မ︀တ︀်တ︀ႄး 11:11 - Khamti Shan

¹¹ က︀ဝ်ႈဝႃႈက︀ွတ︀်။ ꩬ︀ြႃယ︀ေႃးꩭၢꩫ︀်ယ︀ႃႇ က︀ူꩫ︀်းမ︀ိူင︀်းက︀ၢင︀်ႈတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။ ꩫ︀ႆ︀ႇꩫ︀က︀ေႃႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ က︀ူဝ်ႇဢ︀ꩫ︀်ႈက︀ွႆ︀ႛလ︀ေႚလ︀ေႚꩫ︀ႆ︀ၢႈက︀ေႃႇ ꩬ︀ြႃယ︀ေႃးꩭၢꩫ︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

မ︀တ︀်တ︀ႄး 11:11 ပူးပေါင်းရင်းမြစ်များ

မ︀တ︀်တ︀ႄး 11:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်ယ︀ႃႇ က︀ူဝ်ႇဢ︀ꩫ︀်ႈ “ထွမ︀်တ︀ႃႉ။ ၸ︀ူႛꩡ︀ႂ်ႇက︀ဝ်ႈမ︀ႆ︀ႛ က︀ꩫ︀်ႛꩫ︀ႃႛမ︀ႂ်းမ︀ႆ︀ႛ က︀ဝ်ႈတ︀ီပ︀ွႆ︀ꩡ︀ႂ်ႇꩫ︀မ︀်။ မ︀ꩫ︀်းယ︀ႃႇ တ︀ၢင︀်းꩡ︀ႃႇမ︀ႂ်း တ︀ီꩭႅမ︀်းဝႆ︀ႇꩫ︀မ︀်” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇꩫ︀မ︀်။

မ︀တ︀်တ︀ႄး 11:12

လ︀ုက︀်ႉမ︀ိူဝ်ႈꩬ︀ြႃယ︀ေႃးꩭၢꩫ︀် က︀ူဝ်ꩭူဝ်းတ︀ြႃးပ︀ုꩫ︀်ႛ တ︀ူဝ်ထိုင︀်င︀ႆ︀ႚ က︀ူꩫ︀်းꩭႆ︀ၢႇꩫ︀ႆ︀ႇၵ︀ဝ်ꩭီတ︀်ꩭႆ︀ၢႇꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ၵ︀ႂ်ႈꩭူမ︀်းက︀ꩫ︀်ႈဢ︀ူ။

မ︀တ︀်တ︀ႄး 3:1

ဝူင︀်ႈမ︀ိူဝ်ႈဢ︀မ︀ႂ်း ꩬ︀ြႃယ︀ေႃးꩭၢꩫ︀်ယ︀ႃႇ ထိူꩫ︀်ꩭႅင︀်ႛတ︀ိူင︀်းယ︀ုတ︀မ︀ႆ︀ႛမ︀ႃးꩬ︀ီ “ပ︀ူဝ်မ︀ေပ︀ီꩫ︀ွင︀်ႇၵ︀ဝ်ꩴ︀း ꩬ︀ၢင︀်ဝွေက︀ꩫ︀်ႈတ︀ႃႉ။ မ︀ိူင︀်းက︀ၢင︀်ႈꩭၢဝ် တ︀ီတ︀င︀်ႛတ︀ေမ︀ႃးယ︀ဝ်ႇ” ꩫ︀ꩬ︀ီ ꩭူဝ်းꩬ︀ီဢ︀ူဢ︀ူ။

မ︀တ︀်တ︀ႄး 3:11

က︀ဝ်ႈယ︀ႃႇ ꩬ︀ူꩬ︀ၢင︀်ဝွေယ︀ဝ်ႇꩫ︀က︀ီး ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛမ︀ႃးꩫ︀ႆ︀ႇယ︀ႃႇ ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃၸ︀ႆ︀းမ︀ႆ︀ႛꩡ︀ူမ︀်ႈꩬ︀ီ မ︀ၢင︀်က︀လ︀ႃတ︀ီꩭႂ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ယ︀ႂ်မ︀ႅတ︀်ႉꩬ︀ႃဢ︀ူ။ က︀ဝ်ႈယ︀ႃႇ တ︀ိုဝ်းၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

မ︀တ︀်တ︀ႄး 5:19

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ ၵ︀ူဝ်ႛဢ︀ွꩫ︀်လ︀ိူင︀်ႈမ︀ႆ︀ႛꩫ︀ႆ︀ၢႈၸ︀ိတ︀်ꩫ︀က︀ေႃႇယ︀ႃ ၵ︀ူဝ်ႛဢ︀ွꩫ︀်ဢ︀မ︀ႂ်း ပ︀ိူꩫ︀်ႈမ︀ႆ︀ႛꩬ︀ွꩫ︀်ဢ︀ဝ်ႈၸ︀ိတ︀်ꩫ︀က︀ေႃႇယ︀ႃ က︀ူဝ်ႇဢ︀မ︀ႂ်းယ︀ႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ီꩫ︀်ႈဢ︀ꩫ︀်ႈၵ︀ႅꩫ︀်းဢ︀ွꩫ︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၵ︀ူဝ်ႛတ︀ြႃးဢ︀မ︀ႂ်းၸ︀ူႛꩡ︀ဝ်ႛက︀ေႃႇထွမ︀်ꩡ︀ွမ︀်းꩬ︀ီ ꩭႂ်ႛပ︀ူဝ်းပ︀ိူꩫ︀်ႈꩡ︀ွမ︀်းက︀ေႃႇ ꩬ︀ွꩫ︀်ꩭႂ်ႛက︀ီး က︀ူဝ်ႇဢ︀မ︀ႂ်းယ︀ႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ီꩫ︀်ႈၸ︀ူႛယ︀ႂ်ꩫ︀မ︀်။

လ︀ုက︀ႃ 1:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉမ︀ႂ်းယ︀ေႃးꩭၢꩫ︀်ယ︀ႃႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ႂ်မ︀ႅတ︀်ႉလ︀ူင︀်ꩫ︀မ︀်။ မ︀ꩫ︀်းယ︀ႃႇ ဝၢႆ︀မ︀က︀်ꩡ︀ပ︀ႅတ︀်ႉ၊ လ︀ဝ်ႛက︀ꩬ︀င︀်က︀ေႃႇ ꩵ︀ႈꩫ︀ႆ︀ႛက︀ိꩫ︀်ႈ။ လ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ မ︀ꩫ︀်းမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ိင︀်းꩫ︀မ︀်။

လ︀ုက︀ႃ 7:28

က︀ဝ်ႈဝႃႈက︀ွတ︀်။ ယ︀ေႃးꩭၢꩫ︀်ယ︀ႃႇ ꩫ︀ႂ်းက︀ူꩫ︀်းက︀ႃႈꩫ︀င︀်ယ︀င︀်းမ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။ ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ယ︀ႃႇ က︀ူဝ်ႇဢ︀ꩫ︀်ႈက︀ွႆ︀ႛပ︀ိူꩫ︀်ႈꩫ︀ႆ︀ၢႈက︀ေႃႇ ယ︀ေႃးꩭၢꩫ︀်မ︀ႆ︀ႛယ︀ႂ်မ︀ႅတ︀်ႉꩬ︀ႃဢ︀ူ” ꩫ︀ဝꩫ︀်ႇ။

လ︀ုက︀ႃ 9:48

“လ︀ႆ︀ၢးပ︀ိူဝ်ႈက︀ဝ်ႈꩬ︀ီ လ︀ၵ︀ႃꩫ︀ႆ︀ႇမ︀ႆ︀ႛ ꩬ︀ူꩭၢပ︀်ႉက︀ီး က︀ဝ်ႈမ︀ႆ︀ႛက︀ေႃႇꩭၢပ︀်ႉယ︀ဝ်ႇ။ ꩬ︀ူက︀ဝ်ႈမ︀ႆ︀ႛꩭၢပ︀်ႉက︀ီး ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭၢပ︀်ႉယ︀ဝ်ႇ။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈၵ︀ႅꩫ︀်းက︀ွမ︀်းꩫ︀ွမ︀်းꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ႅꩫ︀်းယ︀ႂ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:15

ꩬ︀ြႃယ︀ေႃးꩭၢꩫ︀်ယ︀ႃႇ လ︀ွင︀်ႈꩡ︀ဝ်ႛယ︀ေꩬ︀ုတ︀ႅဝ်လ︀ေဢ︀ူ။ မ︀ꩫ︀်းဝႃႈꩫ︀ႆ︀ႇ “ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛ တ︀ီက︀ျွႃးမ︀ႃးꩫ︀ႆ︀ႇယ︀ႃႇ ꩡ︀ဝ်ႛဢ︀ꩫ︀်ႈမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀ယ︀င︀်းပ︀ုꩫ︀်ႛ ယ︀င︀်းမ︀ႃးꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛယ︀ႂ်မ︀ႅတ︀်ႉꩬ︀ႃꩫ︀မ︀်ꩫ︀ꩬ︀ီ က︀ဝ်ႈꩭူဝ်းမ︀ႃးꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:27

ꩡ︀ဝ်ႛဢ︀မ︀ႂ်းယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛꩬ︀ိုင︀်က︀ျွႃးမ︀ႃးꩫ︀က︀ေႃႇ က︀ဝ်ႈယ︀ႃႇ က︀ေႛꩬ︀ႆ︀ၢၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇꩵ︀ႈထႅက︀်ႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 10:41

က︀ူꩫ︀်းဢ︀ၢꩫ︀်တ︀ၢꩫ︀် မ︀ꩫ︀်းꩡ︀ဝ်ႛမ︀ႆ︀ႛ မ︀ႃးက︀ꩫ︀်ႈဢ︀ူ။ ၵ︀ဝ်ယ︀ႃႇ “ꩬ︀ြႃယ︀ေႃးꩭၢꩫ︀်ယ︀ႃႇ လ︀ႆ︀ၢးꩫ︀မ︀ိတ︀်ႉꩫ︀ႆ︀ႇၵ︀ဝ် ꩵ︀ႈပ︀ျႃးမ︀ႃး။ ꩫ︀ႆ︀ႇꩫ︀က︀ေႃႇ လ︀ွင︀်ႈက︀ူဝ်ႇꩫ︀ႆ︀ႇ ဢ︀ꩫ︀်ႈꩬ︀ြႃယ︀ေႃးꩭၢꩫ︀်ဝႃႈမ︀ႃးꩫ︀ႆ︀ႇၵ︀ဝ် တ︀င︀်းမ︀ိူင︀်းꩡ︀ႂ်ႈဢ︀ူ။ ꩥ︀ႃးဢ︀ူ” ꩫ︀ꩬ︀ီဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 3:30

မ︀ꩫ︀်းꩡ︀ဝ်ႛယ︀ႃႇ ဝႃႈယ︀ႂ်မ︀ႅတ︀်ႉမ︀ႃးꩫ︀မ︀်။ က︀ဝ်ႈယ︀ႃႇ ဝႃႈယ︀ုက︀်ႉယ︀ွမ︀်းက︀ႃꩫ︀မ︀်” ꩫ︀ꩬ︀ီတ︀ွပ︀်ꩭႂ်ႛဢ︀ူ။

ယ︀ေႃးꩭၢꩫ︀် 5:35

ꩬ︀ြႃယ︀ေႃးꩭၢꩫ︀်ယ︀ႃႇ က︀ွက︀်ၸ︀ႆ︀းꩫ︀က︀ꩫ︀်ႈ ꩭိုင︀်းꩬ︀ီဢ︀ူ၊ လ︀ႅင︀်းꩬ︀ီဢ︀ူꩫ︀မ︀်။ ꩬ︀ူယ︀ႃႇ ၵ︀ၢမ︀်းမ︀ꩫ︀်းမ︀ႆ︀ႛ က︀ိုမ︀်ႇလ︀ိူင︀်ႈꩫ︀ႆ︀ၢႈꩫ︀မ︀် ၵ︀ႂ်ႈထွမ︀်ꩫ︀ႆ︀ႇ။

ယ︀ေႃးꩭၢꩫ︀် 7:39

ꩡ︀ဝ်ႛယ︀ေꩬ︀ုဝႃႈင︀ႆ︀းꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛꩭၢပ︀်ႉꩫ︀ႆ︀ႇမ︀ႆ︀ႛ ꩡ︀ိုဝ်ꩬ︀ီဝႃႈꩫ︀မ︀်။ မ︀ိူဝ်ႈဢ︀မ︀ႂ်း မ︀ꩫ︀်းꩡ︀ဝ်ႛမ︀ူꩫ︀်ႈၸ︀ုင︀်းမ︀ဝ်ပ︀ႆ︀ꩭၢပ︀်ႉဢ︀ဝ်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ၢပ︀်ႉꩭႂ်ႛ။

က︀ေႃရ︀ိꩫ︀်တ︀ု ႑ 15:9

က︀ဝ်ႈယ︀ႃႇ ꩫ︀ႂ်းတ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ွႆ︀ႛပ︀ိူꩫ︀်ႈꩫ︀မ︀်။ ဢ︀ꩫ︀်ႈတ︀ေႇတ︀ေႇက︀ီး က︀ဝ်ႈယ︀ႃႇ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ိက︀်ႉꩬ︀ၢက︀်ႉမ︀ႃးꩫ︀ႆ︀ႇꩬ︀ီ က︀ဝ်ႈမ︀ႆ︀ႛꩭွင︀်ႇတ︀မ︀ၢꩫ︀်ꩡ︀ဝ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

က︀ေႃရ︀ိꩫ︀်တ︀ု ႑ 6:4

ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈဝႃႈပ︀ႅတ︀်ႉတ︀ြႃးယ︀င︀်းမ︀ႃးက︀ီး က︀ူꩫ︀်းဢ︀ꩫ︀်ႈက︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် မ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ႃꩭႂ်ႛꩭီတ︀်ꩡ︀ဝ်ႛတ︀ြႃးꩬ︀ူꩫ︀ႆ︀ႇ ꩵ︀ႈထုက︀်ꩭီတ︀်ပ︀ိူင︀်ႈလ︀ူင︀်။

ဢ︀ေၸ︀ႅတ︀် 2:3

ဢ︀ꩫ︀်ႈတ︀ေႇတ︀ေႇက︀ီး ꩭဝ်းတ︀င︀်းမ︀ိူင︀်းက︀ေႃႇ ꩫ︀င︀်ၵ︀ဝ်ꩫ︀က︀ꩫ︀်ႈ ဢ︀ꩫ︀်ႈၸ︀ူႛꩡ︀ဝ်ႛၵ︀ႂ်ႈꩭီတ︀်ꩫ︀ႆ︀ႇꩭီတ︀်ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ဢ︀ဝ်ႈတ︀ၢင︀်းက︀ူꩫ︀်းꩫ︀ႆ︀ၢႈက︀ီး ꩭဝ်းက︀ေႃႇꩫ︀င︀်ပ︀ိူꩫ︀်ႈက︀ူႈက︀ူဝ်ႇꩫ︀က︀ꩫ︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈတ︀ၢမ︀်မ︀ႆ︀ႛ တ︀ီꩫ︀ႆ︀ႛၵ︀ၢမ︀်ꩫ︀မ︀်။

ဢ︀ေၸ︀ႅတ︀် 3:8

က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ

တ︀ိမ︀ေႃတ︀ေ ႒ 1:10

င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်၊ ꩡ︀ဝ်ႛၵ︀ေꩬ︀ေꩭဝ်းꩫ︀ႆ︀ႇက︀ျွႃးမ︀ႃးꩬ︀ီ လ︀ွင︀်ႈဢ︀ီꩫ︀ူႈမ︀ႅတ︀်ႉတ︀ႃမ︀ꩫ︀်းꩡ︀ဝ်ႛ ပ︀ျႃးမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛ ꩭဝ်းမ︀ႆ︀ႛလ︀ွင︀်ႈဢ︀ꩫ︀်ႈက︀ူဝ်ႈတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈပ︀ူꩫ︀်ႇလ︀ွတ︀်ႉꩭႂ်ႛꩬ︀ီ ဢ︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ပ︀ျႃးတ︀ၢင︀်းဢ︀ꩬ︀ၢက︀်ႉထႃဝရ︀မ︀ႃးယ︀ဝ်ႇ။

ꩭေပ︀ရ︀ူး 11:40

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႃႇꩭဝ်းꩬ︀ိုင︀်ဢ︀ꩫ︀်ႈꩫ︀ီႈꩬ︀ႃ ꩬ︀ၢင︀်ဝႆ︀ႇꩫ︀ႆ︀ႇꩬ︀ီ ꩭဝ်းလ︀ွေႛက︀ီးꩬ︀ိုင︀် ၵ︀ဝ်မ︀ႆ︀ႛ တ︀ီဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩫ︀မ︀်။

ပ︀ေတ︀ရ︀ု ႑ 1:10

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈၵ︀ဝ်ꩭူဝ်းလ︀ွင︀်ႈဢ︀ꩫ︀်ႈ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀ႆ︀ႇ ၵ︀ဝ်ၸ︀ူႛꩡ︀ဝ်ႛတ︀မ︀ိူင︀်းက︀ေႃႇ လ︀ွင︀်ႈꩫ︀ႆ︀ႇၵ︀ဝ်ၵ︀ႂ်ႈတ︀ွင︀်းၸ︀ႅဝ်ꩬ︀ီ ꩬ︀ွက︀်ႉတ︀ႆ︀လ︀ႅမ︀်းမ︀ႃးꩫ︀မ︀်။