2 မ︀ꩫ︀်းꩡ︀ဝ်ႛယ︀ႃႇ “ၵ︀ဝ်ꩫ︀ႆ︀ႛတ︀ႆ︀ၢႈက︀ႃꩫ︀ႆ︀ႇ ၵ︀ꩫ︀်တ︀ႂ်းၵ︀ဝ်ယ︀ႃႇ က︀ူꩫ︀်းက︀ႃလ︀ိလ︀ႄးတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ဢ︀ပ︀ႅတ︀်ႉယ︀င︀်းꩬ︀ႃꩬ︀ီက︀ျႃး။
မ︀ိူဝ်ႈဢ︀မ︀ႂ်း က︀ူꩫ︀်းက︀မ︀်ႈၸ︀ွင︀်း ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ လ︀ွင︀်ႈက︀ူꩫ︀်းက︀ႃလ︀ိလ︀ႄးက︀မ︀်ႈၸ︀ွင︀်း ဢ︀ꩫ︀်ႈꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ တ︀ၢင︀်ၵ︀ႅက︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ုꩫ︀်ပ︀ိလ︀ၢတ︀်ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇၵ︀ႆ︀ႈဢ︀ူ။
ꩵ︀ႈꩡ︀ႂ်ႈပ︀ိူင︀်ႈလ︀ူင︀်။ က︀ဝ်ႈဝႃႈက︀ွတ︀်။ ꩬ︀ူက︀ေႃႇ ပ︀ူဝ်းမ︀ဝ်ꩬ︀ၢင︀်ဝွေက︀ီး ꩫ︀င︀်ၵ︀ဝ်ꩫ︀က︀ꩫ︀်ႈ တ︀ီꩫ︀ႆ︀ႛလ︀ူႇꩬ︀ုမ︀်းꩫ︀မ︀်။
က︀ူꩫ︀်းꩬ︀ိပ︀်ပ︀ႅတ︀်က︀ူဝ်ႇဢ︀ꩫ︀်ႈ ꩡ︀ၢင︀်မ︀ုင︀်ႈမ︀ိူင︀်းꩬ︀ိလ︀ွမ︀် လ︀ူမ︀်ႇꩬ︀ီတ︀ီင︀်ႈတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ၵ︀ꩫ︀်တ︀ႂ်းက︀ူꩫ︀်းဝီင︀်းယ︀ေရ︀ုꩬ︀လ︀ိမ︀် တ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ဢ︀ပ︀ႅတ︀်ႉယ︀င︀်းꩬ︀ႃꩬ︀ီက︀ျႃး။
တ︀ပ︀ေးꩡ︀ဝ်ႛၵ︀ဝ်ယ︀ႃႇ “ꩡ︀ဝ်ႛꩴ︀း မ︀ꩫ︀်းတ︀ႃႈမ︀ွတ︀်ꩫ︀ႆ︀ႇ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉမ︀ꩫ︀်းꩡ︀ဝ်ႛတ︀ီၵ︀ႃႛက︀ျႃး။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉ ပ︀ူဝ်မ︀ေမ︀ꩫ︀်းၵ︀ဝ်တ︀ီၵ︀ႃႛက︀ျႃး” ꩫ︀ꩬ︀ီꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ွက︀်ႉဢ︀ူ။
င︀ူးဢ︀ꩫ︀်ႈꩭွႆ︀ႛတ︀ုင︀်ꩡ︀ုင︀်ႈဢ︀မ︀ႂ်းမ︀ႆ︀ႛ က︀ူꩫ︀်းင︀ွꩫ︀်ႈꩫ︀ႆ︀ႇၵ︀ဝ်ꩭꩫ︀်က︀ီး “က︀ူဝ်ႇꩫ︀ႆ︀ႇယ︀ႃႇ ꩭိုဝ်လ︀ိုဝ်က︀ေႃႇ ၸ︀ူႛဢ︀ဝ်ႈတ︀ၢႆ︀ႈက︀ူꩫ︀်းꩫ︀မ︀်။ မ︀ꩫ︀်းလ︀ုက︀်ႉပ︀ၢင︀်လ︀ၢႆ︀မ︀ႆ︀ႛ လ︀ွတ︀်ႉတ︀ၢင︀်းတ︀ၢႆ︀ႈမ︀ႃးꩫ︀က︀ေႃႇ လ︀ႆ︀ၢးꩭူဝ်မ︀ꩫ︀်းယ︀ႃႇ မ︀ꩫ︀်းမ︀ႆ︀ႛဢ︀ꩬ︀ၢက︀်ႉꩵ︀ႈꩭႂ်ႛꩫ︀ိပ︀်” ꩫ︀ꩬ︀ီၵ︀ဝ်ၸ︀ူႛꩡ︀ဝ်ႛꩫ︀ၢႆ︀ႈဝႃႈက︀ꩫ︀်ႈဢ︀ူ။