လ︀ုက︀ႃ 10:11 - Khamti Shan11 “ဝီင︀်းꩫ︀ႆ︀ႇမ︀ႆ︀ႛ တ︀ူႈꩬ︀တ︀ိꩭႂ်ႛယ︀ဝ်ႇꩰꩫ︀ꩫ︀ႆ︀ႇ ၸ︀ွင︀်တ︀ိꩫ︀်ႈဝီင︀်းꩫ︀ႆ︀ႇ ဢ︀ꩫ︀်ႈတ︀ူႈတ︀ွႆ︀ဝႆ︀ႇꩫ︀ႆ︀ႇ ꩭႂ်ႛပ︀ီꩫ︀်ႈꩬ︀ၢက︀်ႉꩬ︀ေက︀တ︀ႃႉ။ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛတ︀ီတ︀င︀်ႛတ︀ေယ︀ဝ်ႇꩫ︀ꩫ︀ႆ︀ႇတ︀ွင︀်းတ︀ေႇတ︀ေႇက︀ꩫ︀်ႈတ︀ႃႉ” ꩫ︀ꩬ︀ီဝႃႈတ︀ႃႉ။ အခန်းကိုကြည့်ပါ။ |
က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛဝႃႈꩫ︀ႆ︀ႇ “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉမ︀ဝ်ၵ︀ၢꩫ︀်းꩫ︀ႆ︀ႇၵ︀ဝ်ꩴ︀း ထွမ︀်က︀ꩫ︀်ႈတ︀ႃႉ။ ဢ︀ၢမ︀်းꩬ︀ီတ︀ႆ︀ၢႈက︀ꩫ︀်ႈတ︀ႃႉ။ ဢ︀ꩫ︀်ႈမ︀ိူဝ်ႈꩫ︀ႆ︀ႇက︀ဝ်ႈꩬ︀ူမ︀ႆ︀ႛ တ︀ီꩭီတ︀်ꩫ︀ႆ︀ႇ ပ︀ိူꩫ︀်ႈၵ︀ႆ︀ႈပ︀ျႃးꩫ︀က︀ေႃႇ ꩬ︀ူတ︀ီမ︀ဝ်ပ︀ွင︀်ꩡ︀ႂ်ႈꩬ︀ႃး” ꩫ︀ꩬ︀ီဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၵ︀ၢမ︀်းဢ︀မ︀ႂ်း ꩭႂ်ႛပ︀ူဝ်း ꩬ︀ူမ︀ႆ︀ႛမ︀ဝ်ထုက︀်ꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ” ꩫ︀ꩬ︀ီꩭူဝ်းဢ︀ူ။
က︀ျမ︀်းလ︀ိက︀်ႉမ︀ႆ︀ႛ ဝႃႈꩫ︀ႆ︀ႇယ︀ႃႇ “ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ႆ︀ၢႛꩬ︀ူမ︀ႆ︀ႛꩫ︀မ︀်။ လ︀ုက︀်ႉꩬ︀ူပ︀်မ︀ႆ︀ႛက︀ေႃႇ ꩬ︀ူဝႃႈယ︀ဝ်ႇ။ လ︀ုက︀်ႉꩫ︀ႂ်းꩡ︀ႂ်ႈမ︀ႆ︀ႛက︀ေႃႇ ꩬ︀ူꩭၢပ︀်ႉဢ︀ဝ်ႈယ︀ဝ်ႇ” ꩫ︀ꩫ︀မ︀်။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ တ︀ြႃးလ︀ွင︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈ ဢ︀ꩫ︀်ႈꩬ︀ူမ︀ႆ︀ႛတ︀ူႈꩭူဝ်းꩫ︀ႆ︀ႇꩫ︀မ︀်။
လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။