လ︀ုက︀ႃ 22:22 - Khamti Shan

²² လ︀ုက︀်ႉက︀ူꩫ︀်းယ︀ႃႇ ꩫ︀င︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ႅပ︀်တ︀တ︀်ဝႆ︀ႇꩫ︀က︀ꩫ︀်ႈ ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇက︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 22:22 ပူးပေါင်းရင်းမြစ်များ

မ︀တ︀်တ︀ႄး 26:24

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇက︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩡ︀ႃႇမ︀ꩫ︀်းယ︀ႃႇ မ︀ဝ်ပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ၢႈက︀ေႃႇ ၵ︀ႅꩫ︀်းꩫ︀ီႈဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 27:5

ꩫ︀ႆ︀ႇမ︀ႆ︀ႛ ယ︀ုတ︀ꩫ︀ႆ︀ႇ င︀ိူꩫ︀်းꩬ︀ၢမ︀်ꩬ︀ိပ︀်ၵ︀ႅပ︀်ဢ︀မ︀ႂ်း ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ထိမ︀်ႛဝႆ︀ႇယ︀ဝ်ႇက︀ီး ဢ︀ွက︀်က︀ႃꩬ︀ီ တ︀ီႈလ︀ိူင︀်ႈမ︀ႆ︀ႛ က︀ႃတ︀ႆ︀ၢႈက︀ႅတ︀်ႉဢ︀ူ။

မ︀ႃက︀ု 14:21

ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈ လ︀ုက︀်ႉက︀ူꩫ︀်းယ︀ႃႇ ဝႃႈၵ︀ၢမ︀်တ︀ၢႆ︀ႈဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ႃႇꩭၢင︀်းက︀ူဝ်ႇဢ︀ꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းလ︀ꩫ︀်ꩬ︀ူꩫ︀ႆ︀ႇယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ မ︀ဝ်ယ︀င︀်းမ︀ႃးက︀ီးꩬ︀ိုင︀် ၵ︀ႅꩫ︀်းꩫ︀ီႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 22:23

ꩫ︀ႆ︀ႇမ︀ႆ︀ႛ တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ ꩫ︀ႂ်းၵ︀ဝ်မ︀ႆ︀ႛ က︀ူဝ်ႇဢ︀ꩫ︀်ႈတ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇ ၸ︀ႂ်လ︀ိူဝ်ႊꩫ︀ꩬ︀ီ တ︀ူင︀်ႇက︀ꩫ︀်ႈဢ︀ူ။

လ︀ုက︀ႃ 24:46

“က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛၵ︀ရ︀ီတ︀်ꩫ︀ႆ︀ႛၵ︀ၢမ︀်တ︀ႆ︀ၢႈꩬ︀ီ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ တ︀ီꩫ︀ိပ︀်ပ︀ွက︀်ႉမ︀ႃးꩫ︀မ︀်။

ယ︀ေႃးꩭၢꩫ︀် 17:12

မ︀ိူဝ်ႈက︀ဝ်ႈၵ︀ႃႛမ︀ိူင︀်းက︀ၢင︀်ႈမ︀ႆ︀ႛ တ︀င︀်းၵ︀ဝ်ဢ︀ူမ︀ႃးꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈꩡ︀ဝ်ႛ ဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩭႂ်ႛဝႆ︀ႇꩫ︀ႆ︀ႇ ၵ︀ဝ်မ︀ႆ︀ႛ က︀ဝ်ႈၵ︀ႃႛက︀ုမ︀်ႇꩭႂ်ႛမ︀ႃးတ︀ီၵ︀ႃႛဢ︀ူ။ လ︀ွင︀်ႈဢ︀ꩫ︀်ႈꩫ︀ႆ︀ႇယ︀ႃႇ “က︀ူဝ်ႇဢ︀ꩫ︀်ႈတ︀ီလ︀ူႇပ︀ႅက︀်ႉဢ︀မ︀ႂ်းမ︀ႆ︀ႛလ︀ိူဝ်ꩬ︀ီ တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ၸ︀ႂ်က︀ေႃႇꩵ︀ႈလ︀ူႇပ︀ႅက︀်ႉမ︀ႃး” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးတ︀ီၵ︀ႃႛꩫ︀မ︀်။

ထဝ်ꩡ︀တ︀်ႉၵ︀ဝ် 10:42

ꩡ︀ဝ်ႛယ︀ေꩬ︀ုယ︀ႃႇ တ︀ူႈမ︀ႆ︀ႛဢ︀မ︀ိင︀်းꩭႂ်ႛꩬ︀ီ ꩭႂ်ႛတ︀ႅဝ်ၵ︀ၢဝ်ႈၵ︀ၢမ︀်းꩫ︀ီႈင︀ႆ︀း ꩭႂ်ႛꩭီတ︀်ꩬ︀ၢက︀်ႉꩬ︀ေ လ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛတ︀ြႃးၸ︀ူႛတ︀ႆ︀ၢႈ၊ ၸ︀ူႛꩫ︀ိပ︀်မ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 17:31

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀ꩫ︀်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇ ꩬ︀ိုဝ်ႈꩰꩫ︀ꩫ︀်ႈꩰတ︀ီꩡ︀ႅပ︀်ႉတ︀ြႃးꩫ︀ႆ︀ႇ ꩡ︀ွင︀်ဝႆ︀ႇယ︀ဝ်ႇꩰꩬ︀ီꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈတ︀ီပ︀ီꩫ︀်ႈမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩡ︀ဝ်ႛဢ︀မ︀ႂ်းမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩬ︀ီ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 2:23

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႂ်းမ︀ိုဝ်း လ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉမ︀ႃးယ︀ဝ်ႇ။ ꩬ︀ူယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈမ︀ိုဝ်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ် ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီဢ︀ဝ်ႈတ︀ႆ︀ၢႈမ︀ႃးယ︀ဝ်ႇ။

ပ︀ေတ︀ရ︀ု ႑ 1:11

ꩡ︀ဝ်ႛꩬ︀ေꩬ︀ုၵ︀ရ︀ီတ︀်ယ︀ႃႇ မ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀၊ ယ︀ဝ်ႇက︀ီးꩭိုဝ်လ︀ိုဝ်တ︀ီꩫ︀ႆ︀ႛမ︀ူꩫ︀်ႈၸ︀ုင︀်းလ︀ူင︀်ꩫ︀ꩫ︀ႆ︀ႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ွႆ︀ꩡ︀ႂ်ႇꩬ︀ီ က︀ꩫ︀်ႛꩫ︀ႂ်းပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛၵ︀ိင︀်းꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛၵ︀ႆ︀ႈမ︀ႃးဢ︀ူ။ မ︀ိူဝ်ႈဢ︀မ︀ႂ်း ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်၊ လ︀ွင︀်ႈဢ︀မ︀ႂ်းမ︀ိူဝ်ႈလ︀ႂ်ႈတ︀ီပ︀ီꩫ︀်ႈမ︀ႃးꩫ︀ꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီ ꩬ︀ွက︀်ႉတ︀ႆ︀မ︀ႃးဢ︀ူ။

ပ︀ေတ︀ရ︀ု ႒ 2:3

ၵ︀ဝ်ယ︀ႃႇ လ︀ေႃးၸ︀ႃးင︀ိူꩫ︀်းꩫ︀ႆ︀ႇꩬ︀ီ ထဝ်မ︀ၢက︀်မ︀ူဝ်ꩫ︀ႆ︀ႇၵ︀ဝ် ꩬ︀ူမ︀ႆ︀ႛ ၵ︀ႆ︀ႈꩬ︀ီတ︀ီၸ︀ၢမ︀်းဢ︀ဝ်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ ꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီဢ︀ဝ်ႈလ︀ူႇပ︀ႅက︀်ႉတ︀ေႇတ︀ေႇယ︀ဝ်ႇ။