လ︀ုက︀ႃ 8:44 - Khamti Shan

⁴⁴ င︀ႆ︀းꩬ︀ီ မ︀ꩫ︀်းက︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ ပ︀ႆ︀ၢႈꩬ︀ိူဝ်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ႅတ︀်ႉၵ︀ွတ︀်ဢ︀ူ။ ꩫ︀ႆ︀ႇမ︀ႆ︀ႛ ꩫ︀ိူတ︀်ႉမ︀ꩫ︀်းဢ︀ꩫ︀်ႈလ︀ႆ︀ဢ︀ူꩫ︀ႆ︀ႇ က︀ꩡ︀ူးထတ︀်က︀ႃဢ︀ူ။

လ︀ုက︀ႃ 8:44 ပူးပေါင်းရင်းမြစ်များ

မ︀တ︀်တ︀ႄး 20:34

ꩡ︀ဝ်ႛယ︀ေꩬ︀ု ꩬ︀ွင︀်ၵ︀ႃမ︀ႆ︀ႛဢ︀ီꩫ︀ူႈꩬ︀ီ တ︀ႃႈꩬ︀ွင︀်ၵ︀ႃမ︀ႆ︀ႛ ဢ︀ဝ်ႈမ︀ိုဝ်းတ︀ႅတ︀်ႉꩭႂ်ႛဢ︀ူ။ ꩬ︀ွင︀်ၵ︀ႃက︀ေႃႇ ၵ︀တ︀်ႉၵ︀ႅင︀်းတ︀ႃႈꩭꩫ︀်မ︀ႃးꩬ︀ီ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးဢ︀ူ။

မ︀တ︀်တ︀ႄး 8:3

ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းမ︀ႆ︀ႛ က︀ႃက︀မ︀်းင︀ႆ︀း “က︀ဝ်ႈၵ︀ႂ်ႈဢ︀ဝ်ႈꩫ︀ီႈꩭႂ်ႛဢ︀ူ။ မ︀ူတ︀်ꩡ︀ၢင︀်လ︀ႃး” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ ယ︀ေႃးက︀ႃတ︀ုတ︀်ႉမ︀ꩫ︀်းက︀ေႃႇ က︀ꩡ︀ူးꩭႆ︀ၢꩬ︀ီမ︀ူတ︀်ꩡ︀ၢင︀်က︀ႃဢ︀ူ။

မ︀တ︀်တ︀ႄး 9:20

မ︀ိူဝ်ႈဢ︀မ︀ႂ်း ၸ︀ူႛယ︀ိင︀်းက︀ူဝ်ႇလ︀ိူင︀်ႈဢ︀ꩫ︀်ႈꩬ︀ိပ︀်ꩬ︀ွင︀်ပ︀ီႈတ︀ၢင︀်ႈꩰ ပ︀ၢက︀်ႉယ︀ေႃးက︀ႃꩫ︀ိူတ︀်ႉလ︀ႆ︀ꩫ︀ႆ︀ႇ က︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ ပ︀ႆ︀ၢႈꩬ︀ိူဝ်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ႅတ︀်ႉၵ︀ွတ︀်ဢ︀ူ။

မ︀ႃက︀ု 6:56

ꩭိမ︀်းၵ︀ူꩫ︀်တ︀ၢင︀်းမ︀ၢꩫ︀်ႛ၊ ဝီင︀်းဢ︀ꩫ︀်ႈမ︀ꩫ︀်းꩡ︀ဝ်ႛ ၸ︀ႃက︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ် ဢ︀ဝ်ႈဢ︀ူဝႆ︀ႇင︀ႆ︀းꩬ︀ီ ꩭႂ်ႛပ︀ူဝ်းၸ︀ူႛၵ︀ႆ︀ႛꩫ︀ႆ︀ႇၵ︀ဝ် ပ︀ၢႆ︀ႈꩬ︀ိူဝ်ႛလ︀ူင︀်မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈ ꩫ︀ႆ︀ႛတ︀ႅတ︀်ႉꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ဝွꩫ︀်းၵ︀ႅꩫ︀်းက︀ꩫ︀်ႈဢ︀ူ။ ၸ︀ူႛၵ︀ႆ︀ႛတ︀င︀်းမ︀ိူင︀်း ဢ︀ꩫ︀်ႈꩫ︀ႆ︀ႛတ︀ႅတ︀်ႉပ︀ၢႆ︀ႈꩬ︀ိူဝ်ႛမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်က︀ေႃႇ ꩫ︀ႆ︀ႛၵ︀ႅမ︀်းꩬ︀ႃက︀ꩫ︀်ႈဢ︀ူ။

လ︀ုက︀ႃ 13:13

က︀ꩫ︀်ႛꩫ︀ိူဝ်မ︀ꩫ︀်းမ︀ႆ︀ႛ မ︀ိုဝ်းတ︀ၢင︀်ꩭႂ်ႛဢ︀ူ။ ꩫ︀ႆ︀ႇမ︀ႆ︀ႛ ၸ︀ူႛယ︀ိင︀်းဢ︀မ︀ႂ်း က︀ꩡ︀ူးꩥ︀ၢင︀်ႛယ︀ီတ︀်ꩫ︀ꩫ︀်ႈꩰꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။

လ︀ုက︀ႃ 7:38

က︀ꩫ︀်ႛလ︀င︀်တ︀ႆ︀ၢႛတ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛꩬ︀ဝ်းင︀ႆ︀း ꩭႆ︀ႛꩬ︀ီဢ︀ူဢ︀ူ။ ꩫ︀မ︀်ႇတ︀ႃႈမ︀ꩫ︀်းꩫ︀ႆ︀ႇၵ︀ဝ် တ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛတ︀ူက︀်က︀ီး တ︀ိꩫ︀်ႈမ︀ႆ︀ႛ ဢ︀ဝ်ႈၸ︀ူမ︀်မ︀ꩫ︀်းꩡ︀ီတ︀်ႉင︀ႆ︀း ꩫ︀ူမ︀်ႈꩬ︀ီဢ︀ဝ်ႈမ︀ꩫ︀်းꩭွမ︀်တ︀ၢက︀်ႉꩭႂ်ႛဢ︀ူ။

လ︀ုက︀ႃ 8:43

မ︀ိူဝ်ႈဢ︀မ︀ႂ်း ꩫ︀ႂ်းၸ︀ုင︀်က︀ူꩫ︀်းမ︀ႆ︀ႛ ၸ︀ူႛယ︀ိင︀်း ဢ︀ꩫ︀်ႈꩬ︀ိပ︀်ꩬ︀ွင︀်ပ︀ီႈတ︀ၢင︀်ႈꩰ ပ︀ၢက︀်ႉယ︀ေႃးက︀ႃꩫ︀ိူတ︀်ႉလ︀ႆ︀က︀ူဝ်ႇလ︀ိူင︀်ႈက︀ေႃႇ လ︀ွေႛဢ︀ူ။ မ︀ꩫ︀်းယ︀ႃႇ င︀ိူꩫ︀်းၵ︀မ︀်းၵ︀ူဝ်းလ︀ိင︀်းမ︀ꩫ︀်း က︀ႃႈꩫ︀င︀်ယ︀င︀်းꩫ︀ႆ︀ႇတ︀ိုဝ်းꩬ︀ီ ꩬ︀ြႃယ︀ႃႛꩫ︀ႆ︀ႇၵ︀ဝ်မ︀ႆ︀ႛ က︀ႃယ︀ႃႈမ︀ႃးꩫ︀က︀ေႃႇ ၸ︀ႂ်က︀ေႃႇဢ︀ဝ်ႈꩫ︀ီႈꩭႂ်ႛꩵ︀ႈꩫ︀ႆ︀ႛ။

လ︀ုက︀ႃ 8:45

ꩡ︀ဝ်ႛယ︀ေꩬ︀ုက︀ေႃႇ “ၸ︀ႂ်ꩫ︀ႆ︀က︀ဝ်ႈမ︀ႆ︀ႛတ︀ႅတ︀်ႉꩫ︀ႆ︀ႇ” ꩫ︀ဝꩫ︀်ႇ။ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ၵ︀ဝ်ꩵ︀ႈꩡ︀ႂ်ႈꩫ︀ꩫ︀ႆ︀ႇ ဝႃႈက︀ꩫ︀်ႈက︀ီး ပ︀ေတ︀ရ︀ုယ︀ႃႇ “ꩡ︀ဝ်ႛꩴ︀း မ︀ႂ်းꩡ︀ဝ်ႛမ︀ႆ︀ႛ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ် ၵ︀ႆ︀ႇလ︀ိူင︀်ႈတ︀ူꩫ︀်ႇက︀ꩫ︀်ႈဢ︀ူက︀ေႃႇꩫ︀ႃႊ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:13

ꩫ︀ႆ︀ႇꩫ︀က︀ေႃႇ မ︀ꩫ︀်းယ︀ႃႇ မ︀ꩫ︀်းမ︀ႆ︀ႛ ၸ︀ႂ်ဢ︀ဝ်ႈဢ︀ူꩫ︀ီႈꩭႂ်ႛမ︀ႃးꩫ︀ꩫ︀ႆ︀ႇ ꩵ︀ႈတ︀ွင︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုယ︀ႃႇ က︀ꩫ︀်ႛꩫ︀ႂ်းပ︀ူက︀်ႉက︀ူꩫ︀်းမ︀ႆ︀ႛ ၵ︀ဝ်ႛꩭႆ︀ၢꩫ︀ႆ︀ၢႈက︀ႃꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 19:12

က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႆ︀ႛၸ︀ူႛꩡ︀ီပ︀်၊ ၸ︀ူႛၸ︀ီၵ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၸ︀ႃႛꩡ︀ီတ︀်ႉပ︀ေႃလ︀ု၊ ၵ︀ိူင︀်ႈတ︀ိုဝ်းပ︀ေႃလ︀ုꩫ︀ႆ︀ႇၵ︀ဝ်ဢ︀ဝ်ႈက︀ႃꩭႂ်ႛက︀ီး ဢ︀ꩫ︀်ႈၵ︀ႆ︀ႛၵ︀ႆ︀ႛꩡ︀ီပ︀်ꩰꩫ︀ႆ︀ႇၵ︀ဝ်ꩫ︀ီႈက︀ႃဢ︀ူ။ ၸ︀ီꩭၢႆ︀ႇꩫ︀ႆ︀ႇၵ︀ဝ်က︀ေႃႇ လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်က︀ႃမ︀ူတ︀်ဢ︀ူ။

ထဝ်ꩡ︀တ︀်ႉၵ︀ဝ် 5:15

က︀ွပ︀်ႉပ︀ိူဝ်ႈတ︀မ︀ၢꩫ︀်ꩡ︀ဝ်ႛၵ︀ဝ် ꩭီတ︀်င︀ႆ︀းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ႃးက︀ꩫ︀်ႈဢ︀ူ။ မ︀ိူဝ်ႈပ︀ေတ︀ရ︀ုၸ︀ႆ︀ၢႛတ︀ၢင︀်းꩫ︀ႆ︀ႇ ꩭႂ်ႛပ︀ူဝ်းၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ င︀ဝ်းက︀ူဝ်ႇမ︀ꩫ︀်း ꩡ︀ႃꩫ︀ႆ︀ႇꩫ︀ႆ︀ၢႈက︀ေႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ တ︀င︀်းꩡ︀ၢင︀်ၵ︀ဝ်၊ တ︀င︀်းက︀ူၵ︀ဝ်ဢ︀ဝ်ႈမ︀ႃးꩬ︀ီ ၵ︀ူꩫ︀်တ︀ၢင︀်းမ︀ႆ︀ႛတ︀မ︀်းဝႆ︀ႇက︀ꩫ︀်ႈဢ︀ူ။