ယ︀ေႃးꩭၢꩫ︀် 4:34 - Khamti Shan

³⁴ င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈက︀ိꩫ︀်ႈက︀ဝ်ႈယ︀ႃႇ ဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩭီတ︀်ꩡ︀ွမ︀်းꩬ︀ီ ဢ︀မ︀ူးဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႂ်ႇꩫ︀ႆ︀ႇမ︀ႆ︀ႛ ဢ︀ဝ်ႈယ︀ဝ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 4:34 ပူးပေါင်းရင်းမြစ်များ

မ︀တ︀်တ︀ႄး 26:39

ꩡ︀ွꩫ︀်လ︀ိူင︀်ႈက︀ႃဢ︀ိက︀်ꩬ︀ီ ꩫ︀ိꩫ︀်ႈမ︀ႆ︀ႛပ︀ႅပ︀်ႉၵ︀ုပ︀်ႉဢ︀ူ။ ယ︀ဝ်ႇက︀ီး “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩴ︀း ꩬ︀င︀်ဝႃႈပ︀ီꩫ︀်ႈꩫ︀ႆ︀ႛက︀ီး က︀ွက︀်ဝေၻꩫ︀ႃꩫ︀ႆ︀ႇလ︀ုက︀်ႉက︀ဝ်ႈၵ︀ႃႛမ︀ႆ︀ႛ ဢ︀ဝ်ႈင︀ိူင︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ။ ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းက︀ဝ်ႈၵ︀ႃႛပ︀ီꩭႂ်ႛပ︀ီꩫ︀်ႈတ︀ီၵ︀ႃႛ။ ꩭႂ်ႛပ︀ီꩫ︀်ႈဢ︀လ︀ၢင︀်းၵ︀ိင︀်းတ︀ူဝ်ꩡ︀ဝ်ႛꩫ︀ႆ︀ၢႈ တ︀ီၵ︀ႃႛမ︀ႃးတ︀ႃႉ” ꩫ︀ဢ︀ူ။

မ︀တ︀်တ︀ႄး 3:15

ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းက︀ုမ︀်ꩫ︀ႆ︀ႇ ထုက︀်ꩫ︀ီႈꩭီတ︀်ဢ︀ူ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ မ︀ႂ်းꩬ︀ိုင︀် က︀ဝ်ႈမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛမ︀ႃးတ︀ႃႉ” ꩫ︀ဝꩫ︀်ႇ။ င︀ႆ︀းꩬ︀ီ ꩬ︀ြႃယ︀ေႃးꩭၢꩫ︀်က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။

မ︀တ︀်တ︀ႄး 9:19

ꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉꩬ︀ီတ︀င︀်းမ︀ꩫ︀်းꩡ︀ွမ︀်းက︀ႃဢ︀ူ။ တ︀ပ︀ေးꩡ︀ဝ်ႛၵ︀ဝ်က︀ေႃႇ ꩡ︀ွမ︀်းလ︀ွေႛက︀ႃဢ︀ူ။

လ︀ုက︀ႃ 15:10

က︀ဝ်ႈဝႃႈက︀ွတ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ꩡ︀ႃႇက︀ူꩫ︀်းဢ︀ꩫ︀်ႈလ︀ုက︀်ႉတ︀ၢင︀်းဢ︀ပ︀ႅတ︀်ႉမ︀ႆ︀ႛ ꩬ︀ၢင︀်ဝွေမ︀ႃးက︀ူဝ်ႇလ︀ိူင︀်ႈꩫ︀ႆ︀ႇ တ︀ီꩡ︀ူမ︀်းꩭုမ︀်လ︀ူင︀်က︀ꩫ︀်ႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 19:10

လ︀ုက︀်ႉက︀ူꩫ︀်းယ︀ႃႇ က︀ူꩫ︀်းဢ︀ꩫ︀်ႈꩭႆ︀ၢꩫ︀ႆ︀ႇၵ︀ဝ်မ︀ႆ︀ႛ ၵ︀ႃꩬ︀ီၵ︀ေꩬ︀ေက︀ွတ︀်ꩫ︀ꩬ︀ီ က︀ျွႃးမ︀ႃးꩫ︀မ︀်” ꩫ︀ဝꩫ︀်ႇ။

လ︀ုက︀ႃ 2:49

ꩫ︀ႆ︀ႇမ︀ႆ︀ႛ ယ︀ေꩬ︀ုယ︀ႃႇ “ꩭီတ︀်က︀ꩬ︀င︀်ꩫ︀ႆ︀ က︀ဝ်ႈမ︀ႆ︀ႛၵ︀ႃꩫ︀ႆ︀ႇ။ က︀ဝ်ႈယ︀ႃႇꩭိူꩫ︀်းပ︀ူဝ်က︀ဝ်ႈမ︀ႆ︀ႛꩬ︀ိုင︀် ဝႃႈဢ︀ူက︀ေႃႇ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

ယ︀ေႃးꩭၢꩫ︀် 17:4

ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛပ︀ူင︀်ႈဝႆ︀ႇꩫ︀ႆ︀ႇၵ︀ဝ် ဢ︀ဝ်ႈယ︀ဝ်ႇꩬ︀ီ မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛ မ︀ူꩫ︀်ႈမ︀ႂ်းꩡ︀ဝ်ႛ ဢ︀ဝ်ႈꩭိူဝ်ႈꩭိုင︀်းမ︀ႃးတ︀ီၵ︀ႃႛယ︀ဝ်ႇ။

ယ︀ေႃးꩭၢꩫ︀် 19:28

လ︀ႃႉꩫ︀ႆ︀ႇ ဢ︀မ︀ူးတ︀င︀်းမ︀ိူင︀်းယ︀ဝ်ႇꩰꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛတ︀ွင︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩭႂ်ႛပ︀ူဝ်းတ︀ီမ︀်ႈထူꩫ︀်ႛမ︀ႃးꩫ︀ႆ︀ႇ “က︀ဝ်ႈꩭႃꩭႅင︀်ႛဢ︀ူ” ꩫ︀ꩬ︀ီဝႃႈဢ︀ူ။

ယ︀ေႃးꩭၢꩫ︀် 19:30

ꩡ︀ဝ်ႛယ︀ေꩬ︀ုက︀ေႃႇ ဝၢႆ︀မ︀က︀်ꩡ︀ပ︀ႅတ︀်ႉဢ︀မ︀ႂ်းက︀ိꩫ︀်ႈယ︀ဝ်ႇက︀ီး “ဢ︀မ︀ူးယ︀ဝ်ႇꩰ” ꩫ︀ꩬ︀ီ ꩭူဝ်င︀ွက︀်ႉꩬ︀ီ ꩡ︀ႂ်ႈၵ︀တ︀်က︀ႃဢ︀ူ။

ယ︀ေႃးꩭၢꩫ︀် 4:32

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛယ︀ႃႇ “ဢ︀ꩫ︀်ႈက︀ိꩫ︀်ႈဢ︀ꩫ︀်ႈꩬ︀ူမ︀ဝ်တ︀ွင︀်းꩫ︀ႆ︀ႇ က︀ဝ်ႈမ︀ႆ︀ႛယ︀င︀်းဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:30

က︀ဝ်ႈယ︀ႃႇ ဢ︀ဝ်ႈဢ︀ႃꩫ︀ႃက︀ဝ်ႈၸ︀ူႛꩡ︀ဝ်ႛ က︀ꩬ︀င︀်က︀ေႃႇꩭီတ︀်ꩵ︀ႈꩫ︀ႆ︀ႛ။ ဢ︀ꩫ︀်ႈꩫ︀င︀်က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ၢႈꩫ︀မ︀် က︀ဝ်ႈပ︀ႅတ︀်ႉတ︀ြႃးꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈက︀ဝ်ႈပ︀ႅတ︀်ႉတ︀ြႃးꩫ︀ႆ︀ႇ ꩬ︀ိုဝ်ႈတ︀ူဝ်ဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇဢ︀လ︀ၢင︀်းၸ︀ူႛꩡ︀ဝ်ႛမ︀ႆ︀ႛ ꩵ︀ႈꩡ︀ွမ︀်း။ ဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛꩫ︀ႆ︀ၢႈꩫ︀မ︀်ꩡ︀ွမ︀်းꩫ︀ႆ︀ႇ။

ယ︀ေႃးꩭၢꩫ︀် 5:36

ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ ꩬ︀ြႃယ︀ေႃးꩭၢꩫ︀်ဝႃႈမ︀ႆ︀ႛယ︀ႂ်ꩬ︀ႃꩫ︀ႆ︀ႇ ယ︀င︀်းဢ︀ူ။ ဢ︀ꩫ︀်ႈင︀ႆ︀ႚက︀ဝ်ႈꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ က︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 6:33

ၵ︀ဝ်ႛတ︀ေႇတ︀ေႇꩫ︀ႆ︀ႇယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ က︀ျွႃးလ︀ူင︀်းမ︀ႃးꩬ︀ီ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 6:38

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇၵ︀ႂ်ႈꩭီတ︀်ဢ︀လ︀ၢင︀်းၸ︀ူႛꩡ︀ဝ်ႛꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ က︀ျွႃးလ︀ူင︀်းမ︀ႃးꩵ︀ႈꩡ︀ႂ်ႈ။ ꩡ︀ွမ︀်းဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛꩡ︀ႂ်ႇꩫ︀ႆ︀ႇက︀ွတ︀်ꩫ︀ꩬ︀ီ က︀ဝ်ႈက︀ျွႃးလ︀ူင︀်းမ︀ႃးꩫ︀မ︀်။

ယ︀ေႃးꩭၢꩫ︀် 8:29

ꩡ︀ႃႇလ︀ိူင︀်ႈ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇ တ︀င︀်းက︀ဝ်ႈၵ︀ိင︀်းလ︀ွေႛꩬ︀ီဢ︀ူꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ဝ်ႈၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈ မ︀ဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ဝႆ︀ႇ။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇ က︀ဝ်ႈက︀ူႈမ︀ိုဝ်ႇꩭီတ︀်ꩬ︀ီꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 20:35

ꩬ︀ူꩡ︀ဝ်ႛက︀ေႃႇ ꩭႂ်ႛပ︀ူဝ်းꩫ︀င︀်က︀ဝ်ႈꩫ︀က︀ꩫ︀်ႈ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭီတ︀်ဢ︀မ︀ူးꩬ︀ေႈꩡ︀ႃႉꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩡ︀ွႆ︀ႈꩭႂ်ႛꩫ︀ႆ︀ႇ က︀ဝ်ႈပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈ “က︀ူဝ်ႇဢ︀ꩫ︀်ႈၸ︀ူႛꩭႂ်ႛꩫ︀ႆ︀ႇ ဢ︀ꩫ︀်ႈၸ︀ူႛꩭၢပ︀်ႉဢ︀ဝ်ႈမ︀ႆ︀ႛ မ︀ၢင︀်က︀လ︀ႃယ︀င︀်းꩬ︀ႃဢ︀ူ” ꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

ꩭေပ︀ရ︀ူး 12:2

ပ︀ႆ︀ႉꩭဝ်း ꩡ︀ဝ်ႛယ︀ေꩬ︀ု ꩡ︀ဝ်ႛဢ︀ꩫ︀်ႈတ︀ၢင︀်းယ︀ုမ︀်ယ︀မ︀်ႈꩭဝ်းမ︀ႆ︀ႛ က︀ူဝ်တ︀ေမ︀ႃးꩬ︀ီ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛမ︀ႆ︀ႛ ꩡ︀ိက︀်ꩫ︀ူႈꩬ︀ီဢ︀ူꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ တ︀ၢင︀်းဢ︀ႆ︀ၢႈဢ︀ꩫ︀်ႈဝႃႈၵ︀ၢမ︀်တ︀ႆ︀ၢႈ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈလ︀ႅင︀်ႇမ︀ႃး။ လ︀ႆ︀ၢးပ︀ိူဝ်ႈဢ︀ꩫ︀်ႈꩡ︀ူမ︀်းꩭုမ︀် ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛꩭႅမ︀်းဝႆ︀ႇꩫ︀ႆ︀ႇꩬ︀ီ တ︀ၢင︀်းဢ︀ႆ︀ၢႈဢ︀မ︀ႂ်းမ︀ႆ︀ႛက︀ꩫ︀်ႛမ︀ႃးင︀ႆ︀းꩬ︀ီ ပ︀ႃႛၵ︀ႃပ︀လ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ႈဢ︀ူ။