ယ︀ေႃးꩭၢꩫ︀် 8:31 - Khamti Shan

³¹ ꩡ︀ဝ်ႛယ︀ေꩬ︀ုယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ “ꩬ︀ူၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ီး တ︀ပ︀ေးက︀ဝ်ႈꩡ︀ႅတ︀်ႉဢ︀ူ။

ယ︀ေႃးꩭၢꩫ︀် 8:31 ပူးပေါင်းရင်းမြစ်များ

မ︀တ︀်တ︀ႄး 24:13

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩭႂ်ႛꩫ︀မ︀်။

ယ︀ေႃးꩭၢꩫ︀် 1:47

ꩫ︀ႃတ︀ꩫ︀ေလ︀မ︀ႆ︀ႛ ꩡ︀ဝ်ႛယ︀ေꩬ︀ုꩭꩫ︀်က︀ီး “ပ︀လ︀ေႃး ဢ︀မ︀ႂ်း ဢ︀ီတ︀်ꩬ︀ြေး ꩡ︀ႅတ︀်ႉꩰꩬ︀ႃး။ က︀ူꩫ︀်းꩬ︀ိုဝ်ႈတ︀ူဝ်ꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 2:2

ꩡ︀ဝ်ႛယ︀ေꩬ︀ုင︀ႆ︀း တ︀ပ︀ေးꩡ︀ဝ်ႛၵ︀ဝ်မ︀ႆ︀ႛက︀ေႃႇ ပ︀ွႆ︀းဢ︀မ︀ႂ်းမ︀ႆ︀ႛပ︀ၢင︀်းဝႆ︀ႇဢ︀ူ။

ယ︀ေႃးꩭၢꩫ︀် 6:55

ꩫ︀ိူဝ်ႇက︀ဝ်ႈယ︀ႃႇ ဢ︀ꩫ︀်ႈက︀ိꩫ︀်ႈတ︀ေႇတ︀ေႇꩫ︀မ︀်။ ꩫ︀ိူတ︀်ႉက︀ဝ်ႈက︀ေႃႇ ဢ︀ꩫ︀်ႈက︀ိꩫ︀်ႈတ︀ေႇတ︀ေႇꩫ︀မ︀်။

ယ︀ေႃးꩭၢꩫ︀် 8:36

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ုက︀်ႉꩫ︀ႆ︀ႇ ပ︀ွႆ︀ꩭႂ်ႛက︀ီး ꩬ︀ူလ︀ွတ︀်ႉတ︀ေႇတ︀ေႇဢ︀ူ။

ထဝ်ꩡ︀တ︀်ႉၵ︀ဝ် 13:43

ပ︀ႆ︀ၢႛၸ︀ြႃးယ︀ဝ်ႇက︀ီး က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူးꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀ꩫ︀်ႛလ︀င︀်ꩬ︀ွင︀်ၵ︀ႃမ︀ႆ︀ႛ ꩡ︀ွမ︀်းမ︀ႃးက︀ꩫ︀်ႈဢ︀ူ။ ꩬ︀ွင︀်ၵ︀ႃက︀ေႃႇ ꩭႂ်ႛပ︀ူဝ်းၵ︀ဝ် က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ူၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:22

ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 26:22

ꩫ︀ႆ︀ႇꩫ︀က︀ေႃႇ က︀ဝ်ႈၵ︀ႃႛမ︀ႆ︀ႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛက︀ုမ︀်ႇꩭႂ်ႛꩬ︀ီ င︀ႆ︀ႚပ︀ၢင︀်ႈꩫ︀ႃႛꩬ︀ူꩡ︀ဝ်ႛမ︀ႆ︀ႛꩬ︀ဝ်းꩬ︀ီ တ︀င︀်းမ︀ိူင︀်းမ︀ႆ︀ႛ ꩫ︀ႆ︀ႛꩭီတ︀်ꩬ︀ၢက︀်ႉꩬ︀ေꩬ︀ီဢ︀ူတ︀ီၵ︀ႃႛꩫ︀မ︀်။ ဢ︀ꩫ︀်ႈက︀ဝ်ႈၵ︀ႃႛꩭီတ︀်ꩬ︀ၢက︀်ႉꩬ︀ေꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛမ︀ေꩬ︀ိယ︀ဝႃႈၵ︀ၢမ︀်တ︀ၢႆ︀ႈꩫ︀ႆ︀ႇလ︀ိူင︀်ႈ၊ ယ︀ဝ်ႇက︀ီးက︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛ ပ︀ီꩫ︀်ႈၸ︀ူႛꩫ︀ိပ︀်ပ︀ွက︀်ႉဢ︀ွꩫ︀်ႈတ︀ၢင︀်းꩫ︀ႆ︀ႇꩬ︀ီ က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ တ︀ီဢ︀ဝ်ႈမ︀ႃးဢ︀ꩫ︀်ႈလ︀ႅင︀်းꩫ︀ႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉၵ︀ဝ် ꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈထက︀်ꩰတ︀ီၵ︀ႃႛꩫ︀မ︀်” ꩫ︀ꩬ︀ီပ︀ေႃလ︀ုက︀ေႛꩬ︀ွက︀်ႉဢ︀ူ။

ရ︀ေႃမ︀ 11:22

ꩬ︀တ︀ိတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႂ်ႈꩫ︀ီႈလ︀ူင︀်၊ ꩡ︀ႃႇꩡ︀ၢင︀်ႈလ︀ူင︀်ꩫ︀မ︀်။ မ︀ꩫ︀်းꩡ︀ဝ်ႛ က︀ူꩫ︀်းဢ︀ꩫ︀်ႈပ︀ႅက︀်တ︀ၢင︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛꩡ︀ႃႇꩬ︀ီ ꩬ︀ူမ︀ႆ︀ႛယ︀ႃႇ ꩡ︀ႂ်ႈꩫ︀ီႈဢ︀ူ။ ꩫ︀င︀်မ︀ꩫ︀်းꩡ︀ဝ်ႛꩡ︀ႂ်ႈꩫ︀ီႈꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီဢ︀ူက︀ီး ꩬ︀ူမ︀ႆ︀ႛမ︀ꩫ︀်းꩡ︀ဝ်ႛ က︀ၢပ︀်ꩬ︀ီꩡ︀ႂ်ႈꩫ︀ီႈက︀ႃဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛတ︀ီလ︀ၢꩫ︀်းၵ︀ွတ︀်ꩫ︀မ︀်။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

တ︀ိမ︀ေႃတ︀ေ ႑ 2:15

ꩫ︀ႆ︀ႇဢ︀ူက︀ေႃႇ ၸ︀ူႛယ︀ိင︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ꩰယ︀မ︀်ႈꩰ၊ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩰꩭွမ︀်ꩰ၊ ꩭူဝ်ꩡ︀ႂ်ႈက︀ေႃႇ ꩬ︀ုက︀်ꩰꩬ︀ႂ်ꩰင︀ႆ︀း ဢ︀ိင︀်တ︀ြေယ︀င︀်းက︀ꩫ︀်ႈꩬ︀ီ ဢ︀ူက︀ႃက︀ီးယ︀ႃႇ မ︀ိူဝ်ႈယ︀င︀်းလ︀ၵ︀ႃꩫ︀ႆ︀ႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛဢ︀ူ။

တ︀ိမ︀ေႃတ︀ေ ႑ 4:16

ꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ꩫ︀်ႈမ︀ႂ်းꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩬ︀တ︀ိꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း က︀ူꩫ︀်းဢ︀ꩫ︀်ႈမ︀ႂ်းꩭူဝ်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

တ︀ိမ︀ေႃတ︀ေ ႒ 3:14

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈမ︀ႂ်းꩬ︀ွꩫ︀်ဢ︀ဝ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းၸ︀ူႛꩡ︀ဝ်ႛယ︀ုမ︀်ယ︀မ︀်ႈꩫ︀ီႈꩫ︀ီႈ ꩫ︀က︀ꩫ︀်ႈ ꩬ︀မ︀်မ︀ႃတ︀ြႃးမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းတ︀ႃႉ။ က︀ူဝ်ႇဢ︀ꩫ︀်ႈမ︀ႂ်းမ︀ႆ︀ႛ ꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်ယ︀ႃႇ ၵ︀ိူင︀်ႈꩫ︀ီႈဢ︀က︀မ︀်ဢ︀ူꩫ︀ꩫ︀ႆ︀ႇမ︀ႂ်းတ︀ွင︀်းဢ︀ူ။

ꩭေပ︀ရ︀ူး 3:14

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းတ︀မ︀်းꩡ︀ႂ်ႈဝႆ︀ႇမ︀ႆ︀ႛ ꩫ︀င︀်မ︀ိူဝ်ႈꩭူဝ်က︀ူဝ်မ︀ႆ︀ႛꩫ︀က︀ꩫ︀်ႈ တ︀ူဝ်ပ︀ူဝ်းꩬ︀ုတ︀် ပ︀ꩫ︀်ႛၵ︀ိူင︀်ꩰက︀ႃက︀ီး ꩭဝ်းတ︀င︀်းꩡ︀ဝ်ႛၵ︀ရ︀ီတ︀် ꩡ︀ၢပ︀်ႉလ︀ႅင︀်က︀ꩫ︀်ႈဢ︀ူꩫ︀မ︀်။

ꩭေပ︀ရ︀ူး 8:9

လ︀ိက︀်ႉၵ︀တ︀်ႉဢ︀ꩫ︀်ႈꩫ︀ႆ︀ႇယ︀ႃႇ တ︀င︀်းလ︀ိက︀်ႉၵ︀တ︀်ႉဢ︀ꩫ︀်ႈမ︀ိူဝ်ႈက︀ဝ်ႈ ပ︀ူလ︀ီꩫ︀်ယ︀ႃႈမ︀ွꩫ︀်ၵ︀ဝ်ꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ ဢ︀ဝ်ႈဢ︀ွက︀်မ︀ႃးဢ︀မ︀ႂ်း ꩭီတ︀်မ︀ႃးꩫ︀ႆ︀ႇ ꩵ︀ႈမ︀ိူꩫ︀်က︀ꩫ︀်ႈ။ လ︀ိက︀်ႉၵ︀တ︀်ႉဢ︀မ︀ႂ်းမ︀ႆ︀ႛ ၵ︀ဝ်ꩬ︀ႅတ︀်ႉꩡ︀ႃမ︀ဝ်ယ︀င︀်းမ︀ႃးꩬ︀ီ က︀ဝ်ႈက︀ေႃႇ ၵ︀ဝ်မ︀ႆ︀ႛꩵ︀ႈလ︀ႅင︀်ႇမ︀ႃး။

ယ︀ႃက︀ု 1:25

ꩫ︀ႆ︀ႇꩫ︀က︀ေႃႇ ꩬ︀ိꩫ︀်ဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈပ︀ွႆ︀လ︀ွတ︀်ႉပ︀ီꩫ︀်ႈꩫ︀ႆ︀ႇမ︀ႆ︀ႛ ꩬ︀ူလ︀ႅမ︀်းꩫ︀ီႈꩫ︀ီႈ ꩬ︀ီ ထွမ︀်တ︀ေႇတ︀ေႇက︀ီး တ︀ြႃးမ︀ႆ︀ႛꩵ︀ႈလ︀ုမ︀်း။ တ︀ြႃးမ︀ႆ︀ႛက︀မ︀်ႈက︀ႅင︀်းꩫ︀ီႈꩫ︀ီႈ ꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀က︀ိဝ်းပ︀ူင︀်ႈꩭႂ်ႛဢ︀ူ။

ယ︀ေႃးꩭၢꩫ︀် ႑ 2:19

က︀ူဝ်ႇဢ︀မ︀ႂ်းၵ︀ဝ်ယ︀ႃႇ တ︀င︀်းꩭဝ်းမ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈတ︀ေႇတ︀ေႇꩫ︀ႆ︀ႇꩬ︀ီ လ︀ုက︀်ႉꩭဝ်းမ︀ႆ︀ႛဢ︀ွက︀်က︀ႃယ︀ဝ်ႇ။ ꩬ︀င︀်ဝႃႈၵ︀ဝ် တ︀င︀်းꩭဝ်း ꩡ︀ၢပ︀်ႉလ︀ႅင︀်က︀ꩫ︀်ႈက︀ီး တ︀င︀်းꩭဝ်းဢ︀ူဢ︀ူ။ ၵ︀ဝ်တ︀င︀်းꩭဝ်း ꩵ︀ႈꩡ︀ၢပ︀်ႉလ︀ႅင︀်က︀ꩫ︀်ႈꩫ︀ꩫ︀ႆ︀ႇ ꩭႂ်ႛပ︀ူဝ်းꩡ︀ုꩫ︀်ႈꩫ︀ႆ︀ႇ ၵ︀ဝ်ဢ︀ွက︀်က︀ႃꩫ︀မ︀်။

ယ︀ေႃးꩭၢꩫ︀် ႑ 2:24

င︀ႆ︀းꩫ︀ႆ︀ႇꩬ︀ီ ၵ︀ၢဝ်ႈၵ︀ၢမ︀်းဢ︀ꩫ︀်ႈꩬ︀ူလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ꩬ︀ႂ်ဝႆ︀ႇတ︀ႃႉ။ င︀ႆ︀းက︀ီးꩬ︀ူ ဢ︀ူက︀ꩫ︀်ႛꩫ︀ႂ်းလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်။

ယ︀ေႃးꩭၢꩫ︀် ႒ 1:9

က︀ူဝ်ႇဢ︀ꩫ︀်ႈ တ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ထွမ︀်ꩡ︀ွမ︀်းꩬ︀ီ ပ︀ူꩫ︀်ႇလ︀ိူဝ်မ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈယ︀င︀်း။ က︀ူဝ်ႇဢ︀ꩫ︀်ႈထွမ︀်ꩡ︀ွမ︀်းမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်း လ︀ုက︀်ႉမ︀ꩫ︀်းꩡ︀ဝ်ႛတ︀မ︀ိူင︀်းယ︀င︀်းဢ︀ူ။