လ︀ုက︀ႃ 4:8 - Khamti Shan

⁸ ꩡ︀ဝ်ႛယ︀ေꩬ︀ုယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈမ︀ႆ︀ႛꩫ︀ႆ︀ၢႈꩫ︀မ︀် ဝႃႈပ︀ႆ︀ၢႛဝႃႈမ︀ိုင︀်ႇꩫ︀ႆ︀ႇꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

လ︀ုက︀ႃ 4:8 ပူးပေါင်းရင်းမြစ်များ

မ︀တ︀်တ︀ႄး 16:23

ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛယ︀ိုဝ်ႈꩫ︀ႃႛꩬ︀ီ “ꩭိူဝ်း ၵ︀ုꩫ︀်ꩬ︀ူင︀်။ ၵ︀ႆ︀ၢႇတ︀ႃႉ။ က︀ဝ်ႈမ︀ႆ︀ႛပ︀ီက︀ဝ်း။ ဢ︀ꩫ︀်ႈမ︀ႂ်းဝႃႈꩫ︀ႆ︀ႇ ဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။ ဢ︀လ︀ၢင︀်းမ︀ႂ်းꩫ︀ႆ︀ၢႈꩫ︀မ︀်” ꩫ︀ဢ︀ူ။

မ︀တ︀်တ︀ႄး 4:10

ꩡ︀ဝ်ႛယ︀ေꩬ︀ုယ︀ႃႇ “ꩭိူဝ်း ၵ︀ုꩫ︀်ꩬ︀ူင︀်။ ဢ︀ွက︀်က︀ႃတ︀ႃႉ။ “ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛꩫ︀ႆ︀ၢႈပ︀ႆ︀ၢႛဝႆ︀ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀်ဝႃႈမ︀ိုင︀်ႇꩫ︀ႆ︀ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

လ︀ုက︀ႃ 4:4

ꩡ︀ဝ်ႛယ︀ေꩬ︀ုယ︀ႃႇ “က︀ူꩫ︀်းꩫ︀ꩫ︀ႆ︀ႇ ဢ︀ဝ်ႈဢ︀ꩫ︀်ႈက︀ိꩫ︀်ႈꩫ︀ႆ︀ၢႈꩬ︀ိုင︀် ဢ︀ꩬ︀ၢက︀်ႉꩫ︀ိပ︀်ꩵ︀ႈꩡ︀ႂ်ႈꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ပ︀ွက︀်ႉꩭႂ်ႛဢ︀ူ။

လ︀ုက︀ႃ 4:7

င︀ႆ︀းꩫ︀ႆ︀ႇꩬ︀ီ က︀ဝ်ႈမ︀ႆ︀ႛပ︀ႆ︀ၢႛက︀ီး ဢ︀မ︀ႂ်းၵ︀ဝ် မ︀ႂ်းꩡ︀ဝ်ႛမ︀ႆ︀ႛꩭႂ်ႛက︀ွတ︀်” ꩫ︀ဝꩫ︀်ႇ။

ယ︀ႃက︀ု 4:7

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဢ︀လ︀ၢင︀်းꩡ︀ဝ်ႛထႃဝရ︀ၸ︀ြႃးမ︀ႆ︀ႛꩡ︀ွမ︀်းꩫ︀ီႈꩫ︀ီႈတ︀ႃႉ။ ၵ︀ုꩫ︀်ꩬ︀ူင︀်မ︀ႆ︀ႛယ︀ႃႇ ꩭေႇက︀င︀်ႛပ︀ွက︀်ႉတ︀ႃႉ။ င︀ႆ︀းက︀ီးမ︀ꩫ︀်းလ︀ုက︀်ႉꩭဝ်းမ︀ႆ︀ႛ ပ︀ၢႆ︀ႈဢ︀ွက︀်က︀ႃဢ︀ူ။

ပ︀ေတ︀ရ︀ု ႑ 5:9

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰꩬ︀ီ ၵ︀ုꩫ︀်ꩬ︀ူင︀်မ︀ႆ︀ႛꩭၢမ︀်ႛတ︀ႃႉ။ ပ︀ီႈꩫ︀ွင︀်ႇꩭဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်ꩬ︀ူꩫ︀က︀ꩫ︀်ႈ ၵ︀ိူက︀်ႉယ︀ၢက︀်ႉꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

ၿျႃၻိက︀်ႉ 22:9

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ယ︀ႃႇ “က︀ဝ်ႈမ︀ႆ︀ႛပ︀ီပ︀ႆ︀ၢႛ။ က︀ဝ်ႈက︀ေႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်မ︀ႂ်း၊ ꩫ︀င︀်ပ︀ရ︀ေႃးၸ︀ႅတ︀်ႉ ပ︀ီႈꩫ︀ွင︀်ႇမ︀ႂ်းꩫ︀ႆ︀ႇၵ︀ဝ်၊ ꩫ︀င︀်က︀ူꩫ︀်းဢ︀ꩫ︀်ႈၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထွမ︀်ꩡ︀ွမ︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀်ပ︀ႆ︀ၢႛတ︀ႃႉ” ꩫ︀ဝꩫ︀်ႇ။