႃႉ” ꩫ︀ဝꩫ︀်ႇ။

လ︀ုက︀ႃ 8:15

ꩫ︀ိꩫ︀်ႈဢ︀ꩫ︀်ႈꩫ︀ီႈမ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းက︀ီး မ︀တ︀်ႉꩫ︀ီႈꩫ︀ီႈင︀ႆ︀း တ︀ူဝ်ထိုင︀်မ︀က︀်ပ︀ီꩫ︀်ႈꩫ︀ီႈꩫ︀ီႈမ︀ႃးꩫ︀ႆ︀ႇ ꩭူဝ်ꩡ︀ႂ်ႈꩬ︀ိုဝ်ႈꩰတ︀ူဝ်ꩰထွမ︀်ꩡ︀ွမ︀်းꩫ︀ီႈꩫ︀ီႈ မ︀ႃးꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 8:8

ꩭွေၸ︀ꩫ︀်းက︀မ︀်ႈၸ︀ွင︀်းယ︀ႃႇ ꩫ︀ိꩫ︀်ႈꩫ︀ီႈမ︀ႆ︀ႛတ︀ူက︀်က︀ႃꩬ︀ီ တ︀ူꩫ︀်ႛတ︀ႅက︀်မ︀ႃးင︀ႆ︀း မ︀က︀်ပ︀ၢက︀်ꩡ︀ူဝ်ႈပ︀ီꩫ︀်ႈက︀ꩫ︀်ႈဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “ꩭူယ︀င︀်းက︀ီး ထွမ︀်က︀ꩫ︀်ႈတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 15:16

ꩬ︀ူꩵ︀ႈꩡ︀ႂ်ႈ က︀ဝ်ႈမ︀ႆ︀ႛလ︀ိူက︀်ႉဝႆ︀ႇꩫ︀ႆ︀ႇ။ က︀ဝ်ႈꩫ︀မ︀်ꩬ︀ူမ︀ႆ︀ႛ လ︀ိူက︀်ႉင︀ႆ︀းပ︀ွႆ︀ꩡ︀ႂ်ႇꩬ︀ီ ꩫ︀င︀်မ︀က︀်ဢ︀ꩫ︀်ႈမ︀ꩫ︀်ႛဢ︀ꩫ︀်ႈၵ︀ိူင︀်ꩫ︀က︀ꩫ︀်ႈ ꩭႂ်ႛက︀ႃပ︀ီꩫ︀်ႈꩫ︀ႆ︀ႇ။ ꩫ︀င︀်က︀ဝ်ႈဝႃႈꩫ︀က︀ꩫ︀်ႈ ꩬ︀ူက︀ႃꩭီတ︀်က︀ီး ပ︀ူဝ်က︀ဝ်ႈက︀ေႃႇ ဢ︀ꩫ︀်ႈꩫ︀င︀်ꩬ︀ူဢ︀ဝ်ႈꩡ︀ိုဝ်ႈက︀ဝ်ႈယ︀ွꩫ︀်းꩫ︀ႆ︀ႇꩭႂ်ႛဢ︀ူ။

ယ︀ေႃးꩭၢꩫ︀် 8:47

က︀ူဝ်ႇဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇ ၵ︀ၢမ︀်းꩡ︀ဝ်ႛၸ︀ြႃးထွမ︀်ဢ︀ူ။ ꩫ︀ႆ︀ႇꩫ︀က︀ေႃ ꩬ︀ူယ︀ႃႇလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ꩡ︀ႂ်ႈꩬ︀ီꩬ︀ႃး မ︀ဝ်ထွမ︀်ꩫ︀ႆ︀ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 16:14

ၸ︀ုင︀်ဢ︀မ︀ႂ်းမ︀ႆ︀ႛ လ︀ေတ︀ီယ︀ႃꩫ︀ꩫ︀ႆ︀ႇၸ︀ူႛယ︀ိင︀်းက︀ူဝ်ႇလ︀ိူင︀်ႈ က︀ူꩫ︀်းဝီင︀်းတ︀ွႃတ︀ိရ︀ ဢ︀ꩫ︀်ႈၸ︀ူႛက︀ႃႇမ︀ꩫ︀်ႛꩫ︀ႅင︀်ႈꩫ︀ႆ︀ႇ လ︀ွေႛဢ︀ူ။ မ︀ꩫ︀်းယ︀ႃႇၸ︀ူႛပ︀ႆ︀ၢႛဝႆ︀ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းၸ︀ူႛယ︀ိင︀်းဢ︀မ︀ႂ်း ၵ︀ၢမ︀်းၸ︀ြႃးဢ︀ꩫ︀်ႈပ︀ေႃလ︀ုꩭူဝ်းမ︀ႆ︀ႛ ꩡ︀ႂ်ႈလ︀ွေႛꩬ︀ီထွမ︀်ꩫ︀ႆ︀ႇ ꩭူဝ်ꩡ︀ႂ်ႈမ︀ꩫ︀်းမ︀ႆ︀ႛမ︀ေးꩭႅမ︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 17:11

က︀ူꩫ︀်းဝီင︀်းၿေရ︀ိꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈက︀ၢင︀်ႛꩡ︀ႂ်ႈတ︀ီမ︀်ႈꩬ︀ႃဢ︀ူ။ ၵ︀ဝ်ယ︀ႃႇတ︀ြႃးဢ︀ꩫ︀်ႈပ︀ေႃလ︀ုꩭူဝ်းမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်က︀ꩫ︀်ႈဢ︀ူ။ တ︀ြႃးဢ︀ꩫ︀်ႈမ︀ꩫ︀်းꩭူဝ်းꩫ︀ႆ︀ႇ ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇက︀ူႈမ︀ိုဝ်ႇက︀ူႈဝꩫ︀်း က︀ျမ︀်းလ︀ိက︀်ႉမ︀ႆ︀ႛလ︀ႅမ︀်းက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 9:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛꩭီတ︀်ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ꩫ︀်းတ︀မ︀ိူင︀်းဢ︀ꩫ︀်ႈက︀ိꩫ︀်ႈတ︀မ︀ိူင︀်းက︀မ︀်ႇထွက︀်ႉꩭႂ်ႛꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူၸ︀ူႛယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩡ︀ွႆ︀ႈပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛက︀ေႃႇက︀မ︀်ႇထွက︀်ႉꩭႂ်ႛꩬ︀ီ ဢ︀ေႈၵ︀ႅꩫ︀်းဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်။

ၸ︀ိလ︀ိပ︀်ပ︀ၢႆ︀ 1:11

င︀ႆ︀းက︀ီး ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛက︀ေႃႇ ꩫ︀မ︀်ႇꩡ︀ႂ်ႈဢ︀ꩫ︀်ႈꩫ︀ီႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀င︀် ဢ︀ဝ်ႈယ︀င︀်းꩭႂ်ႛပ︀ီꩫ︀်ႈꩫ︀ႆ︀ႇ တ︀ီမ︀်ႈက︀ုမ︀်မ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛက︀ꩫ︀်ႈမ︀ႃးဢ︀ူ။

ၸ︀ိလ︀ိပ︀်ပ︀ၢႆ︀ 4:17

က︀ဝ်ႈင︀ႆ︀းꩬ︀ီဝႃႈꩫ︀ႆ︀ႇ ၵ︀ႂ်ႈꩫ︀ႆ︀ႛၵ︀ွင︀်လ︀ူꩬ︀ီꩵ︀ႈꩡ︀ႂ်ႈ။ လ︀ုက︀်ႉၵ︀ွင︀်လ︀ူꩬ︀ူမ︀ႆ︀ႛ ꩭႂ်ႛပ︀ူဝ်းꩬ︀ူဢ︀က︀ိဝ်းꩫ︀ႆ︀ႛꩫ︀ႆ︀ႇꩫ︀မ︀်ဝႃႈꩫ︀ႆ︀ႇ။

က︀ေႃလ︀ေႃတ︀ႄ 1:10

င︀ႆ︀းက︀ီး ꩬ︀ူꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈဢ︀ူꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီꩭီတ︀်ပ︀ီꩫ︀်ႈမ︀ႃးꩫ︀မ︀်။ ꩬ︀ူမ︀ႆ︀ႛတ︀ၢင︀်းက︀ႅင︀်းဢ︀ꩫ︀်ႈꩫ︀ီႈက︀ူႈၸ︀ꩫ︀်း ယ︀င︀်းမ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီတ︀ွင︀်းဢ︀ိက︀်မ︀ႃးꩫ︀မ︀်။

က︀ေႃလ︀ေႃတ︀ႄ 1:6

ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ င︀ႆ︀ႚတ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ႃယ︀ဝ်ႇ။ လ︀ုက︀်ႉက︀ႃႈꩬ︀ူၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႛꩥ︀ိꩫ︀်းမ︀ႃးꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛ ပ︀ွင︀်ꩡ︀ႂ်ႈမ︀ႃးꩫ︀ႆ︀ႇ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ လ︀ႆ︀ၢႈမ︀ႃးက︀ꩫ︀်ႈယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူႈတ︀ီႈမ︀ႆ︀ႛက︀ေႃႇ ဢ︀က︀ိဝ်းဢ︀မ︀ႂ်းထိုင︀်က︀ႃꩬ︀ီ က︀ူꩫ︀်းꩫ︀ႆ︀ႇၵ︀ဝ် ꩡ︀ူဝ်ႈတ︀ႃႈဢ︀ꩬ︀ၢက︀်ႉ လ︀ႆ︀ၢႈမ︀ႃးက︀ꩫ︀်ႈယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ ꩬ︀ူမ︀ႆ︀ႛတ︀ူႈꩬ︀ွꩫ︀်ꩭႂ်ႛမ︀ႃးယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇ ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ၵ︀ႆ︀ႇမ︀ဝ်က︀ႃး က︀ၢပ︀်ꩬ︀ီꩬ︀ေႈꩡ︀ႃႉက︀ႃတ︀ႃႉꩫ︀ꩬ︀ီ ꩬ︀ူမ︀ႆ︀ႛဢ︀ဝ်ႈဢ︀ၵ︀ၢင︀်းꩡ︀ဝ်ႛယ︀ေꩬ︀ု တ︀ိက︀်ꩬ︀ူꩫ︀်းꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:10

က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးလ︀ွင︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛ မ︀ဝ်ꩭၢပ︀်ႉဢ︀ဝ်ႈꩬ︀ီ ဢ︀ꩫ︀်ႈတ︀ီလ︀ူႇꩬ︀ုမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ူႈၸ︀ꩫ︀်းက︀ူႈမ︀ိဝ်းတ︀ီၸ︀ၢမ︀်းꩫ︀မ︀်။

ꩭေပ︀ရ︀ူး 4:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်ၵ︀ဝ်ꩫ︀က︀ꩫ︀်ႈ ꩭဝ်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ ꩫ︀ႆ︀ႛꩥ︀ိꩫ︀်းꩬ︀ီက︀ေႃႇ ဢ︀ဝ်ႈꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈ မ︀ဝ်ꩭၢပ︀်ႉမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛဢ︀က︀ိဝ်းꩵ︀ႈယ︀င︀်းမ︀ႃး။

ꩭေပ︀ရ︀ူး 6:7

က︀ူꩫ︀်းꩭဝ်းယ︀ႃႇ ꩫ︀င︀်လ︀င︀်ꩫ︀ိꩫ︀်ႈꩫ︀က︀ꩫ︀်ႈꩫ︀မ︀်။ ꩫ︀ိꩫ︀်ႈꩫ︀ꩫ︀ႆ︀ႇ ꩫ︀မ︀်ႇၸ︀ူꩫ︀်က︀ိꩫ︀်ႈꩬ︀ီ တ︀ူꩫ︀်ႛၸ︀က︀်တ︀ူꩫ︀်ႛမ︀က︀် ဢ︀ꩫ︀်ႈဢ︀က︀ိဝ်းယ︀င︀်းꩫ︀ႆ︀ႇၵ︀ဝ် ꩡ︀ႃႇၸ︀ူႛပ︀ုက︀်ꩬ︀ွမ︀်ႛ ဢ︀ဝ်ႈပ︀ီꩫ︀်ႈꩭႂ်ႛက︀ီး လ︀င︀်ꩫ︀ိꩫ︀်ႈဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းပ︀ူင︀်ႈဢ︀ူ။

ꩭေပ︀ရ︀ူး 8:10

လ︀ိက︀်ႉၵ︀တ︀်ႉဢ︀ꩫ︀်ႈ က︀ꩫ︀်ႛလ︀င︀်မ︀ႆ︀ႛ က︀ဝ်ႈတ︀င︀်းဢ︀ီတ︀်ꩬ︀ြေးၵ︀ဝ် တ︀ီꩭီတ︀်ꩫ︀ႆ︀ႇယ︀ႃႇ ꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ ꩬ︀ိꩫ︀်က︀ဝ်ႈ တ︀ီꩬ︀ႂ်ꩭႂ်ႛꩫ︀မ︀်။ ဝႅꩫ︀်ႛꩡ︀ႂ်ႈၵ︀ဝ်မ︀ႆ︀ႛ က︀ဝ်ႈတ︀ီတ︀ႅမ︀်ႛꩭႂ်ႛꩫ︀မ︀်။ က︀ဝ်ႈ ပ︀ီꩫ︀်ႈၸ︀ြႃးၵ︀ဝ်ꩬ︀ီ ၵ︀ဝ်က︀ေႃႇ တ︀ီပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်။

ပ︀ေတ︀ရ︀ု ႒ 3:18

ꩬ︀ူယ︀ႃႇ ꩭႂ်ႛပ︀ူဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ဢ︀ီꩫ︀ူႈꩭၢက︀်ႉꩭွမ︀်မ︀ႆ︀ႛ ဢ︀ေႈၵ︀ႅꩫ︀်းꩭၢပ︀်ႉဢ︀ဝ်ႈꩫ︀ႆ︀ႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းထွမ︀်ꩡ︀ွမ︀်းက︀ႃက︀ꩫ︀်ႈတ︀ႃႉ။ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းဢ︀ိက︀်မ︀ႃးꩫ︀ႆ︀ႇက︀ေႃႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ က︀ူꩫ︀်းꩭဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀မ︀်ႈင︀ဝ်းက︀ꩫ︀်ႈက︀ႃတ︀ႃႉ။ ꩬ︀ႃႈထု။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။