မ︀တ︀်တ︀ႄး 13:19 - Khamti Shan

¹⁹ က︀ူꩫ︀်းဢ︀ꩫ︀်ႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ꩭွေၸ︀ꩫ︀်းဢ︀ꩫ︀်ႈတ︀ူက︀်တ︀ၢင︀်းꩫ︀က︀ꩫ︀်ႈꩫ︀မ︀်။ ၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႂ်းꩡ︀ႂ်ႈၵ︀ဝ်မ︀ႆ︀ႛဝၢꩫ︀်ဝႆ︀ႇꩫ︀ႆ︀ႇ ၵ︀ုꩫ︀်ꩬ︀ူင︀်မ︀ႃးꩡ︀ႆ︀ၢႛက︀ႃဢ︀ူ။

မ︀တ︀်တ︀ႄး 13:19 ပူးပေါင်းရင်းမြစ်များ

မ︀တ︀်တ︀ႄး 12:26

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ုꩫ︀်ꩬ︀ူင︀်ꩬ︀ိုင︀် ၸ︀ီꩭၢႆ︀ႇဢ︀ꩫ︀်ႈၵ︀ဝ်ႛက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭူဝ်ႛဢ︀ွက︀်က︀ီး ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛတ︀ိက︀်ပ︀ွက︀်ႉꩫ︀မ︀်။ င︀ႆ︀းက︀ီး မ︀ိူင︀်းမ︀ꩫ︀်းက︀ေႃႇ မ︀ဝ်ꩭိုင︀်က︀ꩬ︀င︀် လ︀ူႇပ︀ႅက︀်ႉက︀ႃဢ︀ူ။

မ︀တ︀်တ︀ႄး 13:20

ꩭွေၸ︀ꩫ︀်းဢ︀ꩫ︀်ႈတ︀ူက︀်ပ︀ႃꩭိꩫ︀် ဢ︀ꩫ︀်ႈၸ︀ိဝ်ꩫ︀ိꩫ︀်ႈမ︀ၢင︀်ႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈမ︀ွင︀်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းယ︀ႃႇꩭုမ︀်ꩰꩡ︀ူမ︀်းꩰꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

မ︀တ︀်တ︀ႄး 13:38

ꩫ︀ႃးယ︀ႃႇ မ︀ိူင︀်းက︀ၢင︀်ႈꩫ︀ႆ︀ႇꩫ︀မ︀်။ ၸ︀ꩫ︀်းၵ︀ဝ်ႛꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။ ꩭွေၸ︀ꩫ︀်းဝင︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။

မ︀တ︀်တ︀ႄး 4:23

ꩡ︀ဝ်ႛယ︀ေꩬ︀ု တ︀ိူင︀်းက︀ႃလ︀ိလ︀ႄးတ︀င︀်းတ︀ိူင︀်းမ︀ႆ︀ႛက︀ႃꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်တ︀ြႃးꩭႂ်ႛဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩭူဝ်းꩬ︀ီ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 5:37

ꩡ︀ႂ်ႈက︀ီးꩡ︀ႂ်ႈဢ︀ူ။ မ︀ဝ်ꩡ︀ႂ်ႈက︀ီးꩵ︀ႈꩡ︀ႂ်ႈꩫ︀ꩫ︀ႆ︀ၢႈဝႃႈတ︀ႃႉ။ ဢ︀မ︀ႂ်းမ︀ႆ︀ႛလ︀ိူဝ်ꩬ︀ီဝႃႈက︀ီး ၵ︀ၢမ︀်းဢ︀မ︀ႂ်းယ︀ႃႇ ဢ︀ꩫ︀်ႈလ︀ုက︀်ႉၵ︀ုꩫ︀်ꩬ︀ူင︀်မ︀ႆ︀ႛမ︀ႃးꩫ︀မ︀်။

မ︀ႃက︀ု 4:15

က︀ူꩫ︀်းက︀မ︀်ႈၸ︀ွင︀်းယ︀ႃႇ ꩫ︀င︀်ꩭွေၸ︀ꩫ︀်းဢ︀ꩫ︀်ႈတ︀ူက︀်ၵ︀ူꩫ︀်တ︀ၢင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ မ︀ွင︀်းၵ︀ဝ်ꩫ︀ႆ︀ႛꩥ︀ိꩫ︀်းၵ︀ၢမ︀်းၸ︀ြႃးယ︀ႃႇ ၵ︀ုꩫ︀်ꩬ︀ူင︀်မ︀ႃးꩬ︀ီ လ︀ုက︀်ႉꩭူဝ်ꩡ︀ႂ်ႈၵ︀ဝ်မ︀ႆ︀ႛ ၵ︀ၢမ︀်းၸ︀ြႃးꩡ︀ၢႆ︀ႛက︀ႃဢ︀ူ။

လ︀ုက︀ႃ 10:9

ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူꩫ︀်းဝီင︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈꩫ︀ီႈꩭႂ်ႛꩬ︀ီ “မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛတ︀ီတ︀င︀်ႛတ︀ေယ︀ဝ်ႇ” ꩫ︀ꩬ︀ီ ဝႃႈတ︀ႃႉ။

လ︀ုက︀ႃ 9:2

ၵ︀ၢဝ်ႈၵ︀ၢမ︀်း လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛက︀ႃꩭူဝ်းဢ︀ူ။ ၸ︀ူႛၵ︀ႆ︀ႛၸ︀ူႛꩡ︀ီပ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭႂ်ႛက︀ႃဢ︀ဝ်ႈꩫ︀ီႈဢ︀ူ။

ယ︀ေႃးꩭၢꩫ︀် 18:38

ၵ︀ုꩫ︀်ပ︀ိလ︀ၢတ︀်ယ︀ႃႇ “ꩬ︀မ︀်မ︀ႃတ︀ြႃးꩫ︀ꩫ︀ႆ︀ႇက︀ꩬ︀င︀်ꩫ︀ႆ︀” ꩫ︀ဝꩫ︀်ႇ။ ယ︀ဝ်ႇက︀ီး ၵ︀ုꩫ︀်ပ︀ိလ︀ၢတ︀်ယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛဢ︀ွက︀်မ︀ႃးꩬ︀ီ “က︀ဝ်ႈ မ︀ꩫ︀်းမ︀ႆ︀ႛဢ︀ပ︀ႅတ︀်ႉဢ︀ꩫ︀်ႈတ︀ီꩭႂ်ႛတ︀ၢမ︀်တ︀ႆ︀ၢႈ ဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇꩵ︀ႈꩭꩫ︀်။

ယ︀ေႃးꩭၢꩫ︀် 8:43

ဢ︀ꩫ︀်ႈက︀ဝ်ႈဝႃႈမ︀ႆ︀ႛ ꩬ︀ူမ︀ဝ်ပ︀ွင︀်ꩡ︀ႂ်ႈက︀ꩫ︀်ႈꩫ︀ႆ︀ႇ ၵ︀ၢမ︀်းက︀ဝ်ႈမ︀ႆ︀ႛ ꩬ︀ူꩭၢပ︀်ႉထွမ︀်မ︀ဝ်ပ︀ီꩫ︀်ႈꩬ︀ီꩬ︀ႃး။

ထဝ်ꩡ︀တ︀်ႉၵ︀ဝ် 17:32

က︀ူꩫ︀်းက︀မ︀်ႈၸ︀ွင︀်းယ︀ႃႇ လ︀ွင︀်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး ꩭီတ︀်ꩬ︀ွင︀်းၵ︀ူဝ်က︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇက︀မ︀်ႈၸ︀ွင︀်းယ︀ႃႇ “လ︀ွင︀်ႈဢ︀ꩫ︀်ႈꩬ︀ူဝႃႈꩫ︀ႆ︀ႇ တ︀ူႈၵ︀ႂ်ႈꩫ︀ႆ︀ႛꩥ︀ိꩫ︀်းဢ︀ိက︀်ဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 18:15

ꩫ︀ႆ︀ႇꩫ︀က︀ေႃႇဢ︀ꩫ︀်ႈꩫ︀ႆ︀ႇယ︀ႃႇ ဢ︀မ︀ူးဢ︀ꩫ︀်ႈထီင︀်ၵ︀ၢမ︀်းလ︀ွင︀်ႈတ︀ြႃးꩬ︀ူၸ︀ူႛꩡ︀ဝ်ႛꩫ︀ႆ︀ၢႈꩫ︀မ︀်။ လ︀ုက︀်ႉၵ︀ၢမ︀်းꩫ︀ၵ︀ႃ ꩡ︀ိုဝ်ႈဢ︀ꩫ︀်ႈꩬ︀ူထီင︀်က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းက︀ီး တ︀င︀်းပ︀ိူင︀်ႈတ︀ြႃးꩬ︀ူၸ︀ူႛꩡ︀ဝ်ႛꩫ︀ၢႆ︀းꩬ︀ိုင︀်ꩬ︀ႅင︀်ꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛꩬ︀ိုင︀် ပ︀ႅတ︀်ႉတ︀ြႃးတ︀ႃႉ။ က︀ဝ်ႈꩵ︀ႈတ︀တ︀်ယ︀ဝ်ႇ” ꩫ︀ဝႃႈꩬ︀ီ

ထဝ်ꩡ︀တ︀်ႉၵ︀ဝ် 20:25

ꩬ︀ူꩡ︀ဝ်ႛတ︀င︀်းမ︀ိူင︀်းမ︀ႆ︀ႛက︀ဝ်ႈပ︀ꩫ︀်ꩬ︀ီ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛတ︀ႅဝ်ꩭူဝ်းမ︀ႃးယ︀ဝ်ႇ။ လ︀ႃႉꩫ︀ႆ︀ႇယ︀ႃႇ ꩬ︀ူꩡ︀ဝ်ႛꩫ︀ႃႛက︀ဝ်ႈမ︀ႆ︀ႛ ꩵ︀ႈꩫ︀ႆ︀ႛꩭꩫ︀်ဢ︀ိက︀်ယ︀ဝ်ႇꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 28:23

ယ︀ဝ်ႇက︀ီးၵ︀ဝ်ယ︀ႃႇ ဝꩫ︀်းၵ︀တ︀်ꩭႂ်ႛဢ︀ူ။ ဝꩫ︀်းဢ︀ꩫ︀်ႈꩫ︀တ︀်က︀ꩫ︀်ႈမ︀ႆ︀ႛ တ︀ီႈဢ︀ꩫ︀်ႈပ︀ေႃလ︀ုဢ︀ူမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်မ︀ႃးက︀ꩫ︀်ႈဢ︀ူ။ ပ︀ေႃလ︀ုယ︀ႃႇ လ︀ုက︀်ႉက︀ၢင︀်ႈလ︀ႂ်မ︀ႆ︀ႛ ဢ︀ဝ်ႈထိုင︀်ၸ︀ၢႆ︀ပ︀ၢင︀်ႛၵ︀မ︀်ႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈပ︀ျႃးꩭႂ်ႛဢ︀ူ။ လ︀ွင︀်ႈꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေင︀ႆ︀း က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩡ︀ွက︀်ꩬ︀ီ ꩭႂ်ႛပ︀ူဝ်းၵ︀ဝ်ပ︀ွင︀်ꩡ︀ႂ်ႈꩫ︀ႆ︀ႇ ꩭူဝ်းၵ︀ႆ︀ႈꩭႂ်ႛဢ︀ူ။

ရ︀ေႃမ︀ 1:28

ၸ︀ြႃးပ︀ီꩫ︀်ႈꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇမ︀ႆ︀ႛ ၵ︀ဝ်မ︀ဝ်ၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛ ၵ︀ွတ︀်ꩬ︀ီ ꩡ︀ႂ်ႈမ︀ိူက︀်ႉၵ︀ဝ်ꩫ︀ႆ︀ႇ ၵ︀ဝ်မ︀ႆ︀ႛပ︀ေႇထူမ︀်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ဝ်ဢ︀ူမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းꩭီတ︀်ဢ︀ူꩫ︀မ︀်။

ရ︀ေႃမ︀ 14:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈဢ︀ꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ တ︀င︀်းဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်မ︀ဝ်ဝႃႈက︀ိꩫ︀်ႈꩫ︀ꩫ︀ႆ︀ႇꩵ︀ႈလ︀ႅင︀်က︀ꩫ︀်ႈ။ တ︀င︀်းဢ︀ꩫ︀်ႈပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰꩬ︀ီဢ︀ူ၊ ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူင︀ႆ︀း ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ꩭုမ︀်ꩰꩡ︀ူမ︀်းꩰဢ︀ူꩫ︀ႆ︀ႇၵ︀ဝ်ꩫ︀မ︀်လ︀ႅင︀်က︀ꩫ︀်ႈꩫ︀ႆ︀ႇ။

ရ︀ေႃမ︀ 2:8

က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်၊ ဢ︀ꩫ︀်ႈထုက︀်ꩭီတ︀်ꩫ︀ႆ︀ႇမ︀ဝ်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀င︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ တ︀ီတ︀ေႃးꩬ︀ႃးလ︀ူင︀်ꩫ︀မ︀်။

ဢ︀ေၸ︀ႅတ︀် 3:8

က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:12

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးꩡ︀ဝ်ႛယ︀ေꩬ︀ုမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩬ︀ီ ထုက︀်ꩡ︀ႂ်ႈတ︀ၢင︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်ဢ︀ပ︀ႅတ︀်ႉက︀ႃꩫ︀မ︀်။

ꩭေပ︀ရ︀ူး 2:1

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ဝ်ပ︀ႅက︀်တ︀ၢင︀်းက︀ႃꩫ︀ႆ︀ႇ ဢ︀ꩫ︀်ႈꩭဝ်းꩫ︀ႆ︀ႛꩥ︀ိꩫ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ႉထွမ︀်ꩫ︀ီႈꩫ︀ီႈ က︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 3:12

ꩭဝ်းယ︀ႃႇ ꩫ︀င︀်က︀ႃဢ︀ိꩫ︀ꩫ︀က︀ꩫ︀်ႈ ꩵ︀ႈဝႃႈꩭီတ︀်။ မ︀ꩫ︀်းယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀ႆ︀ႇꩬ︀ီ ၸ︀ူႛꩫ︀ွင︀်ႇမ︀ꩫ︀်းဢ︀ႃၿေလ︀မ︀ႆ︀ႛ ဢ︀ဝ်ႈတ︀ႆ︀ၢႈꩫ︀မ︀်။ မ︀ꩫ︀်းလ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ ၸ︀ူႛꩫ︀ွင︀်ႇမ︀ꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈꩫ︀ႆ︀ႇꩫ︀က︀ီး ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩫ︀ႆ︀ႇၸ︀ိတ︀်င︀ႆ︀း ဢ︀ꩫ︀်ႈꩫ︀ွင︀်ႇꩡ︀ႆ︀ၢးမ︀ꩫ︀်းꩭီတ︀်ꩫ︀ႆ︀ႇယ︀ႃႇ ꩬ︀ိုဝ်ႈꩡ︀ႂ်ႈꩬ︀ီꩫ︀မ︀်။

ယ︀ေႃးꩭၢꩫ︀် ႑ 5:18

က︀ူဝ်ႇဢ︀ꩫ︀်ႈပ︀ီꩫ︀်ႈ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် က︀ၢပ︀်ꩬ︀ီꩵ︀ႈꩭီတ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ က︀ုမ︀်ႇꩭႂ်ႛꩫ︀ႆ︀ႇꩬ︀ီ ၵ︀ုꩫ︀်ꩬ︀ူင︀်ယ︀ႃႇ ၵ︀ဝ်မ︀ႆ︀ႛꩭီတ︀်ၸ︀ေးꩵ︀ႈꩫ︀ႆ︀ႛ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။