ယ︀ေႃးꩭၢꩫ︀် 8:44 - Khamti Shan

⁴⁴ ပ︀ူဝ်ꩬ︀ူယ︀ႃႇ ၵ︀ုꩫ︀်ꩬ︀ူင︀်ꩬ︀ႃး။ င︀ႆ︀းꩬ︀ီꩬ︀ႃး ꩬ︀ူၵ︀ႂ်ႈꩡ︀ွမ︀်းဢ︀လ︀ၢင︀်းမ︀ꩫ︀်းꩫ︀ႆ︀ႇ။ ၵ︀ုꩫ︀်ꩬ︀ူင︀်ꩫ︀ႆ︀ႇ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩬ︀ႃး။ မ︀ꩫ︀်းယ︀ႃႇ ꩬ︀မ︀်မ︀ႃတ︀ြႃးမ︀ဝ်ꩭွꩫ︀်ဝႃႈꩫ︀ႆ︀ႇꩬ︀ီ မ︀ိူဝ်ႈလ︀ႂ်ႈက︀ေႃႇꩵ︀ႈꩬ︀ိုဝ်ႈတ︀ူဝ်။ မ︀ꩫ︀်းယ︀ႃႇ ၸ︀ႅတ︀်ႉလ︀ူင︀်ꩬ︀ႃး။ ꩫ︀င︀်မ︀ꩫ︀်းꩡ︀ဝ်ႛၸ︀ႅတ︀်ႉꩬ︀ီဢ︀ူꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ွꩫ︀်ꩭႂ်ႛၸ︀ႅတ︀်ႉꩬ︀ီဢ︀ူꩬ︀ႃး။

ယ︀ေႃးꩭၢꩫ︀် 8:44 ပူးပေါင်းရင်းမြစ်များ

မ︀တ︀်တ︀ႄး 12:34

ꩬ︀ူယ︀ႃႇ ၸ︀ုင︀်င︀ူးꩭႆ︀ၢႇꩫ︀က︀ꩫ︀်ႈ မ︀ဝ်ꩫ︀ီႈလ︀ူင︀်ꩫ︀မ︀်။ လ︀ုက︀်ႉꩬ︀ူမ︀ႆ︀ႛ ၵ︀ၢမ︀်းဢ︀ꩫ︀်ႈꩫ︀ီႈ ꩵ︀ႈဢ︀ွက︀်ꩡ︀ၢင︀်ႈ။ ၸ︀ႂ်ꩫ︀က︀ေႃႇ ဢ︀ꩫ︀်ႈꩫ︀ႂ်းꩡ︀ႂ်ႈမ︀ႆ︀ႛ ယ︀င︀်းꩫ︀ႆ︀ႇꩫ︀ႆ︀ၢႈꩫ︀မ︀် တ︀ၢꩫ︀်ႛဢ︀ွက︀်မ︀ႃးꩫ︀ႆ︀ႇ။

မ︀တ︀်တ︀ႄး 13:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ႂ်ႈၵ︀ဝ်ယ︀ႃႇꩫ︀ၢင︀်ႛယ︀ဝ်ႇ။ ꩭူၵ︀ဝ်ဢ︀ူတ︀်ဝႆ︀ႇ၊ တ︀ႃႈၵ︀ဝ်ꩫ︀ပ︀်ဝႆ︀ႇယ︀ဝ်ႇ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ၵ︀ဝ် တ︀ႃႈၵ︀ဝ်ꩭꩫ︀်၊ ꩭူၵ︀ဝ်ꩫ︀ႆ︀ႛꩥ︀ိꩫ︀်းင︀ႆ︀း ꩡ︀ႂ်ႈၵ︀ဝ် ပ︀ွင︀်ꩡ︀ႂ်ႈꩬ︀ီ က︀ဝ်ႈမ︀ႆ︀ႛတ︀ၢဝ်ႈပ︀ွက︀်ႉမ︀ႃးက︀ꩫ︀်ႈဢ︀ူ။ င︀ႆ︀းက︀ီးက︀ဝ်ႈက︀ေႃႇ ဢ︀ပ︀ႅတ︀်ႉၵ︀ဝ်မ︀ႆ︀ႛပ︀ွႆ︀လ︀ွတ︀်ႉꩭႂ်ႛဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။

မ︀တ︀်တ︀ႄး 13:38

ꩫ︀ႃးယ︀ႃႇ မ︀ိူင︀်းက︀ၢင︀်ႈꩫ︀ႆ︀ႇꩫ︀မ︀်။ ၸ︀ꩫ︀်းၵ︀ဝ်ႛꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။ ꩭွေၸ︀ꩫ︀်းဝင︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။

ယ︀ေႃးꩭၢꩫ︀် 6:70

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူꩬ︀ိပ︀်ꩬ︀ွင︀်က︀ူဝ်ႇမ︀ႆ︀ႛ က︀ဝ်ႈꩡ︀ဝ်ႛꩫ︀မ︀်လ︀ိူက︀်ႉဝႆ︀ႇꩫ︀ႆ︀ႇ။ ꩫ︀ႆ︀ႇꩫ︀ႆ︀ၢႈက︀ေႃႇ ꩫ︀ႂ်းꩬ︀ူမ︀ႆ︀ႛ က︀ူဝ်ႇလ︀ိူင︀်ႈမ︀ႆ︀ႛယ︀ႃႇ ၸ︀ီꩭၢႆ︀ႇလ︀ွေႛဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 7:17

က︀ူဝ်ႇဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛလ︀ႃႊ၊ ၵ︀ၢမ︀်းပ︀ၢင︀်ႈက︀ဝ်ႈꩡ︀ဝ်ႛလ︀ႃႊꩫ︀ꩫ︀ႆ︀ႇ တ︀ီက︀ၢက︀်ႉꩡ︀ၢင︀်ႈꩬ︀ႃး။

ယ︀ေႃးꩭၢꩫ︀် 8:38

က︀ဝ်ႈယ︀ႃႇ ဢ︀ꩫ︀်ႈလ︀ုက︀်ႉပ︀ူဝ်က︀ဝ်ႈမ︀ႆ︀ႛတ︀ွင︀်းꩫ︀ႆ︀ႇꩫ︀မ︀် ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ဢ︀ꩫ︀်ႈပ︀ူဝ်ꩬ︀ူဝႃႈꩫ︀ႆ︀ႇꩫ︀မ︀်ꩭီတ︀်ꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 8:41

ꩬ︀ူယ︀ႃႇ ꩫ︀င︀်ပ︀ူဝ်ꩬ︀ူꩫ︀က︀ꩫ︀်ႈꩫ︀မ︀်က︀ႅင︀်းꩫ︀ႆ︀ႇ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “ပ︀ူဝ်တ︀ူႈယ︀ႃႇ ꩡ︀ဝ်ႛထႃဝရ︀ၸ︀ြႃးဢ︀ꩫ︀်ႈပ︀ီꩫ︀်ႈꩬ︀ူလ︀ိဝ်ႈပ︀ႃးလ︀ိဝ်ႈꩫ︀ႆ︀ႇꩫ︀မ︀်။ တ︀ူႈယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛꩡ︀ႅတ︀်ႉꩰꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 8:55

ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ꩬ︀ူꩵ︀ႈတ︀ွင︀်း။ က︀ဝ်ႈယ︀ႃႇတ︀ွင︀်းဢ︀ူ။ ꩬ︀င︀်ဝႃႈက︀ဝ်ႈꩵ︀ႈတ︀ွင︀်းꩫ︀က︀ီး က︀ဝ်ႈၸ︀ူႛꩡ︀ဝ်ႛက︀ေႃႇꩫ︀င︀်ꩬ︀ူꩫ︀က︀ꩫ︀်ႈ ပ︀ီꩫ︀်ႈၸ︀ူႛၸ︀ႅတ︀်ႉꩫ︀မ︀်။ က︀ဝ်ႈယ︀ႃႇပ︀ူဝ်က︀ဝ်ႈမ︀ႆ︀ႛ တ︀ွင︀်းတ︀ေႇတ︀ေႇꩫ︀ႆ︀ႇꩬ︀ီ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ထွမ︀်ဢ︀ူ။

ထဝ်ꩡ︀တ︀်ႉၵ︀ဝ် 13:10

“ꩭိူဝ်း ၸ︀ူႛလ︀ုက︀်ႉၵ︀ုꩫ︀်ꩬ︀ူင︀် ဢ︀ꩫ︀်ႈၸ︀ႅတ︀်ႉၸ︀ၢင︀်းပ︀ိူꩫ︀်ႈလ︀ေ လ︀ꩫ︀်ꩬ︀ူဢ︀ꩫ︀်ႈၸ︀ႅက︀်ႉတ︀ၢင︀်းꩫ︀ီႈက︀ူႈလ︀ွင︀်ႈꩴ︀း မ︀ႂ်းယ︀ႃႇမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ိုဝ်ႈꩫ︀ꩫ︀်ႈမ︀ႆ︀ႛ ဢ︀ဝ်ႈလ︀ိက︀်ဢ︀ဝ်ႈင︀ွက︀်ဢ︀ူ။ င︀ႆ︀ႚတ︀ေႇတ︀ေႇမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ုက︀်ႉꩬ︀ီ တ︀ႃႈမ︀ႂ်းတ︀ီမ︀ွတ︀်ꩬ︀ႃး။ တ︀ိူက︀်ႉꩡ︀ူဝ်ႈလ︀ိူင︀်ႈယ︀ႃႇ မ︀ႂ်းက︀ၢင︀်ႈဝꩫ︀်းမ︀ႆ︀ႛ တ︀ီမ︀ဝ်ꩫ︀ႆ︀ႛꩭꩫ︀်ꩬ︀ႃး” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛꩡ︀ဝ်ႛမ︀ူဝ်ၸ︀ီꩫ︀ႆ︀ႇ ၵ︀တ︀်ႉၵ︀ႅင︀်းတ︀ႃႈမ︀ꩫ︀်း ꩫ︀မ︀်ႈꩬ︀ိင︀်တ︀ိက︀်ႉꩰမ︀ႃးꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းမ︀ႆ︀ႛ တ︀ီꩡ︀ုင︀်ႈမ︀ိုဝ်းꩭႂ်ႛမ︀ႆ︀ႛၵ︀ႃလ︀ေဢ︀ူ။

ထဝ်ꩡ︀တ︀်ႉၵ︀ဝ် 24:9

က︀ျူးꩫ︀ႆ︀ႇၵ︀ဝ်က︀ေႃႇ “ၵ︀ၢမ︀်းꩫ︀ႆ︀ႇၵ︀ဝ်ꩡ︀ႂ်ႈတ︀ီၵ︀ႃႛဢ︀ူ” ꩫ︀ꩬ︀ီပ︀ေႃလ︀ုမ︀ႆ︀ႛ လ︀ုပ︀်က︀ꩫ︀်ႈꩬ︀ီ ပ︀ိꩫ︀်ႇဢ︀ပ︀ႅတ︀်ႉက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 5:3

ꩫ︀ႆ︀ႇမ︀ႆ︀ႛ ပ︀ေတ︀ရ︀ုယ︀ႃႇ “ဢ︀ႃꩫ︀ꩫ︀ိꩴ︀း မ︀ႂ်းယ︀ႃႇင︀ိူꩫ︀်းဢ︀ꩫ︀်ႈၵ︀ႆ︀ၢးꩫ︀ိꩫ︀်ႈꩫ︀ႆ︀ႛꩫ︀ႆ︀ႇ ꩡ︀ႃႇꩭၢင︀်းၸ︀ူႛꩡ︀ဝ်ႛၸ︀ႃၵ︀ိူင︀်းက︀ၢင︀်ႈ ဢ︀ဝ်ႈက︀ိူတ︀်ဝႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႅတ︀်ႉၸ︀ၢင︀်းယ︀ဝ်ႇ။ ꩭီတ︀်က︀ꩬ︀င︀်ꩫ︀ႆ︀ မ︀ႂ်းၵ︀ုꩫ︀်ꩬ︀ူင︀်မ︀ႆ︀ႛ က︀ွမ︀်းꩫ︀ႆ︀ႇ။

က︀ေႃရ︀ိꩫ︀်တ︀ု ႒ 11:3

ꩫ︀ႆ︀ႇꩫ︀က︀ေႃႇ ꩫ︀င︀်ဢ︀ေဝမ︀ႆ︀ႛ င︀ူးꩫ︀ႆ︀ႛၸ︀ႅတ︀်ႉၸ︀ၢမ︀်းမ︀ႃးꩫ︀က︀ꩫ︀်ႈ ꩬ︀ူက︀ေႃႇꩡ︀ႂ်ႈလ︀ွက︀်ႉလ︀ႆ︀ၢႈꩬ︀ီ ꩡ︀ႂ်ႈဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉꩬ︀ီꩭွႆ︀ႛꩡ︀ႂ်ႈꩫ︀ႆ︀ႇ က︀ူဝ်ႈꩭႆ︀ၢက︀ႃဢ︀ူ။

ပ︀ေတ︀ရ︀ု ႑ 5:8

ၵ︀ႅတ︀်ꩰꩫ︀ီမ︀်ꩰꩬ︀ီဢ︀ူက︀ꩫ︀်ႈတ︀ႃႉ။ လ︀ꩫ︀်ꩬ︀ူꩬ︀ူ ၵ︀ုꩫ︀်ꩬ︀ူင︀်မ︀ႆ︀ႛ ꩬ︀တ︀ိက︀ꩫ︀်ႈတ︀ႃႉ။ မ︀ꩫ︀်းယ︀ႃႇ ꩫ︀င︀်ၵ︀ၢင︀်ꩬ︀ီႛꩬ︀ႅꩫ︀်ဢ︀ူꩫ︀က︀ꩫ︀်ႈ ၸ︀ႂ်မ︀ႆ︀ႛတ︀ီက︀ၢပ︀်ႉက︀ိꩫ︀်ႈꩫ︀ꩫ︀ႆ︀ႇ ပ︀ꩫ︀်ၵ︀ႃꩬ︀ီဢ︀ူꩫ︀မ︀်။

ပ︀ေတ︀ရ︀ု ႒ 2:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ုꩫ︀်ꩬ︀ၢင︀်ဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈက︀ေႃႇ ꩵ︀ႈပ︀ွႆ︀လ︀ွတ︀်ႉꩭႂ်ႛ။ ၵ︀ဝ်မ︀ႆ︀ႛ ပ︀ွႆ︀တ︀ူက︀်မ︀ိူင︀်းၵ︀ုꩫ︀်တ︀ႆ︀ၢႈၵ︀ွတ︀်ꩬ︀ီ က︀ႃႈဝꩫ︀်းဢ︀ꩫ︀်ႈၵ︀ဝ်မ︀ႆ︀ႛပ︀ႅတ︀်ႉတ︀ြႃးမ︀ဝ်ထိုင︀်ယ︀ႃႇ ဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ဢ︀ဝ်ႈꩬ︀ႆ︀ၢလ︀ီက︀်ၸ︀ုက︀်ဝႆ︀ႇဢ︀ူ။

ယ︀ေႃးꩭၢꩫ︀် ႑ 1:8

ꩬ︀င︀်ဝႃႈꩭဝ်းမ︀ႆ︀ႛ ဢ︀ပ︀ႅတ︀်ႉꩵ︀ႈယ︀င︀်းꩫ︀ꩬ︀ီ ꩭဝ်းဝႃႈက︀ီး ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈပ︀ႅက︀်တ︀ၢင︀်းꩫ︀မ︀်။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩭဝ်းဝႃႈꩫ︀ၵ︀ႃ ဢ︀ꩫ︀်ႈꩭဝ်းꩭီတ︀်ꩫ︀ႆ︀ႇꩵ︀ႈꩥ︀ႃးက︀ꩫ︀်ႈ။

ယ︀ေႃးꩭၢꩫ︀် ႑ 2:21

ꩬ︀ူꩬ︀မ︀်မ︀ႃတ︀ြႃးမ︀ႆ︀ႛ မ︀ဝ်တ︀ွင︀်းꩬ︀ီꩵ︀ႈꩡ︀ႂ်ႈ က︀ဝ်ႈတ︀ႅမ︀်ႛမ︀ႃးꩫ︀ႆ︀ႇ။ ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းꩬ︀ေႇမ︀ဝ်က︀ႃး ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ꩫ︀ႆ︀ႇၵ︀ဝ်ယ︀ႃႇ တ︀င︀်းꩬ︀မ︀်မ︀ႃတ︀ြႃး ꩵ︀ႈꩡ︀ၢပ︀်ႉလ︀ႅင︀်က︀ꩫ︀်ႈꩫ︀ꩫ︀ႆ︀ႇ ꩬ︀ူတ︀ွင︀်းꩬ︀ီတ︀ႅမ︀်ႛꩭႂ်ႛမ︀ႃးꩫ︀မ︀်။

ယ︀ေႃးꩭၢꩫ︀် ႑ 2:4

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းဢ︀ူꩫ︀ယ︀ႃႇဝႃႈꩬ︀ီ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛမ︀ဝ်ထွမ︀်ꩡ︀ွမ︀်းက︀ီး ꩭဝ်းယ︀ႃႇ ဢ︀ꩫ︀်ႈၸ︀ႅတ︀်ႉꩫ︀မ︀်။ ꩬ︀ႅတ︀်ႉꩡ︀ႃꩵ︀ႈယ︀င︀်း။

ယ︀ေႃးꩭၢꩫ︀် ႑ 3:12

ꩭဝ်းယ︀ႃႇ ꩫ︀င︀်က︀ႃဢ︀ိꩫ︀ꩫ︀က︀ꩫ︀်ႈ ꩵ︀ႈဝႃႈꩭီတ︀်။ မ︀ꩫ︀်းယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀ႆ︀ႇꩬ︀ီ ၸ︀ူႛꩫ︀ွင︀်ႇမ︀ꩫ︀်းဢ︀ႃၿေလ︀မ︀ႆ︀ႛ ဢ︀ဝ်ႈတ︀ႆ︀ၢႈꩫ︀မ︀်။ မ︀ꩫ︀်းလ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ ၸ︀ူႛꩫ︀ွင︀်ႇမ︀ꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈꩫ︀ႆ︀ႇꩫ︀က︀ီး ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩫ︀ႆ︀ႇၸ︀ိတ︀်င︀ႆ︀း ဢ︀ꩫ︀်ႈꩫ︀ွင︀်ႇꩡ︀ႆ︀ၢးမ︀ꩫ︀်းꩭီတ︀်ꩫ︀ႆ︀ႇယ︀ႃႇ ꩬ︀ိုဝ်ႈꩡ︀ႂ်ႈꩬ︀ီꩫ︀မ︀်။

ယ︀ေႃးꩭၢꩫ︀် ႑ 3:15

ꩭဝ်းပ︀ိူꩫ︀်ႈမ︀ႆ︀ႛꩡ︀င︀်းက︀ီး ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈယ︀ႃႇ က︀ꩫ︀်ႛꩫ︀ႂ်းမ︀ꩫ︀်းမ︀ႆ︀ႛ ဢ︀ꩬ︀ၢက︀်ႉထႃဝရ︀ꩵ︀ႈယ︀င︀်း ꩫ︀ꩫ︀ႆ︀ႇꩬ︀ူတ︀ွင︀်းဢ︀ူ။

ယ︀ုတ︀ 1:6

ꩡ︀ႃႇလ︀ိူင︀်ႈ ၵ︀ုꩫ︀်ꩬ︀ၢင︀်ဢ︀ꩫ︀်ႈ ꩡ︀ꩫ︀်ႇၸ︀ူႛꩡ︀ဝ်ႛမ︀ႆ︀ႛ မ︀ဝ်ဢ︀ူꩫ︀ီႈꩫ︀ီႈꩬ︀ီ လ︀ုက︀်ႉဢ︀ွင︀်ႛၸ︀ူႛꩡ︀ဝ်ႛမ︀ႆ︀ႛ ဢ︀ွက︀်က︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈꩫ︀မ︀်ႈꩬ︀ိင︀်လ︀ူင︀်မ︀ႆ︀ႛ ꩡ︀ႃႇꩭၢင︀်းဝꩫ︀်းပ︀ႅတ︀်ႉတ︀ြႃး ၸ︀ုက︀်ဝႆ︀ႇလ︀ေႚလ︀ေႚꩬ︀ီ ၵ︀င︀်ဝႆ︀ႇဢ︀ူ။

ၿျႃၻိက︀်ႉ 12:9

ꩫ︀က︀ႃးဢ︀မ︀ႂ်းယ︀ႃႇ ဢ︀ꩫ︀်ႈꩭွင︀်ႇဝႃႈင︀ူးမ︀ိူဝ်ႈꩫ︀ꩫ︀်ႇꩫ︀ꩫ︀ႆ︀ႇꩫ︀မ︀်။ မ︀ꩫ︀်းမ︀ႆ︀ႛၵ︀ုꩫ︀်ꩬ︀ူင︀် ꩫ︀က︀ေႃႇꩭွင︀်ႇဢ︀ူ။ ၸ︀ူႛၸ︀ႅက︀်ႉၸ︀ၢင︀်းꩫ︀က︀ေႃႇꩭွင︀်ႇဢ︀ူ။ မ︀ꩫ︀်းယ︀ႃႇ ဢ︀ꩫ︀်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ က︀ဝ်းဢ︀ဝ်ႈဝၢင︀်တ︀ၢင︀်းꩫ︀ႆ︀ႇꩫ︀မ︀်။ မ︀ꩫ︀်းင︀ႆ︀း ၵ︀ုꩫ︀်ꩬ︀ၢင︀်ꩭႆ︀ၢႇမ︀ꩫ︀်းတ︀င︀်းမ︀ိူင︀်းမ︀ႆ︀ႛ ၵ︀ျႃးတ︀ူက︀်လ︀င︀်ꩫ︀ိꩫ︀်ႈၵ︀ွတ︀်ဢ︀ူ။

ၿျႃၻိက︀်ႉ 13:14

တ︀ူဝ်ႈꩭႆ︀ၢႇတ︀ုတ︀ိယ︀ဢ︀မ︀ႂ်း ဢ︀ဝ်ႈတ︀ꩫ︀်းၵ︀ူဝ်းဢ︀ꩫ︀်ႈ ပ︀ၢင︀်ႈꩫ︀ႃႛတ︀ူဝ်ႈꩭႆ︀ၢႇပ︀ထမ︀မ︀ႆ︀ႛပ︀ျႃးꩫ︀ႆ︀ႇ က︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ၢမ︀်းဢ︀ူ။ ꩭုꩫ︀်ꩭၢင︀်ႈတ︀ူဝ်ႈꩭႆ︀ၢႇပ︀ထမ︀ ဢ︀ꩫ︀်ႈပ︀ႃႉꩭွႆ︀းၸ︀ႃႇꩫ︀က︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်ဢ︀ူ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 22:15

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈꩡ︀ႂ်ႈက︀ူꩫ︀်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ွႆ︀းပ︀ိူꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩫ︀ႆ︀ႇၵ︀ဝ်၊ ၸ︀ူႛပ︀ႆ︀ၢႛꩭုꩫ︀်ꩭၢင︀်ႈꩫ︀ႆ︀ႇၵ︀ဝ်၊ ၸ︀ူႛၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။

ၿျႃၻိက︀်ႉ 9:11

ꩡ︀ဝ်ႛꩭူဝ်ၵ︀မ︀်းၵ︀ဝ်ယ︀ႃႇ ၵ︀ုꩫ︀်ꩬ︀ၢင︀်ထၢင︀်ၵ︀ူင︀်းတ︀ႆ︀ၢႈꩫ︀မ︀်။ ꩡ︀ိုဝ်ႈမ︀ꩫ︀်းယ︀ႃႇ ဢ︀ဝ်ႈၵ︀ၢမ︀်းꩭေပ︀ရ︀ူးယ︀ႃႇဢ︀ႃပ︀တ︀ုင︀်၊ ဢ︀ဝ်ႈၵ︀ၢမ︀်းက︀ရ︀ိက︀်ယ︀ႃႇ ဢ︀ႃပ︀ေႃးလ︀ျꩫ︀်၊ တ︀ီႈပ︀ွင︀်မ︀ꩫ︀်းယ︀ႃႇ ၸ︀ူႛယ︀ႃႇၸ︀ႅက︀်ႉꩫ︀ꩫ︀မ︀်။