ယ︀ေႃးꩭၢꩫ︀် 6:65 - Khamti Shan

⁶⁵ မ︀ꩫ︀်းꩡ︀ဝ်ႛက︀ၢပ︀်ꩬ︀ီ “ပ︀ူဝ်က︀ဝ်ႈဢ︀ၵ︀ၢင︀်းမ︀ဝ်ꩭႂ်ႛက︀ီး ၸ︀ႂ်က︀ေႃႇက︀ဝ်ႈမ︀ႆ︀ႛမ︀ႃးꩵ︀ႈပ︀ီꩫ︀်ႈ။ င︀ႆ︀းꩬ︀ီꩫ︀မ︀် ၵ︀ၢမ︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛက︀ဝ်ႈဝႃႈမ︀ႃးꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 6:65 ပူးပေါင်းရင်းမြစ်များ

မ︀တ︀်တ︀ႄး 13:11

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈမ︀ိူင︀်းက︀ၢင︀်ႈꩭၢဝ်ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ုတ︀်ပ︀ျႃးꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ တ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩵ︀ႈပ︀ုတ︀်ပ︀ျႃးꩭႂ်ႛ။

ယ︀ေႃးꩭၢꩫ︀် 10:16

က︀ဝ်ႈမ︀ႆ︀ႛပ︀ူႇတ︀ၢင︀်တ︀ူဝ်ႈ ဢ︀ꩫ︀်ႈꩫ︀ႂ်းၸ︀ုင︀်ပ︀ူႇꩫ︀ႆ︀ႇမ︀ႆ︀ႛ မ︀ဝ်လ︀ွေႛꩫ︀ႆ︀ႇၵ︀ဝ်က︀ေႃႇ ယ︀င︀်းဢ︀ိက︀်ဢ︀ူ။ ပ︀ူႇဢ︀မ︀ႂ်းၵ︀ဝ်မ︀ႆ︀ႛ က︀ဝ်ႈဝႃႈဢ︀ဝ်ႈတ︀ုမ︀်ႈမ︀ႃးဢ︀ူ။ ၵ︀ဝ်က︀ေႃႇ ꩬ︀ီင︀်က︀ဝ်ႈထွမ︀်ꩬ︀ီ တ︀ီပ︀ီꩫ︀်ႈပ︀ူႇၸ︀ုင︀်လ︀ိဝ်ႈမ︀ႃးꩫ︀မ︀်။ ၸ︀ူႛလ︀ီင︀်ႇပ︀ူႇက︀ေႃႇ တ︀ီပ︀ီꩫ︀်ႈပ︀ႃးလ︀ိဝ်ႈꩫ︀ႆ︀ၢႈꩫ︀မ︀်။

ယ︀ေႃးꩭၢꩫ︀် 3:27

ꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ယ︀ႃႇ “ၸ︀ႂ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛက︀ီး က︀ꩬ︀င︀်က︀ေႃႇꩵ︀ႈꩫ︀ႆ︀ႛ၊

ယ︀ေႃးꩭၢꩫ︀် 6:37

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်ယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛတ︀ီꩡ︀ွမ︀်းက︀ꩫ︀်ႈꩬ︀ႃး။ က︀ဝ်ႈက︀ေႃႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ီၵ︀ွတ︀်ဝႆ︀ႇꩵ︀ႈꩡ︀ႂ်ႈ။

ၸ︀ိလ︀ိပ︀်ပ︀ၢႆ︀ 1:29

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩬ︀ူမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩫ︀ႆ︀ၢႈမ︀ဝ်က︀ႃး ဢ︀ၵ︀ၢင︀်းဢ︀ꩫ︀်ႈꩡ︀ႃႇမ︀ꩫ︀်းꩡ︀ဝ်ႛ ၵ︀ၢမ︀်ၻုက︀်ႉၵ︀တ︀မ︀ိူင︀်းꩫ︀မ︀်ꩭႂ်ႛမ︀ႃးꩫ︀ႆ︀ႇ။

တ︀ိမ︀ေႃတ︀ေ ႑ 1:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ က︀ဝ်ႈမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈလ︀ူင︀်မ︀ႃးꩫ︀မ︀်။ က︀ဝ်ႈယ︀ႃႇဢ︀ူက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇꩬ︀ီ ꩭႂ်ႛပ︀ူဝ်း မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩭွမ︀်ပ︀ီꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛꩡ︀ွႆ︀ႈꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 2:25

က︀ူꩫ︀်းဢ︀ꩫ︀်ႈၸ︀ုꩫ︀်ႇပ︀ိꩫ︀်ႛꩬ︀မ︀်မ︀ႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀ူꩫ︀်ႛဢ︀ူꩫ︀်ႛꩥ︀ေႈꩰꩬ︀ီ ဝႃႈꩡ︀ီႇလ︀ွင︀်ႈပ︀ျႃးတ︀ၢင︀်းꩫ︀မ︀်။ င︀ႆ︀းက︀ီး ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ၵ︀ၢင︀်းဢ︀ꩫ︀်ႈꩬ︀ၢင︀်ဝွေꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းမ︀ႃးꩫ︀ႆ︀ႇ ꩡ︀ၢင︀်ႈꩭႂ်ႛဢ︀ူ။

ꩭေပ︀ရ︀ူး 12:2

ပ︀ႆ︀ႉꩭဝ်း ꩡ︀ဝ်ႛယ︀ေꩬ︀ု ꩡ︀ဝ်ႛဢ︀ꩫ︀်ႈတ︀ၢင︀်းယ︀ုမ︀်ယ︀မ︀်ႈꩭဝ်းမ︀ႆ︀ႛ က︀ူဝ်တ︀ေမ︀ႃးꩬ︀ီ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛမ︀ႆ︀ႛ ꩡ︀ိက︀်ꩫ︀ူႈꩬ︀ီဢ︀ူꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ တ︀ၢင︀်းဢ︀ႆ︀ၢႈဢ︀ꩫ︀်ႈဝႃႈၵ︀ၢမ︀်တ︀ႆ︀ၢႈ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈလ︀ႅင︀်ႇမ︀ႃး။ လ︀ႆ︀ၢးပ︀ိူဝ်ႈဢ︀ꩫ︀်ႈꩡ︀ူမ︀်းꩭုမ︀် ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛꩭႅမ︀်းဝႆ︀ႇꩫ︀ႆ︀ႇꩬ︀ီ တ︀ၢင︀်းဢ︀ႆ︀ၢႈဢ︀မ︀ႂ်းမ︀ႆ︀ႛက︀ꩫ︀်ႛမ︀ႃးင︀ႆ︀းꩬ︀ီ ပ︀ႃႛၵ︀ႃပ︀လ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ႈဢ︀ူ။