လ︀ုက︀ႃ 12:15 - Khamti Shan

¹⁵ မ︀ꩫ︀်းꩡ︀ဝ်ႛက︀ၢပ︀်ꩬ︀ီဝႃႈꩫ︀ႆ︀ႇ “ဢ︀ꩫ︀်ႈလ︀ေႃးၸ︀ႃးက︀ူႈၸ︀ꩫ︀်းမ︀ႆ︀ႛ ꩬ︀တ︀ိꩬ︀ီင︀ိူင︀်ႇတ︀ႃႉ။ ꩬ︀ူမ︀ီးၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩬ︀ၢက︀်ႉꩬ︀ူတ︀ေႇတ︀ေႇယ︀ႃႇ ဢ︀ဝ်ႈၵ︀ူဝ်းလ︀ိင︀်းꩬ︀ူꩵ︀ႈꩡ︀ႂ်ႈ ꩫ︀ိပ︀်ဢ︀ူꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 12:15 ပူးပေါင်းရင်းမြစ်များ

မ︀ႃက︀ု 7:22

ဢ︀ꩫ︀်ႈၸ︀ိတ︀်ꩭွင︀်ႛꩭိူꩫ︀်းပ︀ိူꩫ︀်ႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ပ︀ူꩫ︀်ႇ၊ ဢ︀ꩫ︀်ႈꩭီတ︀်ꩭၢႆ︀ႇꩭီတ︀်ꩡ︀ႃႇ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်ပ︀ိူင︀်ႈတ︀ြႃး၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛတ︀ႃႈꩫ︀ႅင︀်ႈ၊ ဢ︀ꩫ︀်ႈမ︀ႃꩫ︀ယ︀ႂ်၊ ဢ︀ꩫ︀်ႈယ︀ုက︀်ႉꩭင︀်ႛꩫ︀ႆ︀ႇၵ︀ဝ်

လ︀ုက︀ႃ 12:16

ယ︀ဝ်ႇက︀ီးမ︀ꩫ︀်းꩡ︀ဝ်ႛ ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းဝႃႈꩫ︀ႆ︀ႇ “ၸ︀ူႛမ︀ီးဢ︀ꩫ︀်ႈꩫ︀ႃးလ︀ူင︀်ယ︀င︀်းꩬ︀ီ လ︀ုက︀်ႉၵ︀ဝ်ႛလ︀ုက︀်ႉꩫ︀မ︀်ႇ ဢ︀ၢꩫ︀်တ︀ၢꩫ︀်ꩫ︀ႆ︀ႛꩫ︀ႆ︀ႇ က︀ူဝ်ႇလ︀ိူင︀်ႈယ︀င︀်းဢ︀ူ။

လ︀ုက︀ႃ 16:14

ၸ︀ႃရ︀ိꩬ︀ႄဢ︀ꩫ︀်ႈꩭွင︀်င︀ိူꩫ︀်းꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ꩡ︀ဝ်ႛယ︀ေꩬ︀ုမ︀ႆ︀ႛ ꩭီတ︀်ꩬ︀ွင︀်းၵ︀ူဝ်က︀ꩫ︀်ႈဢ︀ူ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

လ︀ုက︀ႃ 8:14

ပ︀ႃယ︀ုမ︀်းမ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩫ︀က︀ေႃႇ ဢ︀ꩫ︀်ႈက︀ပ︀်ႉꩡ︀ႂ်ႈလ︀ွင︀်ႈက︀ိꩫ︀်ႈꩫ︀ုင︀်ႈ၊ ဢ︀ꩫ︀်ႈꩭွႆ︀ႛꩡ︀ႂ်ႈꩡ︀ေးꩡ︀ိမ︀်၊ ဢ︀ꩫ︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ပ︀ေႇထူမ︀်ႛꩬ︀ီ မ︀က︀်မ︀ဝ်တ︀ၢင︀်ꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 6:10

က︀ူꩫ︀်းဢ︀ꩫ︀်ႈလ︀ၢက︀်ႉၵ︀ွင︀်ပ︀ိူꩫ︀်ႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်၊ ဢ︀ꩫ︀်ႈက︀ိꩫ︀်ႈလ︀ဝ်ႛ၊ ဢ︀ꩫ︀်ႈက︀ေးလ︀ေးပ︀ိူꩫ︀်ႈꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩫ︀ႆ︀ႛ။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ိမ︀ေႃတ︀ေ ႒ 3:2

မ︀ိူဝ်ႈဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ် ꩡ︀ႂ်ႈတ︀ိင︀်ႈက︀ုပ︀်၊ ꩡ︀ႂ်ႈလ︀ေႃးၸ︀ႃး၊ ဢ︀ꩫ︀်ႈက︀မ︀်ႇလ︀ွင︀်ႛ၊ ဢ︀ꩫ︀်ႈဢ︀လ︀ွေႛပ︀ိူꩫ︀်ႈꩫ︀ႆ︀ႇၵ︀ဝ်ယ︀င︀်းမ︀ႃးꩬ︀ီ ဢ︀ꩫ︀်ႈတ︀ၢꩫ︀်ႛꩭတ︀်တ︀ၢꩫ︀်ႛꩡ︀ꩫ︀်း၊ ဢ︀ꩫ︀်ႈၵ︀ၢမ︀်းပ︀ူဝ်မ︀ေမ︀ဝ်ထွမ︀်၊ ဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်း၊ ဢ︀ꩫ︀်ႈၸ︀ြႃးတ︀ြႃးမ︀ဝ်ယ︀င︀်းꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ꩭေပ︀ရ︀ူး 13:5

င︀ိူꩫ︀်းမ︀ႆ︀ႛပ︀ီꩭွႆ︀ႛꩭႅꩫ︀်ႛၸ︀ႅဝ်။ တ︀ိူက︀်ႉဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛယ︀င︀်းꩫ︀ႆ︀ႇ ပ︀ေꩡ︀ႂ်ႈက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “က︀ဝ်ႈꩬ︀ူမ︀ႆ︀ႛ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်။ မ︀ိူဝ်ႈလ︀ႂ်ႈက︀ေႃႇ ꩵ︀ႈၸ︀ၢက︀်ႉက︀ႃ” ꩫ︀ꩬ︀ီၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇဢ︀ူ။

ပ︀ေတ︀ရ︀ု ႒ 2:14

ၵ︀ဝ်ယ︀ႃႇ ၸ︀ူႛယ︀ိင︀်းက︀ူဝ်ႇလ︀ႂ်ႈမ︀ႆ︀ႛၸ︀ိတ︀်တ︀ီꩫ︀ႆ︀ႛꩫ︀ꩫ︀ႆ︀ၢႈꩬ︀င︀်င︀ွမ︀်ဢ︀ူꩬ︀ီ ꩭီတ︀်ဢ︀ပ︀ႅတ︀်ႉမ︀ဝ်ပ︀ူဝ်းꩡ︀ၢင︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ဝ်ၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်းꩭႂ်ႛꩭီတ︀်ဢ︀ပ︀ႅတ︀်ႉက︀ေႃႇꩡ︀ၢင︀်ႈလ︀ူင︀်၊ ꩡ︀ႂ်ႈလ︀ေႃးၸ︀ႃးက︀ေႃႇတ︀ီမ︀်ႈတ︀ုပ︀်ꩰꩫ︀မ︀်။ င︀ႆ︀းꩬ︀ီၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ူင︀်ႈတ︀ၢမ︀်မ︀ဝ်ပ︀ိတ︀်ႉꩫ︀မ︀်။

ပ︀ေတ︀ရ︀ု ႒ 2:3

ၵ︀ဝ်ယ︀ႃႇ လ︀ေႃးၸ︀ႃးင︀ိူꩫ︀်းꩫ︀ႆ︀ႇꩬ︀ီ ထဝ်မ︀ၢက︀်မ︀ူဝ်ꩫ︀ႆ︀ႇၵ︀ဝ် ꩬ︀ူမ︀ႆ︀ႛ ၵ︀ႆ︀ႈꩬ︀ီတ︀ီၸ︀ၢမ︀်းဢ︀ဝ်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ ꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီဢ︀ဝ်ႈလ︀ူႇပ︀ႅက︀်ႉတ︀ေႇတ︀ေႇယ︀ဝ်ႇ။