ယ︀ေႃးꩭၢꩫ︀် 8:51 - Khamti Shan

⁵¹ က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းက︀ဝ်ႈꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩵ︀ႈတ︀ႆ︀ၢႈ” ꩫ︀ဝꩫ︀်ႇ။

ယ︀ေႃးꩭၢꩫ︀် 8:51 ပူးပေါင်းရင်းမြစ်များ

မ︀တ︀်တ︀ႄး 16:28

က︀ဝ်ႈဝႃႈက︀ွတ︀်။ ꩬ︀ူက︀မ︀်ႈၸ︀ွင︀်းယ︀ႃႇ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း ပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းꩬ︀ီ က︀ျွႃးမ︀ႃးꩫ︀ႆ︀ႇမ︀ႆ︀ႛ က︀ႃႈမ︀ဝ်ꩭꩫ︀်ယ︀ႃႇ ꩵ︀ႈပ︀ႆ︀တ︀ႆ︀ၢႈ။

လ︀ုက︀ႃ 2:26

ꩡ︀ဝ်ႛၵ︀ရ︀ီတ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ွႆ︀ꩡ︀ႂ်ႇမ︀ႃးꩫ︀ꩬ︀ီ က︀တ︀ိꩭႂ်ႛဝႆ︀ႇမ︀ႆ︀ႛ မ︀ꩫ︀်း ꩡ︀ူဝ်ႈက︀ႃႈမ︀ဝ်တ︀ႆ︀ၢႈꩫ︀ႆ︀ႇ တ︀ီꩫ︀ႆ︀ႛꩭꩫ︀်ꩫ︀မ︀် ꩫ︀ꩬ︀ီ မ︀ꩫ︀်းမ︀ႆ︀ႛၿျႃၻိက︀်ႉဝႆ︀ႇဢ︀ူ။

ယ︀ေႃးꩭၢꩫ︀် 14:23

မ︀ꩫ︀်းꩡ︀ဝ်ႛယ︀ႃႇ “က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ꩫ︀်ႈဢ︀ူ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩭၢက︀်ႉꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်း က︀ဝ်ႈတ︀မ︀ိူင︀်းတ︀င︀်းꩬ︀ွင︀် ၵ︀ဝ်မ︀ႆ︀ႛက︀ျွႃးမ︀ႃးꩬ︀ီ တ︀င︀်းၵ︀ဝ်တ︀ီꩭူမ︀်ႈၵ︀ိင︀်းꩫ︀မ︀်။

ယ︀ေႃးꩭၢꩫ︀် 15:20

ၵ︀ႃႛꩫ︀ꩫ︀ႆ︀ႇꩡ︀ဝ်ႛမ︀ႆ︀ႛꩵ︀ႈယ︀ႂ်ꩬ︀ႃꩫ︀ꩬ︀ီ က︀ဝ်ႈဝႃႈမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ၵ︀ဝ်က︀ဝ်ႈမ︀ႆ︀ႛꩫ︀ိက︀်ႉꩬ︀ၢက︀်ႉက︀ီး ꩬ︀ူမ︀ႆ︀ႛက︀ေႃႇꩫ︀ိက︀်ႉꩬ︀ၢက︀်ႉဢ︀ူ။ ၵ︀ဝ်ၵ︀ၢမ︀်းက︀ဝ်ႈထွမ︀်က︀ီး ၵ︀ၢမ︀်းꩬ︀ူက︀ေႃႇထွမ︀်ဢ︀ူ။

ယ︀ေႃးꩭၢꩫ︀် 17:6

က︀ူꩫ︀်းဢ︀ꩫ︀်ႈလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ မ︀ႂ်းꩡ︀ဝ်ႛလ︀ိူက︀်ႉꩬ︀ီ က︀ဝ်ႈၵ︀ႃႛမ︀ႆ︀ႛဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩡ︀ဝ်ႛ ၵ︀ႆ︀ႈꩭႂ်ႛတ︀ီၵ︀ႃႛယ︀ဝ်ႇ။ ၵ︀ဝ်ယ︀ႃႇပ︀ီꩫ︀်ႈက︀ူꩫ︀်းမ︀ႂ်းꩡ︀ဝ်ႛꩬ︀ီ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛတ︀ီၵ︀ႃႛမ︀ႃးယ︀ဝ်ႇ။ ၵ︀ဝ်က︀ေႃႇ ၵ︀ၢမ︀်းꩡ︀ဝ်ႛ ထွမ︀်ꩡ︀ွမ︀်းက︀ꩫ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 5:24

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

ယ︀ေႃးꩭၢꩫ︀် 6:50

ꩫ︀ႆ︀ႇꩫ︀က︀ေႃႇ ၵ︀ဝ်ႛဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛလ︀ူင︀်းမ︀ႃးꩫ︀ႆ︀ႇꩬ︀ီ ၸ︀ူႛက︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ꩬ︀ၢက︀်ႉထႃဝရ︀ꩭႂ်ႛဢ︀ူ။

ယ︀ေႃးꩭၢꩫ︀် 8:12

ဝႆ︀ၢးဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်မ︀ႆ︀ႛ “က︀ဝ်ႈယ︀ႃႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ ဢ︀ꩫ︀်ႈလ︀ႅင︀်းဢ︀ꩫ︀်ႈꩡ︀ိုဝ်ႇလ︀ွင︀်ႈပ︀ျႃးတ︀ၢင︀်းပ︀ိူꩫ︀်ႈꩫ︀ႆ︀ႛꩬ︀ီ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ꩵ︀ႈက︀ႃ” ꩫ︀ဝꩫ︀်ႇ။

ယ︀ေႃးꩭၢꩫ︀် 8:52

ꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ “ပ︀လ︀ေႃး မ︀ႂ်းမ︀ႆ︀ႛၸ︀ီꩭၢႆ︀ႇလ︀ွေႛဢ︀ူꩫ︀ꩫ︀ႆ︀ႇ င︀ႆ︀ႚတ︀ွင︀်းယ︀ဝ်ႇ။ ဢ︀ႃပ︀ြႃꩭၢမ︀်ယ︀ႃႇ ပ︀ူးတ︀ႆ︀ၢႈက︀ေႃႇ။ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ တ︀ႆ︀ၢႈက︀ႃမ︀ူတ︀်ယ︀ဝ်ႇ။ င︀ႆ︀းꩬ︀ီက︀ေႃႇမ︀ႂ်းယ︀ႃႇ က︀ူဝ်ႇဢ︀ꩫ︀်ႈထွမ︀်ၵ︀ၢမ︀်းက︀ဝ်ႈꩫ︀ႆ︀ႇ ꩵ︀ႈꩫ︀ႆ︀ႛတ︀ႆ︀ၢႈꩫ︀ꩬ︀ီဝႃႈꩫ︀ႆ︀ႇ။

ယ︀ေႃးꩭၢꩫ︀် 8:55

ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ꩬ︀ူꩵ︀ႈတ︀ွင︀်း။ က︀ဝ်ႈယ︀ႃႇတ︀ွင︀်းဢ︀ူ။ ꩬ︀င︀်ဝႃႈက︀ဝ်ႈꩵ︀ႈတ︀ွင︀်းꩫ︀က︀ီး က︀ဝ်ႈၸ︀ူႛꩡ︀ဝ်ႛက︀ေႃႇꩫ︀င︀်ꩬ︀ူꩫ︀က︀ꩫ︀်ႈ ပ︀ီꩫ︀်ႈၸ︀ူႛၸ︀ႅတ︀်ႉꩫ︀မ︀်။ က︀ဝ်ႈယ︀ႃႇပ︀ူဝ်က︀ဝ်ႈမ︀ႆ︀ႛ တ︀ွင︀်းတ︀ေႇတ︀ေႇꩫ︀ႆ︀ႇꩬ︀ီ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ထွမ︀်ဢ︀ူ။

ꩭေပ︀ရ︀ူး 11:5

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ေꩫ︀ွင︀်ယ︀ႃႇ တ︀ၢင︀်းတ︀ႆ︀ၢႈမ︀ႆ︀ႛ မ︀ဝ်ꩭူပ︀်ႉꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩫ︀ႆ︀ႛထိုင︀်က︀ႃꩫ︀မ︀်။ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇက︀ႃꩫ︀ႆ︀ႇꩬ︀ီ ၸ︀ႂ်က︀ေႃႇမ︀ꩫ︀်းမ︀ႆ︀ႛꩵ︀ႈꩭꩫ︀်ယ︀ဝ်ႇ။ မ︀ိူဝ်ႈမ︀ꩫ︀်းမ︀ႆ︀ႛ ꩵ︀ႈပ︀ႆ︀ꩭွင︀်ႇက︀ႃꩫ︀ႆ︀ႇ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ မ︀ႃးꩡ︀ႂ်ႈမ︀ႃးဢ︀ူꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

ꩭေပ︀ရ︀ူး 2:9

ဢ︀ꩫ︀်ႈꩭဝ်းꩭꩫ︀်ꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈ က︀ꩫ︀်ႛတ︀ႂ်ႛၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ က︀မ︀်ႇဢ︀ွꩫ︀်လ︀ိူင︀်ႈ ဢ︀ဝ်ႈယ︀ွမ︀်းဝႆ︀ႇ ဢ︀ꩫ︀်ႈꩭႂ်ႛပ︀ူဝ်းဢ︀ဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇက︀ူꩫ︀်းက︀ူႈက︀ူဝ်ႇ ꩫ︀ႆ︀ႛꩭူပ︀်ႉꩭꩫ︀်တ︀ၢင︀်းတ︀ႆ︀ၢႈꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛ ꩡ︀ႃႇꩭဝ်းၵ︀ၢမ︀်းတ︀ႆ︀ၢႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ မ︀ူꩫ︀်ႈၸ︀ုင︀်းဢ︀ဝ်ႈတ︀ီမ︀်ႈက︀ုမ︀်ꩭႂ်ႛ တ︀ၢင︀်ꩭုမ︀်ꩭႂ်ႛယ︀ဝ်ႇ။