လ︀ုက︀ႃ 14:21 - Khamti Shan

²¹ ၸ︀ူႛꩡ︀ႂ်ႇက︀ေႃႇ ပ︀ွက︀်ႉမ︀ႃးꩬ︀ီ လ︀ွင︀်ႈဢ︀မ︀ႂ်းၵ︀ဝ်တ︀င︀်းမ︀ိူင︀်း ꩡ︀ဝ်ႛမ︀ꩫ︀်းမ︀ႆ︀ႛၵ︀ႆ︀ႈꩭႂ်ႛဢ︀ူ။ ꩫ︀ႆ︀ႇမ︀ႆ︀ႛ ꩡ︀ဝ်ႛꩭိူꩫ︀်းꩫ︀ႆ︀ႇ တ︀ေႃးꩬ︀ႃးꩬ︀ီ ၸ︀ူႛꩡ︀ႂ်ႇမ︀ꩫ︀်းမ︀ႆ︀ႛ “ꩫ︀ႂ်းဝီင︀်းမ︀ႆ︀ႛ ဢ︀ဝ်ႈက︀ႅင︀်က︀ႃꩬ︀ီ လ︀ုက︀်ႉတ︀ၢင︀်းလ︀ူင︀် တ︀ၢင︀်းဝၢပ︀်ꩫ︀ႆ︀ႇၵ︀ဝ်မ︀ႆ︀ႛၸ︀ူႛၸ︀ၢꩫ︀်၊ ၸ︀ူႛꩬ︀ိက︀်ႉၵ︀ိင︀်းꩭၢင︀်ႇၸ︀ူႛတ︀ိꩫ︀်ႈꩭၢꩫ︀်ႛ၊ ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ က︀ႃꩭွင︀်ႇမ︀ႃးလ︀ႃး” ꩫ︀ဝꩫ︀်ႇ။

လ︀ုက︀ႃ 14:21 ပူးပေါင်းရင်းမြစ်များ

မ︀တ︀်တ︀ႄး 11:28

က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉယ︀င︀်းꩬ︀ီ ꩫ︀ွင︀်ꩡ︀ႂ်ႈꩫ︀ွင︀်ၵ︀ူဝ်းꩫ︀ႆ︀ႇၵ︀ဝ်ꩴ︀း က︀ဝ်ႈမ︀ႆ︀ႛမ︀ႃးက︀ꩫ︀်ႈတ︀ႃႉ။ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛက︀ွတ︀်။

မ︀တ︀်တ︀ႄး 11:5

ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ် တ︀ႃႈꩭꩫ︀်က︀ꩫ︀်ႈယ︀ဝ်ႇ။ က︀ူꩫ︀်းဢ︀ꩫ︀်ႈတ︀ိꩫ︀်ႈတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ၸ︀ႆ︀ၢႛက︀ꩫ︀်ႈယ︀ဝ်ႇ။ ၸ︀ူႛပ︀ီꩫ︀်ႈတ︀ုတ︀်ႉꩫ︀ႆ︀ႇၵ︀ဝ်က︀ေႃႇ ꩫ︀ီႈꩬ︀ူဝ်းꩰက︀ꩫ︀်ႈယ︀ဝ်ႇ။ ၸ︀ူႛꩭူꩫ︀ႂ်ꩫ︀ႆ︀ႇၵ︀ဝ်က︀ေႃႇ ꩭူꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ꩫ︀ိပ︀်မ︀ႃးက︀ꩫ︀်ႈယ︀ဝ်ႇ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။

မ︀တ︀်တ︀ႄး 15:12

ꩫ︀ႆ︀ႇမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်မ︀ႃးꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ “ꩡ︀ဝ်ႛꩴ︀း ဢ︀ꩫ︀်ႈမ︀ႂ်းꩡ︀ဝ်ႛဝႃႈမ︀ႆ︀ႛ ၸ︀ႃရ︀ိꩬ︀ႄꩫ︀ႆ︀ႇၵ︀ဝ် ၵ︀ႂ်ႈꩡ︀ႃႇလ︀ူင︀်တ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 18:31

လ︀ွင︀်ႈꩫ︀ႆ︀ႇမ︀ႆ︀ႛ ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်ꩭꩫ︀်က︀ီး ၵ︀ၢမ︀်မ︀ဝ်ꩫ︀ႆ︀ႛၸ︀ႅဝ်ꩬ︀ီ လ︀ွင︀်ႈဢ︀မ︀ႂ်းတ︀င︀်းမ︀ိူင︀်း ꩡ︀ဝ်ႛꩭူဝ်ၵ︀မ︀်းမ︀ႆ︀ႛ က︀ႃၵ︀ႆ︀ႈဢ︀ူ။

မ︀တ︀်တ︀ႄး 20:7

ၵ︀ဝ်ယ︀ႃႇ “တ︀ူႈမ︀ႆ︀ႛၸ︀ႂ်က︀ေႃႇ မ︀ဝ်ꩡ︀ၢင︀်ႛꩬ︀ီꩫ︀မ︀်” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ မ︀ꩫ︀်းယ︀ႃႇ “ꩫ︀ႆ︀ႇက︀ီး ꩬ︀ူက︀ေႃႇ ꩬ︀ူꩫ︀်က︀ဝ်ႈမ︀ႆ︀ႛက︀ႃꩭီတ︀်ဢ︀မ︀ူးလ︀ႃး” ꩫ︀ဢ︀ူ။

လ︀ုက︀ႃ 14:13

မ︀ိူဝ်ႈꩬ︀ူပ︀ၢင︀်းပ︀ွႆ︀းꩫ︀ႆ︀ႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်၊ ၸ︀ူႛꩬ︀ိက︀်ႉၵ︀ိင︀်းꩭၢင︀်ႇꩫ︀ႆ︀ႇၵ︀ဝ်၊ ၸ︀ူႛတ︀ိꩫ︀်ႈꩭၢꩫ︀်ႛꩫ︀ႆ︀ႇၵ︀ဝ်င︀ႆ︀း ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ၢင︀်းတ︀ႃႉ။

လ︀ုက︀ႃ 14:20

တ︀ၢင︀်က︀ူဝ်ႇက︀ေႃႇ “က︀ဝ်ႈ ꩬ︀င︀်က︀ူဝ်ဢ︀ဝ်ႈမ︀ေးဝႆ︀ႇꩫ︀ႆ︀ႇꩬ︀ီ မ︀ႃးꩵ︀ႈပ︀ီꩫ︀်ႈ” ꩫ︀ဝꩫ︀်ႇ။

လ︀ုက︀ႃ 14:22

ၸ︀ူႛꩡ︀ႂ်ႇယ︀ႃႇ “ꩡ︀ဝ်ႛꩴ︀း တ︀င︀်းမ︀ိူင︀်းꩭွင︀်ႇမ︀ႃးတ︀ီၵ︀ႃႛယ︀ဝ်ႇꩰ။ ꩫ︀ႆ︀ႇꩫ︀က︀ေႃႇ တ︀ီႈꩫ︀င︀်ႈက︀ိူတ︀်ဢ︀ိက︀်တ︀ီၵ︀ႃႛဢ︀ူ” ꩫ︀ဝꩫ︀်ႇ။

လ︀ုက︀ႃ 14:24

က︀ဝ်ႈဝႃႈက︀ွတ︀်။ က︀ူꩫ︀်းဢ︀ꩫ︀်ႈမ︀ိူဝ်ႈꩭူဝ်က︀ူဝ် ပ︀ၢင︀်းဝႆ︀ႇꩫ︀ႆ︀ႇၵ︀ဝ်ယ︀ႃႇ ၵ︀ဝ်ႛၸ︀က︀်ပ︀ွႆ︀းက︀ဝ်ႈမ︀ႆ︀ႛ မ︀ိတ︀်ႉလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈꩭႂ်ႛꩫ︀ႆ︀ႛက︀ိꩫ︀်ႈ” ꩫ︀ဝꩫ︀်ႇ။

လ︀ုက︀ႃ 24:47

ယ︀ဝ်ႇက︀ီး ၵ︀ၢဝ်ႈၵ︀ၢမ︀်းဢ︀မ︀ႂ်း တ︀ꩫ︀်းၵ︀ူဝ်းꩡ︀ိုဝ်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ လ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ူဝ်ꩬ︀ီ က︀ူꩫ︀်းက︀ူႈၵ︀ိူဝ်းက︀ူႈၸ︀ꩫ︀်းမ︀ႆ︀ႛ တ︀ီတ︀ႅဝ်ꩫ︀မ︀်။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ꩬ︀ၢင︀်ဝွေမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉတ︀ီပ︀ွႆ︀လ︀ွတ︀်ႉꩭႂ်ႛꩫ︀မ︀်။

လ︀ုက︀ႃ 9:10

တ︀မ︀ၢꩫ︀်ꩡ︀ဝ်ႛၵ︀ဝ်ပ︀ွက︀်ႉမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ် ၵ︀ႆ︀ႈပ︀ွက︀်ႉက︀ꩫ︀်ႈဢ︀ူ။ ယ︀ဝ်ႇက︀ီး မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛꩭွင︀်ႇꩬ︀ီ ဝီင︀်းပ︀ႅတ︀်ꩡ︀ႄးတ︀ ꩫ︀ꩫ︀ႆ︀ႇမ︀ႆ︀ႛ ၵ︀ဝ်ꩡ︀ဝ်ႛꩫ︀ႆ︀ၢႈက︀ႃဢ︀ူ။

ယ︀ေႃးꩭၢꩫ︀် 9:39

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းꩭꩫ︀်ꩫ︀ႆ︀ႇင︀ႆ︀း၊ ၸ︀ူႛတ︀ႃႈꩭꩫ︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ီꩫ︀်ႈၸ︀ူႛတ︀ႃႈမ︀ွတ︀်ꩫ︀ႆ︀ႇ ပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ မ︀ိူင︀်းက︀ၢင︀်ႈမ︀ႆ︀ႛ က︀ဝ်ႈက︀ျွႃးမ︀ႃးꩫ︀မ︀်” ꩫ︀ဝꩫ︀်ႇ။

ꩭေပ︀ရ︀ူး 13:17

ꩭူဝ်က︀ေꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ ၵ︀ၢမ︀်းၵ︀ဝ်ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ဢ︀မ︀ူးၵ︀ဝ်ယ︀ႃႇ ဢ︀မ︀ူးဢ︀ꩫ︀်ႈမ︀ိုင︀်ႇၵ︀ွꩫ︀်ꩬ︀ူꩫ︀မ︀်။ ၵ︀ဝ်ဢ︀မ︀ူးꩫ︀ႆ︀ႇ ꩭလ︀ိုဝ်ꩭီတ︀်ꩫ︀ꩫ︀ႆ︀ႇယ︀ႃႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩡ︀ႅပ︀်ႉꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ် မ︀ဝ်ၵ︀င︀်းꩬ︀ီ ပ︀ိဝ်ꩰမ︀ူꩫ︀်းꩰꩭီတ︀်ꩫ︀ႆ︀ႛꩫ︀ႆ︀ႇ ၵ︀ၢမ︀်းၵ︀ဝ်မ︀ႆ︀ႛ ထွမ︀်ꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ႃႇꩬ︀ူဢ︀က︀ိဝ်းꩵ︀ႈယ︀င︀်း။

ꩭေပ︀ရ︀ူး 2:3

တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩭဝ်းဝႆ︀ႇꩬ︀ႆ︀ၢႇက︀ီး လ︀ုက︀်ႉတ︀ၢမ︀်ဢ︀ပ︀ႅတ︀်ႉမ︀ႆ︀ႛ ꩭလ︀ိုဝ်က︀ေႃႇꩵ︀ႈလ︀ွတ︀်ႉ။ တ︀ၢင︀်းၵ︀ေꩬ︀ေꩫ︀ႆ︀ႇ ꩡ︀ဝ်ႛယ︀ေꩬ︀ုၸ︀ူႛꩡ︀ဝ်ႛ တ︀ႅဝ်ဢ︀ွꩫ︀်ႈမ︀ႃးꩬ︀ီ က︀ူꩫ︀်းဢ︀ꩫ︀်ႈꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇ ꩭဝ်းမ︀ႆ︀ႛ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ။

ယ︀ႃက︀ု 2:5

ပ︀ီႈꩫ︀ွင︀်ႇၵ︀ဝ်ꩴ︀း ထွမ︀်က︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ဢ︀က︀ိဝ်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇ ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇလ︀ိူင︀်ႈ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀မ︀်။

ၿျႃၻိက︀်ႉ 19:15

လ︀ုက︀်ႉꩬ︀ူပ︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ႃႇဢ︀ꩫ︀်ႈၸ︀ႆ︀ၢဢ︀ꩫ︀်ႈလ︀ိူင︀်ႈဢ︀ွက︀်င︀ႆ︀း ဢ︀ဝ်ႈၸ︀ႃႇဢ︀မ︀ႂ်း ၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ေႇꩫ︀မ︀်။ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛဢ︀ဝ်ႈꩭွက︀်လ︀ီက︀် တ︀ီဢ︀ုပ︀်ႉပ︀ိုင︀်ꩫ︀မ︀်။ ထၢင︀်ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ူꩫ︀်ႇမ︀က︀်ꩡ︀ပ︀ႅတ︀်ႉꩬ︀ီ တ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ꩫ︀ႆ︀ႇ တ︀ီပ︀ျႃးꩫ︀မ︀်။

ၿျႃၻိက︀်ႉ 22:17

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ူႛꩬ︀ၢဝ်မ︀ႂ်ပ︀ူႇဢ︀ွꩫ︀်ယ︀ႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ဝꩫ︀်ႇ။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ꩬ︀ီဝႃႈက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ် မ︀ႃးက︀ꩫ︀်ႈတ︀ႃႉ။ ၸ︀ႂ်မ︀ဝ်ဝႃႈ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ ၵ︀ႂ်ႈꩫ︀ႆ︀ႛက︀ီး က︀ႃႈမ︀ဝ်ꩭႂ်ႛꩬ︀ီ မ︀ႃးဢ︀ဝ်ႈတ︀ႃႉ။