လ︀ုက︀ႃ 7:8 - Khamti Shan

⁸ က︀ဝ်ႈၵ︀ႃႛၸ︀ူႛꩡ︀ဝ်ႛက︀ေႃႇ ဢ︀ူက︀ꩫ︀်ႛတ︀ႂ်ႛက︀ူꩫ︀်းယ︀ႂ်မ︀ႆ︀ႛꩫ︀က︀ꩫ︀်ႈ က︀ꩫ︀်ႛတ︀ႂ်ႛက︀ဝ်ႈၵ︀ႃႛမ︀ႆ︀ႛက︀ေႃႇ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀င︀်းတ︀ီၵ︀ႃႛဢ︀ူ။ လ︀ုက︀်ႉꩬ︀ိူက︀်က︀ူဝ်ႇလ︀ိူင︀်ႈမ︀ႆ︀ႛ “က︀ႃတ︀ႃႉ” ꩫ︀က︀ီး မ︀ꩫ︀်းက︀ႃဢ︀ူ။ တ︀ၢင︀်က︀ူဝ်ႇမ︀ႆ︀ႛ “မ︀ႃးတ︀ႃႉ” ꩫ︀က︀ီးမ︀ꩫ︀်းမ︀ႃးဢ︀ူ။ ၸ︀ူႛꩡ︀ႂ်ႇက︀ဝ်ႈၵ︀ႃႛမ︀ႆ︀ႛ “ဢ︀ꩫ︀်ႈꩫ︀ႆ︀ႇꩭီတ︀်တ︀ႃႉ” ꩫ︀က︀ီး မ︀ꩫ︀်းꩭီတ︀်ဢ︀ူ” ꩫ︀ဝꩫ︀်ႇ” ꩫ︀ꩬ︀ီꩬ︀ွက︀်ႉဢ︀ူ။

လ︀ုက︀ႃ 7:8 ပူးပေါင်းရင်းမြစ်များ

လ︀ုက︀ႃ 7:7

က︀ဝ်ႈၵ︀ႃႛက︀ေႃႇ ꩡ︀ဝ်ႛမ︀ႆ︀ႛမ︀ႃးမ︀ဝ်ထႅက︀်ႉꩫ︀ႆ︀ႇꩬ︀ီ ဢ︀မ︀ိင︀်းꩫ︀ႆ︀ၢႈပ︀ူင︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။ င︀ႆ︀းက︀ီးၸ︀ူႛꩡ︀ႂ်ႇက︀ဝ်ႈၵ︀ႃႛ ဢ︀ူꩫ︀ီႈမ︀ႃးတ︀ီၵ︀ႃႛဢ︀ူ။

လ︀ုက︀ႃ 7:9

ၵ︀ၢမ︀်းꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩫ︀ႆ︀ႛꩥ︀ိꩫ︀်းက︀ီး ဢ︀ၢမ︀်းꩬ︀ီ က︀ူꩫ︀်းက︀ꩫ︀်ႛလ︀င︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ဝိꩫ︀်ꩫ︀ူႈင︀ႆ︀း “က︀ဝ်ႈဝႃႈက︀ွတ︀်။ တ︀ၢင︀်းယ︀ုမ︀်ယ︀မ︀်ႈၸ︀ꩫ︀်းꩫ︀ႆ︀ႇ က︀ꩫ︀်ႛꩫ︀ႂ်းၸ︀ꩫ︀်းဢ︀ီတ︀်ꩬ︀ြေးမ︀ႆ︀ႛꩫ︀ႆ︀ၢႈက︀ေႃႇ က︀ဝ်ႈꩵ︀ႈꩭွꩫ︀်ꩭꩫ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 23:17

င︀ႆ︀းက︀ီး ပ︀ေႃလ︀ုယ︀ႃႇ “ꩡ︀ၢႆ︀းဢ︀ွꩫ︀်ꩫ︀ႆ︀ႇမ︀ႆ︀ႛ ꩡ︀ဝ်ႛꩭူဝ်ꩬ︀ိူက︀်မ︀ႆ︀ႛ ꩭွင︀်ႇက︀ႃꩭႂ်ႛမ︀ႃးတ︀ႃႉ။ မ︀ꩫ︀်းမ︀ႆ︀ႛၵ︀ၢမ︀်းဢ︀ꩫ︀်ႈဝႃႈလ︀ဝ်ႈတ︀ၢင︀်ယ︀င︀်းဢ︀ူ” ꩫ︀ꩬ︀ီ ꩡ︀ဝ်ႛꩭူဝ်ꩬ︀ိူက︀်ဢ︀ွꩫ︀်မ︀ႆ︀ႛ ဝႃႈဢ︀ူ။

ထဝ်ꩡ︀တ︀်ႉၵ︀ဝ် 23:23

ယ︀ဝ်ႇက︀ီးꩡ︀ဝ်ႛꩭူဝ်ꩬ︀ိူက︀်ꩫ︀ႆ︀ႇ ꩡ︀ဝ်ႛꩭူဝ်ꩬ︀ိူက︀်ဢ︀ွꩫ︀်ꩬ︀ွင︀်က︀ူဝ်ႇမ︀ႆ︀ႛꩭွင︀်ႇꩬ︀ီ “မ︀ိူဝ်ႈꩫ︀ႆ︀ႇပ︀ၢင︀်ႛၵ︀မ︀်ႈက︀ဝ်ႛမ︀ွင︀်းမ︀ႆ︀ႛ ꩬ︀ူဝႃႈက︀ႃဝီင︀်းက︀ႄတ︀ရ︀ိဢ︀ူ။ လ︀ုက︀်ႉꩬ︀ိူက︀်တ︀ၢပ︀်ႉမ︀ႃႇꩡ︀ီတ︀်ꩬ︀ိပ︀်၊ လ︀ုက︀်ႉꩬ︀ိူက︀်ဢ︀ꩫ︀်ႈတ︀ိုဝ်းꩭွက︀် ꩬ︀ွင︀်ပ︀ၢက︀်င︀ႆ︀း လ︀ုက︀်ႉꩬ︀ိူက︀်ꩬ︀ွင︀်ပ︀ၢက︀် ꩭႅမ︀်းထုက︀်ꩰဝႆ︀ႇတ︀ႃႉ။

ထဝ်ꩡ︀တ︀်ႉၵ︀ဝ် 23:26

လ︀ိက︀်ႉဢ︀မ︀ႂ်းမ︀ႆ︀ႛ “က︀ဝ်ႈၵ︀ႃႛက︀လ︀ေႃတ︀ိလ︀ုတ︀ိ မ︀ႂ်းꩡ︀ဝ်ႛꩡ︀ဝ်ႛၸ︀ေလ︀ီတ︀်မ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီတ︀ၢင︀်ပ︀ျႃးတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 23:31

လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်ဢ︀မ︀ိင︀်းꩡ︀ဝ်ႛꩭူဝ်ꩬ︀ိူက︀်ꩫ︀က︀ꩫ︀်ႈ ပ︀ေႃလ︀ုမ︀ႆ︀ႛꩭွင︀်ႇꩬ︀ီ ၵ︀မ︀်ႈဢ︀မ︀ႂ်းက︀ꩡ︀ူး ဢ︀ဝ်ႈထိုင︀်ဝီင︀်းဢ︀ꩫ︀်တ︀ိပ︀တ︀ရ︀ိꩬ︀ူင︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 24:23

ယ︀ဝ်ႇက︀ီး ꩡ︀ဝ်ႛꩭူဝ်ꩬ︀ိူက︀်ဢ︀ွꩫ︀်ဢ︀ꩫ︀်ႈပ︀ႂ်ႇပ︀ေႃလ︀ုမ︀ႆ︀ႛ ဢ︀မ︀ိင︀်းꩭႂ်ႛꩬ︀ီပ︀ေႃလ︀ုမ︀ႆ︀ႛ ꩭႂ်ႛပ︀ႂ်ႇꩫ︀ီႈꩫ︀ီႈ ဢ︀ူ။ တ︀ႆ︀းက︀ူဝ်ႇဢ︀ꩫ︀်ႈပ︀ေႃလ︀ုမ︀ႆ︀ႛမ︀ိုင︀်ႇꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈမ︀ိုင︀်ႇꩭႂ်ႛဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 25:26

က︀ဝ်ႈၵ︀ႃႛမ︀ႆ︀ႛယ︀ႃႇ လ︀ွင︀်ႈမ︀ꩫ︀်းဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ တ︀ီꩬ︀ွက︀်ႉတ︀ၢင︀်ꩭႂ်ႛ ဢ︀ꩫ︀်ႈလ︀ိူင︀်ႈꩫ︀ၢႆ︀ႈက︀ေႃႇ ꩵ︀ႈယ︀င︀်း။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛꩭွင︀်ႇမ︀ႃးပ︀ၢင︀်ႈꩫ︀ႃႛꩬ︀ူꩡ︀ဝ်ႛꩫ︀မ︀်။ တ︀ေႇတ︀ေႇမ︀ꩫ︀်းက︀ီး ꩭွင︀်ႇမ︀ႃးပ︀ၢင︀်ႈꩫ︀ႃႛꩡ︀ဝ်ႛꩭူဝ်ၵ︀မ︀်းဢ︀က︀ိပ︀်ပ︀တ︀ီၵ︀ႃႛꩫ︀မ︀်။ ꩬ︀င︀်ဝႃႈမ︀ꩫ︀်းမ︀ႆ︀ႛ ꩭဝ်းꩡ︀ႅပ︀်ႉထၢမ︀်ယ︀ဝ်ႇက︀ီး လ︀ွင︀်ႈမ︀ꩫ︀်းဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်မ︀ႆ︀ႛတ︀ီတ︀ႅမ︀်ႛꩭႂ်ႛဢ︀ꩫ︀်ႈလ︀ိူင︀်ႈယ︀ႃႇ ယ︀င︀်းမ︀ႃးꩵ︀ထၢင︀်ႇꩫ︀ꩬ︀ီက︀ဝ်ႈၵ︀ႃႛတ︀ႂ်းဢ︀ူ။

က︀ေႃလ︀ေႃတ︀ႄ 3:22

ၸ︀ူႛꩡ︀ႂ်ႇၵ︀ဝ်ꩴ︀း က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ၵ︀ၢမ︀်းꩡ︀ဝ်ႛထꩫ︀ီꩬ︀ူထွမ︀်က︀ꩫ︀်ႈတ︀ႃႉ။ မ︀ိူဝ်ႈၵ︀ဝ်ꩭꩫ︀်ꩫ︀ၢႆ︀ႈꩬ︀ိုင︀် ပ︀ီꩭႅꩫ︀်းꩭီတ︀်ထွမ︀်က︀ꩫ︀်ႈ။ ꩬ︀ူလ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇꩬ︀ီ ၵ︀ၢမ︀်းၵ︀ဝ်ꩬ︀ိုဝ်ႈꩰတ︀ူဝ်ꩰထွမ︀်က︀ꩫ︀်ႈတ︀ႃႉ။