လ︀ုက︀ႃ 6:47 - Khamti Shan

⁴⁷ က︀ူꩫ︀်းဢ︀ꩫ︀်ႈက︀ဝ်ႈမ︀ႆ︀ႛမ︀ႃးင︀ႆ︀း ထွမ︀်ၵ︀ၢမ︀်းက︀ဝ်ႈꩬ︀ီ ꩭီတ︀်ꩡ︀ွမ︀်းꩫ︀ႆ︀ႇယ︀ႃႇ က︀ꩬ︀င︀်မ︀ႆ︀ႛꩫ︀ႆ︀မ︀ိူꩫ︀်ꩫ︀ႆ︀ႇꩫ︀ꩫ︀ႆ︀ႇ က︀ဝ်ႈဝႃႈက︀ွတ︀်။

လ︀ုက︀ႃ 6:47 ပူးပေါင်းရင်းမြစ်များ

မ︀တ︀်တ︀ႄး 12:50

ၸ︀ႂ်မ︀ဝ်ဝႃႈ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းပ︀ူဝ်က︀ၢင︀်ႈꩭၢဝ်က︀ဝ်ႈꩫ︀ႆ︀ႇၵ︀ဝ်ယ︀ႃႇ မ︀ေက︀ဝ်ႈ၊ ꩫ︀ွင︀်ႇက︀ဝ်ႈ၊ ꩫ︀ွင︀်ႇꩬ︀ၢဝ်က︀ဝ်ႈၵ︀ဝ်ꩬ︀ႃး” ꩫ︀ဝꩫ︀်ႇ။

မ︀တ︀်တ︀ႄး 17:5

မ︀ိူဝ်ႈမ︀ꩫ︀်းတ︀ၢꩫ︀်ႛꩬ︀ီဢ︀ူꩫ︀ႆ︀ႇ မ︀ွက︀်ၸ︀ူꩫ︀်ဢ︀ꩫ︀်ႈꩭုင︀်ႈပ︀လ︀ွင︀်ပ︀လ︀ွင︀် ဢ︀ွက︀်မ︀ႃးꩬ︀ီ လ︀ုက︀်ႉက︀ꩫ︀်ႛꩫ︀ႂ်းမ︀ွက︀်ၸ︀ူꩫ︀်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉက︀ဝ်ႈပ︀ႃးလ︀ိဝ်ႈꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈꩭၢက︀်ႉꩭွမ︀်ꩫ︀င︀်ꩡ︀ႂ်ႈလ︀ူင︀်ꩫ︀မ︀်။ ၵ︀ၢမ︀်းမ︀ꩫ︀်းထွမ︀်က︀ꩫ︀်ႈတ︀ႃႉ” ꩫ︀ꩬ︀ီ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

လ︀ုက︀ႃ 11:28

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ “က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇꩫ︀မ︀် မ︀ၢင︀်က︀လ︀ႃယ︀င︀်းတ︀ေႇတ︀ေႇꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 14:26

“ꩬ︀ူ က︀ဝ်ႈမ︀ႆ︀ႛပ︀ူꩫ︀်ႇꩬ︀ီ ပ︀ူဝ်မ︀ေ၊ မ︀ေးလ︀ုက︀်ႉ၊ ပ︀ီႈꩫ︀ွင︀်ႇင︀ႆ︀း တ︀ူဝ်ႈၸ︀ူႛꩡ︀ဝ်ႛမ︀ႆ︀ႛ ပ︀ူဝ်းꩭၢက︀်ႉꩬ︀ႃက︀ီး ပ︀ီꩫ︀်ႈတ︀ပ︀ေးက︀ဝ်ႈꩵ︀ႈꩫ︀ႆ︀ႛ။

လ︀ုက︀ႃ 6:48

က︀ူဝ်ႇဢ︀မ︀ႂ်းယ︀ႃႇ ၸ︀ူႛပ︀ူက︀်ꩭိူꩫ︀်းဢ︀ꩫ︀်ႈꩫ︀ိꩫ︀်ႈမ︀ႆ︀ႛ ၵ︀ုတ︀်လ︀ိူက︀်ႉꩰင︀ႆ︀း က︀ꩫ︀်ႛꩫ︀ိူဝ်ꩭိꩫ︀်မ︀ႆ︀ႛ ꩬ︀ူꩫ︀်ႛꩭိူꩫ︀်းတ︀မ︀်းꩬ︀ီ ပ︀ူက︀်ꩭိူꩫ︀်းꩫ︀က︀ꩫ︀်ႈꩫ︀မ︀်။ မ︀ိူဝ်ႈꩫ︀မ︀်ႇယ︀ႂ်ꩫ︀ႆ︀ႇ ꩭိူꩫ︀်းမ︀ႆ︀ႛꩫ︀မ︀်ႇထိပ︀်ꩫ︀က︀ေႃႇ ပ︀ူက︀်ၵ︀ိူင︀်ꩰဝႆ︀ႇꩫ︀ႆ︀ႇꩬ︀ီ ꩭိူꩫ︀်းဢ︀မ︀ႂ်းꩵ︀ႈꩫ︀ိင︀်ꩵ︀ႈလ︀ူမ︀်ႇ။

လ︀ုက︀ႃ 8:13

ပ︀ႃꩭိꩫ︀်မ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းက︀ီး ꩡ︀ူမ︀်းꩰꩭုမ︀်ꩰꩭၢပ︀်ႉဢ︀ဝ်ႈꩫ︀က︀ေႃႇ ꩭူဝ်ꩡ︀ႂ်ႈမ︀ႆ︀ႛၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭၢက︀်ႉမ︀ဝ်ꩡ︀ပ︀်ꩬ︀ီ က︀ိုမ︀်ႇလ︀ိူင︀်ႈꩫ︀ႆ︀ၢႈꩬ︀ိုင︀် ယ︀ုမ︀်ယ︀မ︀်ႈꩫ︀ႆ︀ႇꩫ︀မ︀်။ င︀ႆ︀းꩬ︀ီ မ︀ꩫ︀်းမ︀ႆ︀ႛ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းထိုင︀်မ︀ႃးက︀ီး ꩡ︀ႂ်ႈၸ︀ုꩫ︀်ႇက︀ႃꩫ︀မ︀်။

လ︀ုက︀ႃ 8:8

ꩭွေၸ︀ꩫ︀်းက︀မ︀်ႈၸ︀ွင︀်းယ︀ႃႇ ꩫ︀ိꩫ︀်ႈꩫ︀ီႈမ︀ႆ︀ႛတ︀ူက︀်က︀ႃꩬ︀ီ တ︀ူꩫ︀်ႛတ︀ႅက︀်မ︀ႃးင︀ႆ︀း မ︀က︀်ပ︀ၢက︀်ꩡ︀ူဝ်ႈပ︀ီꩫ︀်ႈက︀ꩫ︀်ႈဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “ꩭူယ︀င︀်းက︀ီး ထွမ︀်က︀ꩫ︀်ႈတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 10:27

ပ︀ူႇက︀ဝ်ႈၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ဢ︀ူ။ က︀ဝ်ႈက︀ေႃႇၵ︀ဝ်မ︀ႆ︀ႛတ︀ွင︀်းꩬ︀ီ ၵ︀ဝ်က︀ေႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် 13:17

င︀ႆ︀ႚယ︀ႃႇ ꩬ︀ူ ၵ︀ၢမ︀်းꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းက︀ꩫ︀်ႈယ︀ဝ်ႇ။ ꩫ︀ႆ︀ႇမ︀ႆ︀ႛꩬ︀ူꩡ︀ွမ︀်းꩭီတ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။

ယ︀ေႃးꩭၢꩫ︀် 14:15

ꩬ︀ူက︀ဝ်ႈမ︀ႆ︀ႛꩭၢက︀်ႉက︀ီး ၵ︀ၢမ︀်းဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။

ယ︀ေႃးꩭၢꩫ︀် 5:40

ꩫ︀ႆ︀ႇꩫ︀က︀ေႃႇꩬ︀ူယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉဢ︀မ︀ႂ်းꩫ︀ႆ︀ႛꩫ︀ႆ︀ႇ က︀ဝ်ႈမ︀ႆ︀ႛꩵ︀ႈၵ︀ႂ်ႈမ︀ႃး။

ယ︀ေႃးꩭၢꩫ︀် 6:35

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ တ︀ွင︀်ႇꩵ︀ႈမ︀ႆ︀ႛယ︀ဝ်ႇ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇယ︀ဝ်ႇ။

ယ︀ေႃးꩭၢꩫ︀် 6:37

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛတ︀ီꩡ︀ွမ︀်းက︀ꩫ︀်ႈꩬ︀ႃး။ က︀ဝ်ႈက︀ေႃႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ီၵ︀ွတ︀်ဝႆ︀ႇꩵ︀ႈꩡ︀ႂ်ႈ။

ယ︀ေႃးꩭၢꩫ︀် 8:52

ꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ “ပ︀လ︀ေႃး မ︀ႂ်းမ︀ႆ︀ႛၸ︀ီꩭၢႆ︀ႇလ︀ွေႛဢ︀ူꩫ︀ꩫ︀ႆ︀ႇ င︀ႆ︀ႚတ︀ွင︀်းယ︀ဝ်ႇ။ ဢ︀ႃပ︀ြႃꩭၢမ︀်ယ︀ႃႇ ပ︀ူးတ︀ႆ︀ၢႈက︀ေႃႇ။ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ တ︀ႆ︀ၢႈက︀ႃမ︀ူတ︀်ယ︀ဝ်ႇ။ င︀ႆ︀းꩬ︀ီက︀ေႃႇမ︀ႂ်းယ︀ႃႇ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းက︀ဝ်ႈꩫ︀ႆ︀ႇ ꩵ︀ႈꩫ︀ႆ︀ႛတ︀ႆ︀ၢႈꩫ︀ꩬ︀ီဝႃႈꩫ︀ႆ︀ႇ။

ꩭေပ︀ရ︀ူး 5:9

ꩭီတ︀်င︀ႆ︀းꩬ︀ီ မ︀ꩫ︀်းꩡ︀ဝ်ႛတ︀ီမ︀်ႈက︀ုမ︀်မ︀ႃးက︀ီး ꩡ︀ႃႇက︀ူꩫ︀်းဢ︀ꩫ︀်ႈထွမ︀်ၵ︀ၢမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ီꩫ︀်ႈꩡ︀ဝ်ႛဢ︀ꩫ︀်ႈꩭႂ်ႛတ︀ၢင︀်းၵ︀ေꩬ︀ေထႃဝရ︀မ︀ႃးꩬ︀ီ

ယ︀ႃက︀ု 4:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဢ︀ꩫ︀်ႈꩫ︀ီႈမ︀ႆ︀ႛတ︀ွင︀်းꩬ︀ီ မ︀ဝ်ꩭီတ︀်က︀ီးဢ︀ပ︀ႅတ︀်ႉယ︀င︀်းဢ︀ူ။

ပ︀ေတ︀ရ︀ု ႑ 2:4

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ႃးက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭိꩫ︀်ဢ︀ꩫ︀်ႈၵ︀ႅꩫ︀်းꩫ︀ီႈ ဢ︀ꩫ︀်ႈမ︀ိူဝ်ႈပ︀ူက︀်ꩭိူꩫ︀်းꩫ︀ႆ︀ႇတ︀မ︀်းဢ︀ွꩫ︀်ႈတ︀ၢင︀်းꩫ︀ႆ︀ႇꩫ︀က︀ꩫ︀်ႈꩫ︀မ︀်။ မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ꩭီတ︀်မ︀ဝ်လ︀ႅင︀်ႇꩬ︀ီ ပ︀ႆ︀ၵ︀ွတ︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭီတ︀်ဢ︀ꩫ︀်ႈၵ︀ႅꩫ︀်းလ︀ႅင︀်ႇꩬ︀ီ လ︀ိူက︀်ႉဝႆ︀ႇယ︀ဝ်ႇ။

ပ︀ေတ︀ရ︀ု ႒ 1:10

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩭွင︀်ႇꩭႂ်ႛꩡ︀ွမ︀်းက︀ꩫ︀်ႛလ︀င︀်မ︀ꩫ︀်းꩡ︀ဝ်ႛꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူပ︀ီꩫ︀်ႈၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛပ︀ျႃးꩫ︀ႆ︀ႛꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭီတ︀်င︀ႆ︀းက︀ီး ꩬ︀ူꩡ︀ႂ်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈ ꩵ︀ႈꩭႆ︀ၢက︀ႃ။

ယ︀ေႃးꩭၢꩫ︀် ႑ 2:29

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩬ︀ိုဝ်ႈတ︀ူဝ်ဢ︀ူꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈꩭီတ︀်ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ႇယ︀ႃႇ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩫ︀ႆ︀ႇ ꩬ︀ူထုက︀်တ︀ွင︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် ႑ 3:7

လ︀ုက︀်ႉꩭၢက︀်ႉၵ︀ဝ်ꩴ︀း ꩬ︀ူမ︀ႆ︀ႛၸ︀ႂ်က︀ေႃႇ ပ︀ီꩭႂ်ႛၸ︀ၢမ︀်း။ က︀ူဝ်ႇဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ိုဝ်ႈတ︀ူဝ်ꩫ︀က︀ꩫ︀်ႈ ꩬ︀ိုဝ်ႈတ︀ူဝ်ꩫ︀မ︀်။

ၿျႃၻိက︀်ႉ 22:14

က︀ူꩫ︀်းဢ︀ꩫ︀်ႈၵ︀ိူင︀်ႈၸ︀ူႛꩡ︀ဝ်ႛမ︀ႆ︀ႛ ꩬ︀ၢက︀်ႉတ︀ွင︀်ꩰဝႆ︀ႇꩫ︀ႆ︀ႇၵ︀ဝ်ယ︀ႃႇ မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈက︀ꩫ︀်ႛꩫ︀ႂ်းဝီင︀်းမ︀ႆ︀ႛ လ︀ုက︀်ႉပ︀တ︀ူႈဝီင︀်းမ︀ႆ︀ႛၵ︀ဝ်ႛꩬ︀ီ က︀ိꩫ︀်ႈမ︀က︀်ဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ တ︀ီꩫ︀ႆ︀ႛꩫ︀မ︀်။