လ︀ုက︀ႃ 8:32 - Khamti Shan

³² မ︀ိူဝ်ႈဢ︀မ︀ႂ်း ꩫ︀ွႆ︀ႈဢ︀ꩫ︀်ႈတ︀ႆ︀ၢႛဢ︀မ︀ႂ်းမ︀ႆ︀ႛ မ︀ူၸ︀ုင︀်လ︀ူင︀်လ︀ိူင︀်ႈ လ︀ႃႈက︀ꩫ︀်ႈဢ︀ူꩫ︀မ︀်။ ၸ︀ီꩭၢႆ︀ႇꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းၵ︀ဝ်က︀ꩫ︀်ႛꩫ︀ႂ်းမ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ ဝွꩫ︀်းၵ︀ႅꩫ︀်းက︀ီး ꩡ︀ဝ်ႛယ︀ေꩬ︀ုက︀ေႃႇ ဢ︀ၵ︀ၢင︀်းꩭႂ်ႛဢ︀ူ။

လ︀ုက︀ႃ 8:32 ပူးပေါင်းရင်းမြစ်များ

မ︀တ︀်တ︀ႄး 7:6

က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ် ပ︀ီꩭႂ်ႛ။ ꩭႂ်ႛက︀ီး ꩫ︀င︀်မ︀ႃꩫ︀ႆ︀ႇၵ︀ဝ် င︀ၢမ︀်ပ︀ွက︀်ႉꩬ︀ီက︀ၢပ︀်ႉꩫ︀က︀ꩫ︀်ႈ ꩭၢင︀်းꩭႂ်ႛၸ︀ူႛꩡ︀ဝ်ႛမ︀ႆ︀ႛ ꩭီတ︀်ၸ︀ေးပ︀ွက︀်ႉꩫ︀ႆ︀ၢႈꩫ︀မ︀်။ က︀ꩫ︀်ႛꩫ︀ႃႛ ၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃးဢ︀ꩫ︀်ႈမ︀ျတ︀်ႉꩫ︀ႆ︀ႇၵ︀ဝ်က︀ေႃႇ ပ︀ီတ︀မ︀်းꩭႂ်ႛ။ တ︀မ︀်းꩭႂ်ႛက︀ီး ꩫ︀င︀်မ︀ူꩫ︀ႆ︀ႇၵ︀ဝ်ပ︀ူꩫ︀်က︀ႃꩫ︀က︀ꩫ︀်ႈ ꩭၢင︀်းꩭႂ်ႛၵ︀ဝ်ယ︀ီပ︀်ပ︀ူꩫ︀်ႇက︀ႃꩫ︀ႆ︀ၢႈꩫ︀မ︀်။

လ︀ုက︀ႃ 8:31

ၸ︀ုင︀်ၸ︀ီꩭၢႆ︀ႇက︀ေႃႇ ꩭႂ်ႛပ︀ူဝ်းၵ︀ဝ်မ︀ႆ︀ႛ မ︀ဝ်ပ︀ွႆ︀တ︀ူက︀်ထၢင︀်ၵ︀ူင︀်းတ︀ႆ︀ၢႈꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ဝွꩫ︀်းၵ︀ႅꩫ︀်းက︀ꩫ︀်ႈဢ︀ူ။

လ︀ုက︀ႃ 8:33

ၸ︀ီꩭၢႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ွက︀်ꩬ︀ီ ၸ︀ုင︀်မ︀ူမ︀ႆ︀ႛက︀ႃၵ︀ဝ်ႛမ︀ူတ︀်က︀ီး မ︀ူꩫ︀ႆ︀ႇၵ︀ဝ်က︀ေႃႇ လ︀ုက︀်ႉꩫ︀ွႆ︀ႈမ︀ႆ︀ႛ လ︀ႅꩫ︀်ႈလ︀ူင︀်းင︀ႆ︀းꩬ︀ီ ꩫ︀ွင︀်မ︀ႆ︀ႛက︀ႃတ︀ူက︀်တ︀ႆ︀ၢႈမ︀ူတ︀်ဢ︀ူ။

ယ︀ေႃးꩭၢꩫ︀် 19:11

ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းမ︀ဝ်ꩭႂ်ႛက︀ီး မ︀ႂ်းꩡ︀ဝ်ႛမ︀ႆ︀ႛဢ︀ႃꩫ︀ႃက︀ꩬ︀င︀်က︀ေႃႇꩵ︀ႈယ︀င︀်း။ က︀ဝ်ႈမ︀ႆ︀ႛက︀ꩬ︀င︀်က︀ေႃႇ ꩭီတ︀်ꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းမ︀ႂ်းꩡ︀ဝ်ႛꩫ︀ႆ︀ႇ ၵ︀ႅꩫ︀်းဢ︀ပ︀ႅတ︀်ႉယ︀ႂ်ဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ၿျႃၻိက︀်ႉ 20:7

ꩭီင︀်ပ︀ီႈမ︀ူတ︀်က︀ႃꩫ︀ႆ︀ႇꩬ︀ိုင︀် ၵ︀ုꩫ︀်ꩬ︀ူင︀်မ︀ႆ︀ႛ လ︀ုက︀်ႉတ︀ီႈဢ︀ꩫ︀်ႈၵ︀င︀်ဝႆ︀ႇမ︀ႆ︀ႛ တ︀ီပ︀ွႆ︀ꩭႂ်ႛꩫ︀မ︀်။