ယ︀ေႃးꩭၢꩫ︀် 5:25 - Khamti Shan

²⁵ က︀ဝ်ႈꩬ︀ိုဝ်ႈꩰဝႃႈက︀ွတ︀်။ မ︀ဝ်ꩭိုင︀်က︀ꩬ︀င︀် ၸ︀ူႛတ︀ႆ︀ၢႈꩫ︀ႆ︀ႇၵ︀ဝ် ꩬ︀ီင︀်ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛတ︀ီꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ င︀ႆ︀ႚꩫ︀ႆ︀ၢႈက︀ေႃႇ က︀ူဝ်ꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ ဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ိပ︀်ပ︀ွက︀်ႉက︀ꩫ︀်ႈꩫ︀မ︀်။

ယ︀ေႃးꩭၢꩫ︀် 5:25 ပူးပေါင်းရင်းမြစ်များ

လ︀ုက︀ႃ 15:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ဝ်ႈꩫ︀ႆ︀ႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ တ︀ႆ︀ၢႈမ︀ႃးꩫ︀က︀ေႃႇ င︀ႆ︀ႚꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭၢႆ︀မ︀ႃးꩫ︀က︀ေႃႇ င︀ႆ︀ႚꩭꩫ︀်ပ︀ွက︀်ႉယ︀ဝ်ႇ” ꩫ︀ယ︀ဝ်ႇက︀ီး ၵ︀ဝ်ꩭီတ︀်ပ︀ွႆ︀းပ︀ိဝ်က︀ꩫ︀်ႈဢ︀ူ။

လ︀ုက︀ႃ 15:32

ꩫ︀ွင︀်ႇꩡ︀ႆ︀ၢးမ︀ႂ်းယ︀ႃႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ တ︀ႆ︀ၢႈမ︀ႃးꩫ︀က︀ꩫ︀်ႈပ︀ီꩫ︀်ႈꩬ︀ီ င︀ႆ︀ႚယ︀ႃႇꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭႆ︀ၢမ︀ႃးꩬ︀ီ င︀ႆ︀ႚယ︀ႃႇꩭꩫ︀်ပ︀ွက︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းင︀ႆ︀ႚထုက︀်ꩫ︀ီႈပ︀ိဝ်က︀ꩫ︀်ႈꩫ︀မ︀်” ꩫ︀ꩬ︀ီဝႃႈဢ︀ူ” ꩫ︀ဝꩫ︀်ႇ။

လ︀ုက︀ႃ 9:60

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩭႂ်ႛၸ︀င︀်က︀ွတ︀်။ မ︀ႂ်းယ︀ႃႇ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ က︀ႃတ︀ႅဝ်တ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 13:1

ꩫ︀င︀်မ︀ိူဝ်ႈꩭုက︀်ႉက︀ီး ပ︀ွႆ︀းပ︀ူꩫ︀်ႇလ︀ွတ︀်ႉတ︀ီက︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ လ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛဢ︀ွက︀်ꩬ︀ီ တ︀ီက︀ႃပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩡ︀မ︀်ႈယ︀ဝ်ႇꩫ︀ꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ွင︀်းဢ︀ူ။ က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇꩭၢက︀်ႉမ︀ႃးဢ︀ူ။ ꩭၢက︀်ႉမ︀ူတ︀်တ︀ိက︀်ဢ︀ဝ်ႈꩫ︀မ︀်။

ယ︀ေႃးꩭၢꩫ︀် 17:1

ဝႃႈင︀ႆ︀းယ︀ဝ်ႇက︀ီး ꩡ︀ဝ်ႛယ︀ေꩬ︀ုက︀ၢင︀်ႈꩭၢဝ်မ︀ႆ︀ႛꩭႅꩫ︀်ꩫ︀ူႈꩬ︀ီ “ပ︀ူဝ်ꩡ︀ဝ်ႛꩴ︀း လ︀ႃႉꩫ︀ႆ︀ႇ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛဢ︀ဝ်ႈꩭိူဝ်ႈꩭိုင︀်းꩫ︀ႆ︀ႇ မ︀ူꩫ︀်ႈက︀ဝ်ႈၵ︀ႃႛဢ︀ဝ်ႈꩭိူဝ်ႈꩭိုင︀်းꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 4:21

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “မ︀ႂ်း ၵ︀ၢမ︀်းက︀ဝ်ႈမ︀ႆ︀ႛယ︀ုမ︀်တ︀ႃႉ။ ယ︀ၢမ︀်းဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် ꩫ︀ွႆ︀ႈꩫ︀ႆ︀ႇမ︀ႆ︀ႛက︀ေႃႇမ︀ဝ်ꩡ︀ႂ်ႈ၊ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ေႃႇ မ︀ဝ်ꩡ︀ႂ်ႈꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇ တ︀ီထိုင︀်မ︀ႃးယ︀ဝ်ႇ။

ယ︀ေႃးꩭၢꩫ︀် 4:23

ယ︀ၢမ︀်းဢ︀ꩫ︀်ႈ က︀ူꩫ︀်းꩭဝ်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ပ︀ႆ︀ၢႛဝႆ︀ႈꩫ︀ႆ︀ႛꩫ︀ႆ︀ႇတ︀ီထိုင︀်မ︀ႃးယ︀ဝ်ႇ။ ထိုင︀်က︀ေႃႇထိုင︀်မ︀ႃးယ︀ဝ်ႇ။ က︀ူဝ်ႇဢ︀ꩫ︀်ႈင︀ႆ︀းꩬ︀ီ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀ႆ︀ႇ။

ယ︀ေႃးꩭၢꩫ︀် 5:21

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိပ︀်ꩭႂ်ႛꩫ︀က︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛꩫ︀ိပ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိပ︀်ꩭႂ်ႛဢ︀ူ။

ယ︀ေႃးꩭၢꩫ︀် 5:28

ꩬ︀ူပ︀ီဢ︀ၢမ︀်းက︀ꩫ︀်ႈ။ မ︀ဝ်ꩭိုင︀်က︀ꩬ︀င︀် ၸ︀ူႛတ︀ႆ︀ၢႈꩫ︀ႆ︀ႇၵ︀ဝ် ꩬ︀ီင︀်ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩥ︀ိꩫ︀်းꩬ︀ီ တ︀ီꩫ︀ိပ︀်ပ︀ွက︀်ႉမ︀ႃးက︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းဢ︀ꩫ︀်ႈꩭီတ︀်လ︀ွင︀်ႈꩫ︀ီႈမ︀ႃးꩫ︀ႆ︀ႇၵ︀ဝ် ꩫ︀ိပ︀်ပ︀ွက︀်ႉꩬ︀ီ ဢ︀ꩬ︀ၢက︀်ႉတ︀ီꩫ︀ႆ︀ႛက︀ꩫ︀်ႈꩫ︀မ︀်။ က︀ူꩫ︀်းဢ︀ꩫ︀်ႈꩭီတ︀်လ︀ွင︀်ႈꩡ︀ႃႇမ︀ႃးꩫ︀ႆ︀ႇၵ︀ဝ်ယ︀ႃႇ ꩫ︀ိပ︀်ပ︀ွက︀်ႉꩬ︀ီ တ︀ီꩫ︀ႆ︀ႛတ︀ၢမ︀်ဢ︀ပ︀ႅတ︀်ႉက︀ꩫ︀်ႈꩫ︀မ︀်။

ယ︀ေႃးꩭၢꩫ︀် 6:60

ၸ︀ူႛꩡ︀ွမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်က︀မ︀်ႈၸ︀ွင︀်းယ︀ႃႇ ၵ︀ၢမ︀်းဢ︀မ︀ႂ်းၵ︀ဝ် ꩫ︀ႆ︀ႛꩥ︀ိꩫ︀်းက︀ီး “ၵ︀ၢမ︀်းဢ︀ꩫ︀်ႈꩫ︀ႆ︀ႇၵ︀ဝ်ယ︀ပ︀်ၸ︀ႅဝ်ဢ︀ူ။ ၸ︀ႂ်က︀ေႃႇꩭၢပ︀်ႉꩵ︀ႈပ︀ီꩫ︀်ႈ” ꩫ︀ꩬ︀ီၵ︀င︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် 8:43

ဢ︀ꩫ︀်ႈက︀ဝ်ႈဝႃႈမ︀ႆ︀ႛ ꩬ︀ူမ︀ဝ်ပ︀ွင︀်ꩡ︀ႂ်ႈက︀ꩫ︀်ႈꩫ︀ႆ︀ႇ ၵ︀ၢမ︀်းက︀ဝ်ႈမ︀ႆ︀ႛ ꩬ︀ူꩭၢပ︀်ႉထွမ︀်မ︀ဝ်ပ︀ီꩫ︀်ႈꩬ︀ီꩬ︀ႃး။

ယ︀ေႃးꩭၢꩫ︀် 8:47

က︀ူဝ်ႇဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇ ၵ︀ၢမ︀်းꩡ︀ဝ်ႛၸ︀ြႃးထွမ︀်ဢ︀ူ။ ꩫ︀ႆ︀ႇꩫ︀က︀ေႃ ꩬ︀ူယ︀ႃႇလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ꩡ︀ႂ်ႈꩬ︀ီꩬ︀ႃး မ︀ဝ်ထွမ︀်ꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 9:27

မ︀ꩫ︀်းယ︀ႃႇ “က︀ဝ်ႈꩬ︀ူမ︀ႆ︀ႛ ၵ︀ႆ︀ႈယ︀ဝ်ႇꩰ။ ꩬ︀ူၸ︀ူႛꩡ︀ဝ်ႛꩬ︀ိုင︀် မ︀ဝ်ထွမ︀်က︀ေႃႇ။ ꩭီတ︀်က︀ꩬ︀င︀်ꩫ︀ႆ︀ င︀ႆ︀ႚၵ︀ႂ်ႈꩫ︀ႆ︀ႛꩥ︀ိꩫ︀်းဢ︀ိက︀်ꩫ︀ႆ︀ႇ။ ꩬ︀ူက︀ေႃႇ ၵ︀ႂ်ႈပ︀ီꩫ︀်ႈတ︀ပ︀ေးမ︀ꩫ︀်းꩡ︀ဝ်ႛက︀ျႃး” ꩫ︀ဝꩫ︀်ႇ။

ရ︀ေႃမ︀ 6:4

ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛၸ︀င︀်မ︀ႆ︀ႛက︀ေႃႇ ꩭဝ်းမ︀ႆ︀ႛၸ︀င︀်လ︀ွေႛယ︀ဝ်ႇ။ င︀ႆ︀းꩬ︀ီ ꩭဝ်းတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႆ︀ၢႈꩫ︀ႆ︀ႇယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ꩫ︀်းၵ︀ူဝ်း ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းꩭဝ်းမ︀ႆ︀ႛက︀ေႃႇ ဢ︀ဝ်ႈပ︀ီꩫ︀်ႈက︀ူꩫ︀်းမ︀ႂ်မ︀ႃးꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 2:1

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်င︀ႆ︀း ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈꩬ︀ီဢ︀ူမ︀ႃးꩫ︀မ︀်။

ဢ︀ေၸ︀ႅတ︀် 5:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈလ︀ႅင︀်းယ︀ႃႇ တ︀င︀်းလ︀ုင︀်မ︀ႆ︀ႛဢ︀ဝ်ႈꩭꩫ︀်ꩡ︀ုꩫ︀်ႈꩰꩭႂ်ႛꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ ပ︀ိူꩫ︀်ႈဝႃႈက︀ꩫ︀်ႈꩫ︀ႆ︀ႇ “ၸ︀ူႛꩫ︀ွꩫ︀်းꩫ︀က︀်ꩴ︀း လ︀ုက︀်ႉတ︀ႃႉ။ လ︀ုက︀်ႉဢ︀ꩫ︀်ႈတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉတ︀ႃႉ။ င︀ႆ︀းက︀ီး က︀ꩫ︀်ႛꩫ︀ိူဝ်မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် တ︀ွင︀်လ︀ႅင︀်းꩭႂ်ႛဢ︀ူ” ꩫ︀ဝꩫ︀်ႇ။

က︀ေႃလ︀ေႃတ︀ႄ 2:13

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ီဢ︀ူမ︀ႃး၊ ꩡ︀ႂ်ႈပ︀ႃႛဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ မ︀ဝ်ပ︀ႆ︀ပ︀တ︀်ၵ︀ွတ︀်ꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈဢ︀ူမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩬ︀ီ ဢ︀ပ︀ႅတ︀်ႉꩬ︀ူက︀ႃႈꩫ︀င︀်ယ︀င︀်းမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛယ︀ဝ်ႇ။

ၿျႃၻိက︀်ႉ 3:1

“ၵ︀ုꩫ︀်ꩬ︀ၢင︀် ꩡ︀ိူဝ်းꩬ︀ႃတ︀ိမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ႆ︀ႇ တ︀ႅမ︀်ႛꩭႂ်ႛတ︀ႃႉ။ ꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩡ︀ီတ︀်ပ︀ႃးꩫ︀ၵ︀ႃ ꩫ︀ၢဝ်ႈꩡ︀ီတ︀်လ︀ုက︀်ႉယ︀င︀်းꩫ︀ႆ︀ႇ ဝႃႈꩫ︀ႆ︀ႇယ︀ႃႇ ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းယ︀ႃႇ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ꩬ︀ီ ပ︀ိူꩫ︀်ႈဝႃႈၵ︀ႂ်ႈလ︀ႂ်ႈꩫ︀က︀ေႃႇ တ︀ႆ︀ၢႈတ︀ေႇတ︀ေႇဢ︀ူꩫ︀မ︀်။