ယ︀ေႃးꩭၢꩫ︀် 4:42 - Khamti Shan

⁴² ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ “င︀ႆ︀ႚတ︀ူႈယ︀ုမ︀်ꩫ︀ႆ︀ႇ လ︀ႆ︀ၢးပ︀ိူဝ်ႈၵ︀ၢမ︀်းမ︀ႂ်းꩬ︀ီꩵ︀ႈꩡ︀ႂ်ႈ။ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩡ︀ဝ်ႛꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛၵ︀ေꩬ︀ေမ︀ိူင︀်းက︀ၢင︀်ႈꩫ︀မ︀်ꩫ︀ꩫ︀ႆ︀ႇ တ︀ူႈၸ︀ူႛꩡ︀ဝ်ႛတ︀ွင︀်းယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 4:42 ပူးပေါင်းရင်းမြစ်များ

မ︀တ︀်တ︀ႄး 1:21

မ︀ꩫ︀်းလ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈ တ︀ီယ︀င︀်းမ︀ႃးꩫ︀မ︀်။ လ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈၸ︀ꩫ︀်းၸ︀ူႛꩡ︀ဝ်ႛမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ယ︀ေꩬ︀ုꩫ︀ꩬ︀ီꩡ︀ိုဝ်ႈꩬ︀ႂ်ꩭႂ်ႛတ︀ႃႉ။

ယ︀ေႃးꩭၢꩫ︀် 1:29

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။

ယ︀ေႃးꩭၢꩫ︀် 11:17

ꩡ︀ဝ်ႛယ︀ေꩬ︀ုထိုင︀်က︀ႃက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ လ︀ႃꩡ︀ရ︀ုမ︀ႆ︀ႛ ထမ︀်ႛမ︀ႆ︀ႛၸ︀င︀်ဝႆ︀ႇꩫ︀ႆ︀ႇ ꩬ︀ီဝꩫ︀်းတ︀မ︀ိူင︀်းထူꩫ︀်ႛတ︀ီၵ︀ႃႛယ︀ဝ်ႇꩫ︀ꩬ︀ီ မ︀ꩫ︀်းꩡ︀ဝ်ႛမ︀ႆ︀ႛၵ︀ႆ︀ႈက︀ꩫ︀်ႈဢ︀ူ။

ယ︀ေႃးꩭၢꩫ︀် 17:8

ၵ︀ၢမ︀်းဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛပ︀ူင︀်ႈꩭႂ်ႛမ︀ႃးꩫ︀ႆ︀ႇ ၵ︀ဝ်မ︀ႆ︀ႛက︀ဝ်ႈၵ︀ႃႛပ︀ူင︀်ႈꩭႂ်ႛꩬ︀ီ ၵ︀ဝ်ꩭၢပ︀်ႉဢ︀ဝ်ႈတ︀ီၵ︀ႃႛယ︀ဝ်ႇ။ က︀ဝ်ႈၵ︀ႃႛ လ︀ုက︀်ႉꩡ︀ဝ်ႛမ︀ႆ︀ႛꩫ︀မ︀်မ︀ႃးꩫ︀ႆ︀ႇꩫ︀ꩫ︀ႆ︀ႇ ၵ︀ဝ်တ︀ွင︀်းတ︀ီၵ︀ႃႛဢ︀ူ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ၵ︀ဝ်ယ︀ုမ︀်ယ︀မ︀်ႈတ︀ီၵ︀ႃႛဢ︀ူ။

ယ︀ေႃးꩭၢꩫ︀် 4:29

က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ꩡ︀ဝ်ႛၵ︀ဝ်ꩴ︀း မ︀ႃးလ︀ႅမ︀်းက︀ꩫ︀်ႈလ︀ႃး၊ က︀ူဝ်ႇဢ︀ꩫ︀်ႈက︀ႃႈꩫ︀င︀်က︀ဝ်ႈꩭီတ︀်မ︀ႃးမ︀ႆ︀ႛ ၵ︀ႆ︀ႈပ︀ွက︀်ႉꩭႂ်ႛꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်မ︀ႃးယ︀ဝ်ႇ။ က︀ူဝ်ႇဢ︀မ︀ႂ်း မ︀ေꩬ︀ိယ︀ꩡ︀ႂ်ႈက︀လ︀ူ” ꩫ︀ꩬ︀ီ က︀ႃၵ︀ႆ︀ႈလ︀ေဢ︀ူ။

ယ︀ေႃးꩭၢꩫ︀် 4:41

ၵ︀ၢမ︀်းꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးဢ︀ိက︀်က︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 13:23

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ လ︀ုက︀်ႉၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛꩬ︀ိုင︀် ꩡ︀ဝ်ႛၵ︀ေꩬ︀ေ ꩡ︀ႃႇၵ︀ိူဝ်းဢ︀ီတ︀်ꩬ︀ြေးၵ︀ဝ် ဢ︀ဝ်ႈဢ︀ွက︀်ꩭႂ်ႛမ︀ႃးꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုꩫ︀မ︀်။

ထဝ်ꩡ︀တ︀်ႉၵ︀ဝ် 4:12

မ︀ꩫ︀်းꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀် ၵ︀ေꩬ︀ေꩭႂ်ႛꩫ︀ႆ︀ႛꩫ︀ႆ︀ႇ။ မ︀ꩫ︀်းꩡ︀ဝ်ႛမ︀ႆ︀ႛပ︀ူꩫ︀်ႇꩬ︀ီ ꩭဝ်းမ︀ႆ︀ႛၵ︀ေꩬ︀ေပ︀ီꩫ︀်ႈꩫ︀ႆ︀ႇ ꩫ︀ႂ်းတ︀မ︀်တ︀ိူင︀်းမ︀ႆ︀ႛ ၸ︀ႂ်က︀ေႃႇꩵ︀ႈယ︀င︀်း” ꩫ︀ꩬ︀ီၵ︀ဝ်မ︀ႆ︀ႛ ပ︀ေတ︀ရ︀ုက︀ေႛတ︀ွပ︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 5:31

ꩭႂ်ႛပ︀ူဝ်းဢ︀ီတ︀်ꩬ︀ြေးၵ︀ဝ် ꩬ︀ၢင︀်ဝွေꩬ︀ီ လ︀ုက︀်ႉဢ︀ပ︀ႅတ︀်ႉၵ︀ဝ်မ︀ႆ︀ႛ ꩫ︀ႆ︀ႛလ︀ွတ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ꩭႂ်ႛꩡ︀ၢမ︀်ပ︀ႃႛၵ︀ႃမ︀ꩫ︀်းꩡ︀ဝ်ႛꩬ︀ီ ဢ︀ဝ်ႈပ︀ီꩫ︀်ႈꩡ︀ဝ်ႛꩡ︀ွမ︀်ႈ၊ ဢ︀ဝ်ႈပ︀ီꩫ︀်ႈꩡ︀ဝ်ႛၵ︀ေꩬ︀ေယ︀ဝ်ႇ။

က︀ေႃရ︀ိꩫ︀်တ︀ု ႒ 5:19

ၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ မ︀ဝ်မ︀တ︀်ႉဝႆ︀ႇꩬ︀ီ က︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉꩭႂ်ႛꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 4:10

င︀ႆ︀ႚꩭဝ်းꩬ︀ေႈꩡ︀ႃႉꩬ︀ီ က︀မ︀်ႈက︀ႅင︀်းဢ︀ူꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်၊ ꩡ︀ဝ်ႛၵ︀ေꩬ︀ေက︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီꩫ︀မ︀်။ ဢ︀ꩫ︀်ႈတ︀ေႇတ︀ေႇက︀ီး မ︀ꩫ︀်းꩡ︀ဝ်ႛယ︀ႃႇꩡ︀ဝ်ႛၵ︀ေꩬ︀ေꩭဝ်း ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩫ︀မ︀်။

ယ︀ေႃးꩭၢꩫ︀် ႑ 2:2

ꩡ︀ဝ်ႛဢ︀မ︀ႂ်းယ︀ႃႇ တ︀ူဝ်ႈၵ︀ႅက︀်ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉꩭဝ်းꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈꩡ︀ႃႇၸ︀ေဢ︀ပ︀ႅတ︀်ႉ က︀ူꩫ︀်းမ︀ိူင︀်းက︀ၢင︀်ႈတ︀င︀်းမ︀ိူင︀်းꩫ︀မ︀်။

ယ︀ေႃးꩭၢꩫ︀် ႑ 4:14

တ︀ူႈယ︀ႃႇ ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛၵ︀ေꩬ︀ေက︀ွတ︀်ꩫ︀ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ꩬ︀ၢက︀်ႉꩬ︀ေꩫ︀မ︀်။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။