မ︀တ︀်တ︀ႄး 11:28 - Khamti Shan

²⁸ က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉယ︀င︀်းꩬ︀ီ ꩫ︀ွင︀်ꩡ︀ႂ်ႈꩫ︀ွင︀်ၵ︀ူဝ်းꩫ︀ႆ︀ႇၵ︀ဝ်ꩴ︀း က︀ဝ်ႈမ︀ႆ︀ႛမ︀ႃးက︀ꩫ︀်ႈတ︀ႃႉ။ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛက︀ွတ︀်။

မ︀တ︀်တ︀ႄး 11:28 ပူးပေါင်းရင်းမြစ်များ

မ︀တ︀်တ︀ႄး 11:29

တ︀ြႃးက︀ဝ်ႈꩭၢပ︀်ႉဢ︀ဝ်ႈꩬ︀ီ လ︀ုက︀်ႉက︀ဝ်ႈမ︀ႆ︀ႛꩬ︀ွꩫ︀်ဢ︀ဝ်ႈတ︀ႃႉ။ ꩡ︀ႂ်ႈက︀ဝ်ႈယ︀ႃႇ ဢ︀ူꩫ︀်ႛဢ︀ွꩫ︀်က︀ွမ︀်းꩫ︀ွမ︀်းꩫ︀ႆ︀ႇꩬ︀ီ ꩬ︀ူတ︀ီꩫ︀ႆ︀ႛက︀တ︀်ယ︀ီꩫ︀်ႈၵ︀ျမ︀်းꩬ︀ႃꩫ︀မ︀်။

မ︀တ︀်တ︀ႄး 23:4

ၵ︀ဝ်ယ︀ႃႇ က︀ၢꩫ︀်းဢ︀ꩫ︀်ႈꩫ︀က︀်ꩬ︀ီမ︀ႅက︀်ယ︀ပ︀်ꩫ︀ႆ︀ႇၵ︀ဝ် ပ︀ိူꩫ︀်ႈမ︀ႆ︀ႛꩭႂ်ႛမ︀ႅက︀်ဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ၸ︀ူႛꩡ︀ဝ်ႛယ︀ႃႇ က︀ၢꩫ︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈပ︀ႆ︀ၢႈမ︀ိုဝ်းꩫ︀ႆ︀ၢႈက︀ေႃႇꩵ︀ႈၵ︀ႂ်ႈတ︀ႅတ︀်ႉ။

ယ︀ေႃးꩭၢꩫ︀် 6:37

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛတ︀ီꩡ︀ွမ︀်းက︀ꩫ︀်ႈꩬ︀ႃး။ က︀ဝ်ႈက︀ေႃႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ီၵ︀ွတ︀်ဝႆ︀ႇꩵ︀ႈꩡ︀ႂ်ႈ။

ယ︀ေႃးꩭၢꩫ︀် 7:37

ဝꩫ︀်းပ︀ွႆ︀းꩬ︀ုတ︀် ဝꩫ︀်းဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႆ︀ႛယ︀ႃႇ ꩡ︀ဝ်ႛယ︀ေꩬ︀ုလ︀ုက︀်ႉꩬ︀ီ “ၸ︀ူႛဢ︀ꩫ︀်ႈက︀ုတ︀်ꩫ︀မ︀်ႇၵ︀ဝ်ꩴ︀း က︀ဝ်ႈမ︀ႆ︀ႛမ︀ႃးက︀ꩫ︀်ႈတ︀ႃႉ။

ထဝ်ꩡ︀တ︀်ႉၵ︀ဝ် 15:10

င︀ႆ︀းက︀ီးꩭီတ︀်က︀ꩬ︀င︀်ꩫ︀ႆ︀ ꩬ︀ူယ︀ႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛၵ︀ႂ်ႈꩡ︀ၢမ︀်းꩫ︀ႆ︀ႇ။ က︀ၢꩫ︀်းဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀မ︀ိူင︀်း၊ ꩭဝ်းတ︀မ︀ိူင︀်းက︀ေႃႇ မ︀ႅက︀်မ︀ဝ်ပ︀ီꩫ︀်ႈꩫ︀ႆ︀ႇ ꩭီတ︀်က︀ꩬ︀င︀်ꩫ︀ႆ︀ၵ︀ဝ်မ︀ႆ︀ႛၵ︀ႂ်ႈꩭႂ်ႛမ︀ႅက︀်ꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 20:35

ꩬ︀ူꩡ︀ဝ်ႛက︀ေႃႇ ꩭႂ်ႛပ︀ူဝ်းꩫ︀င︀်က︀ဝ်ႈꩫ︀က︀ꩫ︀်ႈ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭီတ︀်ဢ︀မ︀ူးꩬ︀ေႈꩡ︀ႃႉꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩡ︀ွႆ︀ႈꩭႂ်ႛꩫ︀ႆ︀ႇ က︀ဝ်ႈပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈ “က︀ူဝ်ႇဢ︀ꩫ︀်ႈၸ︀ူႛꩭႂ်ႛꩫ︀ႆ︀ႇ ဢ︀ꩫ︀်ႈၸ︀ူႛꩭၢပ︀်ႉဢ︀ဝ်ႈမ︀ႆ︀ႛ မ︀ၢင︀်က︀လ︀ႃယ︀င︀်းꩬ︀ႃဢ︀ူ” ꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

က︀လ︀ႃတ︀ိ 5:1

ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛမ︀ႃးတ︀ေႇတ︀ေႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩫ︀င︀်က︀ူꩫ︀်းလ︀ွတ︀်ႉꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩫ︀င︀်ၵ︀ႃႛက︀ျမ︀်းꩬ︀ိꩫ︀်ꩫ︀က︀ꩫ︀်ႈ ပ︀ီဢ︀ူပ︀ွက︀်ႉက︀ꩫ︀်ႈယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:7

က︀ူꩫ︀်းဢ︀ꩫ︀်ႈꩫ︀င︀်င︀ႆ︀ႚꩭဝ်းꩫ︀က︀ꩫ︀်ႈ ယ︀ပ︀်ယ︀ၢက︀်ႉꩬ︀ၢင︀်းလ︀ေးꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၵ︀ုꩫ︀်ꩬ︀ၢင︀်ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ꩫ︀ႆ︀ႇၵ︀ဝ် လ︀ွမ︀်ႇလ︀ၢမ︀်က︀ꩫ︀်ႈꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ဢ︀ဝ်ႈမ︀ုက︀်ႉၸ︀ႆ︀းလ︀ူင︀်က︀ျွႃးလ︀ူင︀်းမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ူင︀်ႈတ︀ၢမ︀်ꩫ︀မ︀်။

ꩭေပ︀ရ︀ူး 4:1

ꩡ︀ႃႇလ︀ိူင︀်ႈ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ႃႇꩭဝ်း ၵ︀ဝ်ႛတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛꩫ︀ႆ︀ႇ ယ︀င︀်းဢ︀ူꩫ︀ႆ︀ႇꩬ︀ီ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩫ︀ႆ︀ႛၵ︀ဝ်ႛ ꩭႂ်ႛပ︀ူဝ်းမ︀ဝ်ယ︀င︀်းꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ၿျႃၻိက︀်ႉ 22:17

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ူႛꩬ︀ၢဝ်မ︀ႂ်ပ︀ူႇဢ︀ွꩫ︀်ယ︀ႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ဝꩫ︀်ႇ။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ꩬ︀ီဝႃႈက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ် မ︀ႃးက︀ꩫ︀်ႈတ︀ႃႉ။ ၸ︀ႂ်မ︀ဝ်ဝႃႈ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ ၵ︀ႂ်ႈꩫ︀ႆ︀ႛက︀ီး က︀ႃႈမ︀ဝ်ꩭႂ်ႛꩬ︀ီ မ︀ႃးဢ︀ဝ်ႈတ︀ႃႉ။