ယ︀ေႃးꩭၢꩫ︀် 8:54 - Khamti Shan

⁵⁴ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈꩫ︀ႆ︀ႇ ꩬ︀င︀်ဝႃႈ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ယ︀ူဝ်းယ︀ွင︀်ႛက︀ီး မ︀ူꩫ︀်ႈၸ︀ုင︀်းက︀ဝ်ႈꩫ︀ႆ︀ႇ ဢ︀လ︀က︀ႃးꩫ︀မ︀်။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛယ︀ူဝ်းယ︀ွင︀်ႛꩫ︀ႆ︀ႇယ︀ႃႇ ပ︀ူဝ်က︀ဝ်ႈꩫ︀မ︀်။ ꩡ︀ဝ်ႛဢ︀မ︀ႂ်းယ︀ႃႇ ꩡ︀ဝ်ႛဢ︀ꩫ︀်ႈꩬ︀ူꩭွင︀်ႇ ၸ︀ြႃးꩬ︀ူꩫ︀ꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 8:54 ပူးပေါင်းရင်းမြစ်များ

ယ︀ေႃးꩭၢꩫ︀် 17:1

ဝႃႈင︀ႆ︀းယ︀ဝ်ႇက︀ီး ꩡ︀ဝ်ႛယ︀ေꩬ︀ုက︀ၢင︀်ႈꩭၢဝ်မ︀ႆ︀ႛꩭႅꩫ︀်ꩫ︀ူႈꩬ︀ီ “ပ︀ူဝ်ꩡ︀ဝ်ႛꩴ︀း လ︀ႃႉꩫ︀ႆ︀ႇ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛဢ︀ဝ်ႈꩭိူဝ်ႈꩭိုင︀်းꩫ︀ႆ︀ႇ မ︀ူꩫ︀်ႈက︀ဝ်ႈၵ︀ႃႛဢ︀ဝ်ႈꩭိူဝ်ႈꩭိုင︀်းꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 17:5

ပ︀ူဝ်ꩡ︀ဝ်ႛꩴ︀း လ︀ႃႉꩫ︀ႆ︀ႇ မ︀ူꩫ︀်ႈၸ︀ုင︀်းဢ︀ꩫ︀်ႈမ︀ိူဝ်ႈ က︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛꩭဝ်းꩡ︀ဝ်ႛမ︀ႆ︀ႛယ︀င︀်းမ︀ႃးꩫ︀ႆ︀ႇ က︀ဝ်ႈၵ︀ႃႛမ︀ႆ︀ႛ ပ︀ူင︀်ႈꩭႂ်ႛပ︀ွက︀်ႉတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 2:11

ဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈꩡ︀ဝ်ႛယ︀ေꩬ︀ု ဢ︀ွꩫ︀်ႈတ︀ၢင︀်းလ︀ေႚလ︀ေႚꩭီတ︀် ꩬ︀ီ ပ︀ျႃးမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။ လ︀ွင︀်ႈꩫ︀ႆ︀ႇ တ︀ိူင︀်းက︀ႃလ︀ိလ︀ႄ၊ ဝီင︀်းက︀ႃꩫ︀မ︀ႆ︀ႛꩫ︀မ︀် မ︀ꩫ︀်းꩡ︀ဝ်ႛꩭီတ︀်ပ︀ျႃးမ︀ႃးꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ တ︀ပ︀ေးꩡ︀ဝ်ႛၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ယ︀ေႃးꩭၢꩫ︀် 5:41

က︀ဝ်ႈယ︀ႃႇ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ယ︀ူဝ်းယ︀ွင︀်ႛꩫ︀ႆ︀ႇ ꩵ︀ႈၵ︀ႂ်ႈꩫ︀ႆ︀ႛ။

ယ︀ေႃးꩭၢꩫ︀် 7:18

က︀ူဝ်ႇဢ︀ꩫ︀်ႈဝႃႈၵ︀ၢမ︀်းပ︀ၢင︀်ႈꩫ︀ႆ︀ႇယ︀ႃႇ ꩡ︀ႃႇၸ︀ူႛꩡ︀ဝ်ႛဢ︀မ︀်ꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ႃမ︀ူꩫ︀်ႈၸ︀ုင︀်း ၸ︀ူႛပ︀ွႆ︀ꩡ︀ႂ်ႇၸ︀ူႛꩡ︀ဝ်ႛꩫ︀ႆ︀ႇယ︀ႃႇ ꩬ︀ိုဝ်ႈꩰတ︀ူဝ်ꩰ ဝႃႈဢ︀ူ။ ꩵ︀ႈၸ︀ႅတ︀်ႉꩵ︀ႈၸ︀ၢင︀်း။

ယ︀ေႃးꩭၢꩫ︀် 7:39

ꩡ︀ဝ်ႛယ︀ေꩬ︀ုဝႃႈင︀ႆ︀းꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛꩭၢပ︀်ႉꩫ︀ႆ︀ႇမ︀ႆ︀ႛ ꩡ︀ိုဝ်ꩬ︀ီဝႃႈꩫ︀မ︀်။ မ︀ိူဝ်ႈဢ︀မ︀ႂ်း မ︀ꩫ︀်းꩡ︀ဝ်ႛမ︀ူꩫ︀်ႈၸ︀ုင︀်းမ︀ဝ်ပ︀ႆ︀ꩭၢပ︀်ႉဢ︀ဝ်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ၢပ︀်ႉꩭႂ်ႛ။

ယ︀ေႃးꩭၢꩫ︀် 8:41

ꩬ︀ူယ︀ႃႇ ꩫ︀င︀်ပ︀ူဝ်ꩬ︀ူꩫ︀က︀ꩫ︀်ႈꩫ︀မ︀်က︀ႅင︀်းꩫ︀ႆ︀ႇ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “ပ︀ူဝ်တ︀ူႈယ︀ႃႇ ꩡ︀ဝ်ႛထႃဝရ︀ၸ︀ြႃးဢ︀ꩫ︀်ႈပ︀ီꩫ︀်ႈꩬ︀ူလ︀ိဝ်ႈပ︀ႃးလ︀ိဝ်ႈꩫ︀ႆ︀ႇꩫ︀မ︀်။ တ︀ူႈယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛꩡ︀ႅတ︀်ႉꩰꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 8:50

က︀ဝ်ႈယ︀ႃႇ မ︀ူꩫ︀်ႈၸ︀ုင︀်းက︀ဝ်ႈၸ︀ူႛꩡ︀ဝ်ႛမ︀ႆ︀ႛ ꩵ︀ႈၵ︀ႃ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းက︀ဝ်ႈမ︀ႆ︀ႛၵ︀ႃꩬ︀ီ လ︀ုက︀်ႉပ︀ႃႛက︀ဝ်ႈမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇ ပ︀ႃးလ︀ိူင︀်ႈယ︀င︀်းဢ︀ူ။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

က︀ေႃရ︀ိꩫ︀်တ︀ု ႒ 10:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ယ︀ွင︀်ႛꩫ︀ႆ︀ႇꩬ︀ိုင︀် ꩫ︀ႆ︀ႛꩫ︀ႃႛတ︀ေႇတ︀ေႇꩫ︀မ︀်။ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛယ︀ွင︀်ႛꩫ︀ႆ︀ႇယ︀ႃႇ ဢ︀ꩫ︀်ႈꩫ︀ႆ︀ႛꩫ︀ႃႛတ︀ေႇတ︀ေႇꩵ︀ႈꩡ︀ႂ်ႈ။

ပ︀ေတ︀ရ︀ု ႑ 1:12

ဢ︀ꩫ︀်ႈၵ︀ဝ်မ︀ႆ︀ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩭူဝ်းမ︀ႃးꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းၵ︀ဝ်ၸ︀ူႛꩡ︀ဝ်ႛꩵ︀ႈꩡ︀ႂ်ႈ၊ ꩡ︀ႃႇဢ︀က︀ိဝ်းꩬ︀ူꩫ︀မ︀်။ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈꩬ︀ူမ︀ႆ︀ႛꩬ︀ူင︀်ၵ︀ၢဝ်ႈၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩭူဝ်းမ︀ႃးယ︀ဝ်ႇ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ လ︀ွင︀်ႈဢ︀မ︀ႂ်းၵ︀ဝ် ၵ︀ႂ်ႈတ︀ွင︀်းလ︀ူင︀်မ︀ႃးꩫ︀မ︀်။

ပ︀ေတ︀ရ︀ု ႑ 1:21

ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩬ︀ီ ꩭႂ်ႛမ︀ူꩫ︀်ႈၸ︀ုင︀်းလ︀ူင︀်မ︀ႃးမ︀ႆ︀ႛ ဢ︀ဝ်ႈယ︀ုမ︀်ႈယ︀မ︀်ႈပ︀ိုင︀်ႈဢ︀ိင︀်ႈမ︀ႃးယ︀ဝ်ႇ။ င︀ႆ︀းꩬ︀ီ ꩬ︀ူက︀ေႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈတ︀ႂ်းထႃႛက︀ꩫ︀်ႈꩫ︀မ︀်။

ပ︀ေတ︀ရ︀ု ႒ 1:17

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်ꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉꩭၢက︀်ႉက︀ဝ်ႈꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီယ︀ူက︀်ႉယ︀ွင︀်ႛꩬ︀ီ မ︀ူꩫ︀်ႈၸ︀ုင︀်းပ︀ူင︀်ႈꩭႂ်ႛတ︀ေႇတ︀ေႇမ︀ႃးဢ︀ူ။