လ︀ုက︀ႃ 12:19 - Khamti Shan

¹⁹ ယ︀ဝ်ႇက︀ီး “ၵ︀ွꩫ︀်က︀ဝ်ႈꩴ︀း မ︀ႂ်းဢ︀မ︀်လ︀ူင︀်ယ︀ဝ်ႇ။ လ︀ၢက︀်ႉꩫ︀ႆ︀ႇ ꩭွမ︀်ꩫ︀ွေလ︀ႃး။ က︀ီလ︀ႆ︀ၢပ︀ီႈ မ︀ႂ်းꩡ︀ႂ်ႈꩬ︀ူႛꩫ︀င︀်ႈက︀ိꩫ︀်ႈꩬ︀ီ ဢ︀ူပ︀ိဝ်ꩰလ︀ႃး ꩫ︀ꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛတ︀ီဝႃႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 12:19 ပူးပေါင်းရင်းမြစ်များ

လ︀ုက︀ႃ 12:18

ပ︀ႆ︀ၢႈꩭၢင︀်မ︀ႆ︀ႛယ︀ႃႇ “ꩡ︀ႂ်ႈယ︀ဝ်ႇ။ က︀ဝ်ႈတ︀ီꩭီတ︀်င︀ႆ︀းꩫ︀မ︀်။ ယ︀ေးက︀ဝ်က︀ဝ်ႈꩫ︀ႆ︀ႇၵ︀ဝ် ယ︀ႃႇၵ︀ွတ︀်ꩬ︀ီ ယ︀ေးဢ︀ꩫ︀်ႈယ︀ႂ်ꩬ︀ႃꩫ︀ႆ︀ႇၵ︀ဝ်ပ︀ူက︀်င︀ႆ︀း ၵ︀ဝ်ႛက︀ဝ်ႈ၊ ၵ︀ူဝ်းလ︀ိင︀်းက︀ဝ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီꩬ︀ႂ်ဝႆ︀ႇꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:19

မ︀ိူဝ်ႈꩫ︀ꩫ︀်ႇ ၸ︀ူႛမ︀ီးက︀ူဝ်ႇလ︀ိူင︀်ႈ ယ︀င︀်းဢ︀ူ။ မ︀ꩫ︀်းယ︀ႃႇ ၵ︀ိူင︀်ႈင︀ဝ်းမ︀က︀်ၵ︀ိူဝ် ၵ︀ိူင︀်ႈမ︀ꩫ︀်ႛဢ︀ꩫ︀်ႈတ︀ွင︀်လ︀ိပ︀်ႉꩰꩫ︀ုင︀်ႈင︀ႆ︀း က︀ူႈမ︀ိုဝ်ႇလ︀ႃႈꩡ︀ေးꩡ︀ိမ︀်ဢ︀ူ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 15:32

ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀ဝ်ဢ︀ဝ်ႈꩫ︀ိပ︀်ပ︀ွက︀်ႉꩫ︀မ︀်ꩫ︀က︀ီး ဢ︀ꩫ︀်ႈက︀ဝ်ႈဝီင︀်းဢ︀ေၸ︀ႅတ︀်မ︀ႆ︀ႛ တ︀င︀်းလ︀ꩫ︀်ꩬ︀ူဢ︀ꩫ︀်ႈꩭႆ︀ၢႇလ︀ူင︀်ꩫ︀ႆ︀ႇၵ︀ဝ် တ︀ိက︀်တ︀ူဝ်းမ︀ႃးꩫ︀ႆ︀ႇ ဢ︀က︀ိဝ်းက︀ꩬ︀င︀်က︀ေႃႇꩵ︀ႈယ︀င︀်း။ ꩫ︀င︀်ၵ︀ၢမ︀်းဢ︀ꩫ︀်ႈ “မ︀ိူဝ်ႈꩭုက︀်ႉꩭဝ်းတ︀ီတ︀ႆ︀ၢႈꩫ︀ႆ︀ႇꩬ︀ီ ပ︀ႆ︀ႉက︀ိꩫ︀်ႈပ︀ိဝ်က︀ꩫ︀်ႈꩫ︀မ︀်” ꩫ︀ꩫ︀ႆ︀ႇမ︀ႆ︀ႛ တ︀ပ︀ူဝ်းꩡ︀ွမ︀်းက︀ႃꩫ︀ႆ︀ၢႈꩫ︀မ︀်။

ၸ︀ိလ︀ိပ︀်ပ︀ၢႆ︀ 3:19

ၵ︀ဝ်ယ︀ႃႇ ꩡ︀ႂ်ႈဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႆ︀ႛ ꩭီတ︀်ၸ︀ြႃးၵ︀ဝ်ꩫ︀ႆ︀ႇꩬ︀ီ ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ တ︀ီလ︀ူႇပ︀ႅက︀်ႉက︀ႃꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛꩬ︀င︀် ꩭီတ︀်ဢ︀ၵ︀ႅက︀်ႉꩬ︀ီ က︀မ︀်ႇလ︀ွင︀်ႛက︀ꩫ︀်ႈ၊ လ︀ွင︀်ႈလ︀ေႃးက︀ီꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈꩬ︀ီဢ︀ူက︀ꩫ︀်ႈꩫ︀မ︀်။

တ︀ိမ︀ေႃတ︀ေ ႑ 5:6

ꩫ︀ႆ︀ႇꩫ︀က︀ေႃႇ မ︀ေႈမ︀ႆ︀ၢႛဢ︀ꩫ︀်ႈပ︀ိဝ်လ︀ေꩫ︀ႆ︀ႇၵ︀ဝ်ယ︀ႃႇ ဢ︀ꩬ︀ၢက︀်ႉယ︀င︀်းꩫ︀က︀ေႃႇ ဢ︀ꩫ︀်ႈတ︀ႆ︀ၢႈꩫ︀က︀ꩫ︀်ႈꩫ︀မ︀်။

တ︀ိမ︀ေႃတ︀ေ ႑ 6:17

တ︀ိမ︀ေႃတ︀ေꩴ︀း က︀ူꩫ︀်းဢ︀ꩫ︀်ႈမ︀ီးမ︀ၢက︀်ႉလ︀ူင︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်က︀မ︀်ႇလ︀ွင︀်ႛꩫ︀ႆ︀ႇ ၵ︀ဝ်မ︀ႆ︀ႛꩬ︀တ︀ိꩭႂ်ႛတ︀ႃႉ။ ꩭႂ်ႛပ︀ူဝ်းၵ︀ဝ် ꩡ︀ေးꩡ︀ိမ︀်မ︀ိူင︀်းက︀ၢင︀်ႈမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛၵ︀ွင︀်းꩰလ︀ွင︀်းꩰ ပ︀ူင︀်ႈဢ︀က︀ိဝ်းꩭႂ်ႛမ︀ႆ︀ႛꩬ︀ိုင︀် ပ︀ိုင︀်ႈဢ︀ိင︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းပ︀ိဝ်မ︀ူꩫ︀်းꩫ︀ႆ︀ႇ ꩡ︀ေးꩡ︀ိမ︀်ဢ︀မ︀ႂ်းၵ︀ဝ် ပ︀ူင︀်ႈꩭႂ်ႛမ︀ႃးꩫ︀မ︀်။

တ︀ိမ︀ေႃတ︀ေ ႒ 3:4

ဢ︀ꩫ︀်ႈၸ︀ုꩫ︀်ႇꩬ︀ႅတ︀်ႉꩡ︀ႃက︀ꩫ︀်ႈ၊ ဢ︀ꩫ︀်ႈꩭီတ︀်ဝၢင︀်ꩭီတ︀်ဝူꩫ︀်း၊ မ︀ႃꩫ︀ထူမ︀်ႛတ︀ူဝ်ႈက︀ꩫ︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ႆ︀ၵ︀ွတ︀်ꩬ︀ီ ၵ︀ႃတ︀ၢင︀်းပ︀ိဝ်က︀ꩫ︀်ႈꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ယ︀ႃက︀ု 5:5

ꩬ︀ူယ︀ႃႇ မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ တ︀ိုဝ်းꩡ︀ေးꩡ︀ိမ︀်ပ︀ၢꩫ︀်းꩰꩬ︀ီ ပ︀ိဝ်ꩬ︀ိူဝ်းလ︀ူင︀်ယ︀ဝ်ႇ။ ꩡ︀ႃႇꩭၢင︀်းဝꩫ︀်းဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ူဝ်ႇꩫ︀ႆ︀ႇ ꩭၢင︀်းၸ︀ႂ်ꩭၢင︀်းမ︀ꩫ︀်း က︀ိꩫ︀်ႈဢ︀ဝ်ႈပ︀ီးꩰပ︀ႃႇꩰက︀ꩫ︀်ႈဝႆ︀ႇယ︀ဝ်ႇ။

ပ︀ေတ︀ရ︀ု ႑ 4:3

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူတ︀င︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်လ︀ွေႛက︀ꩫ︀်ႈꩬ︀ီ ꩫ︀င︀်ၵ︀ဝ်ဢ︀ူꩫ︀က︀ꩫ︀်ႈဢ︀ူမ︀ႃးယ︀ဝ်ႇ။ တ︀ၢင︀်းက︀ႅင︀်းဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်၊ ဢ︀ꩫ︀်ႈꩡ︀ႂ်ႈက︀ႃမ︀ꩭႅင︀်း၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ပ︀ွႆ︀းပ︀ိဝ်က︀ႃမ︀က︀ꩫ︀်ႈ၊ ꩭီတ︀်ပ︀ွႆ︀းက︀ိꩫ︀်ႈလ︀ဝ်ႛက︀ꩫ︀်ႈ၊ ဢ︀ꩫ︀်ႈꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ၢႛꩭင︀်ႛပ︀ႆ︀ၢႛꩭိုက︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူတ︀င︀်းꩡ︀ူဝ်ႈꩡ︀ုပ︀်ႉꩰꩡ︀ေႈꩰꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ၵ︀ွတ︀်ꩫ︀ႆ︀ၢႈမ︀ႃးယ︀ဝ်ႇ။

ၿျႃၻိက︀်ႉ 18:7

မ︀ꩫ︀်းယ︀ႃႇ ဢ︀ဝ်ႈꩡ︀ေးꩡ︀ိမ︀်က︀ႃႛမ︀က︀ုင︀်မ︀ꩫ︀်း ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ယ︀ွင︀်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛꩫ︀ိက︀်ႉꩬ︀ၢက︀်ႉꩬ︀ီ ဢ︀ဝ်ႈၵ︀ီၵ︀ုမ︀်ပ︀ွက︀်ႉတ︀ႃႉ။ မ︀ꩫ︀်းယ︀ႃႇ “က︀ဝ်ႈ ပ︀ီꩫ︀်ႈꩫ︀ၢင︀်းꩭူဝ်ၵ︀မ︀်းꩫ︀မ︀်။ မ︀ေႈမ︀ႆ︀ၢႛꩵ︀ႈꩡ︀ႂ်ႈ။ က︀ဝ်ႈꩵ︀ႈꩭွꩫ︀်ၵ︀ီၵ︀ုမ︀်” ꩫ︀ꩬ︀ီ ꩫ︀ႂ်းꩡ︀ႂ်ႈမ︀ႆ︀ႛဝႃႈမ︀ႃးဢ︀ူ။