လ︀ုက︀ႃ 1:78 - Khamti Shan

⁷⁸ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛꩭဝ်းယ︀ႃႇ ဢ︀ီꩫ︀ူႈꩡ︀ၢင︀်ႈင︀ႆ︀း ꩡ︀ႂ်ႈဢ︀ူꩫ︀်ႛဢ︀ွꩫ︀်ꩫ︀ႆ︀ႇꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩫ︀င︀်က︀ၢင︀်ႈဝꩫ︀်းဢ︀ွက︀်မ︀ႃးꩫ︀က︀ꩫ︀်ႈ ဢ︀ꩫ︀်ႈမ︀ꩫ︀်းꩡ︀ဝ်ႛ ၵ︀ေꩬ︀ေꩭႂ်ႛꩫ︀ႆ︀ႇ က︀ꩫ︀်ႛꩫ︀ိူဝ်ꩭဝ်းမ︀ႆ︀ႛ တ︀ီဢ︀ဝ်ႈထိုင︀်မ︀ႃးꩫ︀မ︀်။

လ︀ုက︀ႃ 1:78 ပူးပေါင်းရင်းမြစ်များ

ယ︀ေႃးꩭၢꩫ︀် 3:16

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ꩭၢက︀်ႉၸ︀ႅဝ်ꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ဝ်လ︀ူႇတ︀ႆ︀ၢႈꩬ︀ီ ꩫ︀ႆ︀ႛဢ︀ꩬ︀ၢက︀်ႉထႃဝရ︀ က︀ꩫ︀်ႈꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛပ︀ႃးလ︀ိဝ်ႈ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ဢ︀ေၸ︀ႅတ︀် 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈလ︀ႅင︀်းယ︀ႃႇ တ︀င︀်းလ︀ုင︀်မ︀ႆ︀ႛဢ︀ဝ်ႈꩭꩫ︀်ꩡ︀ုꩫ︀်ႈꩰꩭႂ်ႛꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ ပ︀ိူꩫ︀်ႈဝႃႈက︀ꩫ︀်ႈꩫ︀ႆ︀ႇ “ၸ︀ူႛꩫ︀ွꩫ︀်းꩫ︀က︀်ꩴ︀း လ︀ုက︀်ႉတ︀ႃႉ။ လ︀ုက︀်ႉဢ︀ꩫ︀်ႈတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉတ︀ႃႉ။ င︀ႆ︀းက︀ီး က︀ꩫ︀်ႛꩫ︀ိူဝ်မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် တ︀ွင︀်လ︀ႅင︀်းꩭႂ်ႛဢ︀ူ” ꩫ︀ဝꩫ︀်ႇ။

ၸ︀ိလ︀ိပ︀်ပ︀ၢႆ︀ 1:8

က︀ဝ်ႈꩬ︀ူမ︀ႆ︀ႛ ဢ︀ဝ်ႈမ︀ႅတ︀်ႉတ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ႂ်ႈလ︀ႂ်ႈယ︀ွꩫ︀်ႛꩡ︀ႂ်ႈတ︀ေႇတ︀ေႇꩬ︀ီဢ︀ူꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

ၸ︀ိလ︀ိပ︀်ပ︀ၢႆ︀ 2:1

ꩬ︀ူဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ꩭႅင︀်းဢ︀ဝ်ႈတ︀ီမ︀်ႈꩭႂ်ႛꩬ︀ီ ဢ︀ဝ်ႈမ︀ႅတ︀်ႉတ︀ႃမ︀ꩫ︀်းꩡ︀ဝ်ႛ လ︀ဝ်ဢ︀ူ။ ꩬ︀ူက︀ေႃႇ တ︀င︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ဝ်ႛၵ︀ွꩫ︀်ႛက︀ꩫ︀်ႈဢ︀ူ။ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ ꩡ︀ွႆ︀ႈက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈဢ︀ူ။

က︀ေႃလ︀ေႃတ︀ႄ 3:12

ꩬ︀ူက︀ေႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛꩭၢက︀်ႉꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူ ꩫ︀ီႈက︀ꩫ︀်ႈ၊ ꩡ︀ွႆ︀ႈက︀ꩫ︀်ႈ၊ က︀ွမ︀်းꩫ︀ွမ︀်းက︀ꩫ︀်ႈ၊ ဢ︀ူꩫ︀်ႛꩥ︀ေႈက︀ꩫ︀်ႈꩬ︀ီ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

ပ︀ေတ︀ရ︀ု ႒ 1:19

င︀ႆ︀းꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭူဝ်းမ︀ႃးꩫ︀ႆ︀ႇ ꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ တ︀ူႈဢ︀ေႈၵ︀ႅꩫ︀်းတ︀မ︀်းꩡ︀ႂ်ႈမ︀ႃးဢ︀ူ။ ꩬ︀ူက︀ေႃႇ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ထုက︀်ꩫ︀ီႈထွမ︀်ꩡ︀ွမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ႃႈဝꩫ︀်းပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၸ︀ူႛပ︀ီꩫ︀်ႈꩫ︀ၢဝ်ႈက︀ၢင︀်ႈလ︀ႂ် မ︀ဝ်တ︀ွင︀်လ︀ႅင︀်းမ︀ႃးယ︀ႃႇ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ ဝၢꩫ︀်ၸ︀ႆ︀းဢ︀ꩫ︀်ႈ တ︀ီႈဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛတ︀ွင︀်လ︀ႅင︀်းꩬ︀ီဢ︀ူꩫ︀က︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 3:17

ꩬ︀င︀်ဝႃႈꩭဝ်း မ︀ီးတ︀ꩫ︀်းꩬ︀ီ ဢ︀ꩫ︀်ႈပ︀ိူꩫ︀်ႈꩭၢင︀်ႇမ︀ႆ︀ႛ ꩭꩫ︀်ꩬ︀ီဢ︀ူက︀ေႃႇ ပ︀ူဝ်းမ︀ဝ်ꩡ︀ွႆ︀ႈက︀ီး ꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉဢ︀ူꩫ︀ꩬ︀ီ တ︀ီꩭလ︀ိုဝ်ꩬ︀ီဝႃႈꩫ︀ႆ︀။

ၿျႃၻိက︀်ႉ 22:16

က︀ဝ်ႈꩡ︀ဝ်ႛယ︀ေꩬ︀ုꩫ︀မ︀် ၵ︀ုꩫ︀်ꩬ︀ၢင︀်က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ ꩬ︀ူꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်ꩭႂ်ႛမ︀ႃးၵ︀ႆ︀ႈꩫ︀ႆ︀ႇ။ က︀ဝ်ႈယ︀ႃႇ ၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ꩫ︀ၢဝ်ႈက︀ၢင︀်ႈလ︀ႂ် ဢ︀ꩫ︀်ႈꩭုင︀်ႈလ︀ူင︀် က︀ေႃႇꩡ︀ႂ်ႈဢ︀ူ” ꩫ︀ဝꩫ︀်ႇ။