ယ︀ေႃးꩭၢꩫ︀် 5:39 - Khamti Shan

³⁹ ꩬ︀ူယ︀ႃႇ ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩵ︀ထၢင︀်ႇꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ꩭီတ︀်ဢ︀ၵ︀ႅက︀်ႉဢ︀ၵ︀ျႃၵ︀ႃလ︀ႅမ︀်းက︀ꩫ︀်ႈꩫ︀ႆ︀ႇ။ က︀ျမ︀်းလ︀ိက︀်ႉဢ︀မ︀ႂ်းꩬ︀ႃး ၵ︀ႆ︀ႈလ︀ွင︀်ႈက︀ဝ်ႈꩫ︀ႆ︀ႇ။

ယ︀ေႃးꩭၢꩫ︀် 5:39 ပူးပေါင်းရင်းမြစ်များ

မ︀တ︀်တ︀ႄး 22:29

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူက︀ျမ︀်းလ︀ိက︀်ႉမ︀ႆ︀ႛ မ︀ဝ်ပ︀ွင︀်ꩡ︀ႂ်ႈ၊ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇꩬ︀ီ ပ︀ႅက︀်တ︀ၢင︀်းလ︀ူင︀်ꩥ︀ႃ။

မ︀ႃက︀ု 10:3

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူမ︀ႆ︀ႛမ︀ေႃꩬ︀ေ ꩭလ︀ိုဝ်ꩫ︀ႆ︀ꩬ︀ွꩫ︀်ဝႆ︀ႇꩫ︀ႆ︀ႇ” ꩫ︀ꩬ︀ီၵ︀ဝ်မ︀ႆ︀ႛထၢမ︀်ပ︀ွက︀်ႉဢ︀ူ။

မ︀ႃက︀ု 12:10

က︀ျမ︀်းလ︀ိက︀်ႉမ︀ႆ︀ႛ ꩬ︀ူမ︀ဝ်ꩭွꩫ︀်ဢ︀ၢꩫ︀်က︀ျႃး “ꩭိꩫ︀်ဢ︀ꩫ︀်ႈၸ︀ူႛပ︀ူက︀်ꩭိူꩫ︀်းꩫ︀ႆ︀ႇၵ︀ဝ် ပ︀ႆ︀ၵ︀ွတ︀်ဝႆ︀ႇꩫ︀ႆ︀ႇ ꩫ︀ိူဝ်ꩭိꩫ︀်တ︀င︀်းမ︀ိူင︀်းမ︀ႆ︀ႛ တ︀ီပ︀ီꩫ︀်ႈꩭိꩫ︀်ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႃးꩫ︀မ︀်။

လ︀ုက︀ႃ 16:29

ဢ︀ႃပ︀ြႃꩭၢမ︀်ယ︀ႃႇ “ꩭၢင︀်းꩫ︀ွင︀်ႇမ︀ႂ်းၵ︀ဝ်မ︀ႆ︀ႛ ꩭႂ်ႛꩬ︀တ︀ိယ︀ႃႇ မ︀ေႃꩬ︀ေၵ︀ဝ် ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀င︀်းဢ︀ူ။ ၵ︀ၢမ︀်းၵ︀ဝ်ထုက︀်ထွမ︀်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:31

ဢ︀ႃပ︀ြႃꩭၢမ︀်က︀ေႃႇ “ၵ︀ဝ် ၵ︀ၢမ︀်းမ︀ေႃꩬ︀ေꩫ︀ၵ︀ႃ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် မ︀ဝ်ထွမ︀်၊ မ︀ဝ်ꩬ︀ၢင︀်ဝွေက︀ီး က︀ူꩫ︀်းဢ︀ꩫ︀်ႈတ︀ႆ︀ၢႈယ︀ဝ်ႇ ꩫ︀ိပ︀်ပ︀ွက︀်ႉမ︀ႃးꩫ︀က︀ေႃႇ တ︀ီထွမ︀်ꩵ︀ႈꩡ︀ႂ်ႈ” ꩫ︀ဝꩫ︀်ႇ။

လ︀ုက︀ႃ 24:25

ꩫ︀ႆ︀ႇမ︀ႆ︀ႛꩡ︀ဝ်ႛယ︀ေꩬ︀ုယ︀ႃႇ “ꩬ︀ူယ︀ႃႇ မ︀ိူက︀်ႉလ︀ူင︀်၊ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ မ︀ဝ်ယ︀ုမ︀်ယ︀မ︀်ႈလ︀ူင︀်ꩥ︀ႃ။

လ︀ုက︀ႃ 24:27

ꩬ︀ွင︀်ၵ︀ႃမ︀ႆ︀ႛ က︀ျမ︀်းလ︀ိက︀်ႉတ︀င︀်းလ︀ုင︀်မ︀ႆ︀ႛ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛက︀ူဝ်ꩬ︀ီ က︀ျမ︀်းပ︀ရ︀ေႃးၸ︀ႅတ︀်ႉတ︀င︀်းလ︀ုင︀်မ︀ႆ︀ႛ ဢ︀ꩫ︀်ႈလ︀ွင︀်ႈမ︀ꩫ︀်းꩡ︀ဝ်ႛတ︀ႅမ︀်ႛဝႆ︀ႇꩫ︀ႆ︀ႇၵ︀ဝ် ၵ︀ႆ︀ႈပ︀ျႃးꩭႂ်ႛဢ︀ူ။

လ︀ုက︀ႃ 24:44

ယ︀ဝ်ႇက︀ီးမ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛ “လ︀ွင︀်ႈက︀ဝ်ႈဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေ၊ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်င︀ႆ︀း က︀ျမ︀်းꩬ︀ႃလ︀ၢမ︀်မ︀ႆ︀ႛ ဝႃႈဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း ဝႃႈတ︀ီမ︀်ႈက︀ုမ︀်မ︀ႃးဢ︀ူꩫ︀ꩬ︀ီ မ︀ိူဝ်ႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ က︀ဝ်ႈဝႃႈမ︀ႃးယ︀ဝ်ႇ။ ဢ︀မ︀ႂ်းၵ︀ဝ် င︀ႆ︀ႚပ︀ီꩫ︀်ႈဢ︀ူꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:45

ၸ︀ိလ︀ိပ︀်ယ︀ႃႇ ꩫ︀ႃတ︀ꩫ︀ေလ︀မ︀ႆ︀ႛꩭꩫ︀်က︀ီး “က︀ူဝ်ႇဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩡ︀ိုဝ်ꩬ︀ီ က︀ျမ︀်းꩬ︀ိꩫ︀်မ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛ တ︀ူႈꩭꩫ︀်မ︀ႃးယ︀ဝ်ႇ။ ꩡ︀ိုဝ်ႈမ︀ꩫ︀်းꩡ︀ဝ်ႛယ︀ႃႇ ယ︀ေꩬ︀ုꩫ︀ꩫ︀မ︀်။ က︀ူꩫ︀်းဝီင︀်းꩫ︀ႃꩡ︀ရ︀ႅတ︀် ၸ︀ူႛလ︀ုက︀်ႉယ︀ေႃတ︀ၢတ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 5:32

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈꩭီတ︀်ꩬ︀ၢက︀်ႉꩬ︀ေလ︀ွင︀်ႈက︀ဝ်ႈꩫ︀ႆ︀ႇ က︀ူဝ်ႇလ︀ိူင︀်ႈယ︀င︀်းဢ︀ူ။ ဢ︀ꩫ︀်ႈမ︀ꩫ︀်းဝႃႈꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇက︀ဝ်ႈတ︀ွင︀်းဢ︀ူ။

ယ︀ေႃးꩭၢꩫ︀် 5:36

ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ ꩬ︀ြႃယ︀ေႃးꩭၢꩫ︀်ဝႃႈမ︀ႆ︀ႛယ︀ႂ်ꩬ︀ႃꩫ︀ႆ︀ႇ ယ︀င︀်းဢ︀ူ။ ဢ︀ꩫ︀်ႈင︀ႆ︀ႚက︀ဝ်ႈꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ က︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 5:40

ꩫ︀ႆ︀ႇꩫ︀က︀ေႃႇꩬ︀ူယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉဢ︀မ︀ႂ်းꩫ︀ႆ︀ႛꩫ︀ႆ︀ႇ က︀ဝ်ႈမ︀ႆ︀ႛꩵ︀ႈၵ︀ႂ်ႈမ︀ႃး။

ယ︀ေႃးꩭၢꩫ︀် 5:46

မ︀ေႃꩬ︀ေꩫ︀မ︀် လ︀ွင︀်ႈက︀ဝ်ႈတ︀ႅမ︀်ႛဝႆ︀ႇꩫ︀ႆ︀ႇ။ ꩬ︀င︀်ဝႃႈꩬ︀ူမ︀ေႃꩬ︀ေမ︀ႆ︀ႛယ︀ုမ︀်တ︀ေႇတ︀ေႇက︀ီး က︀ဝ်ႈမ︀ႆ︀ႛက︀ေႃႇ တ︀ီယ︀ုမ︀်ယ︀မ︀်ႈꩬ︀ႃး။

ယ︀ေႃးꩭၢꩫ︀် 7:52

ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “ဢ︀ႃႇ ꩫ︀ိက︀ေႃတ︀ီꩫ︀်ꩴ︀း မ︀ႂ်းက︀ေႃႇ က︀ူꩫ︀်းတ︀ိူင︀်းက︀ႃလ︀ိလ︀ႄးက︀ျႃး။ က︀ျမ︀်းလ︀ိက︀်ႉမ︀ႆ︀ႛ လ︀ႅမ︀်းꩫ︀ီႈꩫ︀ီႈလ︀ႃး။ လ︀ုက︀်ႉတ︀ိူင︀်းက︀ႃလ︀ိလ︀ႄးမ︀ႆ︀ႛ ပ︀ရ︀ေႃးၸ︀ႅတ︀်ႉꩵ︀ႈꩭွꩫ︀်ပ︀ူဝ်မ︀ႃးꩫ︀ꩫ︀ႆ︀ႇမ︀ႂ်းတ︀ီတ︀ွင︀်းꩬ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 13:27

က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေၵ︀ဝ်ꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ဝ်ႛၵ︀ေꩬ︀ေꩫ︀ꩫ︀ႆ︀ႇꩵ︀ႈတ︀ွင︀်း။ ၵ︀ၢမ︀်းပ︀ရ︀ေႃးၸ︀ႅတ︀်ႉဢ︀ꩫ︀်ႈꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ ဝꩫ︀်းက︀မ︀်ႈꩬ︀ိꩫ︀် က︀ူႈဝꩫ︀်းမ︀ႆ︀ႛ ၵ︀ဝ်ဢ︀ၢꩫ︀်မ︀ႃးꩫ︀ႆ︀ႇက︀ေႃႇ ၵ︀ဝ်ꩵ︀ႈပ︀ွင︀်ꩡ︀ႂ်ႈ။ ꩫ︀ႆ︀ႇꩫ︀က︀ေႃႇꩡ︀ဝ်ႛယ︀ေꩬ︀ုမ︀ႆ︀ႛꩭႂ်ႛတ︀ၢမ︀်တ︀ႆ︀ၢႈꩬ︀ီ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ꩭႂ်ႛပ︀ူဝ်း ပ︀ီꩫ︀်ႈမ︀ႃးတ︀ေႇတ︀ေႇꩫ︀ႆ︀ႇယ︀ႃႇ ၵ︀ဝ်ꩭီတ︀်မ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 17:11

က︀ူꩫ︀်းဝီင︀်းၿေရ︀ိꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈက︀ၢင︀်ႛꩡ︀ႂ်ႈတ︀ီမ︀်ႈꩬ︀ႃဢ︀ူ။ ၵ︀ဝ်ယ︀ႃႇတ︀ြႃးဢ︀ꩫ︀်ႈပ︀ေႃလ︀ုꩭူဝ်းမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်က︀ꩫ︀်ႈဢ︀ူ။ တ︀ြႃးဢ︀ꩫ︀်ႈမ︀ꩫ︀်းꩭူဝ်းꩫ︀ႆ︀ႇ ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇက︀ူႈမ︀ိုဝ်ႇက︀ူႈဝꩫ︀်း က︀ျမ︀်းလ︀ိက︀်ႉမ︀ႆ︀ႛလ︀ႅမ︀်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 26:27

ꩡ︀ဝ်ႛꩭူဝ်ၵ︀မ︀်းတ︀ီၵ︀ႃႛ မ︀ႂ်းꩡ︀ဝ်ႛက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ယ︀ုမ︀်တ︀ီၵ︀ႃႛဢ︀ေႃး။ မ︀ႂ်းꩡ︀ဝ်ႛယ︀ုမ︀်ဢ︀ူꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ” ꩫ︀ꩬ︀ီꩬ︀ွက︀်ႉဢ︀ူ။

ရ︀ေႃမ︀ 1:2

ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈꩫ︀ꩫ︀်ႇပ︀ုꩫ︀်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇꩬ︀ီ လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀တ︀ိꩭႂ်ႛဝႆ︀ႇမ︀ႃးဢ︀ူ။

ရ︀ေႃမ︀ 3:2

ပ︀ီꩫ︀်ႈက︀ျူးꩫ︀ႆ︀ႇ ဢ︀က︀ိဝ်းယ︀ႃႇ ယ︀င︀်းတ︀ေႇတ︀ေႇဢ︀ူ။ ဢ︀က︀ိဝ်းဢ︀ꩫ︀်ႈၵ︀ႅꩫ︀်းမ︀ႅတ︀်ႉယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းလ︀ိက︀်ႉပ︀ူင︀်ႈဢ︀ၢပ︀်ႉꩭႂ်ႛမ︀ႃးꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 3:16

က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ႂ်ဢ︀ဝ်ႈတ︀ီမ︀်ႈꩰဝႆ︀ႇက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ က︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀ွꩫ︀်က︀ꩫ︀်ႈ၊ ꩥ︀ႅပ︀်ႉက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛ က︀ူႈၸ︀ꩫ︀်းꩰဢ︀ွေꩬ︀ီ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ꩭေပ︀ရ︀ူး 11:16

ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ မ︀ိူင︀်းက︀ၢင︀်ႈꩭၢဝ် မ︀ိူင︀်းဢ︀ꩫ︀်ႈꩫ︀ီႈꩬ︀ႃမ︀ႆ︀ႛꩬ︀ိုင︀် ဢ︀ေꩬ︀ီဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ီꩫ︀်ႈၸ︀ြႃးၵ︀ဝ်ꩫ︀ႆ︀ႇꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛဝီင︀်းꩡ︀ႃႇꩭၢင︀်းၵ︀ဝ် ꩭႅမ︀်းဝႆ︀ႇꩬ︀ီꩫ︀မ︀်။

ꩭေပ︀ရ︀ူး 11:35

ၸ︀ူႛယ︀ိင︀်းꩫ︀ႆ︀ႇၵ︀ဝ်က︀ေႃႇ ၸ︀ူႛတ︀ႆ︀ၢႈၵ︀ဝ်ဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးမ︀ႆ︀ႛ ꩫ︀ႆ︀ႛပ︀ွက︀်ႉမ︀ႃးက︀ꩫ︀်ႈဢ︀ူ။ တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀ၢင︀်းꩫ︀ိပ︀်ပ︀ွက︀်ႉဢ︀ꩫ︀်ႈꩫ︀ီႈꩬ︀ႃမ︀ႆ︀ႛ ၵ︀ႂ်ႈꩫ︀ႆ︀ႛꩫ︀ႆ︀ႇꩬ︀ီ ဢ︀ꩫ︀်ႈပ︀ွႆ︀လ︀ွတ︀်ႉꩭႂ်ႛမ︀ႆ︀ႛ မ︀ဝ်ꩭၢပ︀်ႉဢ︀ဝ်ႈꩬ︀ီ ၵ︀ၢမ︀်ꩫ︀ိက︀်ႉꩬ︀ၢက︀်ႉ၊ ၵ︀ၢမ︀်တ︀ႆ︀ၢႈမ︀ႃးဢ︀ူ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။