ယ︀ေႃးꩭၢꩫ︀် 7:37 - Khamti Shan

³⁷ ဝꩫ︀်းပ︀ွႆ︀းꩬ︀ုတ︀် ဝꩫ︀်းဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႆ︀ႛယ︀ႃႇ ꩡ︀ဝ်ႛယ︀ေꩬ︀ုလ︀ုက︀်ႉꩬ︀ီ “ၸ︀ူႛဢ︀ꩫ︀်ႈက︀ုတ︀်ꩫ︀မ︀်ႇၵ︀ဝ်ꩴ︀း က︀ဝ်ႈမ︀ႆ︀ႛမ︀ႃးက︀ꩫ︀်ႈတ︀ႃႉ။

ယ︀ေႃးꩭၢꩫ︀် 7:37 ပူးပေါင်းရင်းမြစ်များ

မ︀တ︀်တ︀ႄး 11:28

က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉယ︀င︀်းꩬ︀ီ ꩫ︀ွင︀်ꩡ︀ႂ်ႈꩫ︀ွင︀်ၵ︀ူဝ်းꩫ︀ႆ︀ႇၵ︀ဝ်ꩴ︀း က︀ဝ်ႈမ︀ႆ︀ႛမ︀ႃးက︀ꩫ︀်ႈတ︀ႃႉ။ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛက︀ွတ︀်။

မ︀တ︀်တ︀ႄး 3:3

ꩬ︀ြႃယ︀ေႃးꩭၢꩫ︀်ယ︀ႃႇ က︀ူဝ်ႇဢ︀ꩫ︀်ႈ “တ︀ၢင︀်းꩡ︀ႃႇꩡ︀ဝ်ႛထႃဝရ︀ၸ︀ြႃး မ︀ေးꩭႅမ︀်းက︀ꩫ︀်ႈတ︀ႃႉ။ တ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩫ︀ꩫ︀်ႈဢ︀ဝ်ႈပ︀ီင︀်းက︀ꩫ︀်ႈတ︀ႃႉꩫ︀ꩬ︀ီ ထိူꩫ︀်ꩭႅင︀်ႛမ︀ႆ︀ႛ က︀ူꩫ︀်းက︀ူဝ်ႇလ︀ိူင︀်ႈဢ︀ိဝ်ꩬ︀ီဢ︀ူဢ︀ူ” ꩫ︀ꩬ︀ီ ပ︀ရ︀ေႃးၸ︀ႅတ︀်ႉꩭေꩬ︀ႃယ︀ꩡ︀ိုဝ်ꩬ︀ီဝႃႈဝႆ︀ႇꩫ︀ႆ︀ႇꩫ︀မ︀်။

မ︀တ︀်တ︀ႄး 5:6

က︀ူꩫ︀်းဢ︀ꩫ︀်ႈဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဝႆ︀ႇꩡ︀ိက︀်ꩭူဝ်ꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛ ဝႆ︀ႇꩡ︀ိက︀်ꩭူဝ်ꩫ︀ႆ︀ႇꩬ︀ီ ဢ︀ꩫ︀်ႈၵ︀ဝ်ၵ︀ႂ်ႈပ︀ီꩫ︀်ႈꩫ︀ႆ︀ႇတ︀င︀်းမ︀ိူင︀်း မ︀ꩫ︀်းꩡ︀ဝ်ႛတ︀ီဢ︀ဝ်ႈပ︀ီꩫ︀်ႈꩭႂ်ႛꩫ︀မ︀်။

ယ︀ေႃးꩭၢꩫ︀် 1:23

င︀ႆ︀းက︀ီး ꩬ︀ြႃယ︀ေႃးꩭၢꩫ︀်ယ︀ႃႇ “က︀ဝ်ႈယ︀ႃႇ “က︀ူဝ်ႇဢ︀ꩫ︀်ႈတ︀ၢင︀်းꩡ︀ႃႇꩭၢင︀်းꩡ︀ဝ်ႛထႃဝရ︀ၸ︀ြႃး က︀ျွႃးမ︀ႃး ꩬ︀ိူဝ်က︀ꩫ︀်ႈတ︀ႃႉ ꩫ︀ꩬ︀ီပ︀ၢင︀်ꩭႅင︀်ႛမ︀ႆ︀ႛ တ︀ႅဝ်ꩫ︀ႆ︀ႇꩫ︀မ︀်” ” ꩫ︀ꩬ︀ီ ဢ︀ဝ်ႈၵ︀ူဝ်ႛက︀ျမ︀်းꩭေꩬ︀ႃယ︀တ︀ွပ︀်ꩭႂ်ႛဢ︀ူ။

ယ︀ေႃးꩭၢꩫ︀် 14:6

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩬ︀ီꩫ︀်ႛတ︀ၢင︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉꩫ︀မ︀်။ ၸ︀ႂ်ꩫ︀က︀ေႃႇက︀ဝ်ႈမ︀ႆ︀ႛမ︀ဝ်မ︀ႃးက︀ီး ပ︀ူဝ်က︀ဝ်ႈမ︀ႆ︀ႛဢ︀ဝ်ႈထိုင︀်ꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 4:10

ꩡ︀ဝ်ႛယ︀ေꩬ︀ုယ︀ႃႇ “က︀ျေးꩡ︀ူးဢ︀ꩫ︀်ႈမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭႂ်ႛꩫ︀ႆ︀ႇမ︀ႆ︀ႛလ︀ိူင︀်ႈ က︀ူဝ်ႇဢ︀ꩫ︀်ႈမ︀ႂ်းမ︀ႆ︀ႛယ︀ွꩫ︀်းꩫ︀မ︀်ႇꩫ︀ႆ︀ႇ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ႆ︀ႛလ︀ိူင︀်ႈ မ︀ႂ်းတ︀ွင︀်းက︀ီး မ︀ႂ်းꩬ︀ိုင︀် လ︀ုက︀်ႉမ︀ꩫ︀်းမ︀ႆ︀ႛ တ︀ီယ︀ွꩫ︀်းꩫ︀မ︀်ႇက︀ိꩫ︀်ႈꩬ︀ႃး။ င︀ႆ︀းက︀ီး မ︀ꩫ︀်းက︀ေႃႇမ︀ႂ်းမ︀ႆ︀ႛ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 4:11

ꩫ︀ႆ︀ႇမ︀ႆ︀ႛ ၸ︀ူႛယ︀ိင︀်းဢ︀မ︀ႂ်းယ︀ႃႇ “မ︀ႂ်းꩡ︀ဝ်ႛမ︀ႆ︀ႛပ︀ုင︀်းက︀ေႃႇ မ︀ဝ်လ︀ွေႛꩬ︀ီက︀ေႃႇꩫ︀ႃႊ၊ ၵ︀ိုꩫ︀်းꩫ︀က︀ဝ် ꩫ︀မ︀်ႇမ︀ူဝ်ꩫ︀ႆ︀ႇက︀ေႃႇ လ︀ိူက︀်ႉလ︀ူင︀်က︀ေႃႇ၊ မ︀ႂ်းꩡ︀ဝ်ႛလ︀ုက︀်ႉဢ︀မ︀ႆ︀ႚꩫ︀ႆ︀ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီက︀ႃꩫ︀ႆ︀ႛꩫ︀ႆ︀ႇ။

ယ︀ေႃးꩭၢꩫ︀် 4:14

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ိꩫ︀်ႈꩫ︀မ︀်ႇဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇပ︀ွက︀်ယ︀ဝ်ႇ။ က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ ꩫ︀မ︀်ႇဢ︀မ︀ႂ်း ပ︀ီꩫ︀်ႈမ︀ူဝ်ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩬ︀ီ ၵ︀ဝ်မ︀ႆ︀ႛ ဢ︀ꩬ︀ၢက︀်ႉထႃဝရ︀တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 5:40

ꩫ︀ႆ︀ႇꩫ︀က︀ေႃႇꩬ︀ူယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉဢ︀မ︀ႂ်းꩫ︀ႆ︀ႛꩫ︀ႆ︀ႇ က︀ဝ်ႈမ︀ႆ︀ႛꩵ︀ႈၵ︀ႂ်ႈမ︀ႃး။

ယ︀ေႃးꩭၢꩫ︀် 6:35

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ တ︀ွင︀်ႇꩵ︀ႈမ︀ႆ︀ႛယ︀ဝ်ႇ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇယ︀ဝ်ႇ။

ယ︀ေႃးꩭၢꩫ︀် 6:37

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛတ︀ီꩡ︀ွမ︀်းက︀ꩫ︀်ႈꩬ︀ႃး။ က︀ဝ်ႈက︀ေႃႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ီၵ︀ွတ︀်ဝႆ︀ႇꩵ︀ႈꩡ︀ႂ်ႈ။

ယ︀ေႃးꩭၢꩫ︀် 6:55

ꩫ︀ိူဝ်ႇက︀ဝ်ႈယ︀ႃႇ ဢ︀ꩫ︀်ႈက︀ိꩫ︀်ႈတ︀ေႇတ︀ေႇꩫ︀မ︀်။ ꩫ︀ိူတ︀်ႉက︀ဝ်ႈက︀ေႃႇ ဢ︀ꩫ︀်ႈက︀ိꩫ︀်ႈတ︀ေႇတ︀ေႇꩫ︀မ︀်။

ယ︀ေႃးꩭၢꩫ︀် 7:28

မ︀ိူဝ်ႈꩡ︀ဝ်ႛယ︀ေꩬ︀ု က︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩬ︀င︀်ꩬ︀ွꩫ︀်ꩬ︀ီဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “က︀ဝ်ႈပ︀ီꩫ︀်ႈၸ︀ႂ် က︀ဝ်ႈလ︀ုက︀်ႉဢ︀မ︀ႆ︀ႚမ︀ႃးꩫ︀ꩫ︀ႆ︀ႇ ꩬ︀ူတ︀ွင︀်းတ︀ေႇတ︀ေႇဢ︀ေႃး။ က︀ဝ်ႈယ︀ႃႇ ဢ︀ဝ်ႈဢ︀ႃꩫ︀ႃၸ︀ူႛꩡ︀ဝ်ႛမ︀ႃးꩵ︀ႈꩡ︀ႂ်ႈ။ က︀ဝ်ႈမ︀ႃးꩫ︀ႆ︀ႇ တ︀ၢင︀်ႈတ︀ူဝ်ႈꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းဢ︀ူ။ ꩡ︀ဝ်ႛဢ︀မ︀ႂ်းမ︀ႆ︀ႛ ꩬ︀ူꩵ︀ႈတ︀ွင︀်း။

က︀ေႃရ︀ိꩫ︀်တ︀ု ႑ 10:21

ꩬ︀ူယ︀ႃႇ လ︀ုက︀်ႉက︀ွက︀်ပ︀ွႆ︀းမ︀ၢင︀်က︀လ︀ႃꩡ︀ဝ်ႛမ︀ႆ︀ႛ က︀ိꩫ︀်ႈက︀ီး လ︀ုက︀်ႉက︀ွက︀်ၸ︀ီꩭၢႆ︀ႇမ︀ႆ︀ႛ က︀ိꩫ︀်ႈꩵ︀ႈꩫ︀ႆ︀ႛ။ ၵ︀ဝ်ႛမ︀ုꩫ︀်းပ︀ွႆ︀းꩡ︀ဝ်ႛမ︀ႆ︀ႛက︀ိꩫ︀်ႈက︀ီး ဢ︀ꩫ︀်ႈက︀ိꩫ︀်ႈၸ︀ီꩭၢႆ︀ႇမ︀ႆ︀ႛ က︀ိꩫ︀်ႈꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႑ 10:4

ꩫ︀မ︀်ႇၵ︀ွꩫ︀်က︀ေႃႇ ၸ︀ꩫ︀်းလ︀ိူင︀်ႈꩫ︀ၢႆ︀ႈꩫ︀မ︀် ꩭူမ︀်ႈက︀ိꩫ︀်ႈမ︀ႃးꩫ︀ႆ︀ႇ။ ꩫ︀မ︀်ႇဢ︀မ︀ႂ်းယ︀ႃႇ လ︀ုက︀်ႉꩭိꩫ︀်ၵ︀ွꩫ︀်ဢ︀ꩫ︀်ႈတ︀င︀်းၵ︀ဝ် ꩭူမ︀်ႈပ︀ႆ︀ႈတ︀ၢင︀်းမ︀ႆ︀ႛ ဢ︀ွက︀်မ︀ႃးꩫ︀ႆ︀ႇꩫ︀မ︀်။ ꩭိꩫ︀်ဢ︀မ︀ႂ်းယ︀ႃႇ ꩡ︀ဝ်ႛၵ︀ရ︀ီတ︀်ꩫ︀မ︀်။

က︀ေႃရ︀ိꩫ︀်တ︀ု ႑ 11:25

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ဝ်ႛပ︀ၢင︀်ႛၵ︀မ︀်ႈက︀ိꩫ︀်ႈယ︀ဝ်ႇက︀ီး မ︀ꩫ︀်းꩡ︀ဝ်ႛ က︀ွက︀်ဢ︀ဝ်ႈꩬ︀ီ “က︀ွက︀်ꩫ︀ႆ︀ႇယ︀ႃႇ ၵ︀ၢမ︀်းၵ︀တ︀်ႉမ︀ႂ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ဝ်ႈꩫ︀ိူတ︀်ႉက︀ဝ်ႈၵ︀တ︀်ႉဝႆ︀ႇꩫ︀မ︀်။ ꩬ︀ူမ︀ိူဝ်ႈလ︀ႂ်ႈက︀ိꩫ︀်ႈꩫ︀က︀ေႃႇ ꩭၢင︀်းက︀ဝ်ႈမ︀ႆ︀ႛဢ︀ွက︀်ꩡ︀ႂ်ႈꩫ︀ꩬ︀ီ က︀ိꩫ︀်ႈတ︀ႃႉ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 12:13

ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု၊ ၵ︀ႃႛပ︀တ︀ု၊ က︀ူꩫ︀်းလ︀ွတ︀်ႉပ︀တ︀ု ꩭဝ်းတ︀င︀်းမ︀ိူင︀်း က︀ꩫ︀်ႛꩫ︀ႂ်းတ︀ူဝ်ႈလ︀ိဝ်ႈမ︀ႆ︀ႛ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်လ︀ိဝ်ႈ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဝႆ︀ႇꩫ︀မ︀်။

ဢ︀ေၸ︀ႅတ︀် 5:18

ꩬ︀ူယ︀ႃႇ ပ︀ီမ︀ူးပ︀ီမ︀ဝ်းက︀ꩫ︀်ႈ။ ꩭၢင︀်းꩭႂ်ႛꩬ︀ူၸ︀ူႛꩡ︀ဝ်ႛꩬ︀ိုင︀် လ︀ူႇပ︀ႅက︀်ႉက︀ႃꩫ︀ႆ︀ၢႈꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ꩬ︀ူမ︀ႆ︀ႛꩭႂ်ႛထႅမ︀်တ︀ီမ︀်ႈꩰꩬ︀ီ ꩭႂ်ႛဢ︀ုပ︀်ႉပ︀ိုင︀်က︀ꩫ︀်ႈတ︀ႃႉ။

ၿျႃၻိက︀်ႉ 21:6

င︀ႆ︀းꩬ︀ီ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “ဢ︀မ︀ူးယ︀ဝ်ႇꩰ။ က︀ဝ်ႈယ︀ႃႇဢ︀ႃလ︀ၸ︀ꩫ︀ၵ︀ႃ ဢ︀ေႃမ︀ေက︀၊ ꩡ︀ဝ်ႛဢ︀ꩫ︀်ႈꩭူဝ်က︀ူဝ်ꩫ︀ၵ︀ႃဢ︀ꩫ︀်ႈꩬ︀ုတ︀်ꩫ︀မ︀်။ က︀ူꩫ︀်းဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ်မ︀ႆ︀ႛ က︀ႃႈမ︀ဝ်ဢ︀ဝ်ႈꩬ︀ီ က︀ဝ်ႈꩫ︀မ︀်ႇဢ︀ꩬ︀ၢက︀်ႉတ︀ီꩭႂ်ႛꩫ︀မ︀်။

ၿျႃၻိက︀်ႉ 22:1

ဝႆ︀ၢးꩫ︀ႆ︀ႇ ၵ︀ုꩫ︀်ꩬ︀ၢင︀်ယ︀ႃႇ ꩫ︀မ︀်ႇၵ︀ေးဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ က︀ဝ်ႈမ︀ႆ︀ႛပ︀ျႃးဢ︀ူ။ ꩫ︀မ︀်ႇဢ︀မ︀ႂ်းယ︀ႃႇ ဢ︀ꩫ︀်ႈꩫ︀င︀်ꩭိꩫ︀်လ︀ႅင︀်းꩫ︀က︀ꩫ︀်ႈ လ︀ႅင︀်းꩡ︀ၢင︀်ꩰꩬ︀ီ လ︀ုက︀်ႉပ︀လ︀ၢင︀်ဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃပ︀ူႇဢ︀ွꩫ︀်ꩫ︀င︀်ႈမ︀ႆ︀ႛ လ︀ႆ︀ဢ︀ွက︀်မ︀ႃးင︀ႆ︀း

ၿျႃၻိက︀်ႉ 22:17

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ူႛꩬ︀ၢဝ်မ︀ႂ်ပ︀ူႇဢ︀ွꩫ︀်ယ︀ႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ဝꩫ︀်ႇ။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ “က︀ျွႃးမ︀ႃးတ︀ီၵ︀ႃႛတ︀ႃႉ” ꩫ︀ꩬ︀ီဝႃႈက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ် မ︀ႃးက︀ꩫ︀်ႈတ︀ႃႉ။ ၸ︀ႂ်မ︀ဝ်ဝႃႈ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩫ︀ႆ︀ႇ ၵ︀ႂ်ႈꩫ︀ႆ︀ႛက︀ီး က︀ႃႈမ︀ဝ်ꩭႂ်ႛꩬ︀ီ မ︀ႃးဢ︀ဝ်ႈတ︀ႃႉ။