လ︀ုက︀ႃ 11:22 - Khamti Shan

²² ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈမ︀ꩫ︀်းမ︀ႆ︀ႛဢ︀မ︀်ꩬ︀ႃꩫ︀ႆ︀ႇမ︀ႃးꩬ︀ီ မ︀ꩫ︀်းမ︀ႆ︀ႛတ︀ိက︀်ပ︀ေႇက︀ီး ၵ︀ိူင︀်ႈတ︀ိက︀်ဢ︀ꩫ︀်ႈမ︀ꩫ︀်းပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ် ꩭိမ︀်ဢ︀ဝ်ႈꩬ︀ီ ၵ︀ိူင︀်ႈꩭိူꩫ︀်းမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီဢ︀ဝ်ႈက︀ႃပ︀ꩫ︀်ႈက︀ꩫ︀်ႈꩫ︀မ︀်။

လ︀ုက︀ႃ 11:22 ပူးပေါင်းရင်းမြစ်များ

လ︀ုက︀ႃ 11:21

က︀ူꩫ︀်းဢ︀ꩫ︀်ႈꩭႅင︀်းဢ︀မ︀်ꩫ︀ႆ︀ႇ ဢ︀ဝ်ႈၵ︀ိူင︀်ႈတ︀ိက︀်တ︀ီမ︀်ႈꩰက︀ုမ︀်ꩰပ︀ႂ်ႇက︀ီး ၵ︀ိူင︀်ႈꩭိူꩫ︀်းမ︀ꩫ︀်းꩫ︀ႆ︀ႇၵ︀ဝ်လ︀ႅပ︀်ႉလ︀ူမ︀်ႛဢ︀ူ။

လ︀ုက︀ႃ 11:23

က︀ူဝ်ႇဢ︀ꩫ︀်ႈပ︀ႃႛက︀ဝ်ႈမ︀ႆ︀ႛမ︀ဝ်ဢ︀ူꩫ︀ႆ︀ႇ လ︀ꩫ︀်ꩬ︀ူက︀ဝ်ႈꩫ︀မ︀်။ က︀ူဝ်ႇဢ︀ꩫ︀်ႈတ︀င︀်းက︀ဝ်ႈ မ︀ဝ်ၸ︀ိဝ်ႛတ︀ုမ︀်ႈꩫ︀ႆ︀ႇက︀ေႃႇ ဢ︀ꩫ︀်ႈဢ︀ဝ်ႈက︀ၢက︀်ႉက︀ွႆ︀းꩫ︀မ︀်။

ဢ︀ေၸ︀ႅတ︀် 6:11

ꩭႂ်ႛပ︀ူဝ်းဢ︀ꩫ︀်ႈၵ︀ုꩫ︀်ꩬ︀ူင︀်က︀ႅမ︀်ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ꩬ︀ူတ︀ႃႛပ︀ေႇꩫ︀ႆ︀ႇ ၵ︀ိူင︀်ႈꩬ︀ိူက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းꩭႂ်ႛꩫ︀ႆ︀ႇတ︀င︀်းမ︀ိူင︀်း ဢ︀ဝ်ႈက︀ုမ︀်ꩰꩭၢင︀်ႛဝႆ︀ႇက︀ꩫ︀်ႈတ︀ႃႉ။

ဢ︀ေၸ︀ႅတ︀် 6:13

င︀ႆ︀းꩫ︀ႆ︀ႇꩬ︀ီ ၵ︀ိူင︀်ႈꩬ︀ိူက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းꩭႂ်ႛတ︀င︀်းမ︀ိူင︀်း ꩭၢင︀်ႛက︀ꩫ︀်ႈတ︀ႃႉ။ င︀ႆ︀းက︀ီး ဝꩫ︀်းမ︀ိူဝ်ႈလ︀ꩫ︀်ꩬ︀ူတ︀ိက︀်မ︀ႃးꩫ︀ႆ︀ႇ ꩬ︀ူတ︀ႃႛပ︀ေႇꩬ︀ီ မ︀ိူဝ်ႈတ︀င︀်းမ︀ိူင︀်းမ︀ႆ︀ႛတ︀ိက︀်ယ︀ဝ်ႇꩫ︀ႆ︀ႇ ꩬ︀ူꩬ︀ဝ်းၵ︀ိူင︀်ꩰပ︀ီꩫ︀်ႈဢ︀ူ။

က︀ေႃလ︀ေႃတ︀ႄ 2:15

ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်းၵ︀ွꩫ︀်င︀ႆ︀း ၸ︀ူႛက︀မ︀်ႈဢ︀ႃꩫ︀ႃဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛပ︀ေႇယ︀ဝ်ႇ။ ယ︀ဝ်ႇက︀ီး မ︀ိူဝ်ႈမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛပ︀ေႇဢ︀ွင︀်ꩬ︀ီꩬ︀ႅဝ်ႛက︀ႃꩫ︀ႆ︀ႇမ︀ႆ︀ႛꩭႂ်ႛပ︀ူဝ်းတ︀င︀်းက︀မ︀်ၸ︀ႃꩭꩫ︀်ꩫ︀ႆ︀ႇ ယ︀ႃးꩬ︀ီ ၵ︀ဝ်မ︀ႆ︀ႛဢ︀ဝ်ႈဢ︀ၢႆ︀ႈမ︀ႃးဢ︀ူ။

ယ︀ေႃးꩭၢꩫ︀် ႑ 3:8

က︀ူဝ်ႇဢ︀ꩫ︀်ႈက︀ၢပ︀်ꩭီတ︀်ဢ︀ပ︀ႅတ︀်ႉꩫ︀ႆ︀ႇယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်ယ︀ႃႇ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩭီတ︀်ဢ︀ပ︀ႅတ︀်ႉမ︀ႃးꩫ︀မ︀်။ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛ က︀ျွႃးမ︀ႃးꩫ︀ႆ︀ႇယ︀ႃႇ မ︀ႃးယ︀ႃႇဢ︀မ︀ူးၵ︀ုꩫ︀်ꩬ︀ူင︀်ꩫ︀မ︀်။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။