ယ︀ုတ︀ 1:7 - Khamti Shan

⁷ က︀ူꩫ︀်းဝီင︀်းꩬ︀ေႃတ︀ုင︀်ꩫ︀ၵ︀ႃက︀ေႃမ︀ေႃရ︀င︀ႆ︀း ဝီင︀်းꩭိမ︀်းဢ︀မ︀ႂ်းၵ︀ဝ်က︀ေႃႇ ꩫ︀င︀်ၵ︀ုꩫ︀်ꩬ︀ၢင︀်ဢ︀မ︀ႂ်းၵ︀ဝ်ꩫ︀က︀ꩫ︀်ႈ ꩭီတ︀်မ︀ေထုင︀်ဢ︀ꩫ︀်ႈမ︀ဝ်တ︀ြႃးင︀ႆ︀း ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉပ︀ူꩫ︀်ႇၸ︀ိင︀်ႛလ︀ႆ︀ၢၸ︀ꩫ︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၵ︀ဝ်မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈမ︀ုက︀်ႉၸ︀ႆ︀းထႃဝရ︀ဢ︀ꩫ︀်ႈမ︀ဝ်မ︀ွတ︀်ꩡ︀ၢင︀်ႈꩫ︀ႆ︀ႇ ꩬ︀ုမ︀်ၵ︀ွတ︀်ꩬ︀ီ တ︀င︀်းမ︀ိူင︀်းမ︀ႆ︀ႛꩭႂ်ႛꩬ︀တ︀ိမ︀ႃးဢ︀ူ။

ယ︀ုတ︀ 1:7 ပူးပေါင်းရင်းမြစ်များ

မ︀တ︀်တ︀ႄး 10:15

က︀ဝ်ႈဝႃႈက︀ွတ︀်။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ဝီင︀်းꩬ︀ေႃတ︀ုင︀်ꩫ︀ၵ︀ႃက︀ေႃမ︀ေႃရ︀မ︀ႆ︀ႛ လ︀ိူမ︀်ꩬ︀ႃꩬ︀ီ ဝီင︀်းဢ︀မ︀ႂ်းမ︀ႆ︀ႛတ︀ီပ︀ူင︀်ႈတ︀ၢမ︀်ꩫ︀မ︀်။

မ︀တ︀်တ︀ႄး 11:24

က︀ဝ်ႈဝႃႈက︀ွတ︀်။ ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ဝီင︀်းဢ︀မ︀ႂ်းမ︀ႆ︀ႛလ︀ိူမ︀်ꩬ︀ႃꩬ︀ီ ဝီင︀်းꩬ︀ူမ︀ႆ︀ႛတ︀ီၵ︀ႅꩫ︀်းပ︀ူင︀်ႈတ︀ၢမ︀်ꩬ︀ႃး” ꩫ︀ဝꩫ︀်ႇ။

မ︀တ︀်တ︀ႄး 25:41

ယ︀ဝ်ႇက︀ီး ၸ︀ုင︀်က︀ူꩫ︀်းဢ︀ꩫ︀်ႈပ︀ႃႛꩬ︀ႆ︀ၢႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ “ꩬ︀ူဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇꩫ︀ႆ︀ႇၵ︀ဝ်ယ︀ႃႇ ဢ︀ွက︀်က︀ႃတ︀ႃႉ။ မ︀ူဝ်ႛၸ︀ႆ︀းဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ မ︀ဝ်မ︀ွတ︀်ꩡ︀ၢင︀်ႈ ဢ︀ꩫ︀်ႈꩡ︀ႃႇၵ︀ုꩫ︀်ꩬ︀ူင︀်င︀ႆ︀းꩡ︀ႃႇတ︀ပ︀ေးမ︀ꩫ︀်းၵ︀ဝ်ꩭႅမ︀်းဝႆ︀ႇမ︀ႆ︀ႛ က︀ႃတ︀ူက︀်တ︀ႃႉ။

လ︀ုက︀ႃ 17:29

လ︀ေႃတ︀ၵ︀ဝ် လ︀ုက︀်ႉဝီင︀်းꩬ︀ေႃတ︀ုင︀်မ︀ႆ︀ႛ ဢ︀ွက︀်က︀ႃက︀ီး လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ၸ︀ူꩫ︀်ၸ︀ႆ︀းꩫ︀ၵ︀ႃက︀ၢꩫ︀်ႇၵ︀ူꩫ︀်းက︀ꩫ︀်ႈင︀ႆ︀း တ︀ူက︀်ꩬ︀ီ က︀ူꩫ︀်းတ︀င︀်းမ︀ိူင︀်း တ︀ႆ︀ၢႈၸ︀ႆ︀းက︀ႃမ︀ူတ︀်ဢ︀ူ။

က︀ေႃရ︀ိꩫ︀်တ︀ု ႑ 6:9

က︀ူꩫ︀်းဢ︀ꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ꩬ︀ူမ︀ႆ︀ႛပ︀ီꩭႂ်ႛၸ︀ၢမ︀်း။ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်မ︀ေထုင︀်က︀ꩫ︀်ႈ၊

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:7

က︀ူꩫ︀်းဢ︀ꩫ︀်ႈꩫ︀င︀်င︀ႆ︀ႚꩭဝ်းꩫ︀က︀ꩫ︀်ႈ ယ︀ပ︀်ယ︀ၢက︀်ႉꩬ︀ၢင︀်းလ︀ေးꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၵ︀ုꩫ︀်ꩬ︀ၢင︀်ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ꩫ︀ႆ︀ႇၵ︀ဝ် လ︀ွမ︀်ႇလ︀ၢမ︀်က︀ꩫ︀်ႈꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ဢ︀ဝ်ႈမ︀ုက︀်ႉၸ︀ႆ︀းလ︀ူင︀်က︀ျွႃးလ︀ူင︀်းမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ူင︀်ႈတ︀ၢမ︀်ꩫ︀မ︀်။

ပ︀ေတ︀ရ︀ု ႒ 2:2

ꩫ︀ႆ︀ႇꩫ︀ႆ︀ၢႈက︀ေႃႇ တ︀ၢင︀်းက︀ႅင︀်းၵ︀ဝ် ဢ︀ꩫ︀်ႈꩭင︀်ႛꩭင︀်ႛꩭိုက︀်ꩰꩫ︀ႆ︀ႇၵ︀ဝ်မ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်တ︀ီꩡ︀ွမ︀်းက︀ꩫ︀်ႈꩫ︀မ︀်။ လ︀ႆ︀ၢးပ︀ိူဝ်ႈꩬ︀ြႃမ︀ိက︀်ႉꩬ︀ႃဢ︀မ︀ႂ်းၵ︀ဝ်ꩬ︀ီ က︀ူꩫ︀်းတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀ၢင︀်းꩡ︀ူဝ်ႈဢ︀ꩬ︀ၢက︀်ႉဢ︀ꩫ︀်ႈꩡ︀ဝ်ႛယ︀ေꩬ︀ုꩬ︀ွꩫ︀်မ︀ႆ︀ႛ တ︀ီက︀ေးလ︀ေးက︀ꩫ︀်ႈꩫ︀မ︀်။

ပ︀ေတ︀ရ︀ု ႒ 2:6

က︀ꩫ︀်ႛလ︀င︀်မ︀ႆ︀ႛ ဝီင︀်းꩬ︀ေႃတ︀ုင︀်ꩫ︀ၵ︀ႃက︀ေႃမ︀ေႃရ︀မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ုမ︀်ၸ︀ႆ︀းၵ︀ွတ︀်မ︀ႃးဢ︀ူ။ မ︀ꩫ︀်းꩡ︀ဝ်ႛꩭီတ︀်င︀ႆ︀းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်က︀ူဝ်ႈယ︀မ︀်ႈက︀ီး ပ︀ူင︀်ႈတ︀ၢမ︀်ဢ︀ူꩫ︀ꩬ︀ီ ဢ︀ꩫ︀်ႈꩬ︀တ︀ိꩭႂ်ႛဝႆ︀ႇꩫ︀မ︀်။

ပ︀ေတ︀ရ︀ု ႒ 3:7

ꩫ︀ႆ︀ႇꩫ︀က︀ေႃႇ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈဢ︀ꩫ︀်ႈင︀ႆ︀ႚမ︀ႆ︀ႛယ︀ႃႇ က︀ႃႈဝꩫ︀်းဢ︀ꩫ︀်ႈပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ဝ်ႈမ︀ꩫ︀်ႛတ︀ိူင︀်ႈဝႆ︀ႇဢ︀ူ။ ဝꩫ︀်းဢ︀မ︀ႂ်းထိုင︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ၢင︀်ႈꩭၢဝ်ꩫ︀ၵ︀ႃလ︀င︀်ꩫ︀ိꩫ︀်ႈꩫ︀ႆ︀ႇမ︀ႆ︀ႛ ꩬ︀ုမ︀်ၸ︀ႆ︀းၵ︀ွတ︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ပ︀ႅတ︀်ႉတ︀ြႃးꩬ︀ီ တ︀ီဢ︀ဝ်ႈလ︀ူႇပ︀ႅက︀်ႉက︀ႃꩫ︀မ︀်။