လ︀ုက︀ႃ 10:20 - Khamti Shan

²⁰ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛပ︀ေႇꩬ︀ီယ︀ႃႇ ပ︀ီꩡ︀ူမ︀်းက︀ꩫ︀်ႈ။ လ︀ႆ︀ၢးပ︀ိူဝ်ႈꩡ︀ိုဝ်ႈꩬ︀ူ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛꩬ︀ိုင︀် ꩡ︀ူမ︀်းက︀ꩫ︀်ႈတ︀ႃႉ” ꩫ︀ဝꩫ︀်ႇ။

လ︀ုက︀ႃ 10:20 ပူးပေါင်းရင်းမြစ်များ

မ︀တ︀်တ︀ႄး 10:1

ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်က︀ူဝ်ႇမ︀ႆ︀ႛꩭွင︀်ႇတ︀ုမ︀်ႈꩬ︀ီ ၵ︀ဝ်မ︀ႆ︀ႛ ဢ︀ႃꩫ︀ႃꩭၢင︀်းꩭူဝ်ႛၸ︀ီꩭၢႆ︀ႇ၊ ꩭၢင︀်းဢ︀ဝ်ႈꩫ︀ီႈ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်က︀ူႈၸ︀ꩫ︀်းပ︀ူင︀်ႈꩭႂ်ႛဢ︀ူ။

မ︀တ︀်တ︀ႄး 26:24

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇက︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩡ︀ႃႇမ︀ꩫ︀်းယ︀ႃႇ မ︀ဝ်ပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ၢႈက︀ေႃႇ ၵ︀ႅꩫ︀်းꩫ︀ီႈဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 27:5

ꩫ︀ႆ︀ႇမ︀ႆ︀ႛ ယ︀ုတ︀ꩫ︀ႆ︀ႇ င︀ိူꩫ︀်းꩬ︀ၢမ︀်ꩬ︀ိပ︀်ၵ︀ႅပ︀်ဢ︀မ︀ႂ်း ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ထိမ︀်ႛဝႆ︀ႇယ︀ဝ်ႇက︀ီး ဢ︀ွက︀်က︀ႃꩬ︀ီ တ︀ီႈလ︀ိူင︀်ႈမ︀ႆ︀ႛ က︀ႃတ︀ႆ︀ၢႈက︀ႅတ︀်ႉဢ︀ူ။

ၸ︀ိလ︀ိပ︀်ပ︀ၢႆ︀ 4:3

က︀ူဝ်ႇꩬ︀ေႛꩴ︀း မ︀ႂ်းက︀ေႃႇꩭႂ်ႛပ︀ူဝ်းꩬ︀ွင︀်ၵ︀ႃꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇ ꩡ︀ွႆ︀ႈꩭႂ်ႛမ︀ႃးတ︀ႃႉ။ ꩬ︀ွင︀်ၵ︀ႃင︀ႆ︀း က︀လ︀ေမ︀ိꩫ︀်င︀ႆ︀း ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀င︀်းက︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ဢ︀ၢꩫ︀်တ︀ၢꩫ︀်ꩭူမ︀်ႈꩭူဝ်းမ︀ႃးယ︀ဝ်ႇ။ ꩡ︀ိုဝ်ႈၵ︀ဝ်ယ︀ႃႇ ပ︀ၢပ︀်ႉၸ︀ြႃးပ︀ီꩫ︀်ႈꩡ︀ဝ်ႛ ပ︀ၢပ︀်ႉꩡ︀လ︀ၢင︀်းၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀မ︀ႆ︀ႛ လ︀ွေႛယ︀ဝ်ႇ။

ꩭေပ︀ရ︀ူး 12:23

တ︀င︀်းꩡ︀ိူဝ်းလ︀ုက︀်ႉꩭူဝ်လ︀ႃႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ိုဝ်ႈၵ︀ဝ် က︀ၢင︀်ႈꩭၢဝ်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ꩫ︀ႆ︀ႛတ︀ုမ︀်ႈက︀ꩫ︀်ႈယ︀ဝ်ႇ။ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈက︀ူꩫ︀်းတ︀င︀်းလ︀ုင︀်မ︀ႆ︀ႛပ︀ႅတ︀်ႉတ︀ြႃးမ︀ႆ︀ႛတ︀မ︀ိူင︀်း၊ ပ︀ၢင︀်ႈꩫ︀ႃႛၵ︀ွꩫ︀်က︀ူꩫ︀်းꩬ︀ိုဝ်ႈတ︀ူဝ် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း၊

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 17:8

တ︀ူဝ်ႈꩭႆ︀ၢႇဢ︀မ︀ႂ်းယ︀ႃႇ ဢ︀ꩫ︀်ႈမ︀ိူဝ်ႈꩫ︀ꩫ︀်ႇယ︀င︀်းမ︀ႃးꩫ︀မ︀်။ င︀ႆ︀ႚယ︀ႃႇꩵ︀ႈယ︀င︀်းယ︀ဝ်ႇ။ ꩫ︀ႆ︀ႇꩫ︀က︀ေႃႇ တ︀ူဝ်ႈဢ︀မ︀ႂ်း မ︀ဝ်ꩭိုင︀်က︀ꩬ︀င︀် လ︀ုက︀်ႉထၢင︀်ၵ︀ူင︀်းတ︀ႆ︀ၢႈမ︀ႆ︀ႛ ဢ︀ွက︀်မ︀ႃးꩬ︀ီ ပ︀ႆ︀ၢႈꩭၢင︀်မ︀ႆ︀ႛ တ︀ီလ︀ူႇက︀ႃꩫ︀မ︀်။ က︀ူꩫ︀်းဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်ယ︀ႃႇ တ︀ူဝ်ႈꩭႆ︀ၢႇဢ︀ꩫ︀်ႈꩭွꩫ︀်ယ︀င︀်းမ︀ႃးꩬ︀ီ င︀ႆ︀ႚမ︀ဝ်ယ︀င︀်းꩫ︀က︀ေႃႇ က︀ꩫ︀်ႛꩫ︀ႃႛမ︀ႆ︀ႛတ︀ီယ︀င︀်းမ︀ႃးဢ︀မ︀ႂ်းမ︀ႆ︀ႛꩭꩫ︀်က︀ီး တ︀ီဢ︀ၢမ︀်းက︀ꩫ︀်ႈꩫ︀မ︀်။

ၿျႃၻိက︀်ႉ 20:12

ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ၿျႃၻိက︀်ႉ 20:15

က︀ူꩫ︀်းဢ︀ꩫ︀်ႈ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛယ︀ႃႇ ꩫ︀ွင︀်ၸ︀ႆ︀းမ︀ႆ︀ႛပ︀ိုဝ်တ︀ူက︀်ၵ︀ွတ︀်မ︀ူတ︀်ဢ︀ူ။

ၿျႃၻိက︀်ႉ 21:27

ဝီင︀်းဢ︀မ︀ႂ်းမ︀ႆ︀ႛ က︀ူꩫ︀်းꩭင︀်ႛꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈꩭီတ︀်ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈၸ︀ႅတ︀်ႉꩫ︀ႆ︀ႇၵ︀ဝ် ꩵ︀ႈꩫ︀ႆ︀ႛၵ︀ဝ်ႛ။ က︀ူꩫ︀်းဢ︀ꩫ︀်ႈ ပ︀ၢပ︀်ႉပ︀ူႇဢ︀ွꩫ︀် ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈလ︀ွေႛꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် တ︀ီꩫ︀ႆ︀ႛၵ︀ဝ်ႛꩫ︀မ︀်။

ၿျႃၻိက︀်ႉ 3:5

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်င︀ႆ︀းꩫ︀က︀ꩫ︀်ႈ ၵ︀ိူင︀်ႈၵ︀ၢဝ်တ︀ီꩫ︀ႆ︀ႛꩫ︀ုင︀်ႈꩫ︀မ︀်။ ꩡ︀ိုဝ်ႈၵ︀ဝ်မ︀ႆ︀ႛ က︀ဝ်ႈလ︀ုက︀်ႉပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩵ︀ႈလ︀ုပ︀်ႉမ︀ွတ︀်ပ︀ိူင︀်ႈလ︀ူင︀်။ ၵ︀ဝ်ပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်က︀ဝ်ႈꩫ︀ၵ︀ႃ ၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ က︀ဝ်ႈတ︀ီတ︀ႅဝ်ꩡ︀ုꩫ︀်ႈꩰလ︀ႅင︀်းꩰꩫ︀မ︀်။