လ︀ုက︀ႃ 22:32 - Khamti Shan

³² င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ႂ်း တ︀ၢင︀်းယ︀ုမ︀်ယ︀မ︀်ႈမ︀ဝ်လ︀ူႇꩫ︀ႆ︀ႇ က︀ဝ်ႈယ︀ွꩫ︀်းꩬ︀ူးယ︀ဝ်ႇ။ မ︀ိူဝ်ႈမ︀ႂ်း က︀ဝ်ႈမ︀ႆ︀ႛတ︀ၢဝ်ႈပ︀ွက︀်ႉမ︀ႃးꩫ︀ႆ︀ႇ ပ︀ီႈꩫ︀ွင︀်ႇမ︀ႂ်းၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛတ︀ႃႉ” ꩫ︀ဝꩫ︀်ႇ။

လ︀ုက︀ႃ 22:32 ပူးပေါင်းရင်းမြစ်များ

မ︀တ︀်တ︀ႄး 18:3

“ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ ꩬ︀ူꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩡ︀ႂ်ႈပ︀ူဝ်းမ︀ဝ်လ︀ႆ︀ၢႈမ︀ႃးက︀ီး မ︀ိူင︀်းက︀ၢင︀်ႈꩭၢဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛၵ︀ဝ်ႛ။

မ︀တ︀်တ︀ႄး 26:75

ꩫ︀ႆ︀ႇမ︀ႆ︀ႛ “မ︀ိူဝ်ႈက︀ႆ︀မ︀ဝ်ပ︀ႆ︀ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ၢင︀်ႈꩰတ︀ီဝႃႈꩬ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုဝႃႈမ︀ႃးꩫ︀ႆ︀ႇမ︀ႆ︀ႛ ပ︀ေတ︀ရ︀ုဢ︀ွက︀်ꩡ︀ႂ်ႈမ︀ႃးဢ︀ူ။ င︀ႆ︀းꩬ︀ီ မ︀ꩫ︀်းက︀ꩫ︀်ႛꩫ︀ွက︀်ႉမ︀ႆ︀ႛဢ︀ွက︀်ꩬ︀ီ ꩭႆ︀ႛၵ︀ီၵ︀ီၵ︀ုမ︀်ꩰဢ︀ူ။

မ︀ႃက︀ု 14:72

မ︀ိူဝ်ႈဢ︀မ︀ႂ်း က︀ꩡ︀ူးꩭႃတ︀ုတ︀ိယ︀ က︀ႆ︀ၵ︀ꩫ︀်မ︀ႃးဢ︀ူ။ လ︀ꩭႃꩫ︀ႆ︀ႇ ပ︀ေတ︀ရ︀ုယ︀ႃႇ “ꩡ︀ူဝ်ႈက︀ႃႈက︀ႆ︀ꩬ︀ွင︀်ပ︀ၢꩫ︀်ႈမ︀ဝ်ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛ ꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ီင︀်ႈꩰတ︀ီဝႃႈꩫ︀မ︀်” ꩫ︀ꩬ︀ီ ၵ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈဝႆ︀ႇꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈမ︀ႃးꩬ︀ီꩭႆ︀ႛဢ︀ူ။

မ︀ႃက︀ု 16:7

င︀ႆ︀းꩫ︀ႆ︀ႇꩬ︀ီ ပ︀ေတ︀ရ︀ုင︀ႆ︀းတ︀ပ︀ေးꩡ︀ဝ်ႛတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ က︀ႃၵ︀ႆ︀ႈတ︀ႃႉ။ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ မ︀ꩫ︀်းꩡ︀ဝ်ႛ “တ︀ိူင︀်းက︀ႃလ︀ိလ︀ႄးမ︀ႆ︀ႛ က︀ဝ်ႈတ︀ီဢ︀ေႈက︀ႃꩫ︀မ︀်” ꩫ︀ꩬ︀ီ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ တ︀ိူင︀်းက︀ႃလ︀ိလ︀ႄးမ︀ႆ︀ႛ ꩬ︀ူက︀ႃက︀ီး မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်ဢ︀ူ ꩫ︀ꩬ︀ီက︀ႃၵ︀ႆ︀ႈတ︀ႃႉ” ꩫ︀ဝꩫ︀်ႇ။

လ︀ုက︀ႃ 8:13

ပ︀ႃꩭိꩫ︀်မ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းက︀ီး ꩡ︀ူမ︀်းꩰꩭုမ︀်ꩰꩭၢပ︀်ႉဢ︀ဝ်ႈꩫ︀က︀ေႃႇ ꩭူဝ်ꩡ︀ႂ်ႈမ︀ႆ︀ႛၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭၢက︀်ႉမ︀ဝ်ꩡ︀ပ︀်ꩬ︀ီ က︀ိုမ︀်ႇလ︀ိူင︀်ႈꩫ︀ႆ︀ၢႈꩬ︀ိုင︀် ယ︀ုမ︀်ယ︀မ︀်ႈꩫ︀ႆ︀ႇꩫ︀မ︀်။ င︀ႆ︀းꩬ︀ီ မ︀ꩫ︀်းမ︀ႆ︀ႛ ဢ︀ꩫ︀်ႈယ︀ႃႇဢ︀ꩫ︀်ႈက︀ဝ်းထိုင︀်မ︀ႃးက︀ီး ꩡ︀ႂ်ႈၸ︀ုꩫ︀်ႇက︀ႃꩫ︀မ︀်။

ယ︀ေႃးꩭၢꩫ︀် 14:19

မ︀ဝ်ꩭိုင︀်က︀ꩬ︀င︀် မ︀ိူင︀်းက︀ၢင︀်ႈꩫ︀ႆ︀ႇ က︀ဝ်ႈမ︀ႆ︀ႛꩵ︀ႈꩫ︀ႆ︀ႛꩭꩫ︀်ယ︀ဝ်ႇ။ ꩫ︀ႆ︀ႇꩫ︀က︀ေႃႇꩬ︀ူယ︀ႃႇꩫ︀ႆ︀ႛꩭꩫ︀်ဢ︀ူ။ က︀ဝ်ႈဢ︀ꩬ︀ၢက︀်ႉတ︀ီꩫ︀ိပ︀်ဢ︀ူꩫ︀ႆ︀ႇꩬ︀ီ ꩬ︀ူက︀ေႃႇတ︀ီꩫ︀ႆ︀ႛꩫ︀ိပ︀်ꩫ︀မ︀်။

ထဝ်ꩡ︀တ︀်ႉၵ︀ဝ် 3:19

င︀ႆ︀းꩬ︀ီ ꩭႂ်ႛပ︀ူဝ်းꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛꩫ︀ႆ︀ႇ ꩬ︀ၢင︀်ဝွေꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ၢဝ်ႈပ︀ွက︀်ႉမ︀ႃးက︀ꩫ︀်ႈတ︀ႃႉ။

ရ︀ေႃမ︀ 8:32

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်းက︀ေႃႇ မ︀ဝ်ꩬ︀ီꩫ︀ႆ︀ၢႈꩬ︀ီ ꩡ︀ႃႇꩭၢင︀်းꩭဝ်း ꩭႂ်ႛꩭီတ︀်တ︀ူဝ်ႈၵ︀ႅက︀်ꩡ︀ဝ်ႛမ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်းက︀ေႃႇ င︀ႆ︀းꩬ︀ီꩭႂ်ႛမ︀ႃးက︀ီး တ︀ၢင︀်ဢ︀ꩫ︀်ႈတ︀င︀်းမ︀ိူင︀်းက︀ေႃႇ ꩭဝ်းမ︀ႆ︀ႛတ︀ီꩭႂ်ႛꩫ︀ၢႆ︀ႈမ︀ဝ်ပ︀ိတ︀်ႉꩫ︀မ︀်။

ရ︀ေႃမ︀ 8:34

င︀ႆ︀းꩫ︀ႆ︀ႇꩬ︀ီ ၸ︀ႂ်ꩫ︀ႆ︀ၵ︀ဝ်မ︀ႆ︀ႛ ပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႛꩫ︀ႆ︀ႇ။ ၸ︀ႂ်က︀ေႃႇꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ ၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛꩫ︀ိပ︀်ပ︀ွက︀်ႉမ︀ႃးꩬ︀ီ ပ︀ႃႛၵ︀ႃမ︀ိုဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူꩬ︀ီꩫ︀မ︀်။

တ︀ိမ︀ေႃတ︀ေ ႒ 2:18

ꩬ︀ွင︀်ၵ︀ႃယ︀ႃႇ “လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီဢ︀ဝ်ႈꩫ︀ိပ︀်ပ︀ွက︀်ႉꩫ︀ꩫ︀ႆ︀ႇ ယ︀ဝ်ႇက︀ႃယ︀ဝ်ႇ” ꩫ︀ꩬ︀ီ ၵ︀ၢမ︀်းဢ︀ꩫ︀်ႈၸ︀ႆ︀ꩬ︀မ︀်မ︀ႃတ︀ြႃးꩫ︀ႆ︀ႇၵ︀ဝ် ပ︀ိူꩫ︀်ႈမ︀ႆ︀ႛꩬ︀ွꩫ︀်လ︀ေဢ︀ူ။ င︀ႆ︀းꩬ︀ီ က︀ူꩫ︀်းမ︀ၢင︀်ႈၸ︀ွင︀်းယ︀ႃႇ ꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုၸ︀ေႛက︀ႃယ︀ဝ်ႇ။

တ︀ိတ︀ု 1:1

က︀ဝ်ႈပ︀ေႃလ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ၊ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃး၊ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်မ︀ႃးꩫ︀ႆ︀ႇမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰတ︀ွင︀်းမ︀ႃးꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩡ︀ႂ်ႇမ︀ႃးꩫ︀မ︀်။

ꩭေပ︀ရ︀ူး 12:15

လ︀ုက︀်ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းမ︀ဝ်ဢ︀ွက︀်က︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩬ︀ူၸ︀ႂ်က︀ေႃႇ ၵ︀ုမ︀်က︀ိက︀ိမ︀ႃးꩬ︀ီ ꩭႂ်ႛပ︀ူဝ်းပ︀ိူꩫ︀်ႈဢ︀ၢꩫ︀်တ︀ၢꩫ︀်မ︀ႆ︀ႛ မ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ꩭေပ︀ရ︀ူး 7:25

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်င︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းꩫ︀ႆ︀ႇၵ︀ဝ် ဝွꩫ︀်းၵ︀ႅꩫ︀်းꩭႂ်ႛပ︀ီꩫ︀်ႈꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ မ︀ႃးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ၵ︀ေꩬ︀ေꩭႂ်ႛပ︀ီꩫ︀်ႈဢ︀ူ။

ပ︀ေတ︀ရ︀ု ႑ 1:1

ꩬ︀ူꩡ︀ဝ်ႛ ပ︀ီႈꩫ︀ွင︀်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ဢ︀ꩫ︀်ႈတ︀ိူင︀်းပ︀ုꩫ︀်တ︀ု၊ တ︀ိူင︀်းက︀လ︀ႃတ︀ိ၊ တ︀ိူင︀်းက︀ပ︀်ပ︀တ︀ေႃက︀ိ၊ တ︀ိူင︀်းဢ︀ႃꩬ︀ျင︀ႆ︀း တ︀ိူင︀်းပ︀ိတ︀ုꩫ︀ိꩫ︀ႆ︀ႇၵ︀ဝ်မ︀ႆ︀ႛ ၸ︀ူင︀်ႇၸ︀ေꩬ︀ီ ꩬ︀ွꩫ︀်ႈဢ︀ူက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈပ︀ေတ︀ရ︀ု ၸ︀ူႛပ︀ီꩫ︀်ႈတ︀မ︀ၢꩫ︀်ꩡ︀ဝ်ႛꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ပ︀ေတ︀ရ︀ု ႑ 1:13

င︀ႆ︀းꩫ︀ႆ︀ႇꩬ︀ီ ꩭူဝ်ꩡ︀ႂ်ႈꩬ︀ူꩭႅမ︀်းထုက︀်ꩰဝႆ︀ႇတ︀ႃႉ။ တ︀ူဝ်ႈꩡ︀ႂ်ႈၸ︀ူႛꩡ︀ဝ်ႛမ︀ႆ︀ႛ ထိꩫ︀်ꩬ︀ီဢ︀ူတ︀ႃႉ။ ꩬ︀ူးဢ︀ꩫ︀်ႈꩬ︀ူမ︀ႆ︀ႛ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩭႂ်ႛဢ︀မ︀ႂ်းၵ︀ဝ်မ︀ႆ︀ႛ တ︀ႂ်းထႃႛꩬ︀ီဢ︀ူက︀ꩫ︀်ႈတ︀ႃႉ။

ပ︀ေတ︀ရ︀ု ႑ 1:5

ꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ႃႈꩬ︀ူမ︀ႆ︀ႛၵ︀ေꩬ︀ေမ︀ဝ်ယ︀ဝ်ႇလ︀ေႚလ︀ေႚယ︀ႃႇ ꩬ︀ူမ︀ႆ︀ႛ က︀ုမ︀်ႇၵ︀ႅꩫ︀်ꩭႂ်ႛဢ︀ူꩫ︀မ︀်။ လ︀ွင︀်ႈဢ︀ꩫ︀်ႈꩫ︀ႆ︀ႇယ︀ႃႇ ဝꩫ︀်းပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ီပ︀ုတ︀်ပ︀ျႃးꩭႂ်ႛꩫ︀မ︀်။

ပ︀ေတ︀ရ︀ု ႒ 3:14

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈꩬ︀ူတ︀ႂ်းထႃႛဝꩫ︀်းဢ︀မ︀ႂ်းꩬ︀ီဢ︀ူꩫ︀ႆ︀ႇ ꩭႂ်ႛပ︀ူဝ်းပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူမ︀ူတ︀်ꩡ︀ၢင︀်င︀ႆ︀း ဢ︀ပ︀ႅတ︀်ႉက︀ၢင︀်းꩬ︀ီ တ︀င︀်းမ︀ꩫ︀်းꩡ︀ဝ်ႛထုက︀်က︀ꩫ︀်ႈꩫ︀ီႈꩫ︀ီႈꩫ︀ႆ︀ႇ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 2:19

က︀ူဝ်ႇဢ︀မ︀ႂ်းၵ︀ဝ်ယ︀ႃႇ တ︀င︀်းꩭဝ်းမ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈတ︀ေႇတ︀ေႇꩫ︀ႆ︀ႇꩬ︀ီ လ︀ုက︀်ႉꩭဝ်းမ︀ႆ︀ႛဢ︀ွက︀်က︀ႃယ︀ဝ်ႇ။ ꩬ︀င︀်ဝႃႈၵ︀ဝ် တ︀င︀်းꩭဝ်း ꩡ︀ၢပ︀်ႉလ︀ႅင︀်က︀ꩫ︀်ႈက︀ီး တ︀င︀်းꩭဝ်းဢ︀ူဢ︀ူ။ ၵ︀ဝ်တ︀င︀်းꩭဝ်း ꩵ︀ႈꩡ︀ၢပ︀်ႉလ︀ႅင︀်က︀ꩫ︀်ႈꩫ︀ꩫ︀ႆ︀ႇ ꩭႂ်ႛပ︀ူဝ်းꩡ︀ုꩫ︀်ႈꩫ︀ႆ︀ႇ ၵ︀ဝ်ဢ︀ွက︀်က︀ႃꩫ︀မ︀်။