လ︀ုက︀ႃ 11:2 - Khamti Shan

² မ︀ꩫ︀်းꩡ︀ဝ်ႛက︀ေႃႇ “ꩫ︀င︀်ꩫ︀ႆ︀ႇꩫ︀က︀ꩫ︀်ႈ ယ︀ွꩫ︀်းꩬ︀ူးတ︀ႃႉ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ ꩡ︀ိုဝ်ႈၵ︀ိင︀်းတ︀ူဝ်ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်မ︀ႆ︀ႛ တ︀ူႈၵ︀ႃႛ ꩭႂ်ႛပ︀ူဝ်းယ︀မ︀်ႈင︀ဝ်းꩫ︀ႆ︀ႇ ꩡ︀ွႆ︀ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ꩫ︀ႂ်းင︀မ︀်းၵ︀ိင︀်းတ︀ူဝ်ꩡ︀ဝ်ႛ ꩭႂ်ႛတ︀င︀်ႛတ︀ေတ︀ီၵ︀ႃႛမ︀ႃးတ︀ႃႉ။

လ︀ုက︀ႃ 11:2 ပူးပေါင်းရင်းမြစ်များ

မ︀တ︀်တ︀ႄး 10:32

ꩬ︀ူက︀ဝ်ႈမ︀ႆ︀ႛ ပ︀ၢင︀်ႈꩫ︀ႃႛက︀ူꩫ︀်းမ︀ိူင︀်းမ︀ႆ︀ႛ မ︀တ︀်ႉꩡ︀ဝ်ႛက︀ီး က︀ဝ်ႈက︀ေႃႇ ꩬ︀ူမ︀ႆ︀ႛ ပ︀ၢင︀်ႈꩫ︀ႃႛပ︀ူဝ်က︀ၢင︀်ႈꩭၢဝ်က︀ဝ်ႈမ︀ႆ︀ႛ တ︀ီမ︀တ︀်ႉတ︀ပ︀ေးက︀ဝ်ႈꩫ︀မ︀်။

မ︀တ︀်တ︀ႄး 5:16

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈလ︀ႅင︀်းꩬ︀ူက︀ေႃႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဝႃႈꩭုင︀်ႈဢ︀ူ။ င︀ႆ︀းက︀ီးꩬ︀ိုင︀် လ︀ွင︀်ႈꩫ︀ီႈꩬ︀ူမ︀ႆ︀ႛ ပ︀ိူꩫ︀်ႈꩭꩫ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူ ဢ︀ꩫ︀်ႈၵ︀ိင︀်းက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛ ပ︀ိူꩫ︀်ႈတ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

လ︀ုက︀ႃ 11:1

ဝꩫ︀်းလ︀ိူင︀်ႈ ꩡ︀ဝ်ႛယ︀ေꩬ︀ု တ︀ီႈလ︀ိူင︀်ႈမ︀ႆ︀ႛယ︀ွꩫ︀်းꩬ︀ူးဢ︀ူဢ︀ူ။ ယ︀ွꩫ︀်းꩬ︀ူးယ︀ဝ်ႇက︀ီး တ︀ပ︀ေးꩡ︀ဝ်ႛက︀ူဝ်ႇလ︀ိူင︀်ႈယ︀ႃႇ “ꩡ︀ဝ်ႛꩴ︀း ꩫ︀င︀်ꩬ︀ြႃယ︀ေႃးꩭၢꩫ︀် တ︀ပ︀ေးမ︀ꩫ︀်းၵ︀ဝ်မ︀ႆ︀ႛ ꩬ︀ွꩫ︀်ယ︀ွꩫ︀်းꩬ︀ူးꩭႂ်ႛꩫ︀က︀ꩫ︀်ႈ တ︀ူႈၵ︀ႃႛမ︀ႆ︀ႛက︀ေႃႇ ꩬ︀ွꩫ︀်ꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။

ရ︀ေႃမ︀ 1:7

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉꩬ︀ီ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ဝ်ႈလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။

ရ︀ေႃမ︀ 8:15

ၵ︀ွꩫ︀်ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈပ︀ီꩫ︀်ႈၵ︀ႃႛမ︀ꩫ︀်းꩡ︀ဝ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈက︀ူဝ်ႈပ︀ွက︀်ႉꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ေႇမ︀ဝ်က︀ႃး ꩭႂ်ႛပ︀ူဝ်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ပ︀ူဝ်ꩭဝ်း” ꩫ︀ꩬ︀ီꩭွင︀်ႇပ︀ီꩫ︀်ႈꩫ︀ႆ︀ႇက︀ေႃႇ ꩡ︀ွႆ︀ႈꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 1:3

ꩬ︀ူꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀တ︀ႃႉ။

က︀ေႃရ︀ိꩫ︀်တ︀ု ႒ 1:2

ꩬ︀ူꩡ︀ဝ်ႛမ︀ႆ︀ႛ ပ︀ူဝ်ꩭဝ်း ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။

က︀လ︀ႃတ︀ိ 1:4

ꩡ︀ဝ်ႛယ︀ေꩬ︀ုယ︀ႃႇ ꩭႂ်ႛပ︀ူဝ်ꩭဝ်းꩫ︀င︀်က︀ူꩫ︀်းꩭၢႆ︀ႇပ︀ၢꩫ︀်ႈင︀ႆ︀ႚꩫ︀ႆ︀ႇၵ︀ဝ်ꩫ︀က︀ꩫ︀်ႈမ︀ဝ်လ︀ူႇမ︀ဝ်ꩬ︀ုမ︀်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ႃႇဢ︀ပ︀ႅတ︀်ႉꩭဝ်း ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ွတ︀်ꩬ︀ီ ꩭဝ်းမ︀ႆ︀ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 1:2

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

ၸ︀ိလ︀ိပ︀်ပ︀ၢႆ︀ 1:2

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

ၸ︀ိလ︀ိပ︀်ပ︀ၢႆ︀ 4:20

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။ ꩬ︀ႃႈထု။

က︀ေႃလ︀ေႃတ︀ႄ 1:2

ပ︀ီႈꩫ︀ွင︀်ႇဝီင︀်းက︀ေႃလ︀ေႃတ︀ႄ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်ꩴ︀း ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈဢ︀ူဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ တ︀ူႈ ပ︀ေႃလ︀ု၊ ꩬ︀ီလ︀င︀ႆ︀း တ︀ိမ︀ေႃတ︀ေၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:16

ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈꩬ︀ီ ဢ︀ꩫ︀်ႈꩭဝ်းမ︀ုင︀်ႈမ︀ွင︀်းမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛ၊ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩭႂ်ႛꩫ︀ႆ︀ႇꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈꩫ︀ီႈက︀ူႈၸ︀ꩫ︀်းက︀ူႈမ︀ိဝ်း တ︀ၢꩫ︀်ႛပ︀ီꩫ︀်ႈꩭီတ︀်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႅင︀်းꩡ︀ႂ်ႈ၊ ꩭႅင︀်းၵ︀ွꩫ︀်ꩭႂ်ႛထႅမ︀်က︀ႃတ︀ႃႉ။

ၿျႃၻိက︀်ႉ 11:15

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ ပ︀ဝ်တ︀ုတ︀်က︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ “လ︀ၢက︀်ႉꩫ︀ႆ︀ႇယ︀ႃႇ က︀မ︀်ၸ︀ႃꩫ︀ႆ︀ႇ ပ︀ီꩫ︀်ႈမ︀ိူင︀်းꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛယ︀ဝ်ႇ။ မ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 15:4

ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်က︀ူဝ်ႈယ︀မ︀်ႈ၊ ꩡ︀ိုဝ်ႈၵ︀ိင︀်းꩡ︀ူဝ်ꩡ︀ဝ်ႛမ︀ႆ︀ႛ မ︀ဝ်ယ︀ူဝ်းယ︀ွင︀်ႛꩬ︀ီ ၸ︀ႂ်က︀ေႃႇဢ︀ူꩵ︀ႈပ︀ီꩫ︀်ႈတ︀ီၵ︀ႃႛ။ ၵ︀ိင︀်းတ︀ူဝ်ꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀် မ︀ူတ︀်ꩡ︀ၢင︀်တ︀ီၵ︀ႃႛꩫ︀ႆ︀ႇ။ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ပ︀ႅတ︀်ႉတ︀ြႃးꩬ︀ိုဝ်ႈꩰꩫ︀ႆ︀ႇၵ︀ဝ်ယ︀ႃႇ ꩡ︀ုꩫ︀်ႈꩬ︀ၢက︀်ꩰꩫ︀ႆ︀ႇꩬ︀ီ က︀ူꩫ︀်းက︀ူႈၸ︀ꩫ︀်းꩫ︀ႆ︀ႇၵ︀ဝ် ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ တ︀ီမ︀ႃးပ︀ႆ︀ၢႛဝႆ︀ႈက︀ꩫ︀်ႈတ︀ီၵ︀ႃႛꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။

ၿျႃၻိက︀်ႉ 19:6

ꩡ︀ႃႇလ︀ိူင︀်ႈ ꩬ︀ီင︀်ၸ︀ုင︀်က︀ူꩫ︀်းလ︀ူင︀် ꩫ︀င︀်ꩬ︀ီင︀်ꩫ︀မ︀်ႇတ︀ူက︀်တ︀ၢင︀်ႇꩫ︀က︀ꩫ︀်ႈ ꩫ︀င︀်ꩬ︀ီင︀်ၸ︀ႃႇꩫ︀င︀်ႈꩭႅင︀်းလ︀ူင︀်ꩫ︀က︀ꩫ︀်ႈမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။ ၵ︀ဝ်ယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛꩭဝ်းမ︀ႆ︀ႛ ယ︀ူဝ်းယ︀ွင︀်ႛတ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ုပ︀်ႉပ︀ိုင︀်ယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ၊

ၿျႃၻိက︀်ႉ 20:4

ယ︀ဝ်ႇက︀ီး ပ︀လ︀ၢင︀်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈပ︀လ︀ၢင︀်ဢ︀မ︀ႂ်းမ︀ႆ︀ႛ ꩫ︀င︀်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩭꩫ︀်ဢ︀ူ။ ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈပ︀ႅတ︀်ႉတ︀ြႃးꩫ︀ႆ︀ႛဝႆ︀ႇဢ︀ူ။ င︀ႆ︀းꩬ︀ီ ၵ︀ွꩫ︀်က︀ူꩫ︀်းဢ︀ꩫ︀်ႈꩭီတ︀်ꩬ︀ၢက︀်ႉꩬ︀ေꩡ︀ဝ်ႛယ︀ေꩬ︀ုင︀ႆ︀း တ︀ႅဝ်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ိူꩫ︀်ႈတ︀ႅပ︀်ၵ︀ူဝ်းတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈꩭꩫ︀်ဢ︀ူ။ ၵ︀ဝ်ယ︀ႃႇ က︀ူဝ်ႇဢ︀ꩫ︀်ႈတ︀ူဝ်ႈꩭႆ︀ၢႇꩫ︀ၵ︀ႃ ꩭုꩫ︀်ꩭၢင︀်ႈမ︀ꩫ︀်းမ︀ႆ︀ႛက︀ေႃႇမ︀ဝ်ပ︀ႆ︀ၢႛ၊ ꩫ︀ႃႛၸ︀က︀်မ︀ႆ︀ႛပ︀တ︀ု၊ မ︀ိုဝ်းမ︀ႆ︀ႛပ︀တ︀ု ꩡ︀ုမ︀်ႛတ︀ူဝ်ႈꩭႆ︀ၢႇက︀ေႃႇ မ︀ဝ်ꩭၢပ︀်ႉဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ဢ︀ꩬ︀ၢက︀်ႉꩫ︀ိပ︀်ပ︀ွက︀်ႉꩬ︀ီ ꩭီင︀်ပ︀ီႈတ︀ၢင︀်ႈꩰ တ︀င︀်းꩡ︀ဝ်ႛၵ︀ရ︀ီတ︀် တ︀ီꩭူမ︀်ႈဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။