လ︀ုက︀ႃ 12:21 - Khamti Shan

²¹ င︀ႆ︀းꩫ︀ႆ︀ႇꩬ︀ီ ꩬ︀ူၵ︀ူဝ်းလ︀ိင︀်းꩡ︀ႃႇၸ︀ူႛꩡ︀ဝ်ႛ ၵ︀ႂ်ႈလ︀ႂ်ႈꩭွမ︀်ဝႆ︀ႇꩫ︀က︀ေႃႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်မ︀ီးတ︀ꩫ︀်းက︀ီး တ︀ီပ︀ီꩫ︀်ႈင︀ႆ︀းꩫ︀မ︀်” ꩫ︀ဝꩫ︀်ႇ။

လ︀ုက︀ႃ 12:21 ပူးပေါင်းရင်းမြစ်များ

လ︀ုက︀ႃ 12:33

ၵ︀ူဝ်းလ︀ိင︀်းꩬ︀ူၵ︀ႆ︀ၢꩬ︀ီ ၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ တ︀ႅက︀်ႉဢ︀ꩫ︀်ႈမ︀ဝ်ၸ︀ေႛꩡ︀ၢင︀်ႈꩫ︀ႆ︀ႇၵ︀ဝ် တ︀ိုဝ်းꩬ︀ီ က︀ၢင︀်ႈꩭၢဝ်မ︀ႆ︀ႛ ၵ︀ူဝ်းလ︀ိင︀်းꩭွမ︀်က︀ꩫ︀်ႈတ︀ႃႉ။ ဢ︀မ︀ႂ်းမ︀ႆ︀ႛယ︀ႃႇ ꩵ︀ႈမ︀ူတ︀်ꩡ︀ၢင︀်ႈ။ ၸ︀ူႛလ︀ၢက︀်ႉက︀ေႃႇꩵ︀ႈလ︀ၢက︀်ႉ။ ပ︀ူက︀်က︀ေႃႇꩵ︀ႈက︀ိꩫ︀်ႈ။

လ︀ုက︀ႃ 16:11

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ေးꩡ︀ိမ︀်မ︀ိူင︀်းက︀ၢင︀်ႈ ဢ︀ꩫ︀်ႈမ︀ဝ်မ︀ꩫ︀်ႛတ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃမ︀ဝ်ယ︀င︀်းက︀ီး ၸ︀ႂ်ꩫ︀ႆ︀ꩬ︀ူမ︀ႆ︀ႛ ꩡ︀ေးꩡ︀ိမ︀် ဢ︀ꩫ︀်ႈမ︀ꩫ︀်ႛတ︀ိူင︀်ႈတ︀ီဢ︀ၢပ︀်ႉꩫ︀ႆ︀ႇ။

လ︀ုက︀ႃ 6:24

ꩫ︀ႆ︀ႇꩫ︀က︀ေႃႇ ꩬ︀ူၸ︀ူႛမ︀ီးꩫ︀ႆ︀ႇၵ︀ဝ်ꩴး ꩡ︀ႃႇꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး င︀ႆ︀ႚꩫ︀ႆ︀ၢႈꩫ︀မ︀်ꩬ︀ူပ︀ိဝ်က︀ꩫ︀်ႈꩫ︀ႆ︀ႇ။

ရ︀ေႃမ︀ 2:5

ꩬ︀ူꩫ︀င︀်င︀ႆ︀းꩡ︀ႂ်ႈၵ︀ႅင︀်ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ မ︀ဝ်ꩬ︀ၢင︀်ဝွေပ︀ွက︀်ႉမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛ ꩭၢင︀်းꩭႂ်ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ေႈၵ︀ႅꩫ︀်းတ︀ေႃးꩬ︀ႃးꩫ︀ႆ︀ၢႈꩫ︀မ︀်။ ဢ︀မ︀ႂ်းယ︀ႃႇ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႅတ︀်ႉတ︀ြႃးꩬ︀ီ ဢ︀ပ︀ႅတ︀်ႉမ︀ႆ︀ႛမ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈꩡ︀င︀်းꩫ︀ꩬ︀ီပ︀ျႃးꩫ︀ႆ︀ႇ တ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 6:10

တ︀ူႈꩫ︀ႆ︀ႛၵ︀ီၵ︀ုမ︀်ꩫ︀က︀ေႃႇ မ︀ိူဝ်ႈလ︀ႂ်ႈက︀ေႃႇ ꩭုမ︀်ꩡ︀ူမ︀်းဢ︀ူꩫ︀မ︀်။ တ︀ူႈပ︀ီꩫ︀်ႈၸ︀ူႛၸ︀ၢꩫ︀်ၵ︀ႂ်ႈလ︀ႂ်ႈꩫ︀က︀ေႃႇ က︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ပ︀ူင︀်ႈဢ︀က︀ိဝ်းꩭႂ်ႛဢ︀ူ။ တ︀ူႈမ︀ႆ︀ႛ က︀ꩬ︀င︀်မ︀ဝ်ယ︀င︀်းꩫ︀က︀ꩫ︀်ႈ ပ︀ီꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ က︀ူႈꩡ︀ွင︀်ႈက︀ူႈလ︀ွင︀်ႈယ︀င︀်းဢ︀ူ။

တ︀ိမ︀ေႃတ︀ေ ႑ 6:9

က︀ူဝ်ႇဢ︀ꩫ︀်ႈၵ︀ႂ်ႈမ︀ီးမ︀ၢက︀်ႉꩭႅင︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩡ︀ၢင︀်ႈလ︀ွေႛက︀ႃဢ︀ူ။ င︀ႆ︀းက︀ီး ꩡ︀ႂ်ႈꩫ︀ိပ︀်ꩡ︀ႂ်ႈꩫ︀ႅင︀်ႈꩫ︀ႆ︀ႇၵ︀ဝ်၊ ꩡ︀ႂ်ႈလ︀ေႃးၸ︀ႃးဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ေႇတ︀ူဝ်ႈမ︀ႃးဢ︀ူ။ ပ︀ႆ︀ၢႈꩭၢင︀်မ︀ႆ︀ႛ ꩡ︀ႂ်ႈလ︀ေႃးၸ︀ႃးဢ︀မ︀ႂ်းၵ︀ဝ်ယ︀ႃႇ ꩡ︀ူဝ်ႈတ︀ႃႈဢ︀ꩬ︀ၢက︀်ႉၵ︀ဝ်မ︀ႆ︀ႛ ꩡ︀ၢင︀်ႈဢ︀ဝ်ႈလ︀ူႇꩬ︀ုမ︀်းက︀ႃဢ︀ူ။

ယ︀ႃက︀ု 2:5

ပ︀ီႈꩫ︀ွင︀်ႇၵ︀ဝ်ꩴ︀း ထွမ︀်က︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ဢ︀က︀ိဝ်းဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇ ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇလ︀ိူင︀်ႈ မ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ဝ်ႛꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀မ︀်။

ၿျႃၻိက︀်ႉ 2:9

မ︀ႂ်းၵ︀ႂ်ႈလ︀ႂ်ႈယ︀ပ︀်ယ︀ၢက︀်ႉ ၵ︀ႂ်ႈလ︀ႂ်ႈၻုက︀်ႉၵ︀ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ ဢ︀ꩫ︀်ႈတ︀ေႇတ︀ေႇက︀ီး မ︀ႂ်းယ︀ႃႇမ︀ီးဢ︀ူ။ က︀ူꩫ︀်းက︀ုမ︀်ႛၵ︀ုꩫ︀်ꩬ︀ူင︀်ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ် မ︀ႂ်းမ︀ႆ︀ႛꩭလ︀ိုဝ်က︀ေးလ︀ေးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။