ယ︀ေႃးꩭၢꩫ︀် 6:2 - Khamti Shan

² ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ ဢ︀ဝ်ႈလ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ဝ်ႈꩫ︀ီႈꩭႂ်ႛꩫ︀ႆ︀ႇမ︀ႆ︀ႛ ꩭꩫ︀်မ︀ႃးꩬ︀ီ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် 6:2 ပူးပေါင်းရင်းမြစ်များ

မ︀တ︀်တ︀ႄး 12:15

လ︀ွင︀်ႈဢ︀ꩫ︀်ႈၸ︀ႃရ︀ိꩬ︀ႄꩫ︀ႆ︀ႇၵ︀ဝ်က︀ႅမ︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ွင︀်းက︀ီး လ︀ုက︀်ႉဢ︀မ︀ႂ်းမ︀ႆ︀ႛဢ︀ွက︀်က︀ႃဢ︀ူ။ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်က︀ေႃႇ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းက︀ႃက︀ꩫ︀်ႈꩬ︀ီ ၸ︀ူႛၵ︀ႆ︀ႛတ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 13:2

ꩭိမ︀်းမ︀ꩫ︀်းꩡ︀ဝ်ႛမ︀ႆ︀ႛ ၸ︀ုင︀်က︀ူꩫ︀်းလ︀ူင︀် မ︀ႃးၵ︀ုမ︀်ႇက︀ꩫ︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ က︀ꩫ︀်ႛꩫ︀ိူဝ်ꩭိူဝ်းမ︀ႆ︀ႛ က︀ႃꩫ︀င︀်ႈဢ︀ူ။ ၸ︀ုင︀်က︀ူꩫ︀်းယ︀ႃႇ ဢ︀ူင︀ွꩫ︀်းမ︀ႆ︀ႛꩫ︀မ︀်။

မ︀တ︀်တ︀ႄး 14:14

မ︀ꩫ︀်းꩡ︀ဝ်ႛလ︀ုက︀်ႉꩭိူဝ်းမ︀ႆ︀ႛလ︀ူင︀်းက︀ီး ၸ︀ုင︀်က︀ူꩫ︀်းလ︀ူင︀်မ︀ႆ︀ႛꩭꩫ︀်ဢ︀ူ။ မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ဢ︀ီꩫ︀ူႈလ︀ူင︀်ꩬ︀ီ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ၵ︀ဝ်မ︀ႆ︀ႛ ဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 8:1

ꩡ︀ဝ်ႛယ︀ေꩬ︀ုလ︀ုက︀်ႉက︀ꩫ︀်ႛꩫ︀ိူဝ်ꩫ︀ွႆ︀ႈမ︀ႆ︀ႛ လ︀ူင︀်းမ︀ႃးက︀ီး က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ၸ︀ုင︀်က︀ူꩫ︀်းလ︀ူင︀်ꩡ︀ွမ︀်းမ︀ႃးက︀ꩫ︀်ႈဢ︀ူ။

မ︀ႃက︀ု 1:45

ꩫ︀ႆ︀ႇꩫ︀က︀ေႃႇ မ︀ꩫ︀်းယ︀ႃႇ လ︀ွင︀်ႈဢ︀ꩫ︀်ႈမ︀ꩫ︀်းမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇတ︀င︀်းမ︀ိူင︀်း က︀ူႈတ︀ီႈမ︀ႆ︀ႛ က︀ႃၵ︀ႆ︀ႈလ︀ေၵ︀ွတ︀်ꩬ︀ီ ꩡ︀ဝ်ႛယ︀ေꩬ︀ုယ︀ႃႇ ဝီင︀်းဢ︀မ︀ႆ︀ႚက︀ေႃႇ က︀ႃꩡ︀ုꩫ︀်ႈꩰꩵ︀ႈꩫ︀ႆ︀ႛယ︀ဝ်ႇ။ င︀ႆ︀းꩬ︀ီꩭိမ︀်းဝီင︀်း တ︀ီႈဢ︀ꩫ︀်ႈက︀ူꩫ︀်းယ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀ၢႆ︀ႈꩬ︀ိုင︀် က︀ႃဢ︀ူဢ︀ူ။ ꩫ︀ႆ︀ႇꩫ︀က︀ေႃႇ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ လ︀ုက︀်ႉက︀ူႈပ︀ႃႛက︀ူႈꩫ︀ႃႛမ︀ႃးꩬ︀ီ မ︀ꩫ︀်းꩡ︀ဝ်ႛမ︀ႆ︀ႛထိုင︀်မ︀ႃးက︀ꩫ︀်ႈဢ︀ူ။

မ︀ႃက︀ု 6:33

ꩫ︀ႆ︀ႇꩫ︀က︀ေႃႇ ၵ︀ဝ်ꩡ︀ဝ်ႛဢ︀ွက︀်က︀ႃယ︀ဝ်ႇꩫ︀ꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ် ၵ︀တ︀်ႉၵ︀ႅင︀်းတ︀ွင︀်းက︀ႃꩬ︀ီ လ︀ုက︀်ႉက︀ူႈမ︀ၢꩫ︀်ႛက︀ူႈဝီင︀်းမ︀ႆ︀ႛ ဢ︀ွက︀်မ︀ႃးင︀ႆ︀း ဢ︀ဝ်ႈတ︀ၢင︀်းင︀ွꩫ︀်းလ︀ႅꩫ︀်ႈꩡ︀ွမ︀်းꩬ︀ီ က︀ꩫ︀်ႛꩫ︀ႃႛၵ︀ဝ်ꩡ︀ဝ်ႛမ︀ႆ︀ႛ ဢ︀ေႈထိုင︀်က︀ꩫ︀်ႈဢ︀ူ။

ယ︀ေႃးꩭၢꩫ︀် 11:47

ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ တ︀င︀်းက︀ုမ︀်ႛꩡ︀ဝ်ႛတ︀ြႃးꩫ︀ႆ︀ႇၵ︀ဝ် ꩭီတ︀်ပ︀ၢင︀်ႈက︀ုမ︀်ႈꩬ︀ီ “ပ︀လ︀ေႃး ယ︀ေꩬ︀ုꩫ︀ႆ︀ႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းဢ︀ၢꩫ︀်တ︀ၢꩫ︀်ꩭီတ︀်မ︀ႃးယ︀ဝ်ႇ။ ꩭဝ်းတ︀ီꩭိုဝ်လ︀ိုဝ်ꩫ︀ႆ︀။

ယ︀ေႃးꩭၢꩫ︀် 12:18

င︀ႆ︀းꩬ︀ီ ၸ︀ူႛဢ︀ꩫ︀်ႈꩫ︀ႆ︀ႛꩥ︀ိꩫ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ႆ︀က︀ꩫ︀်ႈꩬ︀ီမ︀ႃးမ︀ꩫ︀မ︀်။

ယ︀ေႃးꩭၢꩫ︀် 12:37

ပ︀ၢင︀်ႈꩫ︀ႃႛၵ︀ဝ်မ︀ႆ︀ႛ ꩡ︀ဝ်ႛယ︀ေꩬ︀ု လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ꩭီတ︀်မ︀ႃးꩫ︀က︀ေႃႇ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈယ︀ုမ︀်ယ︀မ︀်ႈ။

ယ︀ေႃးꩭၢꩫ︀် 2:11

ဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈꩡ︀ဝ်ႛယ︀ေꩬ︀ု ဢ︀ွꩫ︀်ႈတ︀ၢင︀်းလ︀ေႚလ︀ေႚꩭီတ︀် ꩬ︀ီ ပ︀ျႃးမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။ လ︀ွင︀်ႈꩫ︀ႆ︀ႇ တ︀ိူင︀်းက︀ႃလ︀ိလ︀ႄ၊ ဝီင︀်းက︀ႃꩫ︀မ︀ႆ︀ႛꩫ︀မ︀် မ︀ꩫ︀်းꩡ︀ဝ်ႛꩭီတ︀်ပ︀ျႃးမ︀ႃးꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ တ︀ပ︀ေးꩡ︀ဝ်ႛၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ယ︀ေႃးꩭၢꩫ︀် 2:23

ဝူင︀်ႈမ︀ိူဝ်ႈ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ꩭီတ︀်ပ︀ွႆ︀ပ︀ူꩫ︀်ႇလ︀ွတ︀်ႉꩫ︀ႆ︀ႇ လ︀ႆ︀ၢးꩫ︀ိမ︀ိက︀်ႉ ဢ︀ꩫ︀်ႈꩡ︀ဝ်ႛယ︀ေꩬ︀ု ꩭီတ︀်ပ︀ျႃးꩫ︀ႆ︀ႇၵ︀ဝ်မ︀ႆ︀ႛꩭꩫ︀်ꩬ︀ီ မ︀ꩫ︀်းꩡ︀ဝ်ႛ မ︀ႆ︀ႛက︀ူꩫ︀်းဢ︀ၢꩫ︀်တ︀ၢꩫ︀် ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ယ︀ေႃးꩭၢꩫ︀် 20:30

ꩡ︀ဝ်ႛယ︀ေꩬ︀ုယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးဢ︀ꩫ︀်ႈက︀ျမ︀်းꩫ︀ႆ︀ႇမ︀ႆ︀ႛ မ︀ဝ်တ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်က︀ေႃႇ ပ︀ၢင︀်ႈꩫ︀ႃႛတ︀ပ︀ေးꩡ︀ဝ်ႛၵ︀ဝ်မ︀ႆ︀ႛပ︀ျႃးမ︀ႃးဢ︀ူ။

ယ︀ေႃးꩭၢꩫ︀် 3:2

မ︀ꩫ︀်းယ︀ႃႇ ၵ︀မ︀်ႈလ︀ိူင︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ မ︀ႃးꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩬ︀ြႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛတ︀င︀်းမ︀ိူင︀်းတ︀ွင︀်းတ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးꩫ︀ိမ︀ိက︀်ႉ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈမ︀ႂ်းꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်လ︀ွေႛက︀ီး ၸ︀ႂ်က︀ေႃႇꩭီတ︀်ꩵ︀ႈꩫ︀ႆ︀ႛတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 6:14

ဢ︀ꩫ︀်ႈင︀ႆ︀းမ︀ꩫ︀်းꩡ︀ဝ်ႛ ပ︀ျႃးလ︀ႆ︀ၢးဢ︀ꩫ︀်ႈ ၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛꩫ︀ူႈꩬ︀ီ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “က︀ူဝ်ႇꩫ︀ႆ︀ႇမ︀ဝ်လ︀ိဝ်ႈယ︀ႃႇ ပ︀ရ︀ေႃးၸ︀ႅတ︀်ႉဢ︀ꩫ︀်ႈတ︀ီက︀ျွႃးမ︀ႃးမ︀ိူင︀်းက︀ၢင︀်ႈꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:22

ꩫ︀င︀်မ︀ိူဝ်ႈꩭုက︀်ႉ က︀ူꩫ︀်းဢ︀ꩫ︀်ႈၸ︀ၢက︀်ႉꩫ︀ွင︀်ပ︀ႃႛလ︀ိူင︀်ႈမ︀ႆ︀ႛ က︀ိူတ︀်ꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈင︀ႃးတ︀ီႈဢ︀မ︀ႂ်းမ︀ႆ︀ႛ ꩭိူဝ်းလ︀မ︀်းလ︀ိူင︀်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈဢ︀ူ။ ꩭိူဝ်းဢ︀မ︀ႂ်းမ︀ႆ︀ႛတ︀ပ︀ေးꩡ︀ဝ်ႛၵ︀ဝ်ꩫ︀ႆ︀ၢႈꩬ︀ိုင︀်ၵ︀ီက︀ႃꩬ︀ီ ꩡ︀ဝ်ႛယ︀ေꩬ︀ုမ︀ဝ်လ︀ွေႛက︀ႃꩫ︀ႆ︀ႇမ︀ႆ︀ႛက︀ေႃႇ ၵ︀ဝ်တ︀ွင︀်းဢ︀ူ။

ယ︀ေႃးꩭၢꩫ︀် 6:26

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ ꩬ︀ူက︀ဝ်ႈမ︀ႆ︀ႛၵ︀ႃꩫ︀ႆ︀ႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈက︀ဝ်ႈပ︀ျႃးꩫ︀ႆ︀ႇၵ︀ဝ်မ︀ႆ︀ႛ ꩭꩫ︀်ꩬ︀ီꩵ︀ႈꩡ︀ႂ်ႈ၊ ဢ︀ꩫ︀်ႈက︀ႃႈꩫ︀င︀်ꩬ︀ူၵ︀ႂ်ႈက︀ိꩫ︀်ႈꩫ︀ႆ︀ႇ ꩫ︀ႆ︀ႛက︀ိꩫ︀်ႈဢ︀ိမ︀်ꩰꩬ︀ီမ︀ႃးꩫ︀မ︀်။

ယ︀ေႃးꩭၢꩫ︀် 6:30

ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “မ︀ႂ်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းယ︀ုမ︀်ꩫ︀ႆ︀ႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းက︀ꩬ︀င︀်ꩫ︀ႆ︀တ︀ီꩭီတ︀်ပ︀ျႃးꩫ︀ႆ︀ႇ။ မ︀ႂ်းꩡ︀ဝ်ႛယ︀ႃႇ တ︀ီꩭိုဝ်လ︀ိုဝ်တ︀ီၵ︀ႃႛꩫ︀ႆ︀။