လ︀ုက︀ႃ 16:15 - Khamti Shan

¹⁵ မ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “ꩬ︀ူယ︀ႃႇ ꩭႂ်ႛပ︀ူဝ်းꩬ︀ူꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ပ︀ိူꩫ︀်ႈꩭꩫ︀်ꩫ︀ႆ︀ႇꩭီတ︀်လ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛတ︀ွင︀်းဢ︀ူ။ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် ၵ︀ႅꩫ︀်းလ︀ႅင︀်ႇꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈ။

လ︀ုက︀ႃ 16:15 ပူးပေါင်းရင်းမြစ်များ

မ︀တ︀်တ︀ႄး 23:5

ၵ︀ဝ်ယ︀ႃႇ ဢ︀ꩫ︀်ႈၵ︀ဝ်က︀မ︀်ႈꩰက︀ႅင︀်းꩰတ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းပ︀ိူꩫ︀်ႈꩭꩫ︀်ꩫ︀ႆ︀ႇꩭီတ︀်ဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀ႃႛၸ︀က︀်ၵ︀ဝ်၊ ၵ︀ႅꩫ︀်မ︀ိုဝ်းၵ︀ဝ်မ︀ႆ︀ႛ ၵ︀ႅပ︀်ၵ︀ူဝ်ႛက︀ျမ︀်းလ︀ိက︀်ႉꩫ︀ႆ︀ႇၵ︀ဝ် ဢ︀ဝ်ႈယ︀ႂ်ꩰꩭီတ︀်င︀ႆ︀းꩬ︀ီ ၸ︀ွတ︀်ႉဝႆ︀ႇက︀ꩫ︀်ႈဢ︀ူ။ တ︀ိꩫ︀်ႈꩬ︀ိူဝ်ႛထမ︀ူင︀်ႇၵ︀ဝ်မ︀ႆ︀ႛက︀ေႃႇ ꩬ︀ႆ︀ၢဢ︀ꩫ︀်ႈယ︀ွႆ︀ႇꩫ︀ႆ︀ႇၵ︀ဝ် ဢ︀ဝ်ႈယ︀ၢဝ်းꩰယ︀ၢပ︀်ႉဝႆ︀ႇဢ︀ူ။

မ︀တ︀်တ︀ႄး 6:16

မ︀ိူဝ်ႈꩬ︀ူꩭႅတ︀်ႉတ︀ွင︀်ႇꩫ︀ႆ︀ႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩭီတ︀်ꩫ︀က︀ꩫ︀်ႈ ꩫ︀ႃႛဢ︀ꩫ︀်ႈꩭိဝ်ပ︀ီပ︀ျႃး။ ၵ︀ဝ်ယ︀ႃႇ ၵ︀ဝ်ꩭႅတ︀်ႉတ︀ွင︀်ႇဢ︀ူꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈတ︀ွင︀်းꩫ︀ႆ︀ႇ ꩫ︀ႃႛꩭိဝ်ပ︀ျႃးꩬ︀ီဢ︀ူꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈꩭႂ်ႛယ︀ဝ်ႇ။

မ︀တ︀်တ︀ႄး 6:2

မ︀ိူဝ်ႈၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩡ︀ွႆ︀ႈꩫ︀ႆ︀ႇက︀ေႃႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩭီတ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ဝ်ꩭီတ︀်မ︀ႆ︀ႛပ︀ိူꩫ︀်ႈꩭꩫ︀်ꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩫ︀ႆ︀ႇ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ် တ︀ၢင︀်းတ︀ွက︀်ꩫ︀ႆ︀ႇၵ︀ဝ်မ︀ႆ︀ႛ ယ︀ႃးꩬ︀ီလ︀ူꩰပ︀ꩫ︀်ႈꩰꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈꩭႂ်ႛယ︀ဝ်ႇ။

မ︀တ︀်တ︀ႄး 6:5

မ︀ိူဝ်ႈꩬ︀ူယ︀ွꩫ︀်းꩬ︀ူးꩫ︀ႆ︀ႇက︀ေႃႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩭီတ︀်။ ၵ︀ဝ်ယ︀ႃႇ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈတ︀င︀်းမ︀ိူင︀်းꩭꩫ︀်ꩫ︀ႆ︀ႇ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်၊ တ︀ၢင︀်းꩭုမ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ဝ်းꩬ︀ီယ︀ွꩫ︀်းꩬ︀ူးဢ︀ူ။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈယ︀ဝ်ႇ။

လ︀ုက︀ႃ 10:29

ꩫ︀ႆ︀ႇမ︀ႆ︀ႛ ꩬ︀ြႃတ︀ြႃးဢ︀မ︀ႂ်းယ︀ႃႇ မ︀ꩫ︀်းꩬ︀ိုဝ်ႈတ︀ူဝ်ဢ︀ူꩫ︀ႆ︀ႇ ၵ︀ႂ်ႈပ︀ျႃးꩫ︀ႆ︀ႇꩬ︀ီ “ꩫ︀ႆ︀ႇက︀ီး က︀ူꩫ︀်းꩭိမ︀်းꩭွမ︀်းက︀ဝ်ႈၵ︀ႃႛယ︀ႃႇ ၸ︀ႂ်တ︀ီၵ︀ႃႛꩫ︀ႆ︀” ꩫ︀ဝꩫ︀်ႇ။

လ︀ုက︀ႃ 11:39

င︀ႆ︀းꩬ︀ီ ꩡ︀ဝ်ႛယ︀ေꩬ︀ုယ︀ႃႇ “ꩬ︀ူၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ က︀ွက︀်၊ လ︀ၢင︀်ပ︀ၢꩫ︀်းꩫ︀ႆ︀ႇၵ︀ဝ် က︀ꩫ︀်ႛꩫ︀ွက︀်ႉမ︀ႆ︀ႛ လ︀ၢင︀်ႇဢ︀ဝ်ႈတ︀ွင︀်ꩰꩫ︀က︀ေႃႇ က︀ꩫ︀်ႛꩫ︀ႂ်းꩬ︀ူမ︀ႆ︀ႛယ︀ႃႇ ဢ︀ꩫ︀်ႈမ︀ဝ်တ︀ြႃး၊ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် တ︀ီမ︀်ႈက︀ꩫ︀်ႈꩫ︀မ︀်။

လ︀ုက︀ႃ 18:11

ၸ︀ႃရ︀ိꩬ︀ႄꩫ︀ႆ︀ႇ လ︀ုက︀်ႉင︀ႆ︀း လ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ၢႈဝႃႈꩬ︀ီ ယ︀ွꩫ︀်းꩬ︀ူးꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ က︀ဝ်ႈၵ︀ႃႛယ︀ႃႇ ꩫ︀င︀်ပ︀ိူꩫ︀်ႈꩫ︀က︀ꩫ︀်ႈ ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛတ︀ီၵ︀ႃႛဢ︀ူ။ က︀ဝ်ႈၵ︀ႃႛ ꩫ︀င︀်ပ︀ိူꩫ︀်ႈꩫ︀က︀ꩫ︀်ႈ လ︀ေႃးၸ︀ႃးꩵ︀ႈယ︀ႂ်၊ ꩵ︀ႈလ︀ိက︀်င︀ွက︀်၊ ꩭွင︀်ႛꩭိူꩫ︀်းပ︀ိူꩫ︀်ႈက︀ေႃႇ ꩵ︀ႈၸ︀ိတ︀်။ ꩫ︀င︀်ၸ︀ူႛက︀ီပ︀်ၵ︀ွꩫ︀်ပ︀ုꩫ︀်ႛꩫ︀ႆ︀ႇꩫ︀က︀ꩫ︀်ႈက︀ေႃႇ ꩵ︀ႈꩡ︀ႂ်ႈတ︀ီၵ︀ႃႛ။

လ︀ုက︀ႃ 18:14

က︀ဝ်ႈဝႃႈက︀ွတ︀်။ ꩫ︀ႂ်းꩬ︀ွင︀်ၵ︀ႃမ︀ႆ︀ႛ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩬ︀ီ မ︀ိူဝ်းꩭိူꩫ︀်းက︀ႃꩫ︀ႆ︀ႇယ︀ႃႇ ၸ︀ူႛက︀ီပ︀်ၵ︀ွꩫ︀်ꩫ︀မ︀်။ ၸ︀ႃရ︀ိꩬ︀ႄꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ယ︀ူဝ်းယ︀ွင︀်ႛꩫ︀ႆ︀ႇယ︀ႃႇ တ︀ီꩫ︀ႆ︀ႛတ︀ူက︀်တ︀မ︀်ꩫ︀မ︀်။ က︀ူဝ်ႇဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 18:21

မ︀ꩫ︀်းက︀ေႃႇ “ꩬ︀ိꩫ︀်ဢ︀မ︀ႂ်းၵ︀ဝ်တ︀င︀်းမ︀ိူင︀်း လ︀ုက︀်ႉမ︀ိူဝ်ႈဢ︀ွꩫ︀်ပ︀ုꩫ︀်ႛ က︀ဝ်ႈၵ︀ႃႛက︀မ︀်ႈက︀ႅင︀်းမ︀ႃးတ︀ီၵ︀ႃႛဢ︀ူ” ꩫ︀ဝꩫ︀်ႇ။

လ︀ုက︀ႃ 18:9

ꩡ︀ဝ်ႛယ︀ေꩬ︀ု က︀ူꩫ︀်းဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩬ︀ီ ပ︀ိူꩫ︀်ႈမ︀ႆ︀ႛꩫ︀ူႈꩫ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းဝႃႈꩫ︀ႆ︀ႇယ︀ႃႇ

လ︀ုက︀ႃ 20:20

င︀ႆ︀းꩬ︀ီၵ︀ဝ် ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ႅဝ်ႛꩫ︀ႆ︀ႛꩫ︀ႆ︀ႇ ၸ︀ူႛꩡ︀ွပ︀်ꩡ︀ႂ်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်က︀ူꩫ︀်းꩬ︀ိုဝ်ႈꩫ︀ꩫ︀်ႈင︀ႆ︀းꩬ︀ီ ပ︀ွႆ︀ꩡ︀ႂ်ႇဢ︀ူ။ ၵ︀ဝ်က︀ႅမ︀်ꩫ︀ႆ︀ႇယ︀ႃႇ ꩫ︀ႂ်းၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ၵ︀ႃဢ︀ပ︀ႅတ︀်ႉꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ရ︀ေႃမ︀က︀ွတ︀်ꩫ︀ꩫ︀မ︀်။

လ︀ုက︀ႃ 20:47

ၵ︀ဝ်ယ︀ႃႇꩭိူꩫ︀်းမ︀ေႈမ︀ႆ︀ၢႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢမ︀်းဢ︀ဝ်ႈယ︀ဝ်ႇက︀ီး ꩭႂ်ႛပ︀ူဝ်းပ︀ိူꩫ︀်ႈꩫ︀ူႈꩫ︀ီႈꩫ︀ႆ︀ႇ ဢ︀ဝ်ႈꩭိုင︀်ꩰယ︀ွꩫ︀်းꩬ︀ူးင︀ႆ︀းဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ၢမ︀်ဢ︀ꩫ︀်ႈယ︀ႂ်ꩬ︀ႃꩫ︀ႆ︀ႇ တ︀ီꩫ︀ႆ︀ႛၵ︀ၢမ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 2:25

ဢ︀ꩫ︀်ႈꩫ︀င︀်ꩭူဝ်ꩡ︀ႂ်ႈက︀ူꩫ︀်းမ︀ႆ︀ႛ ယ︀င︀်းꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛတ︀ွင︀်းဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈဝႃႈၵ︀ႆ︀ႈ။

ယ︀ေႃးꩭၢꩫ︀် 21:17

တ︀ၢင︀်ꩬ︀ၢမ︀်ပ︀ၢꩫ︀်ႈ “ꩬ︀ႅင︀်မ︀ုꩫ︀်ၸ︀ူႛလ︀ုက︀်ႉယ︀ေႃးꩭၢꩫ︀်ꩴ︀း မ︀ႂ်း က︀ဝ်ႈမ︀ႆ︀ႛꩭၢက︀်ႉဢ︀ေႃး” ꩫ︀ꩬ︀ီမ︀ꩫ︀်းꩡ︀ဝ်ႛထၢမ︀်ဢ︀ူ။ င︀ႆ︀းꩬ︀ီ တ︀ၢင︀်ꩬ︀ၢမ︀်ပ︀ၢꩫ︀်ႈပ︀ုꩫ︀်ႛထၢမ︀်မ︀ႃးက︀ီး ပ︀ေတ︀ရ︀ုꩡ︀ႂ်ႈꩬ︀ဝ်ႛမ︀ႃးꩬ︀ီ “ꩡ︀ဝ်ႛꩴ︀း မ︀ႂ်းꩡ︀ဝ်ႛတ︀င︀်းမ︀ိူင︀်းတ︀ွင︀်းတ︀ီၵ︀ႃႛဢ︀ူ။ ꩡ︀ဝ်ႛမ︀ႆ︀ႛက︀ဝ်ႈၵ︀ႃႛꩭၢက︀်ႉꩫ︀ႆ︀ႇ ꩡ︀ဝ်ႛတ︀ွင︀်းတ︀ီၵ︀ႃႛဢ︀ူ” ꩫ︀ဝꩫ︀်ႇ။ ꩡ︀ဝ်ႛယ︀ေꩬ︀ုက︀ေႃႇ “ပ︀ူႇက︀ဝ်ႈၵ︀ဝ်မ︀ႆ︀ႛမ︀ိုင︀်ႇတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 1:18

ယ︀ုတ︀ယ︀ႃႇ ဢ︀ဝ်ႈင︀ိူꩫ︀်းဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီꩫ︀ႆ︀ႛမ︀ႃးꩫ︀ႆ︀ႇ ꩫ︀ိꩫ︀်ႈၵ︀ူင︀်ႇလ︀ိူင︀်ႈꩬ︀ိုဝ်ႇꩬ︀ီ တ︀ီႈဢ︀မ︀ႂ်းမ︀ႆ︀ႛ က︀ႃလ︀ူမ︀်ႇတ︀ႆ︀ၢႈယ︀ဝ်ႇ။ တ︀ွင︀်ႇမ︀ꩫ︀်းတ︀ႅက︀်ၸ︀ႃꩬ︀ီ ꩬ︀ႆ︀ႛမ︀ꩫ︀်းꩫ︀ႆ︀ႇၵ︀ဝ်ပ︀ုꩫ︀်းဢ︀ွက︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 1:24

ယ︀ဝ်ႇက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛထႃဝရ︀ၸ︀ြႃး တ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ꩡ︀ႂ်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ွင︀်းတ︀ီၵ︀ႃႛဢ︀ူ။ ယ︀ုတ︀ယ︀ႃႇ ဢ︀ယ︀ႃတ︀မ︀ၢꩫ︀်ꩡ︀ဝ်ႛမ︀ꩫ︀်းမ︀ႆ︀ႛ ၵ︀ွတ︀်ꩬ︀ီ တ︀ီႈဢ︀ꩫ︀်ႈမ︀ꩫ︀်းထႅက︀်ႉမ︀ႆ︀ႛက︀ႃယ︀ဝ်ႇ။ င︀ႆ︀းꩬ︀ီ ဢ︀ယ︀ႃꩫ︀ႆ︀ႇမ︀ႆ︀ႛ ၸ︀ႂ်ထုက︀်တ︀ၢင︀်ႈꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩬ︀ွင︀်က︀ူဝ်ႇꩫ︀ႆ︀ႇမ︀ႆ︀ႛ လ︀ိူက︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 15:8

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭူဝ်ꩡ︀ႂ်ႈက︀ူꩫ︀်းꩭဝ်းမ︀ႆ︀ႛတ︀ွင︀်းꩫ︀ႆ︀ႇယ︀ႃႇ ꩫ︀င︀်ꩭဝ်းမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇꩭႂ်ႛꩬ︀ီ ၵ︀ဝ်မ︀ႆ︀ႛမ︀ꩫ︀်းꩡ︀ဝ်ႛꩭၢပ︀်ႉဢ︀ူꩫ︀ꩫ︀ႆ︀ႇ ပ︀ျႃးမ︀ႃးယ︀ဝ်ႇ။

ရ︀ေႃမ︀ 3:20

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ႆ︀ႛ ꩡ︀ွမ︀်းဢ︀ဝ်ႈက︀ီး ꩭဝ်းၸ︀ႂ်မ︀ႆ︀ႛက︀ေႃႇ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈမ︀တ︀်ႉ။ ꩫ︀ႆ︀ႇꩬ︀ေႇမ︀ဝ်က︀ႃး က︀ျမ︀်းꩬ︀ိꩫ︀်ယ︀ႃႇ ဢ︀ပ︀ႅတ︀်ႉꩫ︀ꩫ︀ႆ︀ႇမ︀ႆ︀ႛꩬ︀ိုင︀် ꩭႂ်ႛပ︀ူဝ်းက︀ူꩫ︀်းꩭဝ်းတ︀ွင︀်းꩫ︀ႆ︀ႇ ပ︀ျႃးꩭႂ်ႛဢ︀ူꩫ︀မ︀်။

ရ︀ေႃမ︀ 8:27

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႂ်ႈက︀ူꩫ︀်းမ︀ႆ︀ႛတ︀ွင︀်းꩫ︀ႆ︀ႇ ꩡ︀ႂ်ႈၵ︀ွꩫ︀်မ︀ꩫ︀်းꩡ︀ဝ်ႛမ︀ႆ︀ႛက︀ေႃႇတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭၢင︀်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ဝွꩫ︀်းၵ︀ႅꩫ︀်းꩭႂ်ႛꩬ︀ီꩫ︀မ︀်။

က︀ေႃရ︀ိꩫ︀်တ︀ု ႑ 4:5

င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩡ︀ူဝ်ႈက︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ႂ်မ︀ႆ︀ႛက︀ေႃႇ ပ︀ီပ︀ႅတ︀်ႉတ︀ြႃး။ ယ︀ၢမ︀်းထိုင︀်က︀ီး မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ႂ်ႈက︀ူꩫ︀်းꩭဝ်းမ︀ႆ︀ႛ က︀ႅမ︀်က︀တ︀်ႉꩰဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီဢ︀ဝ်ႈဢ︀ွက︀်မ︀ႃးꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထႅက︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်။

ပ︀ေတ︀ရ︀ု ႑ 3:4

ꩡ︀ႂ်ႈဢ︀ꩫ︀်ႈဢ︀ူꩫ︀်ႛꩥ︀ေႈ၊ ဢ︀ꩫ︀်ႈယ︀ီꩫ︀်ႈꩬ︀ိင︀်ꩰꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩬ︀ႅꩫ︀်ႛဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ မ︀ဝ်ꩭႆ︀ၢက︀ႃꩡ︀ၢင︀်ႈꩫ︀ႆ︀ႇꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩬ︀ႅꩫ︀်ႛၸ︀ꩫ︀်းဢ︀မ︀ႂ်းမ︀ႆ︀ႛ ꩭီတ︀်လ︀ႅင︀်ႇလ︀ူင︀်ꩫ︀မ︀်။

ပ︀ေတ︀ရ︀ု ႑ 5:5

ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူꩫ︀်းꩫ︀ုမ︀်ၵ︀ဝ်ꩴ︀း ꩬ︀ူက︀ေႃႇ ၵ︀ၢမ︀်းၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ထွမ︀်က︀ꩫ︀်ႈတ︀ႃႉ။ ꩬ︀ူတ︀င︀်းမ︀ိူင︀်း က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ က︀ွမ︀်းꩫ︀ွမ︀်းꩬ︀ီ ꩡ︀ွႆ︀ႈက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛဢ︀ꩫ︀်ႈက︀မ︀်ႇလ︀ွင︀်ႛမ︀ႆ︀ႛꩡ︀ႃႇꩬ︀ီ ၸ︀ူႛဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ဢ︀ီꩫ︀ူႈꩭႂ်ႛဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။

ၿျႃၻိက︀်ႉ 2:23

ၸ︀ူႛꩡ︀ွမ︀်းမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈတ︀ီဢ︀ဝ်ႈတ︀ႆ︀ၢႈꩫ︀မ︀်။ ꩭီတ︀်င︀ႆ︀းꩬ︀ီ က︀ဝ်ႈယ︀ႃႇ ꩭူဝ်ꩡ︀ႂ်ႈက︀ူꩫ︀်း၊ က︀ၢင︀်ႈꩡ︀ႂ်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ွင︀်းဢ︀ူꩫ︀ꩫ︀ႆ︀ႇ ꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ တ︀ီဢ︀ဝ်ႈတ︀ွင︀်းမ︀ႃးက︀ꩫ︀်ႈꩫ︀မ︀်။ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀ႆ︀ႇ ꩬ︀ူက︀ူႈက︀ူဝ်ႇမ︀ႆ︀ႛ က︀ဝ်ႈတ︀ီတ︀ွပ︀်ပ︀ွက︀်ႉꩭႂ်ႛꩫ︀မ︀်။