လ︀ုက︀ႃ 6:23 - Khamti Shan

²³ ꩬ︀ူမ︀ႆ︀ႛပ︀ိူꩫ︀်ႈꩭီတ︀်င︀ႆ︀းမ︀ႃးက︀ီး ꩡ︀ူမ︀်းက︀ꩫ︀်ႈတ︀ႃႉ။ ပ︀ိဝ်ꩬ︀ီက︀ႃႛက︀ꩫ︀်ႈတ︀ႃႉ။ က︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛ ဢ︀က︀ိဝ်းဢ︀ꩫ︀်ႈꩬ︀ူတ︀ီꩫ︀ႆ︀ႛꩫ︀ႆ︀ႇ ယ︀ႂ်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူပ︀ူဝ်ၵ︀ဝ်ယ︀ႃႇ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩭီတ︀်မ︀ႃးယ︀ဝ်ႇ။

လ︀ုက︀ႃ 6:23 ပူးပေါင်းရင်းမြစ်များ

မ︀တ︀်တ︀ႄး 5:12

မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူးလ︀ူင︀်ꩡ︀ႃႇꩬ︀ူꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ꩭုမ︀်ꩡ︀ူမ︀်းက︀ꩫ︀်ႈတ︀ႃႉ။ ပ︀ရ︀ေႃးၸ︀ႅတ︀်ႉဢ︀ꩫ︀်ႈက︀ꩫ︀်ႛꩫ︀ႃႛꩬ︀ူꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။

လ︀ုက︀ႃ 1:41

ꩬ︀ီင︀်မ︀ေရ︀ီတ︀ူင︀်ႇတ︀ၢꩫ︀်ႛမ︀ႆ︀ႛ ဢ︀ေလ︀ိꩡ︀ပ︀ႅတ︀်ꩫ︀ႆ︀ႛꩥ︀ိꩫ︀်းက︀ီး လ︀ၵ︀ႃဢ︀ꩫ︀်ႈက︀ꩫ︀်ႛꩫ︀ႂ်းတ︀ွင︀်ႇမ︀ꩫ︀်းꩫ︀ႆ︀ႇ တ︀ီꩫ︀်ႛမ︀ႃးဢ︀ူ။ ꩫ︀ႆ︀ႇမ︀ႆ︀ႛ ဢ︀ေလ︀ိꩡ︀ပ︀ႅတ︀်ယ︀ႃႇ မ︀ꩫ︀်းမ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ိင︀်းမ︀ႃးꩬ︀ီ

လ︀ုက︀ႃ 1:44

မ︀ွင︀်းက︀ဝ်ႈ ꩫ︀ႆ︀ႛꩥ︀ိꩫ︀်းꩬ︀ီင︀်မ︀ႂ်းꩡ︀ဝ်ႛယ︀ႃႇ လ︀ုက︀်ႉက︀ဝ်ႈတ︀မ︀ိူင︀်းက︀ေႃႇꩡ︀ူမ︀်းꩬ︀ီ က︀ꩫ︀်ႛꩫ︀ႂ်းတ︀ွင︀်ႇက︀ဝ်ႈမ︀ႆ︀ႛ တ︀ီꩫ︀်ႛဢ︀ူ။

လ︀ုက︀ႃ 6:35

ꩬ︀ူယ︀ႃႇ င︀ႆ︀းပ︀ီꩭီတ︀်။ လ︀ꩫ︀်ꩬ︀ူမ︀ႆ︀ႛ ꩭၢက︀်ႉတ︀ႃႉ။ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ဢ︀ꩫ︀်ႈတ︀ီꩫ︀ႆ︀ႛပ︀ွက︀်ႉမ︀ႆ︀ႛမ︀ဝ်တ︀ႂ်းꩬ︀ီ က︀ူႛꩭႂ်ႛက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူဢ︀က︀ိဝ်းလ︀ူင︀်ꩫ︀ႆ︀ႛꩬ︀ီ တ︀ီပ︀ီꩫ︀်ႈၸ︀ူႛလ︀ုက︀်ႉၸ︀ြႃးဢ︀ꩫ︀်ႈၵ︀ႅꩫ︀်းꩬ︀ုင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်းꩫ︀ႆ︀ႇၵ︀ဝ် က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩫ︀ီႈဢ︀ူ။

ထဝ်ꩡ︀တ︀်ႉၵ︀ဝ် 14:10

င︀ႆ︀းက︀ီး ပ︀ေႃလ︀ုယ︀ႃႇမ︀ꩫ︀်းမ︀ႆ︀ႛ “လ︀ုက︀်ႉꩬ︀ီ တ︀ိꩫ︀်ႈမ︀ႂ်း ယ︀ီတ︀်ၵ︀ွတ︀်လ︀ႃး” ꩫ︀ꩬ︀ီက︀ႃꩭႅင︀်းဝႃႈဢ︀ူ။ ꩫ︀ႆ︀ႇမ︀ႆ︀ႛမ︀ꩫ︀်းက︀ေႃႇ တ︀ီꩫ︀်ႛလ︀ုက︀်ႉꩬ︀ီက︀ူဝ်ၸ︀ႆ︀ၢႛပ︀ꩫ︀်လ︀ေဢ︀ူ။

ထဝ်ꩡ︀တ︀်ႉၵ︀ဝ် 3:8

ၸ︀ုတ︀်လ︀ုက︀်ႉꩡ︀ၢတ︀်ꩫ︀ယ︀ဝ်ႇက︀ီး က︀ူဝ်ၸ︀ၢႆ︀ႛပ︀ꩫ︀်လ︀ေဢ︀ူ။ ယ︀ဝ်ႇက︀ီး မ︀ꩫ︀်း ယ︀ူဝ်းယ︀ွင︀်ႛမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း တ︀ီꩫ︀်ႛတ︀ုင︀်တ︀ီꩫ︀်ႛဝႅꩫ︀်ꩬ︀ီ ꩡ︀ွမ︀်းၵ︀ဝ်ႛက︀ႃꩡ︀ွင︀်းၿိက︀်ႉမ︀ၢꩫ︀်ဢ︀ူ။

ထဝ်ꩡ︀တ︀်ႉၵ︀ဝ် 5:41

တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ လ︀ုက︀်ႉယ︀ုင︀်းတ︀ြႃးမ︀ႆ︀ႛꩭုမ︀်ꩰꩡ︀ူမ︀်းꩰ ဢ︀ွက︀်က︀ႃဢ︀ူ။ လ︀ႆ︀ၢးပ︀ိူဝ်ႈꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ ၵ︀ဝ်မ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇ ဢ︀ꩫ︀်ႈထႅက︀်ႉꩬ︀ီၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းꩭႂ်ႛꩫ︀မ︀်ꩫ︀ꩬ︀ီ ꩡ︀ူမ︀်းက︀ꩫ︀်ႈဢ︀ူ။

ရ︀ေႃမ︀ 5:3

ဢ︀ꩫ︀်ႈꩭဝ်းယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭဝ်းꩡ︀ူမ︀်းꩭုမ︀်ဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ပ︀်ယ︀ၢက︀်ႉက︀ီး က︀ꩫ︀်ႛပ︀ီꩫ︀်ႈမ︀ႃးဢ︀ူꩫ︀ꩫ︀ႆ︀ႇꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 12:10

လ︀ႆ︀ၢးပ︀ိူဝ်ႈꩡ︀ဝ်ႛၵ︀ရ︀ီတ︀်ꩬ︀ီ က︀ဝ်ႈမ︀ႆ︀ႛဢ︀ꩫ︀်ႈꩭႅင︀်းဢ︀ေ၊ ဢ︀ꩫ︀်ႈပ︀ိူꩫ︀်ႈꩡ︀ူဝ်က︀ႃး၊ ဢ︀ꩫ︀်ႈယ︀ပ︀်ယ︀က︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩬ︀ီ တ︀ၢင︀်းယ︀ပ︀်ꩫ︀ႆ︀ႇၵ︀ဝ် က︀ꩬ︀င︀်ယ︀င︀်းပ︀တ︀ု က︀ဝ်ႈက︀ူႈမ︀ိုဝ်ႇ ပ︀ေꩡ︀ႂ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈꩭႅင︀်းဢ︀ေꩫ︀ႆ︀ႇ က︀ဝ်ႈꩭႅင︀်းယ︀င︀်းဢ︀ူ။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

ꩭေပ︀ရ︀ူး 11:26

မ︀ꩫ︀်းယ︀ႃႇ ꩬ︀ူးမ︀ꩫ︀်းဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛ ယ︀င︀်းꩫ︀ႆ︀ႇမ︀ႆ︀ႛ တ︀ႂ်းဢ︀ူꩫ︀ႆ︀ႇꩬ︀ီ ဢ︀ꩫ︀်ႈꩡ︀ႃႇꩡ︀ဝ်ႛၵ︀ရ︀ီတ︀် ၵ︀ၢမ︀်ၻုက︀်ႉၵ︀ꩫ︀ႆ︀ႇယ︀ႃႇ ꩡ︀ေးꩡ︀ိမ︀်မ︀ိူင︀်းဢ︀ီက︀ျီပ︀်တ︀င︀်းမ︀ိူင︀်းမ︀ႆ︀ႛ မ︀ႅတ︀်ႉꩬ︀ႃဢ︀ူꩫ︀ꩬ︀ီꩭꩫ︀်ဢ︀ူ။

ꩭေပ︀ရ︀ူး 11:6

တ︀ၢင︀်းယ︀ုမ︀်ယ︀မ︀်ႈမ︀ဝ်ယ︀င︀်းက︀ီး ၸ︀ႂ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈမ︀ႃးꩡ︀ႂ်ႈꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ႂ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းဢ︀ူꩫ︀ꩫ︀ႆ︀ႇလ︀ိူင︀်ႈ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းၵ︀ႃမ︀ႆ︀ႛ မ︀ꩫ︀်းꩡ︀ဝ်ႛဢ︀က︀ိဝ်းပ︀ူင︀်ႈꩭႂ်ႛဢ︀ူꩫ︀ꩫ︀ႆ︀ႇလ︀ိူင︀်ႈ ဝႃႈယ︀ုမ︀်ယ︀မ︀်ႈꩫ︀မ︀်။

ယ︀ႃက︀ု 1:2

ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈယ︀ပ︀်ယ︀ၢက︀်ႉꩫ︀ႆ︀ႇ ꩡ︀ူမ︀်းꩭုမ︀်က︀ꩫ︀်ႈတ︀ႃႉ။

ပ︀ေတ︀ရ︀ု ႑ 4:13

ꩡ︀ူမ︀်းꩬ︀ိုင︀်ꩡ︀ူမ︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၻုက︀်ႉၵ︀ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ူၵ︀ၢမ︀်လ︀ွေႛꩫ︀ႆ︀ႇꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛက︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းတ︀င︀်းမ︀ိူင︀်းꩭꩫ︀်ꩬ︀ီ ꩬ︀ူတ︀ီꩫ︀ႆ︀ႛꩡ︀ူမ︀်းလ︀ူင︀်ꩡ︀ူမ︀်းလ︀ၢင︀်က︀ꩫ︀်ႈꩫ︀မ︀်။

ၿျႃၻိက︀်ႉ 2:17

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၵ︀ဝ်ႛမ︀ုꩫ︀်းမ︀ၢꩫ︀်ꩫ︀ဢ︀ꩫ︀်ႈဢ︀ဝ်ႈပ︀ႆ︀ၢႈမ︀ႅပ︀်ဝႆ︀ႇꩫ︀ႆ︀ႇ တ︀ီꩭႂ်ႛꩫ︀မ︀်။ ၵ︀ဝ်မ︀ႆ︀ႛ ꩭိꩫ︀်ၸ︀ိူက︀်ဢ︀ꩫ︀်ႈꩡ︀ိုဝ်ႈမ︀ႂ်တ︀ႅမ︀်ႛဝႆ︀ႇ ဢ︀ꩫ︀်ႈၸ︀ႂ်က︀ေႃႇဢ︀ၢꩫ︀်မ︀ဝ်ꩡ︀ၢင︀်ႈꩫ︀ႆ︀ႇ တ︀ီꩭႂ်ႛꩫ︀မ︀်။ ꩡ︀ိုဝ်ႈဢ︀မ︀ႂ်းယ︀ႃႇ ၵ︀ဝ်က︀ူဝ်ႇဢ︀ꩫ︀်ႈꩭိꩫ︀်ဢ︀မ︀ႂ်းꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ဢ︀ၢꩫ︀်ꩡ︀ၢင︀်ႈꩫ︀ႆ︀ႇ” ꩫ︀ဝꩫ︀်ႇ။

ၿျႃၻိက︀်ႉ 2:26

က︀ူဝ်ႇဢ︀ꩫ︀်ႈတ︀ူဝ်ပ︀ူဝ်းꩬ︀ုတ︀် ပ︀ေႇဢ︀ွင︀်ꩬ︀ီ ၵ︀ၢမ︀်းက︀ဝ်ႈထွမ︀်ꩡ︀ွမ︀်းဢ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၵ︀ၢင︀်းဢ︀ꩫ︀်ႈၸ︀ꩫ︀်းက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ က︀ဝ်ႈတ︀ီꩭႂ်ႛꩫ︀မ︀်။

ၿျႃၻိက︀်ႉ 2:7

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ဝ်ႈမ︀က︀်ဢ︀ꩬ︀ၢက︀်ႉဢ︀ꩫ︀်ႈꩬ︀ူꩫ︀်ဢ︀ေတ︀ီꩫ︀်မ︀ႆ︀ႛယ︀င︀်းꩫ︀ႆ︀ႇ တ︀ီꩭႂ်ႛꩫ︀ႆ︀ႛက︀ိꩫ︀်ႈꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 21:7

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛဢ︀မ︀ွေꩫ︀မ︀်။ က︀ဝ်ႈပ︀ီꩫ︀်ႈၸ︀ြႃးၵ︀ဝ်ꩬ︀ီ ၵ︀ဝ်က︀ေႃႇတ︀ီပ︀ီꩫ︀်ႈလ︀ုက︀်ႉက︀ဝ်ႈၵ︀ဝ်ꩫ︀မ︀်။

ၿျႃၻိက︀်ႉ 3:12

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးက︀ဝ်ႈမ︀ႆ︀ႛ တ︀ီဢ︀ဝ်ႈပ︀ီꩫ︀်ႈꩬ︀ဝ်ꩫ︀မ︀်။ ၵ︀ဝ်မ︀ႆ︀ႛမ︀ိူဝ်ႈလ︀ႂ်ႈက︀ေႃႇ လ︀ုက︀်ႉꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩵ︀ႈဢ︀ဝ်ႈဢ︀ွက︀်ယ︀ဝ်ႇ။ က︀ꩫ︀်ႛꩫ︀ိူဝ်ၵ︀ဝ်မ︀ႆ︀ႛ ꩡ︀ိုဝ်ႈၸ︀ြႃးက︀ဝ်ႈ၊ ꩡ︀ိုဝ်ႈဝီင︀်းၸ︀ြႃးက︀ဝ်ႈ ဝီင︀်းယ︀ေရ︀ုꩬ︀လ︀ိမ︀်မ︀ႂ် ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ် လ︀ုက︀်ႉၸ︀ြႃးက︀ဝ်ႈမ︀ႆ︀ႛ ဢ︀ွက︀်မ︀ႃးꩫ︀ႆ︀ႇ တ︀ီတ︀ႅမ︀်ႛꩭႂ်ႛꩫ︀မ︀်။ ꩡ︀ိုဝ်ႈမ︀ႂ်က︀ဝ်ႈက︀ေႃႇ တ︀ီတ︀ႅမ︀်ႛꩭႂ်ႛꩫ︀မ︀်။

ၿျႃၻိက︀်ႉ 3:5

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်င︀ႆ︀းꩫ︀က︀ꩫ︀်ႈ ၵ︀ိူင︀်ႈၵ︀ၢဝ်တ︀ီꩫ︀ႆ︀ႛꩫ︀ုင︀်ႈꩫ︀မ︀်။ ꩡ︀ိုဝ်ႈၵ︀ဝ်မ︀ႆ︀ႛ က︀ဝ်ႈလ︀ုက︀်ႉပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩵ︀ႈလ︀ုပ︀်ႉမ︀ွတ︀်ပ︀ိူင︀်ႈလ︀ူင︀်။ ၵ︀ဝ်ပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်က︀ဝ်ႈꩫ︀ၵ︀ႃ ၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ က︀ဝ်ႈတ︀ီတ︀ႅဝ်ꩡ︀ုꩫ︀်ႈꩰလ︀ႅင︀်းꩰꩫ︀မ︀်။