လ︀ုက︀ႃ 4:5 - Khamti Shan

⁵ ဝႆ︀ၢးꩫ︀ႆ︀ႇ ၵ︀ုꩫ︀်ꩬ︀ူင︀်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ꩭွင︀်ႇက︀ႃက︀ꩫ︀်ႛꩫ︀ိူဝ်တ︀ီႈဢ︀ꩫ︀်ႈꩬ︀ုင︀်င︀ႆ︀း မ︀ိူင︀်းက︀မ︀်ၸ︀ႃတ︀င︀်းꩡ︀ꩫ︀်ႇမ︀ႆ︀ႛ ꩡ︀ူဝ်ႈၸ︀ိပ︀်ႉတ︀ႃႈလ︀ိူင︀်ႈ ပ︀ျႃးꩭႂ်ႛꩬ︀ီ

လ︀ုက︀ႃ 4:5 ပူးပေါင်းရင်းမြစ်များ

မ︀တ︀်တ︀ႄး 24:14

က︀ူႈတ︀ီႈက︀ူႈꩫ︀ႅꩫ︀်ႈ က︀ူꩫ︀်းက︀ူႈၸ︀ꩫ︀်းမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းယ︀ဝ်ႇက︀ႃက︀ီး ယ︀ၢမ︀်းဢ︀ꩫ︀်ႈက︀မ︀်ၸ︀ႃꩬ︀ုတ︀်တ︀ီထိုင︀်မ︀ႃးꩫ︀မ︀်။

မ︀တ︀်တ︀ႄး 4:8

င︀ႆ︀းက︀ီး ၵ︀ုꩫ︀်ꩬ︀ူင︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ိက︀်ꩫ︀ွႆ︀ႈဢ︀ꩫ︀်ႈꩬ︀ုင︀်လ︀ူင︀်မ︀ႆ︀ႛ ꩭွင︀်ႇက︀ႃꩬ︀ီ မ︀ိူင︀်းလ︀ူင︀် ဢ︀ꩫ︀်ႈက︀ႃႈꩡ︀ိုဝ်ႈက︀မ︀်ၸ︀ႃမ︀ႆ︀ႛယ︀င︀်းꩫ︀ႆ︀ႇၵ︀ဝ် ၵ︀ႂ်ႈလ︀ႂ်ႈဢ︀မ︀်ꩫ︀ꩫ︀ႆ︀ႇပ︀ျႃးꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 15:52

ဢ︀မ︀ႂ်းယ︀ႃႇ မ︀ိူဝ်ႈပ︀ႆ︀ၢႈꩭၢင︀်လ︀ေႚလ︀ေႚ ꩬ︀ီင︀်ပ︀ဝ်တ︀ုတ︀်ဢ︀ွက︀်မ︀ႃးꩫ︀ႆ︀ႇ ꩡ︀ူဝ်ႈၸ︀ိပ︀်ႉတ︀ႃႈမ︀ႆ︀ႛꩫ︀ႆ︀ၢႈ တ︀ီလ︀ွက︀်ႉလ︀ႆ︀ၢႈက︀ႃꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်ယ︀ႃႇ က︀ꩡ︀ူးꩫ︀ိပ︀်ပ︀ွက︀်ႉမ︀ႃးꩬ︀ီ တ︀ီပ︀ီꩫ︀်ႈဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈက︀ႃꩫ︀မ︀်။ ꩭဝ်းတ︀င︀်းမ︀ိူင︀်းက︀ေႃႇ က︀ꩡ︀ူးလ︀ွက︀်ႉလ︀ႆ︀ၢႈမ︀ႃးꩬ︀ီ တ︀ီပ︀ီꩫ︀်ႈဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈက︀ႃꩫ︀မ︀်။

က︀ေႃရ︀ိꩫ︀်တ︀ု ႑ 7:31

က︀ူဝ်ႇဢ︀ꩫ︀်ႈၵ︀ူဝ်းလ︀ိင︀်းမ︀ိူင︀်းက︀ၢင︀်ႈ ꩫ︀ႆ︀ႛတ︀ိုဝ်းꩫ︀ီႈꩫ︀ီႈꩫ︀ႆ︀ႇက︀ေႃႇ ꩫ︀င︀်တ︀င︀်းၵ︀ူဝ်းလ︀ိင︀်းဢ︀မ︀ႂ်းၵ︀ဝ် မ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈꩫ︀က︀ꩫ︀်ႈ ဝႃႈဢ︀ူꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀မ︀်ၸ︀ႃဢ︀ꩫ︀်ႈင︀ႆ︀ႚယ︀င︀်းꩫ︀ႆ︀ႇယ︀ႃႇ မ︀ဝ်ꩭိုင︀်က︀ꩬ︀င︀် တ︀ီလ︀ူႇပ︀ႅက︀်ႉက︀ႃꩫ︀မ︀်။

က︀ေႃရ︀ိꩫ︀်တ︀ု ႒ 4:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ ဢ︀ꩫ︀်ႈင︀ႆ︀ႚꩭဝ်းၵ︀ၢမ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်လ︀ူင︀် ꩭိုင︀်လ︀ူင︀်ꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈဢ︀မ︀ႂ်းၵ︀ဝ်ꩬ︀ီ မ︀ူꩫ︀်ႈင︀ဝ်းလ︀ူင︀်ထႃဝရ︀ ဢ︀ꩫ︀်ႈၻုက︀်ႉၵ︀ꩭဝ်းမ︀ႆ︀ႛ ယ︀ႂ်ပ︀ူꩫ︀်ႇꩬ︀ႃꩫ︀ႆ︀ႇ ꩭဝ်းတ︀ီꩫ︀ႆ︀ႛꩭၢပ︀်ႉဢ︀ဝ်ႈꩫ︀မ︀်။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

ဢ︀ေၸ︀ႅတ︀် 6:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။