ယ︀ေႃးꩭၢꩫ︀် 6:40 - Khamti Shan

⁴⁰ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩭꩫ︀်ꩬ︀ီ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀ၵ︀ႂ်ႈꩭႂ်ႛꩫ︀ႆ︀ႛက︀ꩫ︀်ႈꩫ︀မ︀်။ က︀ဝ်ႈက︀ေႃႇ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ က︀ူဝ်ႇဢ︀မ︀ႂ်းၵ︀ဝ်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:40 ပူးပေါင်းရင်းမြစ်များ

မ︀တ︀်တ︀ႄး 10:15

က︀ဝ်ႈဝႃႈက︀ွတ︀်။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ဝီင︀်းꩬ︀ေႃတ︀ုင︀်ꩫ︀ၵ︀ႃက︀ေႃမ︀ေႃရ︀မ︀ႆ︀ႛ လ︀ိူမ︀်ꩬ︀ႃꩬ︀ီ ဝီင︀်းဢ︀မ︀ႂ်းမ︀ႆ︀ႛတ︀ီပ︀ူင︀်ႈတ︀ၢမ︀်ꩫ︀မ︀်။

မ︀တ︀်တ︀ႄး 25:46

င︀ႆ︀းꩫ︀ႆ︀ႇꩬ︀ီ က︀ူꩫ︀်းꩭင︀်ႛဢ︀မ︀ႂ်းၵ︀ဝ်ယ︀ႃႇ င︀ႃးလ︀ႆ︀ၢးမ︀ႆ︀ႛ တ︀ီꩫ︀ႆ︀ႛၵ︀ၢမ︀်တ︀ၢမ︀်မ︀ဝ်ꩬ︀ုတ︀်ꩡ︀ၢင︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀မ︀်” ꩫ︀ဝꩫ︀်ႇ။

မ︀ႃက︀ု 16:16

က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇမ︀ႆ︀ႛယ︀ုမ︀်ယ︀မ︀်ႈꩬ︀ီ ꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇၵ︀ဝ်မ︀ႆ︀ႛ ꩡ︀ဝ်ႛထႃဝရ︀ၸ︀ြႃးၵ︀ေꩬ︀ေꩭႂ်ႛဢ︀ူ။ ဢ︀ꩫ︀်ႈမ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ီပ︀ူင︀်ႈတ︀ၢမ︀်ꩫ︀မ︀်။

လ︀ုက︀ႃ 2:30

ꩡ︀ဝ်ႛၵ︀ေꩬ︀ေ ၸ︀ူႛပ︀ီꩫ︀်ႈဢ︀ꩫ︀်ႈလ︀ႅင︀်း ꩡ︀ႃႇဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀ႆ︀ႛတ︀ွင︀်လ︀ႅင︀်း ဢ︀ꩫ︀်ႈꩡ︀ႃႇက︀ူꩫ︀်းၵ︀ိင︀်းတ︀ူဝ်ꩡ︀ဝ်ႛဢ︀ီတ︀်ꩬ︀ြေးၵ︀ဝ်မ︀ႆ︀ႛ ယ︀ူက︀်ႉꩬ︀ုင︀်ꩭႂ်ႛ၊ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ပ︀ၢင︀်ႈꩫ︀ႃႛက︀ူꩫ︀်းတ︀င︀်းလ︀ုင︀်မ︀ႆ︀ႛ ꩭႅမ︀်းဝႆ︀ႇမ︀ႆ︀ႛ ဢ︀ဝ်ႈတ︀ႃႈက︀ဝ်ႈၵ︀ႃႛၸ︀ူႛꩡ︀ဝ်ႛ ꩫ︀ႆ︀ႛꩭꩫ︀်တ︀ီၵ︀ႃႛယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 1:14

ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းမ︀ႃးꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀င︀်းက︀ူꩫ︀်းꩭဝ်း မ︀ႃးꩭူမ︀်ႈဢ︀ူဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀မ︀ိူင︀်း ꩬ︀မ︀်မ︀ႃတ︀ြႃးတ︀မ︀ိူင︀်း တ︀ီမ︀်ႈက︀ꩫ︀်ႈဢ︀ူ။ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩫ︀ႆ︀ႛꩭꩫ︀်မ︀ႃးယ︀ဝ်ႇ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 10:28

ၵ︀ဝ်မ︀ႆ︀ႛ က︀ဝ်ႈဢ︀ꩬ︀ၢက︀်ႉထႃဝရ︀ꩭႂ်ႛꩫ︀ႆ︀ႇꩬ︀ီ ၵ︀ဝ်မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛလ︀ူႇꩬ︀ုမ︀်း။ ၵ︀ဝ်မ︀ႆ︀ႛ ၸ︀ႂ်က︀ေႃႇ လ︀ုက︀်ႉမ︀ိုဝ်းက︀ဝ်ႈမ︀ႆ︀ႛ ꩭိမ︀်ဢ︀ဝ်ႈꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 11:24

မ︀ႃႈထႃးယ︀ႃႇ “ꩡ︀ႂ်ႈတ︀ီၵ︀ႃႛဢ︀ူ။ ဝꩫ︀်းဢ︀ꩫ︀်ႈက︀မ︀်ၸ︀ႃꩬ︀ုတ︀်မ︀ႆ︀ႛ မ︀ိူဝ်ႈတ︀င︀်းမ︀ိူင︀်းꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇယ︀ႃႇ မ︀ꩫ︀်းက︀ေႃႇ တ︀ီꩫ︀ိပ︀်ပ︀ွက︀်ႉမ︀ႃးတ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 11:25

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩡ︀ဝ်ႛဢ︀ꩬ︀ၢက︀်ႉꩫ︀မ︀်။ ꩡ︀ဝ်ႛဢ︀ꩫ︀်ႈဢ︀ဝ်ႈꩫ︀ိပ︀်ပ︀ွက︀်ႉက︀ေႃႇꩡ︀ႂ်ႈဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇယ︀ႃႇ တ︀ႆ︀ၢႈက︀ႃꩫ︀က︀ေႃႇꩫ︀ိပ︀်ပ︀ွက︀်ႉဢ︀ူ။

ယ︀ေႃးꩭၢꩫ︀် 12:45

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭꩫ︀်ꩫ︀ႆ︀ႇ က︀ဝ်ႈမ︀ႆ︀ႛꩫ︀ႆ︀ၢႈꩭꩫ︀်ꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭꩫ︀်ဢ︀ူ။

ယ︀ေႃးꩭၢꩫ︀် 12:50

ဢ︀မ︀ိင︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉထႃဝရ︀ꩭႂ်ႛဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈꩭႂ်ႛꩭူဝ်းꩫ︀က︀ꩫ︀်ႈꩫ︀မ︀် က︀ဝ်ႈꩭူဝ်းꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 14:17

ꩡ︀ဝ်ႛဢ︀မ︀ႂ်းယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇꩬ︀ူမ︀ႆ︀ႛလ︀ွင︀်ႈꩬ︀မ︀်မ︀ႃတ︀ြႃး ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ႆ︀ႈꩭႂ်ႛꩫ︀မ︀်။ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်မ︀ဝ်ꩫ︀ႆ︀ႛ၊ တ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈꩭၢပ︀်ႉ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇမ︀ꩫ︀်းꩡ︀ဝ်ႛမ︀ႆ︀ႛတ︀ွင︀်းဢ︀ူ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ တ︀င︀်းꩬ︀ူ၊ က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းဢ︀ူꩬ︀ီꩫ︀မ︀်။

ယ︀ေႃးꩭၢꩫ︀် 14:19

မ︀ဝ်ꩭိုင︀်က︀ꩬ︀င︀် မ︀ိူင︀်းက︀ၢင︀်ႈꩫ︀ႆ︀ႇ က︀ဝ်ႈမ︀ႆ︀ႛꩵ︀ႈꩫ︀ႆ︀ႛꩭꩫ︀်ယ︀ဝ်ႇ။ ꩫ︀ႆ︀ႇꩫ︀က︀ေႃႇꩬ︀ူယ︀ႃႇꩫ︀ႆ︀ႛꩭꩫ︀်ဢ︀ူ။ က︀ဝ်ႈဢ︀ꩬ︀ၢက︀်ႉတ︀ီꩫ︀ိပ︀်ဢ︀ူꩫ︀ႆ︀ႇꩬ︀ီ ꩬ︀ူက︀ေႃႇတ︀ီꩫ︀ႆ︀ႛꩫ︀ိပ︀်ꩫ︀မ︀်။

ယ︀ေႃးꩭၢꩫ︀် 17:2

မ︀ႂ်းꩡ︀ဝ်ႛ က︀ဝ်ႈၵ︀ႃမ︀ႆ︀ႛက︀ꩫ︀်ႛꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ႃꩫ︀ႃပ︀ူင︀်ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။ င︀ႆ︀းꩬ︀ီ က︀ူꩫ︀်းဢ︀ꩫ︀်ႈမ︀ႂ်းꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ဢ︀ၢပ︀်ႉꩭႂ်ႛဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႃႛဢ︀ꩬ︀ၢက︀်ႉထႃဝရ︀ꩭႂ်ႛတ︀ီၵ︀ႃႛဢ︀ူ။

ယ︀ေႃးꩭၢꩫ︀် 3:36

က︀ူဝ်ႇဢ︀ꩫ︀်ႈလ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛ မ︀ဝ်ထွမ︀်ꩫ︀ႆ︀ႇယ︀ႃႇ ဢ︀ꩬ︀ၢက︀်ႉမ︀ဝ်ꩫ︀ႆ︀ႛꩬ︀ေႇမ︀ဝ်က︀ႃး တ︀ၢမ︀်ဢ︀ပ︀ႅတ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈမ︀ႆ︀ႛ ꩫ︀ႆ︀ႛၵ︀ၢမ︀်ဢ︀ူꩫ︀မ︀်။

ယ︀ေႃးꩭၢꩫ︀် 4:14

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ိꩫ︀်ႈꩫ︀မ︀်ႇဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇပ︀ွက︀်ယ︀ဝ်ႇ။ က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ ꩫ︀မ︀်ႇဢ︀မ︀ႂ်း ပ︀ီꩫ︀်ႈမ︀ူဝ်ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩬ︀ီ ၵ︀ဝ်မ︀ႆ︀ႛ ဢ︀ꩬ︀ၢက︀်ႉထႃဝရ︀တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 5:24

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

ယ︀ေႃးꩭၢꩫ︀် 6:27

ꩬ︀ူ ꩡ︀ႃႇၵ︀ဝ်ႛဢ︀ꩫ︀်ႈꩫ︀ဝ်ႈꩫ︀ွက︀်ꩡ︀ၢင︀်ႈꩫ︀ႆ︀ႇ ပ︀ီꩭီတ︀်၊ ꩡ︀ႃႇၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩬ︀ိုင︀် ꩭီတ︀်က︀ꩫ︀်ႈတ︀ႃႉ။ ၵ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းတ︀ီꩭႂ်ႛꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ူꩫ︀်းမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်လ︀ွင︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:39

ဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ မ︀ꩫ︀်းꩡ︀ဝ်ႛဢ︀ၢပ︀်ဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ မ︀ဝ်ဢ︀ဝ်ႈꩭႆ︀ၢꩬ︀ီ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈꩫ︀ိပ︀်ပ︀ွက︀်ႉꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 6:44

ပ︀ူဝ်က︀ဝ်ႈဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ မ︀ဝ်လ︀ဝ်ꩭွင︀်ႇက︀ီး ၸ︀ႂ်က︀ေႃႇက︀ဝ်ႈမ︀ႆ︀ႛမ︀ႃးꩵ︀ႈꩫ︀ႆ︀ႛ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛမ︀ႃးꩫ︀ႆ︀ႇၵ︀ဝ်မ︀ႆ︀ႛ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ က︀ဝ်ႈတ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်။

ယ︀ေႃးꩭၢꩫ︀် 6:54

က︀ူဝ်ႇဢ︀ꩫ︀်ႈꩫ︀ိူဝ်ႇက︀ဝ်ႈ၊ ꩫ︀ိူတ︀်ႉက︀ဝ်ႈက︀ိꩫ︀်ႈꩫ︀ႆ︀ႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀မ︀ႂ်းမ︀ႆ︀ႛ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ က︀ဝ်ႈတ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်။

ယ︀ေႃးꩭၢꩫ︀် 8:56

ပ︀ူဝ်ꩬ︀ူဢ︀ႃပ︀ြႃꩭၢမ︀်ꩫ︀ႆ︀ႇ ꩡ︀ူဝ်ႈပ︀ၢꩫ︀်ႈဢ︀ꩫ︀်ႈက︀ဝ်ႈတ︀ီက︀ျွႃးမ︀ႃးꩫ︀ႆ︀ႇမ︀ႆ︀ႛ တ︀ီꩫ︀ႆ︀ႛꩭူပ︀်ႉꩫ︀ႆ︀ႇꩬ︀ီ မ︀ꩫ︀်းꩡ︀ူမ︀်းလ︀ူင︀်မ︀ႃးꩫ︀မ︀်။ ꩡ︀ူဝ်ႈပ︀ၢꩫ︀်ႈဢ︀မ︀ႂ်းမ︀ႆ︀ႛ မ︀ꩫ︀်းꩭꩫ︀်က︀ေႃႇꩭꩫ︀်မ︀ႃးꩬ︀ီ ꩫ︀ႆ︀ႛꩡ︀ူမ︀်းလ︀ူင︀်မ︀ႃးယ︀ဝ်ႇ” ꩫ︀ဝꩫ︀်ႇ။

ရ︀ေႃမ︀ 5:21

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းဢ︀ပ︀ႅတ︀်ႉꩬ︀ီ က︀ူꩫ︀်းတ︀င︀်းမ︀ိူင︀်းဝႃႈတ︀ႆ︀ၢႈꩫ︀က︀ꩫ︀်ႈ လ︀ႆ︀ၢးပ︀ိူဝ်ႈတ︀ꩫ︀်းၵ︀ူဝ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ူꩫ︀်းတ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ ဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇꩫ︀မ︀်။

ရ︀ေႃမ︀ 6:23

က︀ူꩫ︀်းꩭဝ်းဢ︀ပ︀ႅတ︀်ႉꩭီတ︀်က︀ီး က︀ႃႈဢ︀ပ︀ႅတ︀်ႉဢ︀မ︀ႂ်း ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ဢ︀ꩬ︀ၢက︀်ႉထႃဝရ︀ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 4:6

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ႈꩬ︀ၢင︀်းမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢꩬ︀ီ ꩭႂ်ႛလ︀ႅင︀်းက︀တ︀ႃႉ ꩫ︀ꩬ︀ီမ︀ꩫ︀်းꩡ︀ဝ်ႛဝႃႈမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းꩫ︀မ︀် ꩭူဝ်ꩡ︀ႂ်ႈတ︀ူႈမ︀ႆ︀ႛ ဢ︀ꩫ︀်ႈလ︀ႅင︀်းတ︀ွင︀်လ︀ႅင︀်းꩭႂ်ႛꩬ︀ီ မ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်လ︀ႅင︀်းမ︀ႃးဢ︀မ︀ႂ်း တ︀ူႈမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇ။

ꩭေပ︀ရ︀ူး 11:1

တ︀ၢင︀်းယ︀ုမ︀်ယ︀မ︀်ႈꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းတ︀ႂ်းထႃႛꩫ︀ႆ︀ႇ တ︀ီပ︀ီꩫ︀်ႈမ︀ႃးတ︀ေႇတ︀ေႇꩫ︀မ︀်ꩫ︀ꩬ︀ီ တ︀မ︀်းꩡ︀ႂ်ႈ၊ ဢ︀ꩫ︀်ႈꩭဝ်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ ယ︀င︀်းတ︀ေႇတ︀ေႇဢ︀ူꩫ︀ꩬ︀ီ ဢ︀က︀မ︀်ထက︀်ꩰꩫ︀ႆ︀ႇꩫ︀မ︀်။

ꩭေပ︀ရ︀ူး 11:27

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ မ︀ꩫ︀်းယ︀ႃႇ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းတ︀ေႃးꩬ︀ႃးမ︀ႆ︀ႛ မ︀ဝ်က︀ူဝ်ႈꩬ︀ီ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ ဢ︀ွက︀်က︀ႃင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭꩫ︀်မ︀ဝ်ꩫ︀ႆ︀ႛမ︀ႆ︀ႛ ꩫ︀ႆ︀ႛꩭꩫ︀်ဢ︀ူꩫ︀က︀ꩫ︀်ႈ က︀ၢပ︀်ꩬ︀ီက︀ႃဢ︀ူ။

ပ︀ေတ︀ရ︀ု ႑ 1:8

ꩬ︀ူယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ꩭွꩫ︀်ꩭꩫ︀်မ︀ႃးꩫ︀က︀ေႃႇ ꩭၢက︀်ႉက︀ꩫ︀်ႈဢ︀ူ။ င︀ႆ︀ႚက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩭꩫ︀်ꩫ︀က︀ေႃႇ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ ꩬ︀ူၵ︀ႂ်ႈလ︀ႂ်ႈꩡ︀ူမ︀်းꩭုမ︀်ꩫ︀ꩫ︀ႆ︀ႇ ဢ︀ꩫ︀်ႈတ︀ီတ︀ႅက︀်ႉꩫ︀ႆ︀ၢႈက︀ေႃႇ ꩵ︀ႈယ︀င︀်း။

ယ︀ေႃးꩭၢꩫ︀် ႑ 2:25

င︀ႆ︀းꩬ︀ီ ꩭဝ်းဢ︀ူက︀ꩫ︀်ႛꩫ︀ႂ်း ၸ︀ြႃးပ︀ီꩫ︀်ႈꩡ︀ဝ်ႛက︀ီး ဢ︀ꩬ︀ၢက︀်ႉထႃဝရ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းꩫ︀ႆ︀ႛဢ︀ူ။

ယ︀ုတ︀ 1:21

ဝꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း လ︀ၢႆ︀းပ︀ိူဝ်ႈꩭဝ်းမ︀ႆ︀ႛဢ︀ီꩫ︀ူႈလ︀ူင︀်ꩬ︀ီ ဢ︀ꩬ︀ၢက︀်ႉထႃဝရ︀တ︀ီꩭႂ်ႛမ︀ႆ︀ႛ ပ︀ႂ်ႇထႃႛဢ︀ူင︀ႆ︀း မ︀ႅတ︀်ႉတ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ၢပ︀်ꩬ︀ီꩬ︀ွꩫ︀်ႈမ︀ူꩫ︀်ႈက︀ꩫ︀်ႈတ︀ႃႉ။