လ︀ုက︀ႃ 12:4 - Khamti Shan

⁴ ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈဝႃႈက︀ွတ︀်။ က︀ူဝ်ႇဢ︀ꩫ︀်ႈတ︀ူဝ်ႈꩬ︀ူမ︀ႆ︀ႛꩫ︀ႆ︀ၢႈꩬ︀ိုင︀် ဢ︀ဝ်ႈတ︀ႆ︀ၢႈꩫ︀ႆ︀ႛꩬ︀ီ တ︀ၢင︀်ဢ︀ꩫ︀်ႈက︀ꩬ︀င︀်က︀ေႃႇ ꩭီတ︀်ဢ︀ိက︀်မ︀ဝ်ꩫ︀ႆ︀ႛမ︀ႆ︀ႛ ပ︀ီက︀ူဝ်ႈ။

လ︀ုက︀ႃ 12:4 ပူးပေါင်းရင်းမြစ်များ

မ︀တ︀်တ︀ႄး 10:28

က︀ူꩫ︀်းဢ︀ꩫ︀်ႈတ︀ူဝ်ႈမ︀ႆ︀ႛꩫ︀ႆ︀ၢႈꩬ︀ိုင︀် ဢ︀ဝ်ႈတ︀ႆ︀ၢႈꩬ︀ီ ၵ︀ွꩫ︀်မ︀ႆ︀ႛဢ︀ဝ်ႈတ︀ႆ︀ၢႈမ︀ဝ်ꩫ︀ႆ︀ႛမ︀ႆ︀ႛ ပ︀ီက︀ူဝ်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ူဝ်ႈမ︀ႆ︀ႛတ︀မ︀ိူင︀်း ၵ︀ွꩫ︀်မ︀ႆ︀ႛတ︀မ︀ိူင︀်း ပ︀ွႆ︀တ︀ူက︀်င︀ႃးလ︀ႆ︀ၢးပ︀ီꩫ︀်ႈမ︀ႆ︀ႛꩬ︀ိုင︀် က︀ူဝ်ႈယ︀မ︀်ႈက︀ꩫ︀်ႈတ︀ႃႉ။

ယ︀ေႃးꩭၢꩫ︀် 15:13

မ︀ႅတ︀်ႉတ︀ႃဢ︀ꩫ︀်ႈၵ︀ႅꩫ︀်းယ︀ႂ်ယ︀ႃႇ ဢ︀ꩫ︀်ႈꩡ︀ႃႇꩭၢင︀်းတ︀ႆ︀းက︀ူဝ်ႇၸ︀ူႛꩡ︀ဝ်ႛ ဢ︀ꩬ︀ၢက︀်ႉၵ︀ွတ︀်ပ︀ီꩫ︀်ႈꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ထဝ်ꩡ︀တ︀်ႉၵ︀ဝ် 4:13

ပ︀ေတ︀ရ︀ုꩫ︀ၵ︀ႃယ︀ေႃးꩭၢꩫ︀်ယ︀ႃႇ ပ︀ီꩫ︀်ႈက︀ူꩫ︀်းဢ︀ꩫ︀်ႈပ︀ိင︀်ꩥ︀ႃမ︀ဝ်ꩡ︀ၢင︀်ႈꩫ︀ႆ︀ၢႈꩬ︀ီက︀ေႃႇ ၵ︀ႆ︀ႇလ︀ိူင︀်ႈပ︀ုꩫ︀်ႛꩭတ︀်ꩭၢꩫ︀်က︀ꩫ︀်ႈꩫ︀ႆ︀ႇမ︀ႆ︀ႛ ၸ︀ူႛၵ︀ဝ်ႛက︀ုမ︀်ႛꩡ︀ဝ်ႛတ︀ြႃးꩫ︀ႆ︀ႇၵ︀ဝ်ꩭꩫ︀်က︀ီး ဢ︀ၢမ︀်းတ︀ၢႆ︀ႈꩰက︀ꩫ︀်ႈဢ︀ူ။ ꩬ︀ွင︀်ၵ︀ႃယ︀ႃႇ ပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ၵ︀ဝ်တ︀ွင︀်းဢ︀ူ။

ၸ︀ိလ︀ိပ︀်ပ︀ၢႆ︀ 1:28

င︀ႆ︀းꩫ︀ႆ︀ႇꩬ︀ီ ꩭလ︀ိုဝ်ꩫ︀က︀ေႃႇ လ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီက︀ူဝ်ႈပ︀ိူင︀်ႈလ︀ူင︀်။ ꩬ︀ူမ︀ဝ်က︀ူဝ်ႈက︀ီး ၵ︀ဝ်ယ︀ႃႇ ꩫ︀ႆ︀ႛၵ︀ၢမ︀်တ︀ၢမ︀်ဢ︀ပ︀ႅတ︀်ႉꩬ︀ီ ꩬ︀ူမ︀ႆ︀ႛယ︀ႃႇၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ေꩬ︀ေꩭႂ်ႛꩫ︀မ︀်ꩫ︀ꩫ︀ႆ︀ႇ ၵ︀ဝ်တ︀ီပ︀ွင︀်ꩡ︀ႂ်ႈမ︀ႃးꩫ︀မ︀်။

ယ︀ႃက︀ု 2:23

င︀ႆ︀းꩫ︀ႆ︀ႇꩬ︀ီ “ဢ︀ႃပ︀ြႃꩭၢမ︀်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇꩬ︀ီ မ︀ꩫ︀်းꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉဢ︀ူ” ꩫ︀ꩬ︀ီဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ တ︀ူဝ်မ︀ႃးယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဢ︀ႃပ︀ြႃꩭၢမ︀်မ︀ႆ︀ႛ တ︀ႆ︀းက︀ူဝ်ႇၸ︀ြႃးပ︀ီꩫ︀်ႈꩡ︀ဝ်ႛ ꩫ︀ꩬ︀ီꩭွင︀်ႇမ︀ႃးꩫ︀မ︀်။

ပ︀ေတ︀ရ︀ု ႑ 3:14

ꩬ︀င︀်ဝႃႈꩬ︀ူꩭီတ︀်လ︀ွင︀်ႈꩫ︀ီႈꩬ︀ီ ၸ︀ေးထိုင︀်မ︀ႃးꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ႆ︀ႛက︀ေႃႇ ပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။