လ︀ုက︀ႃ 1:17 - Khamti Shan17 မ︀ꩫ︀်းမ︀ႆ︀ႛယ︀ႃႇ ꩫ︀င︀်ပ︀ရ︀ေႃးၸ︀ႅတ︀်ႉဢ︀ေလ︀ိယ︀ꩫ︀က︀ꩫ︀်ႈ တ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ꩫ︀်းတ︀ီꩭႅမ︀်းတ︀ၢင︀်းက︀ႃꩫ︀မ︀်။ မ︀ꩫ︀်းယ︀ႃႇ ပ︀ူဝ်ႈလ︀ုက︀်ႉꩫ︀ႆ︀ႇၵ︀ဝ်မ︀ႆ︀ႛ တ︀ီဢ︀ဝ်ႈ ထုက︀်က︀ꩫ︀်ႈပ︀ွက︀်ႉꩫ︀မ︀်။ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၵ︀ႂ်ႈꩡ︀ႂ်ႈꩬ︀ိုဝ်ႈꩰꩡ︀ၢင︀်ႈꩫ︀ႆ︀ႇက︀ေႃႇ တ︀ီဢ︀ွꩫ︀်ႈပ︀ွက︀်ႉမ︀ႃးꩫ︀မ︀်။ မ︀ꩫ︀်းꩭီတ︀်င︀ႆ︀းꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩡ︀ႃႇꩭၢင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭႅမ︀်းꩭႂ်ႛꩫ︀မ︀်” ꩫ︀ဝꩫ︀်ႇ။ အခန်းကိုကြည့်ပါ။ |
လ︀ုက︀ႃ 1:17
38 ပူးပေါင်းရင်းမြစ်များ
ꩡ︀ႃႇလ︀ိူင︀်ႈ လ︀ုက︀်ႉက︀ဝ်ႈꩴ︀း မ︀ႂ်းယ︀ႂ်မ︀ႃးက︀ီး မ︀ႂ်းမ︀ႆ︀ႛ ပ︀ရ︀ေႃးၸ︀ႅတ︀်ႉ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၵ︀ႅꩫ︀်းꩬ︀ုင︀်မ︀ႅတ︀်ႉ ꩫ︀ꩬ︀ီတ︀ီꩭွင︀်ႇꩫ︀မ︀်။ မ︀ႂ်းယ︀ႃႇ က︀ꩫ︀်ႛꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ႈက︀ႃꩬ︀ီ ဝႃႈꩭႅမ︀်းတ︀ၢင︀်းꩡ︀ႃႇမ︀ꩫ︀်းꩡ︀ဝ်ႛꩫ︀မ︀်။ ꩭႂ်ႛပ︀ူဝ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉပ︀ွႆ︀ꩭႂ်ႛꩬ︀ီ ၵ︀ေꩬ︀ေꩭႂ်ႛꩫ︀ႆ︀ႇ ၵ︀ဝ်မ︀ႆ︀ႛ မ︀ႂ်းဝႃႈက︀ႃဝႃႈꩫ︀မ︀်။
င︀ႆ︀းꩬ︀ီ က︀ဝ်ႈၵ︀ႃႛမ︀ႂ်းꩡ︀ဝ်ႛမ︀ႆ︀ႛ ၵ︀တ︀်ႉၵ︀ႅင︀်းက︀ူꩫ︀်းပ︀ွႆ︀မ︀ႃးတ︀ီၵ︀ႃႛꩫ︀မ︀်။ မ︀ႂ်းꩡ︀ဝ်ႛမ︀ႃးꩫ︀ႆ︀ႇ က︀ျေးꩡ︀ူးလ︀ူင︀်တ︀ီၵ︀ႃႛꩫ︀မ︀်။ ၵ︀ၢမ︀်းဢ︀ꩫ︀်ႈလ︀ုက︀်ႉမ︀ႂ်းꩡ︀ဝ်ႛမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛတ︀ီတ︀ၢꩫ︀်ႛမ︀ႃးꩫ︀ႆ︀ႇမ︀ႆ︀ႛ တ︀ူႈၵ︀ႃႛ ꩭႂ်ႛꩫ︀ႆ︀ႛထွမ︀်တ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းꩭဝ်းၵ︀ႃႛ ၵ︀ိင︀်းလ︀ွေႛဢ︀ူꩫ︀ꩫ︀ႆ︀ႇ တ︀ူႈၵ︀ႃႛယ︀ုမ︀်တ︀ီၵ︀ႃႛဢ︀ူ” ꩫ︀ဝꩫ︀်ႇ။
ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛဢ︀ꩫ︀်ႈယ︀ႂ်မ︀ႅတ︀်ႉလ︀ူင︀်ꩫ︀ႆ︀ႇက︀ေႃႇ ꩭဝ်းက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ီꩫ︀ူႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈပ︀ျႃးꩭႂ်ႛလ︀ူင︀်ꩫ︀မ︀်။ င︀ႆ︀းꩬ︀ီ ꩫ︀င︀်မ︀ꩫ︀်းꩡ︀ဝ်ႛ ꩡ︀ႃႇꩭဝ်းမ︀ေးꩭႅမ︀်းဝႆ︀ႇမ︀ႃးꩫ︀က︀ꩫ︀်ႈ မ︀ူꩫ︀်ႈၸ︀ုင︀်းဢ︀ꩫ︀်ႈတ︀ီမ︀်ႈက︀ုမ︀်လ︀ူင︀်ꩫ︀ႆ︀ႇ ꩭဝ်းမ︀ႆ︀ႛꩭႂ်ႛမ︀ႃးယ︀ဝ်ႇ။
ꩭဝ်းၵ︀ရ︀ီတ︀်ယ︀ၢꩫ︀်ꩫ︀ႆ︀ႇၵ︀ဝ်က︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩫ︀မ︀်။ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛၸ︀ႃႛက︀ီး ꩡ︀ဝ်ႛယ︀ေꩬ︀ု တ︀ီႈဢ︀ꩫ︀်ႈလ︀ႅင︀်ႇမ︀ႆ︀ႛတ︀ိုဝ်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀မ︀ႂ်းၵ︀ဝ်ယ︀ႃႇ မ︀ူတ︀်ꩡ︀ၢင︀်ꩫ︀ႆ︀ႇꩬ︀ီ ဢ︀ꩬ︀ုင︀်းယ︀င︀်းလ︀ူင︀်ꩬ︀ီ ꩡ︀ႃႇꩡ︀ဝ်ႛၸ︀ူႛꩡ︀ဝ်ႛ လ︀ွင︀်ႈꩫ︀ီႈက︀ꩬ︀င︀်ꩫ︀က︀ေႃႇ က︀ꩡ︀ူးꩭီတ︀်ပ︀ီꩫ︀်ႈဢ︀ူ။
ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။
ယ︀ဝ်ႇက︀ီး ပ︀လ︀ၢင︀်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈပ︀လ︀ၢင︀်ဢ︀မ︀ႂ်းမ︀ႆ︀ႛ ꩫ︀င︀်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩭꩫ︀်ဢ︀ူ။ ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈပ︀ႅတ︀်ႉတ︀ြႃးꩫ︀ႆ︀ႛဝႆ︀ႇဢ︀ူ။ င︀ႆ︀းꩬ︀ီ ၵ︀ွꩫ︀်က︀ူꩫ︀်းဢ︀ꩫ︀်ႈꩭီတ︀်ꩬ︀ၢက︀်ႉꩬ︀ေꩡ︀ဝ်ႛယ︀ေꩬ︀ုင︀ႆ︀း တ︀ႅဝ်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ိူꩫ︀်ႈတ︀ႅပ︀်ၵ︀ူဝ်းတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ဝ်ႈꩭꩫ︀်ဢ︀ူ။ ၵ︀ဝ်ယ︀ႃႇ က︀ူဝ်ႇဢ︀ꩫ︀်ႈတ︀ူဝ်ႈꩭႆ︀ၢႇꩫ︀ၵ︀ႃ ꩭုꩫ︀်ꩭၢင︀်ႈမ︀ꩫ︀်းမ︀ႆ︀ႛက︀ေႃႇမ︀ဝ်ပ︀ႆ︀ၢႛ၊ ꩫ︀ႃႛၸ︀က︀်မ︀ႆ︀ႛပ︀တ︀ု၊ မ︀ိုဝ်းမ︀ႆ︀ႛပ︀တ︀ု ꩡ︀ုမ︀်ႛတ︀ူဝ်ႈꩭႆ︀ၢႇက︀ေႃႇ မ︀ဝ်ꩭၢပ︀်ႉဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်ယ︀ႃႇ ဢ︀ꩬ︀ၢက︀်ႉꩫ︀ိပ︀်ပ︀ွက︀်ႉꩬ︀ီ ꩭီင︀်ပ︀ီႈတ︀ၢင︀်ႈꩰ တ︀င︀်းꩡ︀ဝ်ႛၵ︀ရ︀ီတ︀် တ︀ီꩭူမ︀်ႈဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။
ကြော်ငြာတွေ