လ︀ုက︀ႃ 16:16 - Khamti Shan

¹⁶ က︀ျမ︀်းꩬ︀ိꩫ︀်ꩫ︀ၵ︀ႃက︀ျမ︀်းပ︀ရ︀ေႃးၸ︀ႅတ︀်ႉယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ူဝ်ထိုင︀်ꩡ︀ူဝ်ႈꩬ︀ြႃယ︀ေႃးꩭၢꩫ︀် ꩫ︀ေင︀မ︀်းဢ︀ူꩫ︀မ︀်။ လ︀ုက︀်ႉဢ︀မ︀ႂ်းမ︀ႆ︀ႛက︀ူဝ်ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်းမ︀ႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်က︀ေႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်ဢ︀ၵ︀ႅက︀်ႉဢ︀ၵ︀ျႃ ၵ︀ဝ်ႛက︀ꩫ︀်ႈဢ︀ူ။

လ︀ုက︀ႃ 16:16 ပူးပေါင်းရင်းမြစ်များ

မ︀တ︀်တ︀ႄး 10:7

“ၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်ꩡ︀ဝ်ႛꩭူဝ်ၵ︀မ︀်းꩫ︀က︀ꩫ︀်ႈ တ︀ီဢ︀ုပ︀်ႉပ︀ိုင︀်ယ︀ဝ်ႇ” ꩫ︀ꩬ︀ီꩭူဝ်းတ︀ႃႉ။

မ︀တ︀်တ︀ႄး 15:11

ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈယ︀ုက︀်ႉꩭင︀်ႛတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူပ︀်ꩬ︀ူမ︀ႆ︀ႛ ၵ︀ဝ်ႛက︀ႃꩫ︀ႆ︀ႇꩵ︀ႈꩡ︀ႂ်ႈ။ ဢ︀ꩫ︀်ႈလ︀ုက︀်ႉꩬ︀ူပ︀်ꩬ︀ူမ︀ႆ︀ႛ တ︀ၢꩫ︀်ႛဢ︀ွက︀်မ︀ႃးꩫ︀ႆ︀ႇၵ︀ဝ်ꩫ︀မ︀် ꩬ︀ူမ︀ႆ︀ႛဢ︀ဝ်ႈယ︀ုက︀်ႉꩭင︀်ႛတ︀ေႇတ︀ေႇꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 21:32

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ြႃယ︀ေႃးꩭၢꩫ︀်မ︀ႃးꩬ︀ီ ꩬ︀ူမ︀ႆ︀ႛတ︀ၢင︀်းဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈပ︀ျႃးꩭႂ်ႛꩫ︀က︀ေႃႇ မ︀ꩫ︀်းမ︀ႆ︀ႛꩬ︀ူꩵ︀ႈယ︀ုမ︀်ယ︀မ︀်ႈမ︀ႃး။ ꩫ︀ႆ︀ႇꩫ︀က︀ေႃႇ ၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း မ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်ယ︀ႃႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇမ︀ႆ︀ႛ ꩬ︀ူꩭꩫ︀်မ︀ႃးꩬ︀ီက︀ေႃႇ ꩬ︀ူယ︀ႃႇမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ꩫ︀်းမ︀ႆ︀ႛမ︀ဝ်ယ︀ုမ︀်ယ︀မ︀်ႈꩬ︀ီဢ︀ူꩫ︀ႆ︀ႇ” ꩫ︀ဝꩫ︀်ႇ။

မ︀တ︀်တ︀ႄး 4:17

လ︀ုက︀်ႉဢ︀မ︀ႂ်းက︀ူဝ်ꩬ︀ီ ꩡ︀ဝ်ႛယ︀ေꩬ︀ုယ︀ႃႇ “ꩬ︀ၢင︀်ဝွေက︀ꩫ︀်ႈတ︀ႃႉ။ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီတ︀င︀်ႛတ︀ေယ︀ဝ်ႇ” ꩫ︀ꩬ︀ီꩭူဝ်းတ︀ြႃးဢ︀ူ။

မ︀တ︀်တ︀ႄး 4:23

ꩡ︀ဝ်ႛယ︀ေꩬ︀ု တ︀ိူင︀်းက︀ႃလ︀ိလ︀ႄးတ︀င︀်းတ︀ိူင︀်းမ︀ႆ︀ႛက︀ႃꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်တ︀ြႃးꩭႂ်ႛဢ︀ူ။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩭူဝ်းꩬ︀ီ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

မ︀ႃက︀ု 1:14

က︀ꩫ︀်ႛလ︀င︀်ꩬ︀ြႃယ︀ေႃးꩭၢꩫ︀်တ︀ူက︀်ထွင︀်မ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ ꩡ︀ေႈဝီင︀်းက︀ႃလ︀ိလ︀ႄးမ︀ႆ︀ႛ က︀ျွႃးꩬ︀ီ

မ︀ႃက︀ု 1:45

ꩫ︀ႆ︀ႇꩫ︀က︀ေႃႇ မ︀ꩫ︀်းယ︀ႃႇ လ︀ွင︀်ႈဢ︀ꩫ︀်ႈမ︀ꩫ︀်းမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇတ︀င︀်းမ︀ိူင︀်း က︀ူႈတ︀ီႈမ︀ႆ︀ႛ က︀ႃၵ︀ႆ︀ႈလ︀ေၵ︀ွတ︀်ꩬ︀ီ ꩡ︀ဝ်ႛယ︀ေꩬ︀ုယ︀ႃႇ ဝီင︀်းဢ︀မ︀ႆ︀ႚက︀ေႃႇ က︀ႃꩡ︀ုꩫ︀်ႈꩰꩵ︀ႈꩫ︀ႆ︀ႛယ︀ဝ်ႇ။ င︀ႆ︀းꩬ︀ီꩭိမ︀်းဝီင︀်း တ︀ီႈဢ︀ꩫ︀်ႈက︀ူꩫ︀်းယ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀ၢႆ︀ႈꩬ︀ိုင︀် က︀ႃဢ︀ူဢ︀ူ။ ꩫ︀ႆ︀ႇꩫ︀က︀ေႃႇ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ လ︀ုက︀်ႉက︀ူႈပ︀ႃႛက︀ူႈꩫ︀ႃႛမ︀ႃးꩬ︀ီ မ︀ꩫ︀်းꩡ︀ဝ်ႛမ︀ႆ︀ႛထိုင︀်မ︀ႃးက︀ꩫ︀်ႈဢ︀ူ။

လ︀ုက︀ႃ 10:11

“ဝီင︀်းꩫ︀ႆ︀ႇမ︀ႆ︀ႛ တ︀ူႈꩬ︀တ︀ိꩭႂ်ႛယ︀ဝ်ႇꩰꩫ︀ꩫ︀ႆ︀ႇ ၸ︀ွင︀်တ︀ိꩫ︀်ႈဝီင︀်းꩫ︀ႆ︀ႇ ဢ︀ꩫ︀်ႈတ︀ူႈတ︀ွႆ︀ဝႆ︀ႇꩫ︀ႆ︀ႇ ꩭႂ်ႛပ︀ီꩫ︀်ႈꩬ︀ၢက︀်ႉꩬ︀ေက︀တ︀ႃႉ။ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛတ︀ီတ︀င︀်ႛတ︀ေယ︀ဝ်ႇꩫ︀ꩫ︀ႆ︀ႇတ︀ွင︀်းတ︀ေႇတ︀ေႇက︀ꩫ︀်ႈတ︀ႃႉ” ꩫ︀ꩬ︀ီဝႃႈတ︀ႃႉ။

လ︀ုက︀ႃ 10:9

ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူꩫ︀်းဝီင︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈꩫ︀ီႈꩭႂ်ႛꩬ︀ီ “မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛတ︀ီတ︀င︀်ႛတ︀ေယ︀ဝ်ႇ” ꩫ︀ꩬ︀ီ ဝႃႈတ︀ႃႉ။

လ︀ုက︀ႃ 16:29

ဢ︀ႃပ︀ြႃꩭၢမ︀်ယ︀ႃႇ “ꩭၢင︀်းꩫ︀ွင︀်ႇမ︀ႂ်းၵ︀ဝ်မ︀ႆ︀ႛ ꩭႂ်ႛꩬ︀တ︀ိယ︀ႃႇ မ︀ေႃꩬ︀ေၵ︀ဝ် ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀င︀်းဢ︀ူ။ ၵ︀ၢမ︀်းၵ︀ဝ်ထုက︀်ထွမ︀်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:31

ဢ︀ႃပ︀ြႃꩭၢမ︀်က︀ေႃႇ “ၵ︀ဝ် ၵ︀ၢမ︀်းမ︀ေႃꩬ︀ေꩫ︀ၵ︀ႃ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် မ︀ဝ်ထွမ︀်၊ မ︀ဝ်ꩬ︀ၢင︀်ဝွေက︀ီး က︀ူꩫ︀်းဢ︀ꩫ︀်ႈတ︀ႆ︀ၢႈယ︀ဝ်ႇ ꩫ︀ိပ︀်ပ︀ွက︀်ႉမ︀ႃးꩫ︀က︀ေႃႇ တ︀ီထွမ︀်ꩵ︀ႈꩡ︀ႂ်ႈ” ꩫ︀ဝꩫ︀်ႇ။

လ︀ုက︀ႃ 9:2

ၵ︀ၢဝ်ႈၵ︀ၢမ︀်း လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛက︀ႃꩭူဝ်းဢ︀ူ။ ၸ︀ူႛၵ︀ႆ︀ႛၸ︀ူႛꩡ︀ီပ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭႂ်ႛက︀ႃဢ︀ဝ်ႈꩫ︀ီႈဢ︀ူ။

ယ︀ေႃးꩭၢꩫ︀် 1:45

ၸ︀ိလ︀ိပ︀်ယ︀ႃႇ ꩫ︀ႃတ︀ꩫ︀ေလ︀မ︀ႆ︀ႛꩭꩫ︀်က︀ီး “က︀ူဝ်ႇဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩡ︀ိုဝ်ꩬ︀ီ က︀ျမ︀်းꩬ︀ိꩫ︀်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛ တ︀ူႈꩭꩫ︀်မ︀ႃးယ︀ဝ်ႇ။ ꩡ︀ိုဝ်ႈမ︀ꩫ︀်းꩡ︀ဝ်ႛယ︀ႃႇ ယ︀ေꩬ︀ုꩫ︀ꩫ︀မ︀်။ က︀ူꩫ︀်းဝီင︀်းꩫ︀ႃꩡ︀ရ︀ႅတ︀် ၸ︀ူႛလ︀ုက︀်ႉယ︀ေႃတ︀ၢတ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 11:48

မ︀ꩫ︀်းမ︀ႆ︀ႛ င︀ႆ︀းꩬ︀ီပ︀ွႆ︀ဝႆ︀ႇက︀ီး က︀ူꩫ︀်းတ︀င︀်းမ︀ိူင︀်း မ︀ꩫ︀်းမ︀ႆ︀ႛတ︀ီယ︀ုမ︀်ယ︀မ︀်ႈမ︀ူတ︀်ယ︀ဝ်ႇ။ င︀ႆ︀းက︀ီး ꩡ︀ဝ်ႛၵ︀ုꩫ︀်ရ︀ေႃမ︀ၵ︀ဝ်မ︀ႃးꩬ︀ီ ꩡ︀ွင︀်းၿိက︀်ႉမ︀ၢꩫ︀်ꩭဝ်းမ︀ႆ︀ႛတ︀မ︀ိူင︀်း ၸ︀ꩫ︀်းꩭဝ်းတ︀င︀်းလ︀ုင︀်မ︀ႆ︀ႛတ︀မ︀ိူင︀်း တ︀ီမ︀ႃးယ︀ႃႇယ︀ဝ်ႇꩬ︀ႃး” ꩫ︀ꩬ︀ီဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 12:19

ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “ဢ︀ေး ꩭဝ်းယ︀ႃႇ ꩬ︀ုမ︀်းယ︀ဝ်ႇ။ ꩡ︀ဝ်ႛတ︀င︀်းၸ︀ႃႇ ꩡ︀ွမ︀်းꩭၢင︀်မ︀ꩫ︀်းက︀ႃမ︀ူတ︀်ယ︀ဝ်ႇꩫ︀ေႃး” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။

ယ︀ေႃးꩭၢꩫ︀် 5:4

ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀ွင︀်ဢ︀မ︀ႂ်းမ︀ႆ︀ႛ မ︀ဝ်ယ︀ၢꩫ︀်မ︀ဝ်ယ︀ၢꩫ︀် မ︀ႃးလ︀ူင︀်းꩬ︀ီ ꩫ︀မ︀်ႇဢ︀ဝ်ႈပ︀ွပ︀်ႉပ︀ႅပ︀်ႉဢ︀ူ။ က︀ူꩫ︀်းဢ︀ꩫ︀်ႈꩭိမ︀်းꩫ︀ွင︀်မ︀ႆ︀ႛပ︀ႂ်ႇꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀မ︀်ႇပ︀ွပ︀်ႉပ︀ႅပ︀်ႉꩫ︀ႆ︀ႇမ︀ႆ︀ႛ ထႃႛꩬ︀ီဢ︀ူဢ︀ူ။ မ︀ိူဝ်ႈꩫ︀မ︀်ႇပ︀ွပ︀်ႉပ︀ႅပ︀်ႉꩫ︀ႆ︀ႇ ၸ︀ူႛဢ︀ꩫ︀်ႈက︀ꩫ︀်ႛꩫ︀ႂ်းꩫ︀ွင︀်မ︀ႆ︀ႛ လ︀ူင︀်းဢ︀ွꩫ︀်ႈꩫ︀ႆ︀ႇ ယ︀ေႃးက︀ႃက︀ႃႈꩫ︀င︀်ယ︀င︀်းꩫ︀ႆ︀ႇꩭႆ︀ၢက︀ႃင︀ႆ︀းꩫ︀မ︀်။

ထဝ်ꩡ︀တ︀်ႉၵ︀ဝ် 3:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ေꩬ︀ိယ︀ဝႃႈၵ︀ၢမ︀်တ︀ႆ︀ၢႈဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉတ︀င︀်းမ︀ိူင︀်းမ︀ႆ︀ႛꩭႂ်ႛꩭူဝ်းဝႆ︀ႇမ︀ႃးဢ︀ူ။ ဢ︀ꩫ︀်ႈင︀ႆ︀ႚပ︀ီꩫ︀်ႈမ︀ႃးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၿျႃၻိက︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈပ︀ီꩫ︀်ႈမ︀ႃးꩫ︀ႆ︀ႇꩫ︀မ︀်။