လ︀ုက︀ႃ 18:14 - Khamti Shan

¹⁴ က︀ဝ်ႈဝႃႈက︀ွတ︀်။ ꩫ︀ႂ်းꩬ︀ွင︀်ၵ︀ႃမ︀ႆ︀ႛ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩬ︀ီ မ︀ိူဝ်းꩭိူꩫ︀်းက︀ႃꩫ︀ႆ︀ႇယ︀ႃႇ ၸ︀ူႛက︀ီပ︀်ၵ︀ွꩫ︀်ꩫ︀မ︀်။ ၸ︀ႃရ︀ိꩬ︀ႄꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ယ︀ူဝ်းယ︀ွင︀်ႛꩫ︀ႆ︀ႇယ︀ႃႇ တ︀ီꩫ︀ႆ︀ႛတ︀ူက︀်တ︀မ︀်ꩫ︀မ︀်။ က︀ူဝ်ႇဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 18:14 ပူးပေါင်းရင်းမြစ်များ

မ︀တ︀်တ︀ႄး 23:12

က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ၸ︀ူႛꩡ︀ဝ်ႛယ︀ူက︀်ႉယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီယ︀ူက︀်ႉယ︀ွင︀်ႛꩫ︀မ︀်။ က︀ူဝ်ႇဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီတ︀ီက︀်တ︀မ︀်ꩫ︀မ︀်။

မ︀တ︀်တ︀ႄး 5:3

မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဝႃႈပ︀ိုင︀်ႈဢ︀ိင︀်ႈဢ︀ူꩫ︀ꩬ︀ီတ︀ွင︀်းꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႃႇက︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ꩫ︀မ︀်။

လ︀ုက︀ႃ 1:52

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉပ︀လ︀ၢင︀်မ︀ႆ︀ႛၵ︀ျႃးတ︀ူက︀်ꩬ︀ီ က︀ူဝ်ႇဢ︀ꩫ︀်ႈတ︀ူက︀်တ︀ႂ်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ ယ︀ူက︀်ႉတ︀ၢင︀်ꩭႂ်ႛဢ︀ူ။

လ︀ုက︀ႃ 10:29

ꩫ︀ႆ︀ႇမ︀ႆ︀ႛ ꩬ︀ြႃတ︀ြႃးဢ︀မ︀ႂ်းယ︀ႃႇ မ︀ꩫ︀်းꩬ︀ိုဝ်ႈတ︀ူဝ်ဢ︀ူꩫ︀ႆ︀ႇ ၵ︀ႂ်ႈပ︀ျႃးꩫ︀ႆ︀ႇꩬ︀ီ “ꩫ︀ႆ︀ႇက︀ီး က︀ူꩫ︀်းꩭိမ︀်းꩭွမ︀်းက︀ဝ်ႈၵ︀ႃႛယ︀ႃႇ ၸ︀ႂ်တ︀ီၵ︀ႃႛꩫ︀ႆ︀” ꩫ︀ဝꩫ︀်ႇ။

လ︀ုက︀ႃ 14:11

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛယ︀ွင︀်ႛꩫ︀ႆ︀ႇ တ︀ီꩫ︀ႆ︀ႛတ︀ူက︀်တ︀မ︀်ꩫ︀မ︀်။ က︀ူဝ်ႇဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:15

မ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “ꩬ︀ူယ︀ႃႇ ꩭႂ်ႛပ︀ူဝ်းꩬ︀ူꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ပ︀ိူꩫ︀်ႈꩭꩫ︀်ꩫ︀ႆ︀ႇꩭီတ︀်လ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛတ︀ွင︀်းဢ︀ူ။ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် ၵ︀ႅꩫ︀်းလ︀ႅင︀်ႇꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈ။

ရ︀ေႃမ︀ 3:20

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ႆ︀ႛ ꩡ︀ွမ︀်းဢ︀ဝ်ႈက︀ီး ꩭဝ်းၸ︀ႂ်မ︀ႆ︀ႛက︀ေႃႇ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈမ︀တ︀်ႉ။ ꩫ︀ႆ︀ႇꩬ︀ေႇမ︀ဝ်က︀ႃး က︀ျမ︀်းꩬ︀ိꩫ︀်ယ︀ႃႇ ဢ︀ပ︀ႅတ︀်ႉꩫ︀ꩫ︀ႆ︀ႇမ︀ႆ︀ႛꩬ︀ိုင︀် ꩭႂ်ႛပ︀ူဝ်းက︀ူꩫ︀်းꩭဝ်းတ︀ွင︀်းꩫ︀ႆ︀ႇ ပ︀ျႃးꩭႂ်ႛဢ︀ူꩫ︀မ︀်။

ရ︀ေႃမ︀ 4:5

ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇယ︀ႃႇ လ︀ၢႆ︀းပ︀ိူဝ်ႈဢ︀ꩫ︀်ႈꩭဝ်းၸ︀ူႛꩡ︀ဝ်ႛꩭီတ︀်ꩬ︀ီ ꩵ︀ႈꩡ︀ႂ်ႈ။ လ︀ၢႆ︀းပ︀ိူဝ်ႈ မ︀ꩫ︀်းꩡ︀ဝ်ႛၸ︀ူႛပ︀ွႆ︀လ︀ွတ︀်ႉဢ︀ပ︀ႅတ︀်ႉမ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီꩫ︀ၢႆ︀ႈꩫ︀မ︀်။

ရ︀ေႃမ︀ 5:1

င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛမ︀ꩫ︀်းꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈထုက︀်က︀ꩫ︀်ႈယ︀ဝ်ႇ။

ရ︀ေႃမ︀ 8:33

က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ၸ︀ႂ်က︀ေႃႇတ︀ၢင︀်ဢ︀ပ︀ႅတ︀်ႉꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်မ︀ႆ︀ႛꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛပ︀ိူꩫ︀်ႈꩡ︀ဝ်ႛ မ︀တ︀်ႉဝႆ︀ႇယ︀ဝ်ႇꩰ။

က︀လ︀ႃတ︀ိ 2:16

ꩫ︀ႆ︀ႇꩫ︀က︀ေႃႇ က︀ူꩫ︀်းမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉꩫ︀ႆ︀ႇ က︀ူꩫ︀်းက︀မ︀်ႈက︀ျမ︀်းꩬ︀ိꩫ︀်ꩬ︀ီꩵ︀ႈꩡ︀ႂ်ႈ၊ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီꩫ︀ၢႆ︀ႈꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ င︀ႆ︀းꩬ︀ီ ꩭႂ်ႛပ︀ူဝ်းက︀ျူးꩭဝ်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ ꩭဝ်းက︀မ︀်ႈက︀ျမ︀်းꩬ︀ိꩫ︀်ဢ︀ဝ်ႈမ︀ဝ်ꩡ︀ႂ်ႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ဝ်ႈတ︀ၢင︀်းက︀ျမ︀်းꩬ︀ိꩫ︀်ယ︀ႃႇ ၸ︀ႂ်မ︀ႆ︀ႛက︀ေႃႇ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈမ︀တ︀်ႉ။

ယ︀ႃက︀ု 4:10

ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႂ်ႈက︀ွမ︀်းꩫ︀ွမ︀်းက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛယ︀ူက︀်ႉၵ︀ိုꩫ︀်ႛꩭႂ်ႛဢ︀ူ။

ယ︀ႃက︀ု 4:6

ꩫ︀ႆ︀ႇꩫ︀က︀ေႃႇ က︀ျေးꩡ︀ူးတ︀ူဝ်ꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ဢ︀ꩫ︀်ႈꩫ︀ႆ︀ႇမ︀ႆ︀ႛယ︀ႂ်ꩬ︀ႃဢ︀ူ။ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ “ၸ︀ူႛဢ︀ꩫ︀်ႈမ︀ႃꩫ︀ယ︀ႂ်ꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭေႇꩬ︀ီ ၸ︀ူႛဢ︀ꩫ︀်ႈꩡ︀ႂ်ႈက︀ွမ︀်းꩫ︀ွမ︀်းꩫ︀ႆ︀ႇၵ︀ဝ်မ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛပ︀ူင︀်ႈꩭႂ်ႛဢ︀ူ”