လ︀ုက︀ႃ 12:48 - Khamti Shan

⁴⁸ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈဢ︀လ︀ၢင︀်းꩡ︀ဝ်ႛꩭိူꩫ︀်းမ︀ဝ်တ︀ွင︀်းꩬ︀ီ ꩭီတ︀်ၸ︀ိတ︀်ꩫ︀ႆ︀ႇယ︀ႃႇ ꩡ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်တ︀ီꩫ︀ႆ︀ႛၵ︀ၢမ︀်ꩫ︀ႆ︀ႇ။ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩫ︀မ︀်ꩰဢ︀ၢပ︀်ႉဝႆ︀ႇက︀ီး ꩡ︀ႃႇမ︀ꩫ︀်းꩡ︀ဝ်ႛꩫ︀မ︀်ꩰ တ︀ီꩭႂ်ႛꩭီတ︀်ꩫ︀မ︀်။ ၵ︀ႆ︀ႇမ︀ဝ်က︀ႃးဢ︀ၢပ︀်ႉဝႆ︀ႇက︀ီး ၵ︀ႆ︀ႇမ︀ဝ်က︀ႃး တ︀ီꩭႂ်ႛꩭီတ︀်ꩫ︀မ︀်။

လ︀ုက︀ႃ 12:48 ပူးပေါင်းရင်းမြစ်များ

မ︀တ︀်တ︀ႄး 13:12

က︀ူဝ်ႇဢ︀ꩫ︀်ႈလ︀ွင︀်ႈမ︀ိူင︀်းက︀ၢင︀်ႈꩭၢဝ် တ︀ွင︀်းမ︀ႆ︀ႛယ︀ႃႇ လ︀ွင︀်ႈဢ︀မ︀ႂ်း တ︀ီꩭႂ်ႛတ︀ွင︀်းဢ︀ိက︀်ꩬ︀ႃး။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈလ︀ွင︀်ႈမ︀ိူင︀်းက︀ၢင︀်ႈꩭၢဝ်မ︀ဝ်တ︀ွင︀်း မ︀ဝ်ယ︀ုမ︀်မ︀ႆ︀ႛယ︀ႃႇ ဢ︀ꩫ︀်ႈမ︀ꩫ︀်းတ︀ွင︀်းဝႆ︀ႇꩫ︀ႆ︀ၢႈက︀ေႃႇ တ︀ီယ︀ုတ︀်ပ︀ွက︀်ႉꩬ︀ႃး။

မ︀တ︀်တ︀ႄး 23:14

ꩬ︀ြႃတ︀ြႃးၵ︀ဝ်၊ ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇက︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩬ︀ူယ︀ႃႇ ꩭိူꩫ︀်းမ︀ေႈမ︀ႆ︀ၢႛꩫ︀ႆ︀ႇၵ︀ဝ် ꩭိမ︀်ဢ︀ဝ်ႈယ︀ဝ်ႇက︀ီး ꩭႂ်ႛပ︀ူဝ်းပ︀ိူꩫ︀်ႈထွမ︀်ꩬ︀ႅꩫ︀်ႛꩫ︀ႆ︀ႇ ဢ︀ဝ်ႈယ︀ၢဝ်းꩰယ︀ွꩫ︀်းꩬ︀ူးဢ︀ူ။ င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ၵ︀ႆ︀ႇမ︀ဝ်က︀ႃးတ︀ီꩫ︀ႆ︀ႛၵ︀ၢမ︀်တ︀ၢမ︀်ꩫ︀မ︀်။

လ︀ုက︀ႃ 12:41

ꩫ︀ႆ︀ႇမ︀ႆ︀ႛ ပ︀ေတ︀ရ︀ုယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ “ꩡ︀ဝ်ႛꩴ︀း ပ︀ုင︀်ၵ︀ိူင︀်ႈၵ︀ၢမ︀်းဢ︀မ︀ႂ်း တ︀ူႈၵ︀ႃႛမ︀ႆ︀ႛက︀ျႃးဝႃႈꩫ︀ႆ︀ႇ။ တ︀င︀်းမ︀ိူင︀်းမ︀ႆ︀ႛက︀ျႃးဝႃႈတ︀ီၵ︀ႃႛꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 12:49

က︀ဝ်ႈမ︀ိူင︀်းက︀ၢင︀်ႈမ︀ႆ︀ႛမ︀ႃးꩫ︀ႆ︀ႇ ဢ︀ꩫ︀်ႈမ︀ႃးဢ︀ဝ်ႈမ︀ႆ︀ႛ ၸ︀ႆ︀းꩫ︀မ︀်။ င︀ႆ︀ႚတ︀မ︀ိူင︀်းက︀ေႃႇ ၸ︀ႆ︀းၵ︀ႂ်ႈက︀ူဝ်ꩡ︀ပ︀်ဢ︀ူ။

လ︀ုက︀ႃ 16:2

ꩫ︀ႆ︀ႇမ︀ႆ︀ႛ ၸ︀ူႛမ︀ီးꩫ︀ႆ︀ႇ မ︀ꩫ︀်းမ︀ႆ︀ႛꩭွင︀်ႇꩬ︀ီ “လ︀ွင︀်ႈမ︀ႂ်းက︀ဝ်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇ ထွမ︀်ꩵ︀ႈꩫ︀ီႈ။ မ︀ႂ်းဢ︀မ︀ူးဝႃႈဢ︀ွက︀်ဢ︀ူ။ ꩡ︀လ︀ၢင︀်းင︀ိူꩫ︀်းꩫ︀ႆ︀ႇၵ︀ဝ် ဢ︀ၢပ︀်ႉမ︀ႃးတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 15:22

က︀ဝ်ႈက︀ျွႃးမ︀ႃးꩬ︀ီ လ︀ွင︀်ႈꩬ︀မ︀်မ︀ႃတ︀ြႃးပ︀ူဝ်းမ︀ဝ်ဝႃႈက︀ီး ၵ︀ဝ်မ︀ႆ︀ႛဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၵ︀ဝ်မ︀ႆ︀ႛလ︀ွင︀်ႈꩬ︀မ︀်မ︀ႃတ︀ြႃးဝႃႈယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်ဢ︀ပ︀ႅတ︀်ႉꩵ︀ႈယ︀င︀်းꩫ︀ꩫ︀ႆ︀ႇ ꩭိုဝ်လ︀ိုဝ်က︀ေႃႇပ︀ိꩫ︀်ႇ ꩵ︀ႈꩫ︀ႆ︀ႛယ︀ဝ်ႇ။

ထဝ်ꩡ︀တ︀်ႉၵ︀ဝ် 17:30

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈင︀ႃးပ︀ုꩫ︀်ႛမ︀ိူဝ်ႈ မ︀ꩫ︀်းꩡ︀ဝ်ႛမ︀ႆ︀ႛက︀ူꩫ︀်းꩭဝ်းမ︀ဝ်တ︀ွင︀်းꩫ︀ႆ︀ႇ ꩭဝ်းမ︀ႆ︀ႛဝႆ︀ႇꩬ︀ႆ︀ၢႇမ︀ႃးၵ︀ႂ်ႈလ︀ႂ်ႈꩫ︀က︀ေႃႇ င︀ႆ︀ႚယ︀ႃႇက︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ူႈတ︀ီႈမ︀ႆ︀ႛ မ︀ꩫ︀်းꩡ︀ဝ်ႛဢ︀မ︀ိင︀်းꩭႂ်ႛꩬ︀ီ ꩭႂ်ႛꩬ︀ၢင︀်ဝွေဢ︀ူ။

တ︀ိမ︀ေႃတ︀ေ ႑ 1:11

တ︀ြႃးꩫ︀ႆ︀ႇယ︀ႃႇ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုမ︀ႆ︀ႛယ︀င︀်း ဢ︀ꩫ︀်ႈက︀ဝ်ႈမ︀ႆ︀ႛ ၸ︀ြႃးဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်ပ︀ူင︀်ႈဢ︀ၢပ︀်ႉꩬ︀ီ ꩭႂ်ႛꩭူဝ်းမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 1:13

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ဝ်ႈၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းမ︀ႃးဢ︀ူ။ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩫ︀ိက︀်ႉꩬ︀ၢက︀်ႉမ︀ႃး၊ ꩡ︀ူဝ်က︀ႃးမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ က︀ဝ်ႈၸ︀ိတ︀်မ︀ႃးꩫ︀ႆ︀ႇ က︀ွပ︀်ႉပ︀ိူဝ်ႈ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇꩬ︀ီ က︀ဝ်ႈက︀ꩬ︀င︀်ꩭီတ︀်ꩫ︀ꩫ︀ႆ︀ႇမ︀ဝ်တ︀ွင︀်းမ︀ႃးꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ီꩫ︀ူႈꩭႂ်ႛမ︀ႃးဢ︀ူ။

တ︀ိမ︀ေႃတ︀ေ ႑ 6:20

တ︀ိမ︀ေႃတ︀ေꩴ︀း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ႂ်းမ︀ႆ︀ႛပ︀ူင︀်ႈဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ် ꩬ︀ေႈꩡ︀ႃႉꩬ︀ီꩭီတ︀်တ︀ႃႉ။ ၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ပ︀ိင︀်ꩥ︀ႃဢ︀ꩫ︀်ႈꩬ︀ြႃမ︀ိက︀်ႉꩬ︀ႃၵ︀ဝ် ꩭီတ︀်ဢ︀ၵ︀ႅက︀်ႉꩬ︀ီ မ︀ႂ်းမ︀ႆ︀ႛမ︀ႃးထီင︀်က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇတ︀ႃႉ။

တ︀ိတ︀ု 1:3

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛၵ︀ေꩬ︀ေꩭဝ်းယ︀ႃႇ မ︀ိူဝ်ႈယ︀ၢမ︀်းထိုင︀်မ︀ႃးꩫ︀ႆ︀ႇ ꩬ︀မ︀်မ︀ႃတ︀ြႃးဢ︀မ︀ႂ်း က︀ဝ်ႈမ︀ႆ︀ႛ ပ︀ုတ︀်ပ︀ျႃးꩬ︀ီ ꩭႂ်ႛတ︀ႅဝ်မ︀ႃးꩫ︀မ︀်။

ယ︀ႃက︀ု 3:1

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူဢ︀ၢꩫ︀်တ︀ၢꩫ︀် ပ︀ီꩭီတ︀်ꩬ︀ြႃက︀ꩫ︀်ႈ။ ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႅပ︀်ႉတ︀ြႃးꩫ︀ႆ︀ႇ ပ︀ိူꩫ︀်ႈတ︀ၢင︀်က︀ူဝ်ႇမ︀ႆ︀ႛမ︀ဝ်က︀ႃးꩬ︀ီ ꩭဝ်းၸ︀ူႛပ︀ီꩫ︀်ႈꩬ︀ြႃꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် တ︀ီၵ︀ႅꩫ︀်း ꩡ︀ႅပ︀်ႉက︀တ︀်ႉꩰꩫ︀မ︀်။