Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ယ︀ေႃးꩭၢꩫ︀် 6:63 - Khamti Shan

63 ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀် ဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩫ︀ႆ︀ႛꩫ︀ႆ︀ႇ။ ဢ︀ဝ်ႈမ︀ူꩫ︀်ႈၸ︀ုင︀်းက︀ူꩫ︀်းယ︀ႃႇ က︀ꩬ︀င︀်က︀ေႃႇꩵ︀ႈပ︀ီꩫ︀်ႈပ︀ေႇ။ ၵ︀ၢမ︀်းဢ︀ꩫ︀်ႈက︀ဝ်ႈꩬ︀ူမ︀ႆ︀ႛဝႃႈꩫ︀ႆ︀ႇယ︀ႃႇ လ︀ွင︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛပ︀ီꩫ︀်ႈꩫ︀ႆ︀ႇꩫ︀မ︀်။

အခန်းကိုကြည့်ပါ။ ကော်ပီ




ယ︀ေႃးꩭၢꩫ︀် 6:63
31 ပူးပေါင်းရင်းမြစ်များ  

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိပ︀်ꩭႂ်ႛꩫ︀က︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛꩫ︀ိပ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိပ︀်ꩭႂ်ႛဢ︀ူ။


င︀ႆ︀းက︀ီး ꩬ︀ႅင︀်မ︀ုꩫ︀်ပ︀ေတ︀ရ︀ုယ︀ႃႇ “ꩡ︀ဝ်ႛꩴ︀း တ︀ူႈၵ︀ႃႛ ၸ︀ႂ်မ︀ႆ︀ႛꩫ︀ႆ︀တ︀ီက︀ႃတ︀ီၵ︀ႃႛꩫ︀ႆ︀ႇ။ ၵ︀ၢမ︀်းဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇ မ︀ႂ်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀် ယ︀င︀်းတ︀ီၵ︀ႃႛꩫ︀ႆ︀ႇ။


“ꩬ︀ူ ဝၢင︀်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛက︀ႃꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ်ꩫ︀ႆ︀ႇ က︀ႃꩭူဝ်းတ︀ႃႉ” ꩫ︀ဝꩫ︀်ႇ။


င︀ႆ︀းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩥ︀ိꩫ︀်းဢ︀ွꩫ︀်ႈက︀ီးꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀မ︀်။ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭူဝ်းက︀ီးꩬ︀င︀် က︀ူꩫ︀်းꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းꩫ︀မ︀်။


ꩬ︀ူက︀ျူးꩫ︀ႆ︀ႇၵ︀ဝ် က︀ျမ︀်းꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀မ︀်ႈက︀ႅင︀်းက︀ီးꩬ︀ိုင︀် ဢ︀ꩫ︀်ႈꩬ︀ူ ꩭီတ︀်မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇ ဢ︀က︀ိဝ်းယ︀င︀်းꩫ︀မ︀်။ မ︀ဝ်က︀မ︀်ႈက︀ႅင︀်းက︀ီး ꩬ︀ူပ︀ႆ︀ၢႈꩫ︀င︀်ပ︀တ︀်ၵ︀ႂ်ႈလ︀ႂ်ႈꩫ︀က︀ေႃႇ ၵ︀ꩫ︀်က︀ႃႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀က︀ꩫ︀်ႈꩫ︀မ︀်။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။


င︀ႆ︀းꩫ︀ႆ︀ႇꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ “ဢ︀ႃတ︀ၢမ︀်ဢ︀ꩫ︀်ႈဢ︀ွꩫ︀်ႈတ︀ၢင︀်းꩫ︀ႆ︀ႇယ︀ႃႇ ပ︀ီꩫ︀်ႈက︀ူꩫ︀်းဢ︀ꩫ︀်ႈဢ︀ꩬ︀ၢက︀်ႉယ︀င︀်းမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀်ၸ︀ူႛပ︀ီꩫ︀်ႈ ဢ︀ႃတ︀ၢမ︀်ဢ︀ꩫ︀်ႈပ︀ႆ︀ၢႈꩭၢင︀်ꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ꩭႂ်ႛဢ︀ꩬ︀ၢက︀်ႉꩫ︀မ︀်” ꩫ︀ဝꩫ︀်ႇ။


ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ွꩫ︀်ꩭဝ်းမ︀ႆ︀ႛဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩬ︀ိုင︀် တ︀ူဝ်ႈꩡ︀ႂ်ႈꩭဝ်းမ︀ႆ︀ႛ ထုက︀်ꩫ︀ီႈꩭႂ်ႛထိꩫ︀်ꩫ︀မ︀်။


ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။


ꩭဝ်းမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉမ︀ဝ်ꩭၢပ︀်ႉꩫ︀ႆ︀ႇယ︀ႃႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းဝႃႈပ︀ီꩫ︀်ႈက︀ူꩫ︀်းမ︀ႂ်ꩫ︀ႆ︀ႇꩫ︀မ︀်။


ꩡ︀ႃႇလ︀ိူင︀်ႈ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ူႈယ︀ူဝ်းယ︀ွင︀်ႛꩬ︀ီဢ︀ူꩫ︀ႆ︀ႇ လ︀ွင︀်ႈလ︀ိူင︀်ႈယ︀င︀်းဢ︀ူ။ ဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀ူႈꩬ︀ူမ︀ႆ︀ႛ ꩬ︀ွꩫ︀်ꩬ︀င︀်မ︀ႃးꩫ︀ႆ︀ႇ ၵ︀ၢမ︀်းက︀ူꩫ︀်းꩵ︀ႈꩡ︀ႂ်ႈ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩡ︀ႅတ︀်ႉꩰꩫ︀မ︀် ꩫ︀ꩬ︀ီ ꩬ︀ူꩭၢပ︀်ႉဢ︀ဝ်ႈမ︀ႃးꩫ︀ႆ︀ႇꩬ︀ီꩫ︀မ︀်။ ဢ︀မ︀ႂ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛ ဢ︀ဝ်ႈၵ︀ၢဝ်ႈၵ︀ၢမ︀်းဢ︀မ︀ႂ်း ဢ︀ဝ်ႈꩫ︀ီႈꩭႂ်ႛꩬ︀ီဢ︀ူꩫ︀မ︀်။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ေႈꩡ︀ႃႉꩫ︀ႆ︀ႇယ︀ႃႇ ဢ︀ꩫ︀်ႈꩬ︀ေႈꩡ︀ႃႉ လ︀ွင︀်ႈၵ︀ၢပ︀်ႉက︀ႃႛယ︀မ︀ႆ︀ႛ ဢ︀က︀ိဝ်းယ︀င︀်းꩬ︀ႃဢ︀ူ။ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ေႈꩡ︀ႃႉꩫ︀ႆ︀ႇယ︀ႃႇ ꩡ︀ႃႇꩡ︀တ︀်ႉꩫ︀ႆ︀ႇတ︀မ︀ိူင︀်း၊ ꩡ︀ႃႇꩡ︀ူဝ်ႈထႃဝရ︀တ︀မ︀ိူင︀်း က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ဢ︀က︀ိဝ်းယ︀င︀်းဢ︀ူꩫ︀ꩫ︀ႆ︀ႇ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ ၵ︀ၢမ︀်းꩫ︀ႆ︀ႇမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ဝႃႈယ︀ုမ︀်ယ︀မ︀်ႈꩭၢပ︀်ႉꩡ︀ွမ︀်းꩫ︀မ︀်။


တ︀ြႃးဢ︀ꩫ︀်ႈမ︀ႂ် ဢ︀ꩫ︀်ႈလ︀ၢက︀်ꩰလ︀ႆ︀ၢးꩰꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩬ︀ီ ꩬ︀ူလ︀ုက︀်ႉꩬ︀မ︀်မ︀ႃတ︀ြႃးမ︀ႆ︀ႛ ပ︀ီၸ︀ႆ︀က︀ႃ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ိုင︀် ꩡ︀ႃႇၵ︀ွꩫ︀်ꩭဝ်း ဢ︀က︀ိဝ်းယ︀င︀်းတ︀ေႇတ︀ေႇꩫ︀မ︀်။ ထုင︀်းၸ︀ိင︀်ႛ ဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်ဝႃႈင︀ိူင︀်ႇ ꩫ︀ꩫ︀ႆ︀ႇၵ︀ဝ်မ︀ႆ︀ႛ ꩭီတ︀်င︀ဝ်ႛꩬ︀ီ ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇယ︀ႃႇ ဢ︀က︀ိဝ်းꩵ︀ႈယ︀င︀်း။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉယ︀င︀်းꩬ︀ီ တ︀ꩫ︀်းၵ︀ူဝ်းယ︀င︀်းလ︀ူင︀်ꩫ︀မ︀်။ ၸ︀ႃႇလ︀ၢမ︀်ပ︀ႃတ︀င︀်းမ︀ိူင︀်းမ︀ႆ︀ႛ ၸ︀ႆ︀ၢꩬ︀ႃꩬ︀ီ ဢ︀ꩬ︀ၢက︀်ႉꩫ︀ၵ︀ႃၵ︀ွꩫ︀်မ︀ႆ︀ႛတ︀မ︀ိူင︀်း၊ ꩫ︀ုက︀်ꩫ︀ၵ︀ႃမ︀ꩫ︀်းꩫ︀ုက︀်မ︀ႆ︀ႛတ︀မ︀ိူင︀်း ၸ︀ႅက︀်က︀ၢက︀်ႉပ︀ီꩫ︀်ႈဢ︀ူ။ က︀ၢင︀်ႈꩡ︀ႂ်ႈꩭဝ်းင︀ႆ︀း ဢ︀ꩫ︀်ႈꩭဝ်းၵ︀ႂ်ႈꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ုꩥ︀်ႇဢ︀ွက︀်ပ︀ီꩫ︀်ႈဢ︀ူ။


မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ိူဝ်ဢ︀ꩫ︀်ႈမ︀ꩫ︀်းꩡ︀ဝ်ႛၸ︀ၢꩫ︀်ꩬ︀ၢင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭီတ︀်ꩭူဝ်ꩫ︀ႆ︀ႛꩫ︀ႆ︀ႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ဢ︀ဝ်ႈၵ︀ၢမ︀်းꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩭီတ︀်ဝႆ︀ႇမ︀ႃးꩫ︀မ︀်။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ဢ︀ဝ်ႈၵ︀ၢမ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉ၊ ဢ︀ꩫ︀်ႈထႃဝရ︀ယ︀င︀်းဢ︀ူꩫ︀ႆ︀ႇ ဢ︀ဝ်ႈၸ︀ႃးပ︀ီꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ် ဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈ ဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႃးယ︀ဝ်ႇ။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။


ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ