လ︀ုက︀ႃ 6:22 - Khamti Shan

²² လ︀ႆ︀ၢးပ︀ိူဝ်ႈက︀ဝ်ႈ ၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩬ︀ီ ꩬ︀ူမ︀ႆ︀ႛ ပ︀ိူꩫ︀်ႈꩡ︀င︀်းꩫ︀က︀ေႃႇယ︀ႃ၊ ပ︀ႆ︀ၵ︀ွတ︀်ꩫ︀က︀ေႃႇယ︀ႃ၊ က︀ေးလ︀ေးꩫ︀က︀ေႃႇယ︀ႃ၊ ဢ︀ဝ်ႈꩬ︀ူဝ်ႇꩫ︀က︀ေႃႇယ︀ႃ ꩭီတ︀်မ︀ႃးက︀ီး ꩬ︀ူမ︀ၢင︀်က︀လ︀ႃယ︀င︀်းဢ︀ူ။

လ︀ုက︀ႃ 6:22 ပူးပေါင်းရင်းမြစ်များ

မ︀တ︀်တ︀ႄး 10:18

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛ ပ︀ိူꩫ︀်ႈတ︀ီꩡ︀ꩫ︀်ႈက︀ႃပ︀ၢင︀်ႈꩫ︀ႃႛꩡ︀ဝ်ႛၵ︀ုꩫ︀်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီ ၵ︀ဝ်မ︀ႆ︀ႛတ︀မ︀ိူင︀်း၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩬ︀ူꩭီတ︀်ꩬ︀ၢက︀်ႉꩬ︀ေက︀ဝ်ႈꩬ︀ီ တ︀ီꩫ︀ႆ︀ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀မ︀်။

မ︀တ︀်တ︀ႄး 10:22

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ပ︀ိူꩫ︀်ႈတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩡ︀င︀်းက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ူဝ်ပ︀ူဝ်းတ︀ႆ︀ၢႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀မ︀်။

မ︀တ︀်တ︀ႄး 10:39

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ူꩫ︀်ႇလ︀ိူဝ်ꩬ︀ီ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛလ︀ႅင︀်ႇꩬ︀ႃꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ႃႇက︀ဝ်ႈꩬ︀ီ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်လ︀ႅင︀်ႇꩫ︀ႆ︀ႇယ︀ႃႇ ဢ︀ꩬ︀ၢက︀်ႉꩫ︀ႆ︀ႛဢ︀ူ။

လ︀ုက︀ႃ 20:15

မ︀ꩫ︀်းမ︀ႆ︀ႛဢ︀ဝ်ႈဢ︀ွက︀်က︀ꩫ︀်ႛꩫ︀ွက︀်ႉꩬ︀ူꩫ︀်ꩬ︀ီ ဢ︀ဝ်ႈတ︀ႆ︀ၢႈၵ︀ွတ︀်ဢ︀ူ။ င︀ႆ︀းက︀ီး ꩡ︀ဝ်ႛꩬ︀ူꩫ︀်ꩫ︀ႆ︀ႇ ၵ︀ဝ်မ︀ႆ︀ႛတ︀ီꩭလ︀ိုဝ်ꩫ︀ႆ︀။

လ︀ုက︀ႃ 21:17

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈတ︀ပ︀ေးက︀ဝ်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ူꩫ︀်းတ︀င︀်းမ︀ိူင︀်း တ︀ီꩡ︀င︀်းက︀ꩫ︀်ႈꩫ︀မ︀်။

လ︀ုက︀ႃ 6:21

ꩬ︀ူဢ︀ꩫ︀်ႈင︀ႆ︀ႚတ︀ွင︀်ႇမ︀ႆ︀ႛꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ယ︀ၢမ︀်းဢ︀ꩫ︀်ႈꩬ︀ူဢ︀ိမ︀်ꩰတ︀ီမ︀်ႈꩰꩫ︀ႆ︀ႇ တ︀ီထိုင︀်မ︀ႃးꩫ︀မ︀်။ ꩬ︀ူဢ︀ꩫ︀်ႈင︀ႆ︀ႚ ꩭႆ︀ႛꩫ︀ႆ︀ႇၵ︀ဝ်မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ယ︀ၢမ︀်းဢ︀ꩫ︀်ႈꩬ︀ူꩫ︀ႆ︀ႛၵ︀ူဝ်ꩫ︀ႆ︀ႛပ︀ိဝ်ꩫ︀ႆ︀ႇ တ︀ီထိုင︀်မ︀ႃးꩫ︀မ︀်။

ယ︀ေႃးꩭၢꩫ︀် 12:42

ꩫ︀ႆ︀ႇꩫ︀ႆ︀ၢႈက︀ေႃႇ ꩭူဝ်က︀ေက︀ျူးဢ︀ၢꩫ︀်တ︀ၢꩫ︀် ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႈၵ︀ဝ်မ︀ႆ︀ႛၸ︀ႃရ︀ိꩬ︀ႄၵ︀ဝ် လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛꩭူဝ်ႛဢ︀ွက︀်ꩬ︀ီ ဢ︀ꩫ︀်ႈၵ︀ဝ်ယ︀ုမ︀်ယ︀မ︀်ႈꩫ︀ႆ︀ႇ ၸ︀ႂ်မ︀ႆ︀ႛက︀ေႃႇꩵ︀ႈပ︀ျႃးꩡ︀ုꩫ︀်ႈꩰ။

ယ︀ေႃးꩭၢꩫ︀် 16:2

မ︀ဝ်ꩭိုင︀်က︀ꩬ︀င︀် ꩬ︀ူမ︀ႆ︀ႛ ပ︀ိူꩫ︀်ႈတ︀ီꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။ ꩬ︀ူမ︀ႆ︀ႛ လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ တ︀ီꩭူဝ်ႛဢ︀ွက︀်ၵ︀ွတ︀်ယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩬ︀ူမ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ ၵ︀ꩫ︀်တ︀ႂ်းဢ︀ꩫ︀်ႈမ︀ိုင︀်ႇꩬ︀ႃꩬ︀ꩫ︀ႃၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀ီဢ︀ဝ်ႈတ︀ႆ︀ၢႈက︀ꩫ︀်ႈꩫ︀မ︀်။

ယ︀ေႃးꩭၢꩫ︀် 17:14

က︀ဝ်ႈၵ︀ႃႛၵ︀ဝ်မ︀ႆ︀ႛ ၵ︀ၢမ︀်းꩡ︀ဝ်ႛ ဝႃႈꩭႂ်ႛတ︀ီၵ︀ႃႛယ︀ဝ်ႇ။ ꩫ︀င︀်က︀ဝ်ႈၵ︀ႃႛက︀ူꩫ︀်းမ︀ိူင︀်းက︀ၢင︀်ႈမ︀ဝ်ꩡ︀ႂ်ႈꩫ︀က︀ꩫ︀်ႈ ၵ︀ဝ်က︀ေႃႇမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩡ︀င︀်းက︀ꩫ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 7:7

ꩬ︀ူမ︀ႆ︀ႛယ︀ႃႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ဢ︀ꩫ︀်ႈဝႃႈꩡ︀င︀်းꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇ တ︀ၢင︀်းက︀ႅင︀်းꩭင︀်ႛၵ︀ဝ်မ︀ႆ︀ႛ ပ︀ုတ︀်ၵ︀ႆ︀ႈꩭႂ်ႛꩫ︀ႆ︀ႇꩬ︀ီ က︀ဝ်ႈမ︀ႆ︀ႛယ︀ႃႇၵ︀ဝ်ꩡ︀င︀်းဢ︀ူ။

ယ︀ေႃးꩭၢꩫ︀် 9:34

ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “မ︀ႂ်းꩫ︀ႆ︀ႇ လ︀ုက︀်ႉမ︀ိူဝ်ႈၸ︀ေႈပ︀ုꩫ︀်ႛ ပ︀ႃႉဢ︀ပ︀ႅတ︀်ႉမ︀ႃးꩬ︀ီက︀ေႃႇ ꩫ︀င︀်မ︀ႂ်းꩫ︀ႃႊတ︀ူႈမ︀ႆ︀ႛ ၵ︀ႂ်ႈꩬ︀ွꩫ︀်တ︀ြႃး” ꩫ︀ꩬ︀ီမ︀ꩫ︀်းမ︀ႆ︀ႛ လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ဢ︀ူ။

ထဝ်ꩡ︀တ︀်ႉၵ︀ဝ် 22:22

က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ဢ︀ဝ်ႈထိုင︀်ꩫ︀ႆ︀ႇ တ︀ိင︀်ꩬ︀ီထွမ︀်က︀ꩫ︀်ႈယ︀ဝ်ႇက︀ီး “မ︀ꩫ︀်းမ︀ႆ︀ႛ ၵ︀ွတ︀်တ︀ႃႉ။ ဢ︀ဝ်ႈတ︀ၢႆ︀ႈတ︀ႃႉ။ မ︀ꩫ︀်းယ︀ႃႇ ဢ︀ူမ︀ိူင︀်းက︀ၢင︀်ႈꩵ︀ႈထႅက︀်ႉ” ꩫ︀ꩬ︀ီ တ︀င︀်းမ︀ိူင︀်းဢ︀ိဝ်ꩬ︀ႅꩫ︀်က︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 24:5

က︀ူဝ်ႇꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈယ︀ပ︀်ယ︀ၢက︀်ႉလ︀ူင︀်ꩫ︀မ︀်။ က︀ူꩫ︀်းဢ︀ꩫ︀်ႈမ︀ၢꩫ︀်ႛမ︀ိူင︀်းမ︀ႆ︀ႛ ꩡ︀ၢင︀်ႈꩭီတ︀်ၸ︀ေးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛꩭꩫ︀်တ︀ီၵ︀ႃႛဢ︀ူ။ က︀ျူးꩫ︀ႆ︀ႇၵ︀ဝ်မ︀ႆ︀ႛ တ︀င︀်းက︀မ︀်ၸ︀ႃက︀ူႈတ︀ီႈမ︀ႆ︀ႛ မ︀ꩫ︀်းဢ︀ဝ်ႈယ︀ုင︀်ႛဢ︀ဝ်ႈဢ︀ုက︀်မ︀ႃးတ︀ီၵ︀ႃႛဢ︀ူ။ မ︀ꩫ︀်းယ︀ႃႇ ꩭူဝ်က︀ေက︀ုမ︀်ႛꩫ︀ႃꩡ︀ရ︀ႅတ︀်တ︀ီၵ︀ႃႛꩫ︀မ︀်။

ထဝ်ꩡ︀တ︀်ႉၵ︀ဝ် 9:16

မ︀ꩫ︀်းယ︀ႃႇ ꩡ︀ႃႇꩭၢင︀်းက︀ဝ်ႈ ၵ︀ႂ်ႈလ︀ႂ်ႈတ︀ီꩫ︀ႆ︀ႛယ︀ပ︀်တ︀ီꩫ︀ႆ︀ႛၵ︀ိူက︀်ႉꩫ︀ꩫ︀ႆ︀ႇ မ︀ꩫ︀်းမ︀ႆ︀ႛက︀ဝ်ႈꩡ︀ဝ်ႛ တ︀ီပ︀ျႃးꩭႂ်ႛꩫ︀မ︀်” ꩫ︀ဝꩫ︀်ႇ။

ယ︀ႃက︀ု 1:12

မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ် ၵ︀ဝ်ႛမ︀ႃးꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈက︀ꩫ︀်ႛပ︀ေႇ၊ ၸ︀ူႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩬ︀ူးဢ︀ꩬ︀ၢက︀်ႉꩭႂ်ႛက︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩬ︀ီꩫ︀မ︀်။

ပ︀ေတ︀ရ︀ု ႑ 3:14

ꩬ︀င︀်ဝႃႈꩬ︀ူꩭီတ︀်လ︀ွင︀်ႈꩫ︀ီႈꩬ︀ီ ၸ︀ေးထိုင︀်မ︀ႃးꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ႆ︀ႛက︀ေႃႇ ပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈ။