လ︀ုက︀ႃ 2:14 - Khamti Shan

¹⁴ “ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ꩫ︀်ႛꩫ︀ိူဝ်က︀ၢင︀်ႈꩭၢဝ်လ︀ေႚလ︀ေႚမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ မ︀ိူင︀်းက︀ၢင︀်ႈမ︀ႆ︀ႛ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ꩫ︀်ႈက︀တ︀ႃႉ” ꩫ︀ဝꩫ︀်ႇ။

လ︀ုက︀ႃ 2:14 ပူးပေါင်းရင်းမြစ်များ

မ︀တ︀်တ︀ႄး 21:9

ၸ︀ုင︀်က︀ူꩫ︀်းလ︀ူင︀် ဢ︀ꩫ︀်ႈက︀ꩫ︀်ႛꩫ︀ႃႛက︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ႆ︀ၢႛက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ “ꩭေလ︀ိူဝ်း ꩭေလ︀ႃး ၸ︀ူႛလ︀ုက︀်ႉꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈလ︀ိူဝ်း။ ꩡ︀ဝ်ႛဢ︀ꩫ︀်ႈဢ︀ဝ်ႈဢ︀ၵ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛက︀ျွႃးမ︀ႃးꩫ︀ႆ︀ႇ မ︀ူꩫ︀်ႈၸ︀ုင︀်းꩭႂ်ႛက︀ီႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈလ︀ိူဝ်း” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။

လ︀ုက︀ႃ 1:79

က︀ူꩫ︀်းꩭဝ်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀် ဢ︀ꩫ︀်ႈတ︀ၢင︀်းတ︀ႆ︀ၢႈꩭူမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈတ︀ွင︀်လ︀ႅင︀်းꩭႂ်ႛင︀ႆ︀းꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ႆ︀ႛ ဝႃႈဢ︀ဝ်ႈꩭꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 19:38

“ꩡ︀ဝ်ႛဢ︀ꩫ︀်ႈဢ︀ဝ်ႈꩡ︀ိုဝ်ႈꩡ︀ဝ်ႛထႃဝရ︀ၸ︀ြႃး က︀ျွႃးမ︀ႃးꩫ︀ႆ︀ႇ မ︀ၢင︀်က︀လ︀ႃꩭႂ်ႛယ︀င︀်းတ︀ီၵ︀ႃႛက︀တ︀ႃႉ။ က︀ၢင︀်ႈꩭၢဝ်မ︀ႆ︀ႛ ꩭႂ်ႛက︀တ︀်ယ︀ီꩫ︀်ႈတ︀ီၵ︀ႃႛက︀တ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛ မ︀ူꩫ︀်ႈꩭႂ်ႛယ︀ႂ်တ︀ီၵ︀ႃႛက︀တ︀ႃႉ” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ိဝ်ꩬ︀ီယ︀ူဝ်းယ︀ွင︀်ႛက︀ꩫ︀်ႈဢ︀ူ။

လ︀ုက︀ႃ 2:13

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ဢ︀ၢꩫ︀်တ︀ၢꩫ︀် လ︀ုက︀်ႉက︀ၢင︀်ႈꩭၢဝ်မ︀ႆ︀ႛ လ︀ူင︀်းမ︀ႃးꩬ︀ီ တ︀င︀်းၵ︀ုꩫ︀်ꩬ︀ၢင︀်ဢ︀မ︀ႂ်း ꩭူမ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛဢ︀ူ။

လ︀ုက︀ႃ 2:15

ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် က︀ၢင︀်ႈꩭၢဝ်မ︀ႆ︀ႛ ပ︀ွက︀်ႉက︀ႃက︀ီး ၸ︀ူႛလ︀ီင︀်ႇပ︀ူႇꩫ︀ႆ︀ႇၵ︀ဝ်ယ︀ႃႇ “ပ︀ႆ︀ႉ ꩭဝ်းက︀ႃဝီင︀်းပ︀ႅတ︀်လ︀ႄးꩭႅမ︀်ꩫ︀မ︀်။ ဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ပ︀ႆ︀ႉက︀ႃလ︀ႅမ︀်းꩫ︀မ︀်” ꩫ︀ꩬ︀ီ ၵ︀ဝ်ꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။

လ︀ုက︀ႃ 3:22

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်ꩭၢင︀်ႈꩫ︀ူက︀်ႉတ︀ူႛꩫ︀က︀ꩫ︀်ႈ က︀ꩫ︀်ႛꩫ︀ိူဝ်ꩡ︀ဝ်ႛယ︀ေꩬ︀ုမ︀ႆ︀ႛ လ︀ူင︀်းမ︀ႃးဢ︀ူ။ လ︀ုက︀်ႉက︀ၢင︀်ႈꩭၢဝ်မ︀ႆ︀ႛက︀ေႃႇ “မ︀ႂ်းယ︀ႃႇ လ︀ုက︀်ႉꩭၢက︀်ႉက︀ဝ်ႈ ဢ︀ꩫ︀်ႈက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

ယ︀ေႃးꩭၢꩫ︀် 14:27

ꩫ︀င︀်က︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩬ︀ူမ︀ႆ︀ႛ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈက︀ဝ်ႈꩭီတ︀်ꩭႂ်ႛꩫ︀ႆ︀ႇယ︀ႃႇ ꩫ︀င︀်ၸ︀ꩫ︀်းဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈက︀ꩫ︀်ႈ။

ယ︀ေႃးꩭၢꩫ︀် 17:4

ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛပ︀ူင︀်ႈဝႆ︀ႇꩫ︀ႆ︀ႇၵ︀ဝ် ဢ︀ဝ်ႈယ︀ဝ်ႇꩬ︀ီ မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛ မ︀ူꩫ︀်ႈမ︀ႂ်းꩡ︀ဝ်ႛ ဢ︀ဝ်ႈꩭိူဝ်ႈꩭိုင︀်းမ︀ႃးတ︀ီၵ︀ႃႛယ︀ဝ်ႇ။

ယ︀ေႃးꩭၢꩫ︀် 3:16

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ꩭၢက︀်ႉၸ︀ႅဝ်ꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ဝ်လ︀ူႇတ︀ႆ︀ၢႈꩬ︀ီ ꩫ︀ႆ︀ႛဢ︀ꩬ︀ၢက︀်ႉထႃဝရ︀ က︀ꩫ︀်ႈꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛပ︀ႃးလ︀ိဝ်ႈ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 10:36

ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭၢင︀်းဢ︀ီတ︀်ꩬ︀ြေးၵ︀ဝ်တ︀ႅဝ်ꩫ︀ႆ︀ႇ ꩬ︀ူꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛꩡ︀ွမ︀်ႈယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူꩫ︀်းꩭဝ်းပ︀ိုင︀်ႈဢ︀ိင︀်ႈꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛထုက︀်က︀ꩫ︀်ႈပ︀ွက︀်ႉꩫ︀ႆ︀ႇꩫ︀မ︀်။

ရ︀ေႃမ︀ 5:1

င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛမ︀ꩫ︀်းꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈထုက︀်က︀ꩫ︀်ႈယ︀ဝ်ႇ။

ဢ︀ေၸ︀ႅတ︀် 1:6

ပ︀ႆ︀ႉꩭဝ်း က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်မ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။ က︀ျေးꩡ︀ူးꩡ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းလ︀ုက︀်ႉꩭၢက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩭႂ်ႛꩫ︀ႆ︀ၢႈမ︀ႃးꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 1:9

ꩡ︀ႃႇလ︀ိူင︀်ႈ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀တ︀်ဝႆ︀ႇꩫ︀က︀ꩫ︀်ႈ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀ႆ︀ႇ ꩭဝ်းမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 2:4

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ဢ︀ီꩫ︀ူႈလ︀ူင︀် ꩭၢက︀်ႉလ︀ူင︀်ꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩬ︀ီ ၵ︀ွꩫ︀်ꩭဝ်းတ︀ႆ︀ၢႈမ︀ႃးꩫ︀က︀ေႃႇ ꩭဝ်းမ︀ႆ︀ႛတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးယ︀ဝ်ႇ။ လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ꩫ︀ႆ︀ၢႈꩫ︀မ︀် ꩭဝ်းမ︀ႆ︀ႛမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႃးꩫ︀ႆ︀ႇ။

ဢ︀ေၸ︀ႅတ︀် 2:7

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭဝ်း ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭီတ︀်မ︀ႃးꩫ︀ႆ︀ႇၵ︀ဝ်ယ︀ႃႇ ꩭဝ်းမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈဢ︀ီꩫ︀ူႈꩭၢက︀်ႉꩭွမ︀်တ︀ေႇတ︀ေႇမ︀ႃးꩫ︀ꩫ︀ႆ︀ႇ ꩭၢင︀်းꩡ︀ူဝ်ႈꩫ︀ႆ︀ႇꩡ︀ူဝ်ႈꩫ︀ႃႛ ပ︀ျႃးꩬ︀ၢက︀်ႉꩬ︀ေက︀ႃꩫ︀မ︀်။

ၸ︀ိလ︀ိပ︀်ပ︀ၢႆ︀ 2:11

ꩡ︀ဝ်ယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ဝ်ႛꩫ︀မ︀်ꩫ︀ꩬ︀ီ က︀ူꩫ︀်းက︀ူႈက︀ူဝ်ႇꩭၢပ︀်ႉက︀ွမ︀်းက︀ꩫ︀်ႈင︀ႆ︀း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 2:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈမ︀ႆ︀ႛ ꩭႂ်ႛပ︀ူဝ်းꩬ︀ူၵ︀ႂ်ႈꩭီတ︀်ꩫ︀ႆ︀ႇတ︀မ︀ိူင︀်း၊ ꩭႂ်ႛပ︀ူဝ်းꩬ︀ူꩭီတ︀်ပ︀ီꩫ︀်ႈꩫ︀ႆ︀ႇတ︀မ︀ိူင︀်း ꩬ︀ူမ︀ႆ︀ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ေးꩭႂ်ႛꩬ︀ီဢ︀ူꩫ︀မ︀်။

က︀ေႃလ︀ေႃတ︀ႄ 1:20

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈက︀ၢင︀်ႈꩭၢဝ်လ︀င︀်ꩫ︀ိꩫ︀်ႈမ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ၢဝ်ႈပ︀ွက︀်ႉမ︀ႃးက︀ꩫ︀်ႈꩫ︀ႆ︀ႇ လ︀ုက︀်ႉꩡ︀ၢႆ︀းမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးင︀ႆ︀း ဢ︀ဝ်ႈꩫ︀ိူတ︀်ႉလ︀ုက︀်ႉꩡ︀ၢႆ︀းမ︀ꩫ︀်းꩡ︀ဝ်ႛ ဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ လ︀ူဝ်ꩫ︀ႆ︀ႇ ဢ︀ဝ်ႈꩫ︀ီႈက︀ꩫ︀်ႈယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:16

ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈꩬ︀ီ ဢ︀ꩫ︀်ႈꩭဝ်းမ︀ုင︀်ႈမ︀ွင︀်းမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛ၊ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩭႂ်ႛꩫ︀ႆ︀ႇꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈꩫ︀ီႈက︀ူႈၸ︀ꩫ︀်းက︀ူႈမ︀ိဝ်း တ︀ၢꩫ︀်ႛပ︀ီꩫ︀်ႈꩭီတ︀်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႅင︀်းꩡ︀ႂ်ႈ၊ ꩭႅင︀်းၵ︀ွꩫ︀်ꩭႂ်ႛထႅမ︀်က︀ႃတ︀ႃႉ။

ၿျႃၻိက︀်ႉ 5:13

ယ︀ဝ်ႇက︀ီး ꩬ︀တ︀်ႉတ︀ဝႃဢ︀ꩫ︀်ႈ က︀ၢင︀်ႈꩭၢဝ်မ︀ႆ︀ႛတ︀မ︀ိူင︀်း၊ က︀ꩫ︀်ႛꩫ︀ိူဝ်လ︀င︀်ꩫ︀ိꩫ︀်ႈမ︀ႆ︀ႛတ︀မ︀ိူင︀်း၊ က︀ꩫ︀်ႛတ︀ႂ်ႛလ︀င︀်ꩫ︀ိꩫ︀်ႈမ︀ႆ︀ႛတ︀မ︀ိူင︀်း၊ ꩫ︀မ︀်ႇပ︀ၢင︀်လ︀ႆ︀ၢမ︀ႆ︀ႛတ︀မ︀ိူင︀်းယ︀င︀်းꩫ︀ႆ︀ႇၵ︀ဝ် တ︀င︀်းမ︀ိူင︀်းက︀ေႃႇ “ꩡ︀ဝ်ႛဢ︀ꩫ︀်ႈပ︀လ︀ၢင︀်မ︀ႆ︀ႛꩫ︀င︀်ႈꩫ︀ႆ︀ႇꩫ︀ၵ︀ႃ ပ︀ူႇဢ︀ွꩫ︀်ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ၢင︀်က︀လ︀ႃ၊ မ︀ူꩫ︀်ႈ၊ ၸ︀ုင︀်း၊ ꩫ︀မ︀်ႇက︀တ︀်ႉ ꩭႂ်ႛယ︀င︀်းတ︀ီၵ︀ႃႛက︀တ︀ႃႉ” ꩫ︀ꩬ︀ီဢ︀ိဝ်က︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။