လ︀ုက︀ႃ 12:33 - Khamti Shan

³³ ၵ︀ူဝ်းလ︀ိင︀်းꩬ︀ူၵ︀ႆ︀ၢꩬ︀ီ ၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ တ︀ႅက︀်ႉဢ︀ꩫ︀်ႈမ︀ဝ်ၸ︀ေႛꩡ︀ၢင︀်ႈꩫ︀ႆ︀ႇၵ︀ဝ် တ︀ိုဝ်းꩬ︀ီ က︀ၢင︀်ႈꩭၢဝ်မ︀ႆ︀ႛ ၵ︀ူဝ်းလ︀ိင︀်းꩭွမ︀်က︀ꩫ︀်ႈတ︀ႃႉ။ ဢ︀မ︀ႂ်းမ︀ႆ︀ႛယ︀ႃႇ ꩵ︀ႈမ︀ူတ︀်ꩡ︀ၢင︀်ႈ။ ၸ︀ူႛလ︀ၢက︀်ႉက︀ေႃႇꩵ︀ႈလ︀ၢက︀်ႉ။ ပ︀ူက︀်က︀ေႃႇꩵ︀ႈက︀ိꩫ︀်ႈ။

လ︀ုက︀ႃ 12:33 ပူးပေါင်းရင်းမြစ်များ

မ︀တ︀်တ︀ႄး 19:21

ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းက︀ူႈꩡ︀ွင︀်ႈၵ︀ႂ်ႈတ︀ီမ︀်ႈက︀ုမ︀်တ︀ေႇတ︀ေႇက︀ီး မ︀ိူဝ်းတ︀ႃႉ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀ိုင︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဢ︀ူ။

လ︀ုက︀ႃ 11:41

င︀ႆ︀းꩬ︀ီ ဢ︀ꩫ︀်ႈꩬ︀ူမ︀ႆ︀ႛယ︀င︀်းꩫ︀ႆ︀ႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛလ︀ႃး။ င︀ႆ︀းက︀ီး တ︀င︀်းလ︀ုင︀်တ︀င︀်းမ︀ိူင︀်း ꩡ︀ႃႇꩬ︀ူ မ︀ူတ︀်ꩡ︀ၢင︀်တ︀ေႇတ︀ေႇဢ︀ူ။

လ︀ုက︀ႃ 12:21

င︀ႆ︀းꩫ︀ႆ︀ႇꩬ︀ီ ꩬ︀ူၵ︀ူဝ်းလ︀ိင︀်းꩡ︀ႃႇၸ︀ူႛꩡ︀ဝ်ႛ ၵ︀ႂ်ႈလ︀ႂ်ႈꩭွမ︀်ဝႆ︀ႇꩫ︀က︀ေႃႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်မ︀ီးတ︀ꩫ︀်းက︀ီး တ︀ီပ︀ီꩫ︀်ႈင︀ႆ︀းꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:9

ꩡ︀ဝ်ႛယ︀ေꩬ︀ု က︀ၢပ︀်ꩬ︀ီဝႃႈꩫ︀ႆ︀ႇယ︀ႃႇ “က︀ဝ်ႈဝႃႈက︀ွတ︀်။ ဢ︀ဝ်ႈꩡ︀ေးꩡ︀ိမ︀်မ︀ိူင︀်းက︀ၢင︀်ႈꩬ︀ူ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩬ︀ီ တ︀ႆ︀းက︀ူဝ်ႇꩫ︀မ︀်ꩰဢ︀ဝ်ႈꩫ︀ႆ︀ႛတ︀ႃႉ။ င︀ႆ︀းက︀ီး မ︀ိူဝ်ႈꩡ︀ေးꩡ︀ိမ︀်ꩬ︀ူမ︀ူတ︀်က︀ႃꩫ︀ႆ︀ႇ ꩬ︀ူမ︀ႆ︀ႛၵ︀ဝ် မ︀ိူင︀်းထႃဝရ︀မ︀ႆ︀ႛ တ︀ီꩭၢပ︀်ႉတ︀ွꩫ︀်ႛက︀ꩫ︀်ႈꩫ︀မ︀်။

လ︀ုက︀ႃ 18:22

ၵ︀ၢမ︀်းꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩫ︀ႆ︀ႛꩥ︀ိꩫ︀်းက︀ီး “မ︀ႂ်းဢ︀ꩫ︀်ႈလ︀ိူင︀်ႈꩭၢင︀်ႇဢ︀ိက︀်ဢ︀ူ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀င︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 12:6

မ︀ꩫ︀်းဝႃႈင︀ႆ︀းꩫ︀ႆ︀ႇယ︀ႃႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈတ︀ေႇတ︀ေႇꩬ︀ီꩵ︀ႈꩡ︀ႂ်ႈ။ မ︀ꩫ︀်းၸ︀ူႛꩡ︀ဝ်ႛပ︀ီꩫ︀်ႈၸ︀ူႛလ︀ၢက︀်ႉꩬ︀ီꩫ︀မ︀်။ မ︀ꩫ︀်းယ︀ႃႇ ပ︀ၢက︀်ႉထူင︀်င︀ိူꩫ︀်းၸ︀ုင︀်ꩬ︀ီ လ︀ုက︀်ႉထူင︀်င︀ိူꩫ︀်းမ︀ႆ︀ႛ လ︀ၢက︀်ႉꩰꩬ︀ီတ︀ိုဝ်းင︀ႆ︀းꩫ︀မ︀်။

ထဝ်ꩡ︀တ︀်ႉၵ︀ဝ် 2:45

ၵ︀ိူင︀်ႈၵ︀ဝ်ၵ︀ႆ︀ၢꩬ︀ီ ꩫ︀ႂ်းက︀ုမ︀်ႛၵ︀ဝ်မ︀ႆ︀ႛ ဢ︀ꩫ︀်ႈၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ က︀ႃႈꩫ︀င︀်ꩭၢင︀်ႇꩫ︀ႆ︀ႇ ပ︀ꩫ︀်ႈꩭႂ်ႛက︀ꩫ︀်ႈ၊

က︀ေႃရ︀ိꩫ︀်တ︀ု ႒ 8:2

ꩡ︀ိူဝ်းဢ︀မ︀ႂ်းၵ︀ဝ်ယ︀ႃႇ ꩫ︀ႆ︀ႛၻုက︀်ႉၵ︀င︀ႆ︀း ယ︀ၢက︀်ႉၸ︀ၢꩫ︀်ၵ︀ႂ်ႈလ︀ႂ်ႈꩫ︀က︀ေႃႇ ꩭုမ︀်ꩡ︀ူမ︀်းက︀ꩫ︀်ႈꩬ︀ီ ၵ︀ွင︀်းꩰလ︀ွင︀်းꩰꩭႂ်ႛꩭႂ်ႛပ︀ꩫ︀်ႈꩰက︀ꩫ︀်ႈဢ︀ူ။