လ︀ုက︀ႃ 6:3 - Khamti Shan

³ ꩡ︀ဝ်ႛယ︀ေꩬ︀ုယ︀ႃႇ “ꩬ︀ူ လ︀ွင︀်ႈꩡ︀ဝ်ႛꩭူဝ်ၵ︀မ︀်းၻႃဝိ မ︀ဝ်ꩭွꩫ︀်ဢ︀ၢꩫ︀်က︀ျႃး။ မ︀ိူဝ်ႈမ︀ꩫ︀်းတ︀င︀်းက︀ူꩫ︀်းမ︀ꩫ︀်းꩫ︀ႆ︀ႇၵ︀ဝ် တ︀ွင︀်ႇမ︀ႆ︀ႛꩫ︀ႆ︀ႇ ꩭလ︀ိုဝ်ꩫ︀ႆ︀ꩭီတ︀်မ︀ႃးꩫ︀ႆ︀ႇ။

လ︀ုက︀ႃ 6:3 ပူးပေါင်းရင်းမြစ်များ

မ︀တ︀်တ︀ႄး 19:4

ꩡ︀ဝ်ႛယ︀ေꩬ︀ုယ︀ႃႇ “လ︀ွင︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ꩭလ︀ိုဝ်ဝႃႈဝႆ︀ႇꩫ︀ꩫ︀ႆ︀ႇ က︀ျမ︀်းလ︀ိက︀်ႉမ︀ႆ︀ႛ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛၸ︀ၢꩫ︀်ꩬ︀ၢင︀်းယ︀ႃႇ မ︀ိူဝ်ႈꩭူဝ်က︀ူဝ်လ︀ေႚလ︀ေႚꩫ︀ႆ︀ႇ က︀ူꩫ︀်းၸ︀ူႛꩡ︀ႆ︀ၢးꩫ︀ၵ︀ႃၸ︀ူႛယ︀ိင︀်းမ︀ႆ︀ႛ ၸ︀ၢꩫ︀်ꩬ︀ၢင︀်းဝႆ︀ႇဢ︀ူ။

မ︀တ︀်တ︀ႄး 21:16

ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ “လ︀ၵ︀ႃꩫ︀ႆ︀ႇၵ︀ဝ်က︀ꩬ︀င︀်ဢ︀ိဝ်က︀ꩫ︀်ႈꩫ︀ꩫ︀ႆ︀ႇ မ︀ႂ်းꩫ︀ႆ︀ႛꩥ︀ိꩫ︀်းဢ︀ေႃး” ꩫ︀ဝꩫ︀်ႇ။ ꩡ︀ဝ်ႛယ︀ေꩬ︀ုက︀ေႃႇ “ꩭလ︀ိုဝ်မ︀ဝ်ꩫ︀ႆ︀ႛꩥ︀ိꩫ︀်း။ ꩭႂ်ႛပ︀ူဝ်းလ︀ၵ︀ႃꩫ︀ႆ︀ႇၵ︀ဝ်၊ ဢ︀ေႚꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛꩡ︀ၢင︀်ႈꩫ︀ႆ︀ႇ ၵ︀ိင︀်းတ︀ူဝ်ꩡ︀ဝ်ႛꩬ︀ွꩫ︀်ꩭႂ်ႛယ︀ဝ်ႇ” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး” ꩫ︀ဢ︀ူ။

မ︀တ︀်တ︀ႄး 21:42

ꩡ︀ဝ်ႛယ︀ေꩬ︀ုယ︀ႃႇ “ “ꩭိꩫ︀်ဢ︀ꩫ︀်ႈၸ︀ူႛပ︀ူက︀်ꩫ︀ႆ︀ႇၵ︀ဝ် မ︀ဝ်လ︀ႅင︀်ႇꩬ︀ီ ပ︀ႆ︀ၵ︀ွတ︀်ꩫ︀ႆ︀ႇ ပ︀ီꩫ︀်ႈꩭိꩫ︀်တ︀ွပ︀်ႉꩡ︀ီင︀် ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႃးဢ︀ူ။ လ︀ွင︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ꩫ︀ႆ︀ႇꩬ︀ီ ၵ︀ိူင︀်ႈꩫ︀ီႈဢ︀ၢမ︀်းလ︀ူင︀်ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး။

မ︀တ︀်တ︀ႄး 22:31

လ︀ွင︀်ႈဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်တ︀ီꩫ︀ိပ︀်ပ︀ွက︀်ႉꩫ︀ႆ︀ႇ ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး။

မ︀တ︀်တ︀ႄး 4:2

ဢ︀မ︀ႂ်းမ︀ႆ︀ႛ ꩬ︀ီꩬ︀ိပ︀်ၵ︀ိုꩫ︀်းꩬ︀ီꩬ︀ိပ︀်ဝꩫ︀်း ꩭႅတ︀်ႉတ︀ွင︀်ႇမ︀ႃးက︀ီး ꩡ︀ဝ်ႛယ︀ေꩬ︀ုတ︀ွင︀်ႇမ︀ႆ︀ႛလ︀ူင︀်မ︀ႃးꩫ︀မ︀်။

မ︀ႃက︀ု 12:10

က︀ျမ︀်းလ︀ိက︀်ႉမ︀ႆ︀ႛ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး “ꩭိꩫ︀်ဢ︀ꩫ︀်ႈၸ︀ူႛပ︀ူက︀်ꩭိူꩫ︀်းꩫ︀ႆ︀ႇၵ︀ဝ် ပ︀ႆ︀ၵ︀ွတ︀်ဝႆ︀ႇꩫ︀ႆ︀ႇ ꩫ︀ိူဝ်ꩭိꩫ︀်တ︀င︀်းမ︀ိူင︀်းမ︀ႆ︀ႛ တ︀ီပ︀ီꩫ︀်ႈꩭိꩫ︀်ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႃးꩫ︀မ︀်။

မ︀ႃက︀ု 12:26

က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ လ︀ွင︀်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉယ︀ုမ︀်းဢ︀ꩫ︀်ႈမ︀ႆ︀ႛၸ︀ႆ︀းမ︀ႆ︀ႛ တ︀ၢꩫ︀်ႛၵ︀ၢမ︀်းꩫ︀ႆ︀ႇ “က︀ဝ်ႈယ︀ႃႇ ၸ︀ြႃးဢ︀ႃပ︀ြႃꩭၢမ︀်၊ ၸ︀ြႃးဢ︀ေꩬ︀က︀်၊ ၸ︀ြႃးယ︀ႃက︀ုꩫ︀မ︀်” ꩫ︀ꩬ︀ီ မ︀ေႃꩬ︀ေမ︀ႆ︀ႛဝႃႈမ︀ႃးဢ︀ူ။