ယ︀ေႃးꩭၢꩫ︀် 5:17 - Khamti Shan

¹⁷ င︀ႆ︀းက︀ီးမ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “ပ︀ူဝ်က︀ဝ်ႈမ︀ိူဝ်ႈလ︀ႂ်ႈက︀ေႃႇ ဢ︀မ︀ူးꩭီတ︀်ဢ︀ူꩫ︀ႆ︀ႇꩬ︀ီ က︀ဝ်ႈက︀ေႃႇ ဝႃႈꩭီတ︀်ဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:17 ပူးပေါင်းရင်းမြစ်များ

မ︀တ︀်တ︀ႄး 10:29

င︀ိူꩫ︀်းတ︀ွင︀်းၵ︀ႅပ︀်လ︀ိူင︀်ႈက︀ီး ꩫ︀ူက︀်ႉꩡ︀ွက︀်ꩬ︀ွင︀်တ︀ူဝ်ႈꩬ︀ိုဝ်ႇꩫ︀ႆ︀ႛမ︀ဝ်ꩡ︀ႂ်ႈ။ ꩫ︀ႆ︀ႇꩫ︀က︀ေႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူ ဢ︀ၵ︀ၢင︀်းမ︀ဝ်ယ︀င︀်းက︀ီး ꩫ︀ူက︀်ႉꩡ︀ွက︀်တ︀ူဝ်ႈလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈꩫ︀ႆ︀ႛတ︀ႆ︀ၢႈ။

ယ︀ေႃးꩭၢꩫ︀် 10:36

ပ︀ူဝ်က︀ဝ်ႈလ︀ိူက︀်ႉင︀ႆ︀းပ︀ွႆ︀ꩡ︀ႂ်ႇꩫ︀ႆ︀ႇꩬ︀ီ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛ မ︀ႃးꩫ︀မ︀်။ “က︀ဝ်ႈပ︀ီꩫ︀်ႈၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်” ꩫ︀ꩬ︀ီ က︀ဝ်ႈဝႃႈꩫ︀ႆ︀ႇမ︀ႆ︀ႛ ဢ︀ꩫ︀်ႈၸ︀ိတ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩬ︀ီ ꩭိုဝ်လ︀ိုဝ်ꩬ︀ီ ꩬ︀ူဝႃႈꩫ︀ႆ︀။

ယ︀ေႃးꩭၢꩫ︀် 14:10

ၸ︀ိလ︀ိပ︀်ꩴ︀း က︀ꩫ︀်ႛꩫ︀ႂ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ဝ်ႈယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းဢ︀ူ။ မ︀ႂ်းမ︀ဝ်ယ︀ုမ︀်က︀ျႃး။ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ လ︀ုက︀်ႉက︀ဝ်ႈမ︀ႆ︀ႛဢ︀ွက︀်မ︀ႃးꩵ︀ႈꩡ︀ႂ်ႈ၊ လ︀ုက︀်ႉပ︀ူဝ်က︀ဝ်ႈ ဢ︀ꩫ︀်ႈတ︀င︀်းက︀ဝ်ႈၵ︀ိင︀်းꩬ︀ီဢ︀ူမ︀ႆ︀ႛꩫ︀မ︀်မ︀ႃးꩫ︀ႆ︀ႇ။

ယ︀ေႃးꩭၢꩫ︀် 5:16

ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ က︀ွပ︀်ႉပ︀ိူဝ်ႈဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ ꩡ︀ဝ်ႛယ︀ေꩬ︀ုꩭီတ︀်င︀ႆ︀းꩫ︀ႆ︀ႇꩬ︀ီ လ︀ုက︀်ႉဢ︀မ︀ႂ်းမ︀ႆ︀ႛက︀ူဝ်ꩬ︀ီ မ︀ꩫ︀်းꩡ︀ဝ်ႛမ︀ႆ︀ႛၵ︀ႃꩬ︀ူꩫ︀်ႇၵ︀ႃလ︀ီႛက︀ꩫ︀်ႈဢ︀ူ။

ယ︀ေႃးꩭၢꩫ︀် 5:18

မ︀ꩫ︀်းꩡ︀ဝ်ႛ ပ︀ိူင︀်ႈဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇꩬ︀ေႇမ︀ဝ်က︀ႃး၊ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛဝႃႈင︀ႆ︀းꩬ︀ီလ︀ိူင︀်ႈ၊ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ပ︀ူဝ်က︀ဝ်ႈꩫ︀ꩬ︀ီꩭွင︀်ႇꩬ︀ီ တ︀င︀်းမ︀ꩫ︀်းꩡ︀ဝ်ႛ ꩭီတ︀်ဢ︀ဝ်ႈပ︀ၢꩫ︀်ႈက︀ꩫ︀်ႈꩫ︀ႆ︀ႇꩬ︀ီလ︀ိူင︀်ႈ မ︀ꩫ︀်းꩡ︀ဝ်ႛမ︀ႆ︀ႛ ꩭူဝ်က︀ေက︀ျူးꩫ︀ႆ︀ႇၵ︀ဝ် ဢ︀ေႈၵ︀ႅꩫ︀်းꩬ︀ၢင︀်ဢ︀ဝ်ႈတ︀ႆ︀ၢႈက︀ꩫ︀်ႈဢ︀ူ။

ယ︀ေႃးꩭၢꩫ︀် 9:4

ဢ︀မ︀ူးꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇ မ︀ိူဝ်ႈလ︀ႅင︀်းမ︀ိူဝ်ႈꩡ︀ၢင︀်ꩫ︀ႆ︀ႇ ꩭဝ်းဝႃႈꩭီတ︀်ဢ︀ူ။ ယ︀ၢမ︀်းပ︀ၢင︀်ႛၵ︀မ︀်ႈ ဢ︀ꩫ︀်ႈမ︀ိူဝ်ႈၸ︀ႂ်က︀ေႃႇ ꩭီတ︀်ဢ︀မ︀ူး မ︀ဝ်ꩫ︀ႆ︀ႛꩫ︀ႆ︀ႇ တ︀ီထိုင︀်မ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 14:17

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛယ︀င︀်းဢ︀ူꩫ︀ꩫ︀ႆ︀ႇ ဢ︀ဝ်ႈလ︀ွင︀်ႈꩫ︀ီႈဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩫ︀ႆ︀ႇၵ︀ဝ် ꩬ︀ၢက︀်ႉꩬ︀ေပ︀ျႃးꩭႂ်ႛမ︀ႃးဢ︀ူ။ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛၸ︀ူꩫ︀်ဢ︀ဝ်ႈတ︀ူက︀်ꩭႂ်ႛꩬ︀ီ မ︀ိုဝ်ႇယ︀ၢမ︀်းထိုင︀်က︀ီး မ︀က︀်ꩫ︀ႆ︀ႇၵ︀ဝ်ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩬ︀ူမ︀ႆ︀ႛလ︀ီင︀်ႇဢ︀ွႆ︀ꩬ︀ီ ဢ︀ဝ်ႈပ︀ိဝ်ယ︀ႃꩬ︀ႃꩡ︀ႂ်ႈꩭႂ်ႛဢ︀ူ” ꩫ︀ꩬ︀ီဢ︀ိဝ်ꩬ︀ီ ၵ︀ဝ်မ︀ႆ︀ႛဝႃႈဢ︀ူ။

ထဝ်ꩡ︀တ︀်ႉၵ︀ဝ် 17:28

“က︀ူꩫ︀်းꩭဝ်းယ︀ႃႇလ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩬ︀ီ ꩫ︀ိင︀်ၵ︀ွꩫ︀်းꩬ︀ီဢ︀ူꩫ︀ႆ︀ႇ” ꩫ︀ꩬ︀ီꩡ︀ဝ်ႛမ︀ူဝ်က︀ူဝ်ႇလ︀ိူင︀်ႈဝႃႈꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ိုꩫ︀်းꩫ︀က︀ဝ် ꩡ︀ဝ်ႛမ︀ူဝ်က︀မ︀်ႈၸ︀ွင︀်းယ︀ႃႇ “ꩭဝ်းက︀ေႃႇ လ︀ုက︀်ႉလ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်” ꩫ︀ꩬ︀ီက︀ေႃႇဝႃႈဢ︀ူ။

က︀ေႃရ︀ိꩫ︀်တ︀ု ႑ 12:6

က︀ူꩫ︀်းꩭဝ်းမ︀ႆ︀ႛ ꩫ︀မ︀်ႇက︀တ︀်ႉꩭၢင︀်းꩭီတ︀်ဢ︀မ︀ူး က︀ီလ︀ႆ︀ၢၸ︀ꩫ︀်းယ︀င︀်းၵ︀ႂ်ႈလ︀ႂ်ႈꩫ︀က︀ေႃႇ ꩡ︀ဝ်ႛဢ︀ꩫ︀်ႈꩭဝ်းတ︀င︀်းမ︀ိူင︀်းမ︀ႆ︀ႛ ꩫ︀မ︀်ႇက︀တ︀်ႉဢ︀မ︀ႂ်းၵ︀ဝ် ꩭၢင︀်းၸ︀ႂ်ꩭၢင︀်းမ︀ꩫ︀်းပ︀ူင︀်ႈꩭႂ်ႛꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀်။

က︀ေႃလ︀ေႃတ︀ႄ 1:16

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ꩡ︀ဝ်ႛꩫ︀ႆ︀ႇၵ︀ဝ်၊ ꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈက︀ၢင︀်ႈꩭၢဝ်လ︀င︀်ꩫ︀ိꩫ︀်ႈမ︀ႆ︀ႛယ︀င︀်း ဢ︀ꩫ︀်ႈꩭꩫ︀်ꩫ︀ႆ︀ႛတ︀မ︀ိူင︀်း ဢ︀ꩫ︀်ႈꩭꩫ︀်မ︀ဝ်ꩫ︀ႆ︀ႛတ︀မ︀ိူင︀်း တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈမ︀ꩫ︀်းꩡ︀ဝ်ႛ၊ ꩡ︀ႃႇမ︀ꩫ︀်းꩡ︀ဝ်ႛꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:13

ꩡ︀ႃႇလ︀ိူင︀်ႈ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ူႈယ︀ူဝ်းယ︀ွင︀်ႛꩬ︀ီဢ︀ူꩫ︀ႆ︀ႇ လ︀ွင︀်ႈလ︀ိူင︀်ႈယ︀င︀်းဢ︀ူ။ ဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀ူႈꩬ︀ူမ︀ႆ︀ႛ ꩬ︀ွꩫ︀်ꩬ︀င︀်မ︀ႃးꩫ︀ႆ︀ႇ ၵ︀ၢမ︀်းက︀ူꩫ︀်းꩵ︀ႈꩡ︀ႂ်ႈ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩡ︀ႅတ︀်ႉꩰꩫ︀မ︀် ꩫ︀ꩬ︀ီ ꩬ︀ူꩭၢပ︀်ႉဢ︀ဝ်ႈမ︀ႃးꩫ︀ႆ︀ႇꩬ︀ီꩫ︀မ︀်။ ဢ︀မ︀ႂ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛ ဢ︀ဝ်ႈၵ︀ၢဝ်ႈၵ︀ၢမ︀်းဢ︀မ︀ႂ်း ဢ︀ဝ်ႈꩫ︀ီႈꩭႂ်ႛꩬ︀ီဢ︀ူꩫ︀မ︀်။

ꩭေပ︀ရ︀ူး 1:3

လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။