လ︀ုက︀ႃ 9:48 - Khamti Shan

⁴⁸ “လ︀ႆ︀ၢးပ︀ိူဝ်ႈက︀ဝ်ႈꩬ︀ီ လ︀ၵ︀ႃꩫ︀ႆ︀ႇမ︀ႆ︀ႛ ꩬ︀ူꩭၢပ︀်ႉက︀ီး က︀ဝ်ႈမ︀ႆ︀ႛက︀ေႃႇꩭၢပ︀်ႉယ︀ဝ်ႇ။ ꩬ︀ူက︀ဝ်ႈမ︀ႆ︀ႛꩭၢပ︀်ႉက︀ီး ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭၢပ︀်ႉယ︀ဝ်ႇ။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈၵ︀ႅꩫ︀်းက︀ွမ︀်းꩫ︀ွမ︀်းꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ႅꩫ︀်းယ︀ႂ်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 9:48 ပူးပေါင်းရင်းမြစ်များ

မ︀တ︀်တ︀ႄး 18:10

က︀ဝ်ႈဝႃႈက︀ွတ︀်။ ꩬ︀ူꩬ︀တ︀ိက︀ꩫ︀်ႈတ︀ႃႉ။ လ︀ၵ︀ႃꩫ︀ႆ︀ႇၵ︀ဝ်မ︀ႆ︀ႛ ပ︀ီဢ︀လ︀ွေႛ။ က︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်ꩬ︀ၢင︀်ဢ︀ꩫ︀်ႈပ︀ႂ်ႇၵ︀ဝ် မ︀ိူဝ်ႈလ︀ႂ်ႈက︀ေႃႇ ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ူက︀ꩫ︀်ႈꩫ︀မ︀်။

မ︀တ︀်တ︀ႄး 18:14

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်က︀ၢင︀်ႈꩭၢဝ်ꩬ︀ူက︀ေႃႇ လ︀ၵ︀ႃဢ︀ွꩫ︀်ꩫ︀ႆ︀ႇၵ︀ဝ် က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩵ︀ႈၵ︀ႂ်ႈꩭႂ်ႛꩭႆ︀ၢက︀ႃ။

မ︀တ︀်တ︀ႄး 19:28

ꩡ︀ဝ်ႛယ︀ေꩬ︀ုယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ မ︀ိူဝ်ႈတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈဢ︀ꩫ︀်ႈမ︀ႂ်ꩫ︀ႆ︀ႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀လ︀ၢင︀်မ︀ႆ︀ႛတ︀ီꩫ︀င︀်ႈꩫ︀မ︀်။ မ︀ိူဝ်ႈဢ︀မ︀ႂ်း ꩬ︀ူၸ︀ူႛပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်ꩬ︀ိပ︀်ꩬ︀ွင︀်ဢ︀ꩫ︀်ႈမ︀ႆ︀ႛꩫ︀င︀်ႈꩬ︀ီ ဢ︀ီတ︀်ꩬ︀ြေးꩬ︀ိပ︀်ꩬ︀ွင︀်ၸ︀ꩫ︀်းမ︀ႆ︀ႛ တ︀ီဢ︀ုပ︀်ႉပ︀ိုင︀်ꩫ︀မ︀်။

မ︀တ︀်တ︀ႄး 25:40

မ︀ိူဝ်ႈဢ︀မ︀ႂ်းက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛꩭီတ︀်ꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈꩫ︀မ︀်။

မ︀တ︀်တ︀ႄး 25:45

င︀ႆ︀းက︀ီးက︀ဝ်ႈယ︀ႃႇ “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ တ︀ပ︀ေးက︀ဝ်ႈဢ︀ꩫ︀်ႈꩫ︀ႃႛလ︀ီက︀်ႉꩫ︀ႃႛယ︀ႂ်မ︀ဝ်ဝႃႈ ၸ︀ႂ်မ︀ႆ︀ႛꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူမ︀ဝ်ꩡ︀ွႆ︀ႈ၊ မ︀ဝ်မ︀ိုင︀်ႇꩭႂ်ႛမ︀ႃးꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛမ︀ဝ်ꩡ︀ွႆ︀ႈမ︀ဝ်မ︀ိုင︀်ႇꩭႂ်ႛမ︀ႃးꩫ︀မ︀်” ꩫ︀ꩬ︀ီတ︀ီဝႃႈပ︀ွက︀်ႉꩫ︀မ︀်။

မ︀ႃက︀ု 9:37

“က︀ူဝ်ႇဢ︀ꩫ︀်ႈꩫ︀ူႈꩫ︀ႃႛက︀ဝ်ႈꩬ︀ီ လ︀ၵ︀ႃꩫ︀င︀်င︀ႆ︀းမ︀ႆ︀ႛꩭၢပ︀်ႉꩫ︀ႆ︀ႇ ဢ︀ꩫ︀်ႈꩭၢပ︀်ႉက︀ဝ်ႈꩫ︀မ︀်။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢပ︀်ႉꩫ︀ႆ︀ႇက︀ေႃႇ က︀ဝ်ႈမ︀ႆ︀ႛꩫ︀ၢႆ︀ႈꩭၢပ︀်ႉꩵ︀ႈꩡ︀ႂ်ႈ၊ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇꩭၢပ︀်ႉဢ︀ူ” ꩫ︀ဝꩫ︀်ႇ။

လ︀ုက︀ႃ 10:16

တ︀ပ︀ေးက︀ဝ်ႈၵ︀ဝ်ꩴ︀း က︀ူဝ်ႇဢ︀ꩫ︀်ႈၵ︀ၢမ︀်းꩬ︀ူထွမ︀်ꩫ︀ႆ︀ႇ ၵ︀ၢမ︀်းက︀ဝ်ႈက︀ေႃႇထွမ︀်ဢ︀ူ။ က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇ က︀ဝ်ႈမ︀ႆ︀ႛက︀ေႃႇ ပ︀ႆ︀ၵ︀ွတ︀်ဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ပ︀ႆ︀ၵ︀ွတ︀်ဢ︀ူ” ꩫ︀ဝꩫ︀်ႇ။

လ︀ုက︀ႃ 14:11

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛယ︀ွင︀်ႛꩫ︀ႆ︀ႇ တ︀ီꩫ︀ႆ︀ႛတ︀ူက︀်တ︀မ︀်ꩫ︀မ︀်။ က︀ူဝ်ႇဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 22:26

ꩬ︀ူယ︀ႃႇ င︀ႆ︀းပ︀ီꩭီတ︀်။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈၵ︀ႅꩫ︀်းယ︀ႂ်ꩫ︀ႆ︀ႇ ဝႃႈပ︀ီꩫ︀်ႈꩫ︀င︀်ဢ︀ꩫ︀်ႈၵ︀ႅꩫ︀်းဢ︀ွꩫ︀်ꩫ︀က︀ꩫ︀်ႈꩫ︀မ︀်။ ꩭူဝ်က︀ေꩫ︀ꩫ︀ႆ︀ႇက︀ေႃႇ ဝႃႈပ︀ီꩫ︀်ႈꩫ︀င︀်ၸ︀ူႛꩡ︀ႂ်ႇꩫ︀က︀ꩫ︀်ႈꩫ︀မ︀်။

လ︀ုက︀ႃ 22:30

ꩬ︀ူမ︀ိူင︀်းက︀ဝ်ႈမ︀ႆ︀ႛ ၸ︀ိူꩫ︀်က︀ဝ်ႈမ︀ႆ︀ႛꩫ︀င︀်ႈက︀ိꩫ︀်ႈꩬ︀ီ ၸ︀ꩫ︀်းဢ︀ီတ︀်ꩬ︀ြေးꩬ︀ိပ︀်ꩬ︀ွင︀်ၸ︀ꩫ︀်းမ︀ႆ︀ႛ တ︀ီꩫ︀ႆ︀ႛဢ︀ုပ︀်ႉပ︀ိုင︀်ꩫ︀မ︀်။

လ︀ုက︀ႃ 7:28

က︀ဝ်ႈဝႃႈက︀ွတ︀်။ ယ︀ေႃးꩭၢꩫ︀်ယ︀ႃႇ ꩫ︀ႂ်းက︀ူꩫ︀်းက︀ႃႈꩫ︀င︀်ယ︀င︀်းမ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။ ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ယ︀ႃႇ က︀ူဝ်ႇဢ︀ꩫ︀်ႈက︀ွႆ︀ႛပ︀ိူꩫ︀်ႈꩫ︀ႆ︀ၢႈက︀ေႃႇ ယ︀ေႃးꩭၢꩫ︀်မ︀ႆ︀ႛယ︀ႂ်မ︀ႅတ︀်ႉꩬ︀ႃဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 13:20

က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈꩡ︀ဝ်ႛၸ︀ူႛꩡ︀ႂ်ႇက︀ဝ်ႈမ︀ႆ︀ႛꩭၢပ︀်ႉꩫ︀ႆ︀ႇ က︀ဝ်ႈမ︀ႆ︀ႛက︀ေႃႇꩭၢပ︀်ႉဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢပ︀်ႉꩫ︀ႆ︀ႇ ꩡ︀ဝ်ႛၸ︀ူႛꩡ︀ႂ်ႇက︀ဝ်ႈမ︀ႆ︀ႛက︀ေႃႇꩭၢပ︀်ႉဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 14:21

က︀ူဝ်ႇဢ︀ꩫ︀်ႈၵ︀ၢမ︀်းက︀ဝ်ႈမ︀ႆ︀ႛ ꩭၢပ︀်ႉဢ︀ဝ်ႈꩬ︀ီထွမ︀်းꩡ︀ွမ︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛꩭၢက︀်ႉꩫ︀မ︀်။ က︀ဝ်ႈမ︀ႆ︀ႛၵ︀ဝ်ꩭၢက︀်ႉꩫ︀ႆ︀ႇꩬ︀ီ ၵ︀ဝ်မ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ဝ်ႈꩭၢက︀်ႉဢ︀ူ။ က︀ဝ်ႈၸ︀ူႛꩡ︀ဝ်ႛက︀ေႃႇ ၵ︀ဝ်မ︀ႆ︀ႛꩭၢက︀်ႉꩬ︀ီ က︀ဝ်ႈပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ၵ︀ဝ်က︀ူႈက︀ူဝ်ႇမ︀ႆ︀ႛ တ︀ီပ︀ုတ︀်ပ︀ျႃးꩭႂ်ႛꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:8

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈတ︀ြႃးꩫ︀ႆ︀ႇမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈမ︀ႆ︀ႛꩫ︀ႆ︀ၢႈ ပ︀ႆ︀ၵ︀ွတ︀်ꩵ︀ႈꩡ︀ႂ်ႈ၊ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛပ︀ူင︀်ႈၵ︀ွꩫ︀်မ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ပ︀ႆ︀ၵ︀ွတ︀်ယ︀ဝ်ႇ။

ပ︀ေတ︀ရ︀ု ႑ 5:6

င︀ႆ︀းꩫ︀ႆ︀ႇꩬ︀ီ က︀ꩫ︀်ႛတ︀ႂ်ႛတ︀ꩫ︀်းၵ︀ူဝ်းလ︀ူင︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ွမ︀်းꩫ︀ွမ︀်းက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈယ︀ၢမ︀်းထိုင︀်ꩫ︀ႆ︀ႇ ꩬ︀ူမ︀ႆ︀ႛမ︀ꩫ︀်းꩡ︀ဝ်ႛယ︀ူက︀်ႉယ︀ွင︀်ႛꩭႂ်ႛဢ︀ူ။

ၿျႃၻိက︀်ႉ 21:14

တ︀ႃဝီင︀်းဢ︀မ︀ႂ်းယ︀ႃႇ က︀ꩫ︀်ႛꩫ︀ိူဝ်ꩭိꩫ︀်ꩬ︀ူꩫ︀်ႛ ꩬ︀ိပ︀်ꩬ︀ွင︀်လ︀ုက︀်ႉမ︀ႆ︀ႛ တ︀င︀်ႛတ︀ေဝႆ︀ႇꩬ︀ီ ꩭိꩫ︀်ဢ︀မ︀ႂ်းၵ︀ဝ်မ︀ႆ︀ႛယ︀ႃႇ ꩡ︀ိုဝ်ႈတ︀မ︀ၢꩫ︀်ꩡ︀ဝ်ႛပ︀ူႇဢ︀ွꩫ︀် ꩬ︀ိပ︀်ꩬ︀ွင︀်ပ︀ႃး တ︀ႅမ︀်ႛဝႆ︀ႇဢ︀ူ။

ၿျႃၻိက︀်ႉ 3:21

က︀ဝ်ႈပ︀ေႇဢ︀ွင︀်ꩬ︀ီ တ︀င︀်းပ︀ူဝ်က︀ဝ်ႈ ပ︀လ︀ၢင︀်မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩫ︀င︀်ႈꩫ︀က︀ꩫ︀်ႈ က︀ူဝ်ႇဢ︀ꩫ︀်ႈ ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ပ︀ေႇဢ︀ွင︀်ꩫ︀ႆ︀ႇၵ︀ဝ်က︀ေႃႇ ပ︀လ︀ၢင︀်က︀ဝ်ႈမ︀ႆ︀ႛ တ︀င︀်းက︀ဝ်ႈတ︀ီꩭႂ်ႛꩭူမ︀်ႈꩫ︀င︀်ႈꩫ︀မ︀်။