မ︀တ︀်တ︀ႄး 11:22 - Khamti Shan

²² က︀ဝ်ႈဝႃႈက︀ွတ︀်။ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ဝီင︀်းတ︀ုရ︀ု ꩫ︀ၵ︀ႃဝီင︀်းꩡ︀ိတ︀ုင︀်မ︀ႆ︀ႛလ︀ိူမ︀်ꩬ︀ႃꩬ︀ီ ꩬ︀ူမ︀ႆ︀ႛတ︀ီၵ︀ႅꩫ︀်းပ︀ူင︀်ႈတ︀ၢမ︀်ꩬ︀ႃး။

မ︀တ︀်တ︀ႄး 11:22 ပူးပေါင်းရင်းမြစ်များ

မ︀တ︀်တ︀ႄး 10:15

က︀ဝ်ႈဝႃႈက︀ွတ︀်။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ဝီင︀်းꩬ︀ေႃတ︀ုင︀်ꩫ︀ၵ︀ႃက︀ေႃမ︀ေႃရ︀မ︀ႆ︀ႛ လ︀ိူမ︀်ꩬ︀ႃꩬ︀ီ ဝီင︀်းဢ︀မ︀ႂ်းမ︀ႆ︀ႛတ︀ီပ︀ူင︀်ႈတ︀ၢမ︀်ꩫ︀မ︀်။

မ︀တ︀်တ︀ႄး 11:21

“က︀ူꩫ︀်းဝီင︀်းၵ︀ေႃရ︀ꩡ︀ိင︀်ၵ︀ဝ်ꩴ︀း ꩡ︀ႃႇꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ူꩫ︀်းဝီင︀်းပ︀ႅတ︀်ꩡ︀ႄးတ︀ၵ︀ဝ်ꩴ︀း ꩡ︀ႃႇꩬ︀ူက︀ေႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩬ︀င︀်ဝႃႈ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈꩬ︀ူမ︀ႆ︀ႛပ︀ျႃးမ︀ႃးꩫ︀ႆ︀ႇၵ︀ဝ် ဝီင︀်းတ︀ုရ︀ု ꩫ︀ၵ︀ႃဝီင︀်းꩡ︀ိတ︀ုင︀်ဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ပ︀ျႃးမ︀ႃးက︀ီး က︀ူꩫ︀်းဝီင︀်းဢ︀မ︀ႂ်းၵ︀ဝ်ယ︀ႃႇ ၸ︀ႃႛထွေးလ︀ႃꩫ︀ႆ︀ႇၵ︀ဝ်မ︀ႆ︀ႈင︀ႆ︀း က︀ုမ︀်ꩭူဝ်ၵ︀ဝ်မ︀ႆ︀ႛ တ︀ဝ်ႈ ꩫ︀ႆ︀ႇၵ︀ဝ်ၸ︀ၢဝ်ꩬ︀ီၵ︀ဝ်ꩬ︀ၢင︀်ဝွေဢ︀ူꩫ︀ꩫ︀ႆ︀ႇလ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ တ︀ီပ︀ျႃးက︀ꩫ︀်ႈမ︀ႃးꩬ︀ႃး။

မ︀တ︀်တ︀ႄး 11:24

က︀ဝ်ႈဝႃႈက︀ွတ︀်။ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ဝီင︀်းဢ︀မ︀ႂ်းမ︀ႆ︀ႛလ︀ိူမ︀်ꩬ︀ႃꩬ︀ီ ဝီင︀်းꩬ︀ူမ︀ႆ︀ႛတ︀ီၵ︀ႅꩫ︀်းပ︀ူင︀်ႈတ︀ၢမ︀်ꩬ︀ႃး” ꩫ︀ဝꩫ︀်ႇ။

မ︀တ︀်တ︀ႄး 12:36

ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းတ︀ၢꩫ︀်ႛမ︀ႃးက︀ူႈက︀ူဝ်ႇမ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ဢ︀ပ︀ႅတ︀်ႉမ︀ဝ်ပ︀ိတ︀်ႉꩫ︀မ︀်။

လ︀ုက︀ႃ 10:14

ဝꩫ︀်းမ︀ိူဝ်ႈပ︀ႅတ︀်ႉတ︀ြႃးꩫ︀ႆ︀ႇ ၵ︀ꩫ︀်က︀ႃႈဝီင︀်းတ︀ုရ︀ုꩫ︀ၵ︀ႃꩡ︀ိတ︀ုင︀်မ︀ဝ်က︀ႃး ꩬ︀ူတ︀ီꩫ︀ႆ︀ႛၵ︀ၢမ︀်ꩬ︀ႃး။

ꩭေပ︀ရ︀ူး 2:3

တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩭဝ်းဝႆ︀ႇꩬ︀ႆ︀ၢႇက︀ီး လ︀ုက︀်ႉတ︀ၢမ︀်ဢ︀ပ︀ႅတ︀်ႉမ︀ႆ︀ႛ ꩭလ︀ိုဝ်က︀ေႃႇꩵ︀ႈလ︀ွတ︀်ႉ။ တ︀ၢင︀်းၵ︀ေꩬ︀ေꩫ︀ႆ︀ႇ ꩡ︀ဝ်ႛယ︀ေꩬ︀ုၸ︀ူႛꩡ︀ဝ်ႛ တ︀ႅဝ်ဢ︀ွꩫ︀်ႈမ︀ႃးꩬ︀ီ က︀ူꩫ︀်းဢ︀ꩫ︀်ႈꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇ ꩭဝ်းမ︀ႆ︀ႛ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ။

ပ︀ေတ︀ရ︀ု ႒ 2:9

င︀ႆ︀းꩫ︀ႆ︀ႇꩬ︀ီ လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ ဢ︀ꩫ︀်ႈမ︀ဝ်က︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူဝ်ထိုင︀်ဝꩫ︀်းပ︀ႅတ︀်ႉတ︀ြႃးပ︀ႆ︀ၢႈꩭၢင︀်လ︀ေႚလ︀ေႚ တ︀ီပ︀ူင︀်ႈတ︀ၢမ︀်က︀ႃꩫ︀မ︀်။

ပ︀ေတ︀ရ︀ု ႒ 3:7

ꩫ︀ႆ︀ႇꩫ︀က︀ေႃႇ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈဢ︀ꩫ︀်ႈင︀ႆ︀ႚမ︀ႆ︀ႛယ︀ႃႇ က︀ႃႈဝꩫ︀်းဢ︀ꩫ︀်ႈပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ဝ်ႈမ︀ꩫ︀်ႛတ︀ိူင︀်ႈဝႆ︀ႇဢ︀ူ။ ဝꩫ︀်းဢ︀မ︀ႂ်းထိုင︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈꩫ︀ႆ︀ႇမ︀ႆ︀ႛ ꩬ︀ုမ︀်ၸ︀ႆ︀းၵ︀ွတ︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ႅတ︀်ႉတ︀ြႃးꩬ︀ီ တ︀ီဢ︀ဝ်ႈလ︀ူႇပ︀ႅက︀်ႉက︀ႃꩫ︀မ︀်။

ယ︀ေႃးꩭၢꩫ︀် ႑ 4:17

ꩭဝ်းပ︀ိူꩫ︀်ႈမ︀ႆ︀ႛꩭၢက︀်ႉꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈဢ︀ူက︀ီး ဝꩫ︀်းမ︀ိူဝ်ႈမ︀ꩫ︀်းꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩭဝ်းဢ︀ꩫ︀်ႈဝႃႈက︀ူဝ်ႈꩵ︀ႈယ︀င︀်း။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈမ︀ႅတ︀်ႉတ︀ႃꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭလ︀ိုဝ်ဢ︀ဝ်ႈတ︀ီမ︀်ႈက︀ုမ︀်ꩫ︀ꩫ︀ႆ︀ႇꩫ︀မ︀်။

ၿျႃၻိက︀်ႉ 20:11

ဝႆ︀ၢးဢ︀မ︀ႂ်း ပ︀လ︀ၢင︀်ၸ︀ိူက︀်လ︀ူင︀်င︀ႆ︀း ꩡ︀ဝ်ႛဢ︀ꩫ︀်ႈꩫ︀င︀်ႈပ︀လ︀ၢင︀်ဢ︀မ︀ႂ်းမ︀ႆ︀ႛ က︀ဝ်ႈꩭꩫ︀်ဢ︀ူ။ က︀ၢင︀်ႈꩭၢဝ်ꩫ︀ၵ︀ႃ လ︀င︀်ꩫ︀ိꩫ︀်ႈယ︀ႃႇ လ︀ုက︀်ႉပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ က︀ꩡ︀ူးပ︀ႆ︀ၢႈꩭႆ︀ၢꩫ︀ႆ︀ၢႈက︀ႃလ︀ေႚလ︀ေႚဢ︀ူ။

ၿျႃၻိက︀်ႉ 20:12

ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။